Wednesday, December 14, 2011

" တော်လိုက်တဲ့သားပါလား..."


တစ်ခါတုန်းက

ကျောင်းမှနောက်ကျပြီးပြန်ရောက်လာတဲ့သားမောင်ထွန်းထွန်းကို

အဖေလုပ်သူဦးအေးကိုက အကြောင်းရင်းကိုမေးရာ အဖွားအိုတစ်ဦးအား

လမ်းဖြတ်ကူးဖို့ကူညီနေရတဲ့အတွက်နောက်ကျကြောင်း သားကဖြေပါတယ်။

လူမှုရေး စိတ်ဓာတ်ရှိတဲ့သားလို့ အဖေကချီးကျူးပြီး သားကိုချော့ကလက်ဆုချပါတယ်။

နောက်တစ်နေ့မှာ သားဟာ မိမိအတန်းက သူငယ်ချင်းကိုခေါ်လာပြီး

မိမိတို့နှစ်ဦးသားဟာ အဖွားတစ်ဦးကို

လမ်းဖြတ်ကူးရန်ကူညီခဲကြောင်းပြောပြတယ်။

အဖေလုပ်သူက ချော့ကလက်တစ်ခုစီဆုချလိုက်ပြန်ပါတယ်။

နောက်တစ်နေ့မှာလည်း

သားဟာ မိမိအတန်းကကျောင်းသားထက်ဝက်ခန့်ဖြင့်

အိမ်ရောက်လာကာ အဖွားအိုတစ်ဦးကို လမ်းဖြတ်ကူးနိုင်ဖို့ကူညီခဲ့ပြန်ကြောင်း

အဖေကိုပြောပြပြန်ပါတယ်။

ဒီတော့ အဖေကမေးတယ်။

“မင်းတို့က လူများလှချည်းလား”

သားဖြစ်သူထွန်းထွန်းပြန်ဖြေလိုက်တာက...

“အဖွားက လမ်းဖြတ်မကူးချင်လို့ဆိုပြီး အတင်းငြင်းနေလို့ပါ”


" အမေ့ထံသို့ပေးစာများ-၂၄..."




