Monday, October 4, 2010

“ အများအတွက် သက်သက်ပါ…”



ကလေးမလေးတစ်ဦးဟာ အဘ်ိုးဖြစ်သူနဲ့ အတူ

မြို့ပေါ်လမ်းမကြီး တစ်လျှောက် လမ်းလျှောက်နေကြပါတယ်။

အဘိုးနဲ့ မြေးမလေး နှစ်ဦးတို့ဟာ

နှင်းဆီပန်းလှလှတွေနဲ့ ပြည့်နေတဲ့ ဥယျာဉ်ခြံတစ်ခုကို ရောက်လာကြပါတယ်။

မြေးမလေးက အသက်ကို တစ်ဝကြီး ရှုလိုက်ပြီး

ဘ်ိုးဘိုးကြီး နှင်းဆီပန်းနံ့တွေရလား။

အနံ့လေးကမွှေးလိုက်တာနော်

လို့ အဘိုးကို ပြောလိုက်ပါတယ်။

အဲဒီနောက် မြေးအဘိုးနှစ်ဦးတို့ဟာ အိမ်ကြီးရဲ့ အပေါ်ထပ် ဝရံတာမှာ

ထိုင်နေတဲ့ အမျိုသမီးကြီးတစ်ဦးရဲ့ အသံကို ကြားရပါတယ်။

ဒါနဲ့ပဲ မြေးလေးနဲ့အဘိုးက အသံပေးလိုက်ပြီး နှင်းဆီပန်းနည်းနည်းပေးဖို့တောင်းလိုက်ပါတယ်။

အမျိုးသမီးကြီးက

ရှင်တို့ ယူချင်သလောက် ယူသွားကြပါ

လို့ လှမ်းပြောပါတယ်။

အဲဒါကြောင့် အဘိုးနဲ့ မြေးငယ်လေးတို့ဟာ

နှင်းဆီခြံထဲက နှင်းဆီပန်းတစ်ချို့ကိုခူးယူပြီး

အမျိုးသမီးကြီးကိုကျေးဇူးတင်ကြောင်းပြောရင်း

လှပမွှေးကြိုင်တဲ့ နှင်းဆီပန်းများကို ချီးကျူးစကားပြောပါတယ်။

အဲဒီအခါ အိမ်အထက်က အမျိုးသမီးကြီးက

ကျမဒီနှင်းဆီတွေကို အခြားလူတွေ စိတ်ချမ်းသာ ပျော်ရွှင်စေဖို့အတွက်

တမင်စိုက်ထားတာပါ။

ကျမကိုယ်တိုင်က ဒီနှင်းဆီပန်းတွေကို မမြင်ရပါဘူး။

ကျမက မျက်မမြင်တစ်ယောက်ပါ

လို့ ပြောလိုက်ပါတယ်။

“ နှင်းဆီ ပန်းခွေ...”


တစ်ခါတုန်းက ပညာရှိလို့ထင်ရှားတဲ့ ဆော်လမွန်ဘုရင်ကြီးဆီကို

ရှီဗာဘုရင်မက နှင်းဆီပန်းခွေ နှစ်ခွေ ဆက်သလိုက်ပါတယ်။

တစ်ခွေက အစစ်အမှန်ဖြစ်ပြီး နောက်တစ်ခွေက အတုဖြစ်ပါတယ်။

ဒါပေမယ့် အစစ်နဲ့အတုကတော့ ခွဲခြားလို့မရအောင် တူနေပါတယ်။

ဆော်လမွန်ဘုရင်ကြီးက ပန်းခွေအစစ်နဲ့အတုကို ခွဲခြားပြပေးရန်

ဆက်သလိုက်ခြင်းဖြစ်ပါတယ်။

ဆော်လမွန်ဘုရင်ကြီးဟာ ပြူတင်းပေါက်များကို ဖွင့်လိုက်ပါတယ်။

မကြာခင်မှာပင် ပျားများဝင်လာပါတော့တယ်။

ပျားများကတော့ တကယ့် နှင်းဆီအစစ်အပေါ် လာနားကြပါတယ်။

ဒီလိုနည်းနဲ့ နှင်းဆီ အစစ်ကိုခွဲခြားပြလိုက်ပါတယ်။



ဉာဏ်နည်းရင် ဒုက္ခများတတ်ပါတယ်။

ဉာဏ်များရင် ဒုက္ခနည်းတတ်တာသဘာဝပါပဲ။

ဉာဏ်များအောင်၊

ဉာဏ်ကောင်းအောင်

သူသူငါငါ...........ကြိုးစားအားထုတ်နိုင်ကြပါတယ်။


“ သောက ကင်းအောင် ကုသနည်း…”



