Sunday, January 1, 2012

"သင်အရင်ကောင်းဖို့လိုပါတယ်..."


အရင်ကောင်းလို့ အခုကောင်းပါသည်။

အခုကောင်း နောင်ကောင်းပါလိမ့်မည်။


(ကျေးဇူးရှင် လယ်တီဆရာတော်ဘုရာကြီး)


++++++++++++++++++


သူတစ်ပါး ကောင်းတာ၊

မကောင်းတာကို ဝေဖန်နေရမယ့်အချိန်မဟုတ်တော့ပါဘူး။

ကိုယ်ကောင်းအောင်ပဲ နေရမယ့်အချိန်ဖြစ်နေပါပြီ၊

ဘာဖြစ်လို့လည်းဆိုတော့ သေဖို့က တဖြည်းဖြည်း နီးလာပြီလေ။


ရဝေနွယ်(အင်းမ)


++++++++++++++++++



ယုံကြည်ထိုက်သူဖြစ်အောင် ရိုးသားရမည်။

အားကိုးထိုက်သူဖြစ်အောင် ကြိုးစားရမည်။

လေးစားထိုက်သူဖြစ်အောင် စင်ကြယ်ရမည်။


(ဓမ္မဘေရီဆရာတော် အရှင်ဝီရိယ)


