Thursday, October 27, 2011

" အိမ်ခြံတွင်း ပန်းဥယျာဉ်..."



အခုကျနော်တို့ရောက်နေတဲ့နေရာက
အမေရိကန်နိုင်ငံ၊ကယ်လီဖိုးနီးယားပြည်နယ်ရဲ့ဆန်ဟိုဈေးမြို့လေးဖြစ်ပါတယ်။
ပြည်နယ်နဲ့မြို့ကို မြင်သာအောင်ပြောလိုက်ရတာပါ။
အခေါ်အဝေါ်တွေကမတူပါဘူး။
ကျနော်တို့ရဲ့ပတ်ဝန်ကျင်အနီးမှာရှိတဲ့အိမ်တွေကို
စိတ်ပြေလက်ပျောက်လျှောက်လည်ရင်းခ
တွေ့ရတဲ့ပန်းဥယျာဉ်တွေကို အမှတ်တရဓာတ်ပုံရိုက်ဖြစ်ပါတယ်။
ပန်းဥယျာဉ်အလှတွေကြောင့်စိတ်အေးချမ်းမှုခံစားရပါတယ်။
အမေရိကန်တွေဟာ အိမ်တွေကိုဈေးကြီးကြီးပေးဝယ်ပြီး
အိမ်မှာနေရတဲ့အချိန်က အလွန်နည်းပါးလှပါတယ်။
ဘာကြောင့်ဆိုတော့ လူတိုင်းလိုလိုက အိမ်ကို
နှစ်သုံးဆယ်ဘဏ်ချေးငွေနဲ့ဝယ်ထားလေတော့
အဲဒီအကြွေးတွေကို ပုံမှန်ဆပ်နေကြရပါတယ်။
မဆပ်နိုင်တဲ့တစ်နေ့အိမ်ပေါ်ကဆင်းရမယ့်နေ့ဆိုတာလည်း
သိနေကြပါတယ်။
အပူတွေနဲ့ငွေရှာနေရပေမယ့် အိမ်ပြန်ရောက်တာနဲ့
ကိုယ်ပိုင်ပန်းဥယျာဉ်လေးထဲမှာ အချိန်ပေးပြီး
ပြုစုပျိုးထောင်တာကိုလည်း မပျက်မကွက်လုပ်လေ့ရှိတာကိုတွေ့ရတယ်။
အလှအပကိုတန်ဖိုးထားတတ်တဲ့လူမျိုးတွေလို့
ပြောမယ်ဆိုရင်ပြောလို့ရမယ်ထင်ပါတယ်။
အပူလောကထဲကနေ အအေးဓာတ်ကိုရှာဖွေတတ်သူတွေလို့လည်း
ပြောနိုင်မယ် ထင်ပါတယ်။
အောက်ပုံတွေကတော့
ကျနော်လက်လှမ်းမီသလောက်ရိုက်ထားတဲ့ဓာတ်ပုံတွေထဲက
အချို့ဖြစ်ပါတယ်။














































" အစစ်လိုပဲနော်..."


တစ်ခါတုန်းက မြန်မာနိုင်ငံ၊မော်လမြိုင်မြို့သို့

ကမ္ဘာလှည့်ခရီးသည်တစ်စုဟာ လည်ပတ်ရင်း

ရော်ဘာပင်စိုက်ခင်းသို့ရောက်လာပါတယ်။

အဲဒီအခါ ကမ္ဘာလှည့်ခရီးသည်ထဲက အမျိုးသမီးတစ်ယောက်က

ဧည့်ကြိုကို လှမ်းမေးလိုက်ပါတယ်။

“ဟိုအပင်တွေက ဘာအပင်တွေလဲ”

“ရော်ဘာပင်တွေပါခင်ဗျား”

“အော်…ကျမကသစ်ပင်အစစ်တွေလို့ထင်နေတာ၊

အတော်တူတာပဲနော်”


လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com