Sunday, May 15, 2011

" ရှာတဲ့နေရာ မှန်ဖို့လို..."



တစ်ခါတုန်းက
ပညာရှိတဲ့ဒိသာပါမောက္ခကြီးတစ်ဦးရှိတယ်။
တစ်နေ့တော့ အဲဒီပညာရှိဆရာကြီးဟာ
မီးတိုင်အောက်မှာ တစ်ခုခုကို လိုက်ရှာနေတယ်။
ခေါက်တုန့်ခေါက်ပြန်ရှာနေတယ်။ အချိန်အကြာကြီးရှာတယ်။
ဒီတော့တပည့်တွေက ငါတို့ဆရာကြီး ဘာပျောက်လို့ရှာနေသလဲမသိဘူး။
ငါတို့တွေ ဝိုင်းရှာပေးမယ်ဆိုပြီး ဆရာကြီးကို မေးတယ်။
“ ဆရာကြီး ဘာရှာနေသလဲ”
ပညာရှိဆရာကြီးက
“ သော့ပျောက်လို့ရှာနေတာပါ”
အဲဒါနဲ့တပည့်တွေကလည်း သော့ကို
ဆရာကြီးရှာနေတဲ့ မီးတိုင်အောက်မှာ ဝိုင်းရှာကြတယ်။
အများနဲ့လည်းဝိုင်းရှာတယ်။
တော်တော်နှံ့နှံ့စပ်စပ်ရှာကြပေမယ့် မတွေ့ဘူး။
ဒါနဲ့တပည့်တွေက ဒီနေရာမှာ ကျပျောက်တာဆိုရင်တော့ တွေ့လောက်ပါတယ်။
ဒါလောက်ဝိုင်းရှာတာတောင် မတွေ့တော့ ဒီနေရာမှာ ကျပျောက်တာမှ
ဟုတ်ရဲ့လားလို့တွေးမိပြီးဆရာကြီးကို ပြန်မေးတာပေါ့။
“ ဆရာကြီး သော့က ဘယ်နေရာမှာ ကျပျောက်တာလဲ”
လို့မေးတာပေါ့။
ပညာရှိဆရာကြီးက
“ အိမ်ခန်းထဲမှာ ကျပျောက်တာ”
လို့ပြန်ဖြေတာပေါ့။
တပည့်တွေက
“ ဟာ ဆရာကြီးကလည်း အိမ်ခန်းထဲမှာ ကျပျောက်တဲ့သော့ကို

ဒီမီးတိုင်အောက်မှာ လာရှာလို့ ဘယ်တွေ့နိုင်မှာလဲ”
လို့ပြန်ပြောကြတာပေါ့။

ပညာရှိဆရာကြီးက
“ အေး ငါပြောချင်တာက အဲဒါပဲ။
မင်းတို့လည်း စိတ်ချမ်းသာမှုကို မတွေ့နိုင်တဲ့နေရာမှာ ရှာနေကြတယ်။
လူတွေမြင်ရတဲ့နေရာမှာ ရှာနေကြတယ်။
ငွေကုန်ကြေးကျအများကြီး အကုန်ခံပြီး ရှာနေကြတယ်။
စိတ်ချမ်းသာမှုဆိုတာ စိတ်ထဲမှာပဲ ရှိတယ်။
ရှာတဲ့နေရာမှားနေလို့မင်းတို့အခုထိမတွေ့တာပေါ့”
လို့ပြန်ပြောပြလိုက်သတဲ့။

တစ်ခုခုကို တွေ့ချင်လို့ ရှာတယ်ဆိုရင်
ရှာတဲ့နေရာမှန်ဖို့လိုအပ်ပါတယ်။
စိတ်ချမ်းသာမှုကို ဘယ်နေရာမှာ ရှာမလဲ၊
ရှာတဲ့နေရာမှားရင်တော့ တွေ့မှာမဟုတ်ဘူး။
နေရာမှန်က ဘယ်မှာလဲ၊
စိတ်ထဲမှာ။
အဲဒီနေရာမှာမှ မတွေ့ရင် တခြားနေရာမှာ မတွေ့နိုင်ပါဘူး။


လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com