Saturday, October 27, 2012

“ပြုံးတာနဲ့ မဲ့တာ အားစိုက်ရတာချင်း အတူတူပါပဲ…”



@@@@@@@@@@@@@@@@@@@@@@@@@@@@@@@@@@@@


မေး။    ။အချစ်ဆုံးသူ ဆုံးရှုံးသွားတာမျိုးကြုံရတဲ့သူတွေကို ဘယ်လိုအကြံဥာဏ် ပေးချင်သလဲ။
ဖြေ။     ။ကိုယ့်စိတ်ထဲမှာ ကြီးမားတဲ့အင်အား ရှိပါတယ်။
အဲဒီအင်အားကို ရအောင် လုပ်ပါ။
ကိုယ်မထင်တဲ့အချိန်မှာ မထင်တာတွေ ဖြစ်တတ်ပါတယ်။
ဘာဘဲဖြစ်ဖြစ်လာလာ ကိုယ့်စိတ်အင်အားနဲ့ တတ်နိုင်သလောက်
တည်ငြိမ်အောင် နေနိုင်ဖို့ လေ့ကျင့်ပါ။
ဆုံးရှုံးမှုတွေ ရှိပေမယ့် ဘဝကို ဆက်ပြီး အဓိပ္ပာယ်ရှိရှိ ပျော်ပျော်ရွှင်ရွှင် နေသွားရမှာပဲ။
နေ့တိုင်း မနက်စောစော အိပ်ရာက နိုးပြီးတာနဲ့ ဒီနေ့ပျော်ပျော်နေမယ်လို့ အဓိဋ္ဌာန်ပါ။

@@@@@@@@@@@@@@@@@@@@@@@@@@@@@@@@@@@@

လောကဓံက ရိုက်လှဲလိုက်တာကို မခံရတဲ့သူ မရှိပါဘူး။
အရေးကြီးတာက ဘယ်လောက်မြန်မြန် ပြန်ထသလဲ ဆိုတာပဲ။

@@@@@@@@@@@@@@@@@@@@@@@@@@@@@@@@@@@@



“Law of Positive Expectancy” ဆိုတဲ့ နိယာမတစ်ခု ရှိတယ်လို့ ပြောကြတယ်။
အဲဒီနိယာမရဲ့အဆိုကတော့…
"ကိုယ်က တစ်ခုခုကို အမြဲတွေးနေမယ်။ 
အဲဒီလိုတွေးတဲ့အခါ စိတ်ထဲမှာ ခံစားမှုလည်း ရှိမယ်ဆိုရင်
ကိုယ်တွေးနေတာ ဖြစ်လာမယ်။
ကောင်းတာတွေကို တွေးပြီး ဝမ်းသာနေမယ်။ အားတက်နေမယ် ဆိုရင် အဲဒါ ဖြစ်လာမယ်။
အဲဒါ ဖြစ်လာအောင် အထောက်အကူပေးမယ့်သူ၊ အကြံဥာဏ်၊ လုပ်နည်း၊
ပစ္စည်း စတဲ့ အရာတွေကို ရလာမယ်" တဲ့။
ဒီစကားဟာ ဘယ်လောက်အထိမှန်တယ်ဆိုတာကို 
အတိအကျ အထောက်အထား မပြနိုင်ပါဘူး။ ဒါပေမယ့်...
အံ့သြစရာကောင်းလောက်အောင် အောင်မြင်ကြတဲ့သူတွေ
ဟာ ဒီလိုပဲ ယုံကြည်ပြီး လုပ်ခဲ့ကြတယ်။

@@@@@@@@@@@@@@@@@@@@@@@@@@@@@@@@@@@@

ထူးထူးခြားခြား အောင်မြင်ခဲ့ကြတဲ့သူတွေ အကြောင်းကို လေ့လာကြည့်ပါ။
သူတို့ဟာ လုပ်ချင်တာကို အမြဲတွေးနေတယ်ဆိုတာ တွေ့ရမယ်။
သူတို့လုပ်ချင်တာကို သူတို့ မမေ့ဘူး။
ခဏပဲ မေ့လို့ရမယ်။ ရေရှည် မမေ့နိုင်ဘူး။
စားလည်း ဒီစိတ်၊ သွားလည်း ဒီစိတ်ပဲ။