အင်္ဂလိပ်ရုပ်ရှင် ထုတ်လုပ်သူတစ်ဦးဖြစ်သူ ဂျေ၊အာသားရင့်မ်ဟာ

သောကရောက်ရင်

အဲဒီသောကကို ရင်ဆိုင်တဲ့ နည်းလမ်းက

သူ့တွင် သီးသန့်ရှိပါတယ်။

သူရဲ့ သောကတွေ အားလုံးကို တစ်နေ့အတွင်း ရင်ဆိုင်ဖို့ ဆုံးဖြတ်တတ်ပါတယ်။

အဲဒီနေ့ဟာ ဗုဒ္ဓဟူးနေ့အဖြစ် သတ်မှတ်ထားပါတယ်။

ဗုဒ္ဓဟူးနေ့ဟာ သောက ကလပ် ဟုသူက တင်စားခေါ်ထားပါတယ်။

အခြားနေ့များတွင် သောကဝင်လာပါက

အဲဒီသောကကို ရေးပြီး သေတ္တာတစ်ခုအတွင်း ထည့်ထားလိုက်ပါတယ်။

ဗုဒ္ဓဟူးနေ့ ရောက်သဖြင့် သေတ္တာကို ဖွင့်လိုက်သောအခါ

တစ်ချို့ သောကရောက်စရာတို့ဟာ အားလုံးလွန်မြောက်

အနယ်ထိုင်ပြီး ဖြစ်နေတာကို တွေ့ရတတ်ပါတယ်။

ကျန်တာတွေကို သေတ္တာထဲ ပြန်ထည့်ပြီး

နောက်တစ်ပတ် ဗုဒ္ဓဟူးနေ့မှ ပြန်ဖွင့်ရန် သိမ်းထားပါတယ်။

ဤနည်းဖြင့် သူဟာ သောကရောက်တတ်တဲ့ အလေ့အကျင့်မှ

သူ့ကိုယ်သူ ကုစားနေပါတယ်။

(Noman Vincent Peale)...ှ...

“ ဖန်တီးတတ်သူ…”



အမျိုးသမီးတစ်ဦးဟာ မင်ကွက်ကြီးထောင့်နားတွင်

စွန်းထင်းနေတဲ့ လက်ကိုင်ပဝါတစ်ထည်ကို ရပ်စကင် အားပြပါတယ်။

လက်ကိုင်ပဝါမှာ လှပတန်ဖိုးကြီးတဲ့အမျိုးအစားဖြစ်ပါတယ်။

မင်ကွက်ကြီး စွန်းပေသွားသဖြင့်

စိတ်ညစ်လိုက်တာ..”

လို့အမျိုးသမီးက ပြောပါတယ်။

အခုဆိုရင် ဒီလက်ကိုင်ပဝါက ဘာမှ တန်ဖိုးမရှိတော့ပါဘူး။

လုံးဝပျက်စီး ဆုံးရှုံးသွားပါပြီ

လို့ ဆက်လက်ညည်းတွားပါတယ်။


ရပ်စကင်ဟာ ဘာသဘောထား မှတ်ချက်မှ မပေးပါ။

အဲဒီမင်စွန်းနေတဲ့ လက်ကိုင်ပဝါကို

သူ့အားတစ်ရက်ငှားပေးဖို့ သာပြောပါတယ်။

နောက်နေ့တွင် ဘာဆိုဘာမှ မပြောဘဲ ငှားထားတဲ့ လက်ကိုင်ပဝါကို

ပိုင်ရှင်အမျိုးသမီးထဲ ပြန်ပေးပါတယ်။

ကွက်နေတဲ့ မင်ကွက်ကို အစပြုပြီး အလွန်လှပဆန်းကျယ်တဲ့ ပုံစံကို

လက်ကိုင်ပဝါထောင့်တွင် ရေးဆွဲထားတာကို ဝမ်းမြောက်ဝမ်းသာစွာ တွေ့ရတော့

တအံ့တသြဖြစ်နေပါတော့တယ်။

ပန်းချီပညာအကျော်အမော်ဆရာကြီး ရပ်စကင်ဟာ

စွန်းထင်းနေတဲ့ မင်ကွက်ကို အစပျိုးပြီး

လှပဆန်းကျယ်တဲ့ပုံစံကို တီထွင်ဖန်တီးပေးလိုက်ခြင်း ဖြစ်ပါတယ်။


ယခုအခါမှာတော့ အဲဒီလက်ကိုင်ပဝါဟာ

မင်ကွက်မစွန်းထင်းခင်က တန်တဲ့မူလ တန်ဖိုးထက်

အဆများစွာ တန်ဖိုးရှိသွားပါတော့တယ်။

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com