++++++++++++++++++



"အလုပ်များလွန်းလို့ စာမဖတ်နိုင်ဘူးတဲ့လား" လို့

ပါမောက္ခ အော်စလားကမေးပါတယ်။

ပါမောက္ခ အော်စလားကပြောပါတယ်။

လူသည် မနက်ထက်ညမှာပညာပို ရှိရမည်။

မနေ့ကထက် သည်ကနေ့ အသိဉာဏ်သာရမည်။

အသက်ကြီးလာသည်နှင့်အမျှ ဦးနှောက် အလေးချိန်ပိုစီးလာရမည်။

ဒီအတွက် ဘာလုပ်မလဲ၊

တစ်နည်းသာ ရှိသည်။

စာဖတ်ပါ။

နေ့စဉ်ဖတ်ပါ။

စာကောင်းပေကောင်းကို ရွေးဖတ်ပါ။

ကိုယ့်အလုပ်အတွက် ကိုယ့်ဘဝအတွက် အသုံးဝင်မယ့်အရာ

ကို ဦးစားပေးရွေးဖတ်ပါ။

ကိုယ့်ကိုကိုယ် စစ်ဆေးမေးမြန်းပါ။

စာဖတ်ချိန်ရချိန်ရင် အိပ်ချိန်ထဲက ဖဲ့ယူဖို့ကလွဲပြီး

အခြားနည်းလမ်းမရှိတော့ပါ။

သို့နှင့် အိပ်ရာမဝင်မီ စာ (၁၅) မိနစ်ဖတ်တဲ့အလေ့အကျင့်

တစ်ခု ပါမောက္ခ အော်စလား အစပြုခဲ့တယ်။

စာအုပ်ကျမ်းပေါင်း ( ၇၇၈၇ )အုပ်ကို စံနစ်တကျ ညွှန်းဆိုသွားပါတယ်။

တကယ်တန်ဖိုးရှိတဲ့ စာအုပ်ကောင်းတွေရွေးချယ်ဖတ်မိဖို့လိုပါတယ်။

သိပ္ပံလောကမှာ ရှေ့ကသွားလေသူတို့ရဲ့ တွေ့ရှိချက်များဟာ

နောက်လူတို့ အသိပညာတောင်ထွတ်ကို ဆက်ပြီးတက်ရာမှာ

လှေကားထစ်များသဖွယ် အထောက်အကူပြုမြဲဖြစ်တယ်။

ပညာရှာရာမှာ ကြီးလှခြင်းတည်းဟူသော

၎င်းပုဂ္ဂိုလ်တို့ရဲ့ထူးခြားသောဓလေ့စရိုက်ကောင်းတစ်ခုသည်လည်း

နောက်လူအတွက်လေးစားအားကျစရာအတုယူစရာ

အရည်အချင်းတစ်ရပ်ဖြစ်တယ်။

အဲဒါကတော့

ပါမောက္ခ အော်စလားရဲ့ စာဖတ်နည်း ဖြစ်ပါတယ်။




++++++++++++++++++



လောကကြီး ကောင်းစေချင်လျှင်

ကိုယ်က အရင်ကောင်းထားဖို့လိုတယ်။


++++++++++++++++++



၁။ အများသူငါ သွားတဲ့လမ်းမပေါ်မှာ ချည်းမနေနှင့်။

၂။ သူတစ်ပါးသွားပြီးသားနေရာတွေချည်း မသွားနှင့်။

၃။ လမ်းဟောင်းဖုန်ဖုန်မှ တစ်ခါတစ်လေ ဘေးဖဲ့ဆင်းကာ

လမ်းမရှိတဲ့ တောထဲကို လည်းဝင်ကြည့်ပါ။

၎။ သင်တစ်ခါမျှ မတွေ့ဖူးတဲ့အခြင်းအရာတစ်စုံတစ်ရာတော့

တွေ့မှာသေချာတယ်။

၅။ သေးသေးမွှားမွှားဖြစ်ချင်ဖြစ်မယ်၊ဒါပေမယ့် လျစ်လျူမရှုပါနှင့်။

သူ့နောက်ဆက်လိုက်ကြည့်ပါ။

၆။ သူ့အနီးပတ်ဝန်ကျင်ကို စူးစမ်းကြည့်ပါ။

၇။ တွေ့ရှိချက်တစ်ခုမှ နောက်တစ်ခုဆီ ဆက်လက်ဦးတည်ကာ ကိုယ်တိုင်

သတိမထားလိုက်မိတဲ့အချိန်မှာ အလေးအနက်စဉ်းစားရမယ့်တန်ဖိုးရှိတဲ့အရာ

တစ်ခုသင်တွေ့ရှိလာမည်။

( ဂရေဟမ်ဘဲလ် )

တယ်လီဖုန်းကိုစတင်တီထွင်သူ




" အမေ့ထံသို့ပေးစာများ-၂၅..."