@@@@@@@@@@@@@@@@@@@@@@@@@@@@@@@@@@@@

စိတ်ကူးထဲမှာ ကောင်းတာကို လုပ်နေပါ။
အဲဒီလို လုပ်နေတယ်လို့ တွေးနေတဲ့အခါမှာ ဝမ်းသာနေပါ။
ဝမ်းသာနေတဲ့စိတ်ဟာ အင်အားရှိတယ်။
ဝမ်းသာနေရင် အားတက်နေတယ်။
အားတက်နေရင် အကြံဥာဏ် ထွက်တယ်။
စိတ်ကူးရုံနဲ့ ဖြစ်လာမယ်လို့ မဆိုလိုပါဘူး။
ဒါပေမယ့် စိတ်မကူးပဲနဲ့ အလိုလို ဖြစ်မလာဘူး။
စိတ်ကူးပြီး အားတက်နေရမယ်။ အားတက်နေရင် လုပ်ချင်လာမယ်။
ဘယ်လို လုပ်ရမလဲ ဆိုတာကို နည်းလမ်းရှာနေမယ်။
နည်းလမ်းကို ရေရှည်ရှာရင် တွေ့မယ်။
လုပ်ရင်းနဲ့ နည်းလမ်း သိလာမယ်။
လုပ်ရင်းနဲ့ မေးခွန်းတွေ မေးလာမယ်။ အဖြေကို ရှာမယ်။ မေးမယ်။ ဖတ်မယ်။ လေ့လာမယ်။
အဲဒီလိုလူဟာ အောင်မြင်မယ်။

@@@@@@@@@@@@@@@@@@@@@@@@@@@@@@@@@@@@



ကံကောင်းဖို့ကို စောင့်နေလို့ အောင်မြင်တာ မဟုတ်ဘူး။
ကံကောင်းအောင် လုပ်နေလို့ အောင်မြင်တာ။
ကံကောင်းအောင် လုပ်ရမယ်။ ယတြာခြေနေလို့မရဘူး။
လက်တွေ့ကျတဲ့ လုပ်နည်းကို သိပြီး လုပ်နေရမယ်။
လုပ်နေတဲ့သူဟာ အောင်မြင်မယ်။
ထိုင်စောင့်နေတဲ့သူဟာ အားငယ်နေမယ်။

@@@@@@@@@@@@@@@@@@@@@@@@@@@@@@@@@@@@



“Your choices become your reality.”
လူနှစ်ယောက် အိမ်ထဲကနေ ထွက်လာတယ်။
တစ်ယောက်က အောက်ကို ငုံ့ကြည့်ပြီး 
"ဗွတ်တွေ" လို့ပြောတယ်။
နောက်တစ်ယောက်က အပေါ်ကို မော့ကြည့်ပြီး "ကြယ်တွေ" လို့ပြောတယ်။
ဘယ်သူက ပိုစိတ်ချမ်းသာမလဲ။

@@@@@@@@@@@@@@@@@@@@@@@@@@@@@@@@@@@@

ကိုယ်ရွေးချယ်လိုက်တာတွေဟာ ကိုယ့်အတွေ့အကြုံဖြစ်လာတယ်။
ဘယ်လို အတွေ့အကြုံမျိုးကို ရွေးချယ်မလဲ။
ကောင်းတဲ့အတွေ့အကြုံကို ရွေးမလား။
မကောင်းတဲ့အတွေ့အကြုံကို ရွေးမလား။

@@@@@@@@@@@@@@@@@@@@@@@@@@@@@@@@@@@@

ဒီနေ့ကောင်းတဲ့အတွေ့အကြုံတွေကို ရအောင်လုပ်မယ်လို့ ဆုံးဖြတ်ပြီး
တတ်နိုင်သလောက် ကောင်းတာကို မြင်ရအောင် လုပ်ပါ။
မကောင်းတာတွေ မြင်ရတာ နည်းအောင်လုပ်ပါ။
ကောင်းတာကို ကြားရအောင် လုပ်ပါ။
မကောင်းတာကို ကြားရတာ နည်းအောင် လုပ်ပါ။
ကောင်းတဲ့စာကို ဖတ်ပါ။                                  
စိတ်ချမ်းသာစေမယ့်စာကို ဖတ်ပါ။
ကောင်းတာကို လိုက်ရှာရင် ကောင်းတာတွေကို တွေ့မယ်။
မကောင်းတာကို လိုက်ရှာရင် မကောင်းတာကို တွေ့မယ်။
ကိုယ်တွေ့ရတာက ကိုယ့်အတွေ့အကြုံ ဖြစ်လာမယ်။
ကောင်းတဲ့အတွေ့အကြုံများအောင် လုပ်ရင် ကိုယ့်ဘဝကို ပိုပြီး ကျေနပ်မှုရမယ်။
ဘာမှ မခက်ပါဘူး။