သို့
ချစ်တဲ့အမေ
သားသတိတရစာရေးလိုက်ပါတယ်။
အမေနေကောင်းတယ်နော်။
စာမလာ၊သတင်းမကြားရတာကြာပြီးဖြစ်တဲ့အတွက်ကြောင့်စိတ်ပူမိပါတယ်။
ဒါနဲ့ပြောရအုန်းမယ်အမေ။
ကျနော့်ရဲ့ငယ်ငယ်တုန်းက အိမ်မက်တွေအများကြီးထဲက
တစ်ခုက မာစီးဒီးကားအနက်ရောင်ကို ကိုယ်တိုင်မောင်းချင်တာ၊
ကိုယ်တိုင်ပိုင်ဆိုင်ချင်တာပေါ့အမေ။
နှစ်ပေါင်းသုံးဆယ်နီးပါးလောက် ဆရာဝန်ဘဝနဲ့ကြိုးစားခဲ့ပါတယ်။
ဂျပန်ကား (Toyota)တော့ပိုင်ဆိုင်ခဲ့ပါတယ်။
မာစီးဒီးကိုမပိုင်ဆိုင်နိုင်ခဲ့ပါဘူး။
ငယ်ငယ်တုန်းက အိမ်မက်ဆိုတော့ စွဲလန်းကောင်းနေဆဲပါအမေ။
တစ်ခါတုန်းက အိမ်မက်မက်တယ်။
ကျနော်က နယ်စပ်တစ်နေရာမှာ ဆေးကုနေတုန်းကပေါ့။
နိုင်ငံခြားသားတစ်ယောက်ဟာ သေလုခမန်းရောဂါတစ်ခုရတယ်။
ငှက်ဖျားရောဂါဖြစ်တာပါ။
ဦးနှောက်ထဲငှက်ဖျားပိုးဝင်တဲ့အထိဖြစ်ပြီး သတိလစ်နေတာတဲ့အချိန်မှာ
ကျနော်နဲ့တွေ့ပြီး ကုသလိုက်တာ ကောင်းသွားရောအမေ။
သူ့မှာပိုက်ဆံမရှိတဲ့အချိန်ဆိုတော့ ကျနော့်ကိုဆေးဘိုးဝါးခမပေးနိုင်ဘူး။
ကျနော်ကလည်း သူရဲ့အခက်အခဲကိုသိနေတော့ ငွေကြေးမယူလိုက်ပါဘူး။
"မေတ္တာနဲ့ကုသလိုက်တာပါ" လို့သူ့ကိုပြောပြလိုက်တယ်။
သူ့တိုင်းပြည်ကို သူကျန်းကျန်းမာမာ ပြန်သွားတယ်။
နောက်နှစ်အတန်ကြာတော့ ကျနော်ကိုကျေးဇူးတင်တဲ့အနေနဲ့
မာစီးဒီးကားဆယ်စီးပို့ပေးလိုက်တယ်။
ကျနော်ပျော်လိုက်တာ အမေရယ်။
တအားကိုအော်ပစ်လိုက်တယ်။
ကျနော်ဘေးမှာနှစ်နှစ်ခြိုက်ခြိုက်အိပ်ပျော်နေတဲ့ဇနီးသည်တောင်လန့်နိုးသွားတယ်။
ဘာဖြစ်တာလဲလို့မေးလို့အိမ်မက်အကြောင်းပြောပြတော့
သူလည်းပျော်သွားတယ်။
မာစီးဒီးနဲ့ပတ်သက်ပြီးအဲဒီလောက်ရူးခဲ့ရပါတယ်။
နှစ်ပေါင်းအစိပ် သုံးဆယ်လောက်အစွန်းကုန်အားထုတ်ခဲ့ပေမယ့်
အိမ်မက်ဟာ အကောင်းအထည်မပေါ်လာတော့ ဒီတစ်သက်မှာ မဖြစ်နိုင်တော့ဘူးလို့
တောင် ထင်လာခဲ့မိတယ်။
ဒါပေမယ့်အိမ်မက်အပေါ်မှာတော့ စွဲလန်းနေဆဲပေါ့အမေ။
ဟော…မထင်မှတ်တော့တဲ့အချိန်မှာ မထင်မှတ်ဘဲ အမေရိကန်နိုင်ငံကိုလာဖို့ဖြစ်လာတယ်။
အမေရိကန်ရောက်တော့အိမ်မက်က ပြန်နိုးကြားလာတယ်။
ရောက်ပြီးမကြာပါဘူး။
ကားဝယ်ဖို့ဖြစ်လာတယ်။
ဒီမှာက ကားကမရှိမဖြစ်လိုအပ်တဲ့အရာတွေထဲမှာတစ်ခုအပါအဝင်ဖြစ်တယ်။
ဇနီးသည်က အလုပ်ရသွားတယ်။
အလုပ်ကို အကြိုအပို့လုပ်ဖို့ကားလိုတော့မိတ်ဆွေတချို့ကို ပြောပြတယ်။
BMWကားအနက်ရောင်ကိုလာပြတယ်။
ကောင်းလည်းကောင်းနေတယ်။
တန်လည်းတန်နေတော့သူတို့ကလည်းတိုက်တွန်းတာနဲ့ဝယ်ဖြစ်လိုက်တယ်။
BMWက ဂျာမဏီထုတ်ကား။
မာစီးဒီးကလည်းဂျာမဏီထုတ်ကား။
ဂျာမဏီထုတ်ကားတော့တူလာပြီ။ နီးစပ်တဲ့သဘောပေါ့။
အဲဒီBMWကားက ဇနီးသည်ရဲ့လခ နှစ်လခနဲ့ဝယ်လိုက်တာလေ။
ကြည့်စမ်းပါအုန်းအမေရယ်၊
