Saturday, December 1, 2012

“မြန်တိုင်း ကောင်းသလား…”



တစ်ခါတုန်းက
နိုင်ငံခြားသား သံတမန် တစ်ဦးဟာ
သူရဲ့ မာစီးဒီးကားအသစ်ကို ဘယ်လောက်မြန်မြန်မောင်းနိုင်သလဲ
ဆိုတာကို ကြွားချင်တာနဲ့ သူရဲ့ မာစီးဒီးကားကို
အမြန်ဆုံးနှုန်းနဲ့မောင်းလာကြောင်း ဧည့်ခံပွဲမှာ ထုတ်ဖေါ်ပြောလ်ိုက်ပါတယ်။
“ကျနော်ရဲ့မာစီးဒီးကားကို အမြန်မောင်းလာတဲ့အတွက်
နာရီဝက် စောပြီးဒီကိုရောက်လာတယ်။”
လို့ပြောလိုက်ပါတယ်။
အဲဒီအချိန်မှာ ဧည့်ခံပွဲကို ရောက်နေတဲ့
ဂုဏ်သရေရှိလူကြီးလူကောင်းတစ်ဦးက
မေးခွန်းတစ်ခုကိုမေးလိုက်ပါတယ်။
“ခင်ဗျာ...အခုအပိုထွက်လာတဲ့ နာရီဝက်ကို ဘယ်လို အသုံးချမှာလဲ”
လို့မေးလိုက်တဲ့အခါ ကြွားဝါတဲ့သံတမန်မှာ
ဘာပြန်ပြောမှန်းမသိဖြစ်သွားခဲ့ပါတယ်။

@@@@@@@@@@@@@@@@@@@@@@@@@@@

အခုခေတ်မှာ ကားဟာ မရှိမဖြစ်ရှိရမယ့် အရာဝတ္တုတစ်ခုဖြစ်လာခဲ့ပါတယ်။
တစ်နည်းပြောရရင် လူတွေရဲ့ ဖိနပ်ဖြစ်လာခဲ့ပါပြီ။
ဒီအရာတွေကြောင့် အချိန်တွေအများကြီးပိုထွက်လာပါတယ်။
အဲဒီအချိန်တွေကို ဘယ်လိုအသုံးချသလဲဆိုတာကတော့ လူ့တန်ဖိုးဖြစ်လာပါပြီ။
 ကြွားဝါရတာ လွယ်ပေမယ့် တန်ဖိုးရှိအောင် အသုံးချဖို့ကျတော့ ခက်ခဲလှပါတယ်။

@@@@@@@@@@@@@@@@@@@@@@@@@@@

ကျနော့်မိတ်ဆွေ တစ်ယောက်ရှိတယ်။
ဘာဘဲလုပ်လုပ် အလွန်မြန်ဆန်လွန်းလှပါတယ်။
မြန်လွန်းတော့ ပြာသလိုတောင် ဖြစ်နေပါတယ်။
အမေကပြောတယ်။
" ပြာတိုင်း ဖွဲထွက်မှကောင်းတာ။
ပြာပြီး ဖွဲမထွက်ရင် မြန်တာပဲရှိတယ်။
တန်ဖိုးမရှိဘူး" လို့ပြောရတဲ့အထိ ဖြစ်ပါတယ်။
နောက်ဆုံး နိုင်ငံခြားကိုထွက်သွားသည်မှာ 
 နှစ်ပေါင်းများစွာ ကြာလာခဲ့ပေမယ့် ယခုတိုင်
ရာထူးမတက်တဲ့ ဝန်ထမ်းဟောင်းတစ်ဦးအဖြစ် ရှိနေမြဲ။
ဘာဘဲလုပ်လုပ် မအောင်မြင်ပါ။
အခုတိုင်း တန်ဖိုးရှိတဲ့လူတစ်ယောက် မဖြစ်သေးပါ။
ရှေ့ကိုတော့ အစောကြီးရောက်ပါရဲ့။
တန်ဖိုးရှိတဲ့အလုပ်တွေ မလုပ်ခဲ့တော့ 
တန်ဖိုးရှိတဲ့လူတစ်ယောက် မဖြစ်ခဲ့ပါ။
ကဲ...လူကြီးမင်းကို မေးလိုက်ချင်ပါတယ်။
မြန်တိုင်း ကောင်းသလား။
လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com