@@@@@@@@@@@@@@@@@@@@@@@@@@@@@@@@@@@@



မနက်စောစော တရားထိုင်တာ ကောင်းတဲ့အတွေ့အကြုံပဲ။
မနက်စောစော သန့်ရှင်းတဲ့နေရာ လေကောင်းလေသန့်ရတဲ့နေရာမှာ
လမ်းလျှောက်ဖို့ သွားရတာ ကောင်းတဲ့အတွေ့အကြုံပဲ။
မိတ်ဆွေကောင်းနဲ့တွေ့ရတာ ကောင်းတဲ့အတွေ့အကြုံ၊
ကိုယ်ချစ်တဲ့ခင်တဲ့သူနဲ့ တွေ့ရတာ ကောင်းတဲ့အတွေ့အကြုံ၊
ကိုယ့်အရည်အချင်းကို သုံးရတဲ့အလုပ်ကို လုပ်တာ ကောင်းတဲ့အတွေ့အကြုံ၊
စာအုပ်ကောင်းတစ်အုပ်ကို ဖတ်ရတာ ကောင်းတဲ့အတွေ့အကြုံ၊
တခြား ကောင်းတဲ့အတွေ့အကြုံတွေလည်း အများကြီး ရှိပါသေးတယ်။

@@@@@@@@@@@@@@@@@@@@@@@@@@@@@@@@@@@@

ကိုယ့်ကိုယ်ကို ကိုယ် အဆင့်အတန်းမြင့်အောင် လုပ်တဲ့သူကို
ကံတရားက အဆင့်အတန်းမြင့်စေမယ်။
ကိုယ့်ရဲ့နေပုံထိုင်ပုံ၊ ပြောပုံဆိုပုံ၊ ဝတ်ပုံစားပုံ၊ တွေးပုံခေါ်ပုံကို
တည်ငြိမ်ခန့်ငြားအောင် လုပ်နိုင်ရင် ကိုယ့်ဘဝတစ်ခုလုံး အဆင့်အတန်း မြင့်လာမယ်။
ကိုယ့်ကို အဆင့်အတန်းမြင့်အောင် ကိုယ်ပဲ လုပ်ပေးနိုင်တယ်။
အဆင့်အတန်း နိမ့်အောင်လည်း ကိုယ်ပဲ လုပ်လို့ရတယ်။
တခြားဘယ်သူမှ မလုပ်နိုင်ဘူး။

@@@@@@@@@@@@@@@@@@@@@@@@@@@@@@@@@@@@

စိတ်ချမ်းသာနေတာဟာ လောဘ ဖြစ်နေတာ မဟုတ်ဘူး။
ဒေါသ ဖြစ်နေတာ မဟုတ်ဘူး။
မာန ဖြစ်နေတာ မဟုတ်ဘူး။
စိတ်ချမ်းသာနေတာဟာ မြင့်မြတ်တဲ့ အလိုဆန္ဒ ပြည့်နေတာ။

@@@@@@@@@@@@@@@@@@@@@@@@@@@@@@@@@@@@


ပြုံးရတာနဲ့ မဲ့ရတာ အားစိုက်ရတာချင်း အတူတူပါပဲ။
ကဲ…ဘယ်ဟာကို ရွေးမလဲ။
ဘယ်ဟာက ကိုယ့်အတွက် ပိုတွက်ခြေကိုက်မလဲ။

@@@@@@@@@@@@@@@@@@@@@@@@@@@@@@@@@@@@
စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။
@@@@@@@@@@@@@@@@@@@@@@@@@@@@@@@@@@@@
ကိုယ်ကိုယ်တိုင် ဖတ်ဖို့-၁၂၀…





လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com