မြန်မာနိုင်ငံမှာ ဆရာဝန်ဘဝနဲ့နှစ်အစိတ်၊သုံးဆယ်ကြိုးစားအားထုတ်တာတောင်
မနီးစပ်ခဲ့တဲ့ကားဟာ ဒီရောက်တော့ နှစ်လ၊သုံးလနဲ့ဝယ်နိုင်တယ်။
ကွာခြားလိုက်တာနော်။
ဒီမှာဆက်နေရင် မာစီးဒီးဟာ ဘာမှမခက်ခဲမှန်းသိလာတယ်။
အမေပြောတဲ့စကားကို သားပြန်ကြားယောင်မိပါတယ်။
“သားရယ်…အိမ်မက်ကိုရဲရဲမက်လိုက်စမ်းပါ။
အိမ်မက်အပေါ်သစ္စာရှိ်လိုက်စမ်းပါ။
မဖြစ်နိုင်ဘူးဆိုတာမရှိပါဘူး။
သူများတွေက ရူးတယ်လို့ပြောစမ်းပါစေ။
ရူးမှထူးတာပါ။
အရူးထလိုက်စမ်းပါ”တဲ့။
အမေ့စကားက သားအတွက်အားဆေးတွေပါအမေ။
အမေရိကန်က ကားလမ်းတွေကလည်းကောင်းလိုက်တာ။
အဖုအထစ်မရှိဘူး။ အမှိုက်သရိုက်မရှိဘူး။
အပျက်အစီးမရှိဘူး။
ကားမောင်းလို့ကောင်းလိုက်တာ။
BMW ကားလေးက ကွန်ပျူတာ အဖက်(Effect)တွေနဲ့ဆိုတော့
ပြေးသလားလို့မမေးနဲ့။
မီးပွိုင့်မှာ မီးစိမ်းပြလို့တာလွှတ်လိုက်တာနဲ့နင်းရင်နင်းသလောက်ပြေးတော့
ကိုယ်ကရှေ့ဆုံးကပဲအမေ။
အပြေးကောင်းလို့လေ။ ကျနော် တီကက်(Ticket)တစ်စောင်ရလိုက်တယ်အမေ။
တီကက်(Ticket)ဆိုလို့ ဝမ်းသာစရာတော့မဟုတ်ဘူးအမေ။
တစ်နာရီ ၄၅-မိုင်နှုန်းသာမောင်းရတဲ့ပြေးလမ်းပေါ်မှာ ကျနော့်ကားက အပြေးကောင်းပြီး
တစ်နာရီ ၆၀-မိုင်နှုန်းပြေးလိုက်မိတော့
လမ်းပြပုလိပ် တစ်ယောက်နောက်ကမော်တော်ဆိုင်ကယ်နဲ့လိုက်လာပြီး
တီကက်(Ticket)ပေးသွားတာ။
ဒီမှာက တောင်းပန်လို့လည်းမရဘူး။လာဒ်ထိုးလို့လည်းမရဘူး။
စည်းကမ်းက စည်းကမ်းပဲ။
အဲဒီတီကက်(Ticket)ကြောင့် ဒဏ်ငွေ ၃၀၀-ဒေါ်လာဆောင်လိုက်ရတယ်။
ပြီးတော့ Mountain View ဆိုတဲ့နေရာမှာ သင်တန်းတစ်ရက်တက်လိုက်ရတယ်။
ပညာပေးသင်တန်းပေါ့။
သင်တန်းတက်ရတာပညာရတာပေါ့။ကောင်းပါတယ်။
ဒါပေမယ့် မြန်မာငွေနဲ့ဆို သုံးသိန်းလောက်ဒဏ်ဆောင်လိုက်တာတော့မကောင်းဘူးပေါ့။
ငွေချွေတာနေရချိန်မှာဆိုတော့ သုံးသိန်းလည်း တန်ဖိုးကြီးတာပါပဲ။
ဒီမှာက ဒေါ်လာ 300နဲ့အကောင်းဆုံးကင်မရာတစ်လုံးဝယ်နိုင်တယ်။
ဒါမှမဟုတ် အကောင်းဆုံးဖုန်းတစ်လုံးဝယ်နိုင်တယ်။
ဒါမှမဟုတ် အသင့်တင့်ကွန်ပျူတာတစ်လုံးဝယ်နိုင်တယ်လေ။
နောက်ဆုံးတော့
အဲလေ…အစိုးရကို အခွန်ငွေပေးဆောင်ရတယ်ဆိုတာ
အလှူပေးတာနဲ့အတူတူပါပဲလို့စိတ်ဖြေလိုက်တော့မှ
နေသာထိုင်သာရှိသွားတယ်။
နောက်ဆိုရင် ကားရဲ့မိုင်ပြခွက်ကိုကြည့်ပြီးသတိနဲ့မောင်းရတော့တယ်။
သတ်မှတ်ထားတဲ့မိုင်နှုန်းအတိုင်းပဲမောင်းဖြစ်တော့တယ်။
ကာရိုးလိုင်းနား(မြောက်)က သူငယ်ချင်းကပြောတယ်။
သူ့သူငယ်ချင်းတစ်ယောက်က ကင်တပ်ကီးကမောလ်တစ်ခုမှာ
စားသောက်ဆိုင်တစ်ခုဖွင့်ထားတယ်။
ကင်တပ်ကီက အခုကျနော်နေတဲ့နေရာနဲ့ဆိုရင် မိုင်ပေါင်းသုံးထောင်ကျော်ဝေးတယ်။
ကော့သောင်းနဲ့မြစ်ကြီးနားထက်တောင်ဝေးသေးတယ်။
အဲဒီဆိုင်မှာ လူနှစ်ယောက်လိုနေတယ်။
နေဖို့စီစဉ်ပေးမယ်။စားစရိတ်လည်းအငြိမ်းပေါ့။
လခကလည်းမဆိုးပါဘူး။သင့်မြတ်ပါတယ်။
စက်တင်ဘာလဆန်းလောက်မှာ ဆိုင်သစ်ဖွင့်မယ်ပေါ့။
ကျနော်ကစိတ်ဝင်စားတယ်။ဖြစ်နိုင်ရင်ပြောပေးထားပေါ့။
ဒီကိစ္စကို အခုနေတဲ့အိမ်ကိုသဘောရိုးနဲ့ပြောမိပါတယ်။
သူတို့တွေဘယ်လိုသဘောပေါက်နားလည်သွားသလဲမသိပါဘူး။
ဒီလိုဆိုရင် စက်တင်ဘာအကုန်မှာ ဒီနေရာကဖယ်ပေးဖို့စီစဉ်ပါတဲ့။
အခြားလူတစ်ယောက်ကို အငှားတင်ချင်လို့ပါတဲ့။
သူ့အမရဲ့ယောက်ျားကပြောတယ်။
ကျနော်တို့ကအစီအစဉ်အကြောင်းပဲပြောရသေးတယ်။
အိမ်ပေါ်က နင်ချနေပြီအမေ။
ဘယ်လိုလုပ်မလဲ။
သူငယ်ချင်းဆီကိုလှမ်းပြီးဖုန်းဆက်ရတာပေါ့။ အလုပ်ရဲ့အခြေအနေမေးတယ်။
သေချာမယ်ဆိုရင်လာခဲ့မယ်ပေါ့။
လေယာဉ်လက်မှတ်အတွက်တောင်စုံစမ်းဖြစ်တယ်။
တစ်ယောက်ကို ဒေါ်လာနှစ်ရာကျော်ပေးရမယ်ပေါ့။
သူငယ်ချင်းက ကားနဲ့မောင်းလာပေါ့။
မောင်းသူကျနော်က ဒါရိုက်ဘာအသစ်၊
ကားက မိုင်ပေါင်းတစ်သိန်းကျော်မောင်းပြီးတဲ့ကား။
မောင်းရမယ့်မိုင်ပေါင်းက သုံးထောင်ကျော်။
လမ်းမှာတစ်ခုခုဖြစ်ရင် အခက်။
မမောင်းရဲဘူးပြောတော့ သူငယ်ချင်းကအပြစ်တင်တယ်။
သူငယ်ချင်းပြောတဲ့အလုပ်ကလည်း စက်တင်ဘာလမှာမဖွင့်ဖြစ်ဘူး။
နိုဝင်ဘာလကိုပြောင်းသွားတယ်။
ပြီးတော့ အခွန်နဲ့ပတ်သက်တဲ့အခက်အခဲတွေပြောပြတယ်။
ကျနော့်ရဲ့မိန်းမက
"ဟိုရောက်ပြီး ထင်သလိုမဖြစ်ရင် မျောက်သစ်ကိုင်းလွတ်သလိုဖြစ်နေမယ်နော်"
လို့သတိပေးတယ်။
သူမကဆက်ပြောတယ်။ "ဘယ်မှာပဲနေနေ အခက်အခဲနဲ့ဒုက္ခကတော့ ရှိနေမှာပဲ။
ပုံသဏ္ဍန်သာမတူရင်ရှိမယ်။
ဒီမှာနေရင် တစ်ယောက်က အလုပ်ရှိသေးတယ်။
ဟိုရောက်လို့ နှစ်ယောက်စလုံးအလုပ်ရရင်တော့ကောင်းတာပေါ့။
နှစ်ယောက်စလုံးအလုပ်မရတဲ့အဖြစ်မျိုးကြုံရင် ဒုက္ခကပိုကြီးမားလိမ့်မယ်နော်။
ကားက ချက်ချင်းရောင်းလိုက်ဖို့ကလည်း လွယ်မှာမဟုတ်ဘူး။
ယူသွားဖို့ကျတော့လည်း စရိတ်တွေက အများသားကလား။
သေသေချာချာစဉ်းစားနော်။
ယောက်ျားသွားရင်တော့ ဘယ်ပဲဖြစ်ဖြစ်လိုက်မှာပါ" တဲ့။
သူမပြောတာလည်း ဟုတ်နေတာပဲ။
ဒါနဲ့ပဲ အိမ်ငှားဖို့ဆုံးဖြတ်လိုက်တယ်။
အမေရေ…အခက်အခဲကတော့အများကြီးပါပဲ။
အမေပြောခဲ့သလို ဒါတွေကိုမျှော်လင့်ထားပြီးသားပါ။
ဒါပေမယ့် တကယ်ကြုံလာတော့လည်း ကျောကော့အောင်ခံစားရပါတယ်။
ညသန်းကောင်ယံတော့ရောက်လာပြီလေ။
အာရုဏ်ဦးက နီးလာပြီပေါ့နော်။
အမေ ကျန်းမာရေးကို ဂရုစိုက်ပါနော်။
ဒါပါပဲအမေရယ်။
အမေ့ကိုချစ်တဲ့သား...
အောင်ဝင်းဟိန်း
ဆန်ဟိုဆေးမြို့(San Jose)၊
ကယ်လီဖိုးနီးယားပြည်နယ်(California)၊
အမေရိကန်ပြည်ထောင်စု(USA)

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com