သို့
ချစ်တဲ့အမေ
သားသတိရစွာဖြင့်စာရေးလိုက်ပါတယ်။
ပျော်ရွှင်စရာကောင်းတဲ့နှစ်သစ်ဖြစ်ပါစေ။
စိတ်ရော၊အလုပ်ရောရှုတ်နေတာကြောင့် အမေ့ဆီစာမရေးဖြစ်တာတောင်ကြာပြီနော်။
သူများနိုင်ငံမှာနေရတာ စိတ်ရှုတ်စရာလည်း အထိုက်အလျောက်ရှိနေတယ်။
စိတ်ရှုတ်နေချိန်မှာ စာမရေးချင်ဘူး။
ရေးလိုက်တဲ့စာမှာစိတ်ရှုတ်စရာ၊စိတ်ညစ်စရာပါသွားမှာစိုးလို့ပါ။
ဖြစ်နိုင်ရင် အမေ့ကို ကောင်းတဲ့အကြောင်းအရာတွေကိုသာပြောပြချင်တယ်။
အမေ့ဘဝမှာလည်း သားသမီးကိစ္စတွေကြောင့် စိတ်ညစ်ရ၊စိတ်ရှုတ်ရတာ
များလွန်းလှပါပြီ။ ဒါကြောင့်အပိုထပ်ဆောင်းပြီးမပေးချင်တော့ပါဘူး။
မိန်းမရဲ့အမျိုးတွေအိမ်မှာ နေလို့အစဉ်မပြေတော့တာကြောင့်
အိမ်ပြောင်းဖို့လုပ်ရတယ်။ အိမ်ခန်းတစ်ခန်းကိုငှားရတယ်။
ခရက်တစ်ကဒ်(Credit Card) မရှိတော့ အိမ်ငှားရတာမလွယ်ဘူး။
ရောက်စဆိုတော့ ခရက်တစ်ကဒ်(Credit Card) မလုပ်ဖြစ်သေးဘူး။
ခရက်တစ်ကဒ်(Credit Card) ဆိုတာ ဘဏ်ကယုံကြည်မှုရှိမှ လုပ်ပေးတဲ့ ကဒ်မျိုးဖြစ်တယ်။
သဘောကတော့ ဘဏ်ကယုံကြည်မှ အိမ်ရှင်တွေ ယုံကြည်မယ့်သဘောမျိုးဖြစ်နေတယ်။
မိန်းမက သူ့ရဲ့အလုပ်ရှင်ကိုပြောပြတော့
အလုပ်ရှင်က အိမ်ခန်းငှားတဲ့ကိစ္စကိုလိုက်ကူညီပေးပါတယ်။
အိမ်ခန်းတစ်ခန်းပါတဲ့အိမ်ခန်းပါ။ ဧည့်ခန်းပါတယ်။
ရေချိုးခန်း၊အိမ်သာကတွဲပါတယ်။
မီးဖိုခန်းရှိတယ်။ မီးဖိုခန်းမှာတော့ ရေခဲသေတ္တာပါတယ်။
မီးဖိုလေးလုံးပါတဲ့ လျှပ်စစ်မီးဖိုတစ်လုံးပါတယ်။
အဲဒီမီးဖိုနဲ့တွဲလျက် အသားတွေကင်တဲ့စက်တစ်ခုလည်းပါတယ်။
အော်တိုမက်တစ် ပန်းကန်ဆေးစက်လည်းပါတယ်။
ဟင်းတွေကိုနွေးစားတဲ့စက်တစ်လုံးလည်းတပ်ဆင်ပေးထားတယ်။
ပန်းကန်နဲ့မီးဖိုသုံးပစ္စည်းတွေ သိမ်းတဲ့ဘီဒိုတွေကတော့ မီးဖိုးခန်းတစ်ခန်းလုံးအပြည့်ပဲ။
ဧည့်ခန်းနဲ့အိပ်ခန်းမှာ အပူပေးစက်(Heater) တစ်ခုစီတပ်ဆင်ပေးထားတယ်။
ပြီးတော့ ကောဇောအကောင်းစားတွေခင်းပေးထားတယ်။
ကျန်တာတော့ ဘာမှမပါတော့ဘူး။
အိမ်ခန်းငှားတော့ မန်နေဂျာနဲ့စာချုပ်စာတမ်းတွေချုပ်ရတယ်။
လက်မှတ်က အခါသုံးဆယ်ကျော်လောက်ထိုးလိုက်ရတယ်။
အသေးစိတ်နိုင်လွန်းလှပါတယ်။
စည်းကမ်းတွေ ကိုသဘောတူကြောင်းလက်မှတ်ရေးထိုးရတာပါ။
ခွေးမွေးခွင့်မရှိဘူး။
ကြောင်မွေးရင် တစ်ကောင်ကို နှစ်စဉ် ဒေါ်လာ (၂၅၀) အပိုဆောင်းပေးရမယ်ဆိုတာမျိုး၊
ကြောင်တွေမွေးသူတွေ ရှိတယ်။
ကြောင်လခကလည်းမနည်းဘူးပြောရမယ်ထင်တယ်။
တိရိစ္ဆာန်တွေ တော်တော်ချစ်သူတွေပဲပြောရမယ်။
ဒီမှာက ကလေးမရှိသူတွေကို ဦးစားပေးငှားတယ်။
အကြောင်းကြောင်းကြောင့် ကလေးရှိရင် အဲဒီကလေးနဲ့ပတ်သက်ပြီး
ဘယ်လိုတာဝန်တွေ၊ဘယ်လိုစည်းကမ်းတွေကိုလိုက်နာပါ့မယ်ဆိုတာမျိုး။
အိပ်ခန်းထဲမှာ ဆေးလိပ်သောက်ခွင့်မရှိဘူး။
ဆေးလိပ်သောက်ခဲ့ရင် လျှပ်စစ်အချက်ပေးသံမြည်လိမ့်မယ်။
ဆေးလိပ်သောက်တတ်ရင် အပြင်ဖက်ထွက်သောက်ဆိုတာမျိုး။
ဒီအိမ်ဝန်းအတွင်းမှာပဲ ရေကူးကန်တစ်ကန်ပါတယ်။
ရေကူးကန်ကို ဘယ်အချိန်ကနေ ဘယ်အချိန်အသုံးပြုခွင့်ရှိတယ်။
အိမ်ငှားများသာ သုံးခွင့်ရှိတယ်။ ဧည့်သည်များအသုံးပြုခွင့်မရှိဘူးဆိုတာမျိုး။
အများသုံးအဝတ်လျှော်စက်နဲ့အခြောက်ခံစက်တွေကို
ဘယ်အချိန်ကနေ ဘယ်အချိန်အထိ အသုံးပြုခွင့်ရှိတယ်။
မတ်စေ့ဘယ်နှစ်စေ့နဲ့အသုံးပြုခွင့်ပြုထားတယ်ဆိုတာမျိုး။
ကားဂိုဒေါင် အသုံးပြုခွင့်၊ကားရေဆေးရင် ဘယ်နေရာမှာသာဆေးခွင့်၊
ကားနဲ့ပတ်သက်တဲ့ဝင်ခွင့်လက်မှတ်တွေကို
ကားရဲ့ဘယ်နေရာမှာ ကပ်ထားရမယ်ဆိုတာမျိုး။
အမျိုးအမည်တွေကတော့များလွန်းလှပါတယ်။
အိမ်စည်းကမ်း၊ကားစည်းကမ်းတွေပြောထားပေမယ့်
အဓိက ကတော့ အိမ်ခန်းခ မှန်မှန်ပေးဖို့ကိုတောင်းဆိုထားတာပါ။
အဲဒီလိုပေးအောင်ကို စည်းကမ်းတွေ၊ဥပဒေတွေနဲ့ချည်နှောင်ထားတဲ့သဘောပါပဲ။
အိမ်ခန်းခကတော့ တစ်လ ဆယ်သိန်းကျပ်ကျော်ကျော်ပေးရတယ်အမေ။
ဒီမှာက စားစရာတွေပေါတယ်။
အဝတ်အစားတွေပေါတယ်။
နေစရိတ်ကျတော့ ကြီးမြင့်တယ်။
မြန်မာပြည်နဲ့ပြောင်းပြန်ဖြစ်နေတယ်။
အိမ်ပြောင်းမယ်လုပ်တော့ မရှိမဖြစ်ဝယ်ရမယ့်အိမ်သုံးပစ္စည်းကလိုအပ်လာပြီ။
မွေ့ယာနဲ့ကုတင်ဝယ်ဖို့လိုတယ်။
စားပွဲ၊ကုလားထိုင်ဝယ်ဖို့လိုတယ်။
ဘုရားစင်တစ်ခုဝယ်ဖို့လိုတယ်။
ပန်းကန်၊ခွက်ယောက်တွေဝယ်ဖို့လိုတယ်။
မိန်းမရဲ့အလုပ်ရှင်ကပဲ ဈေးသက်သာတဲ့ဆိုင်တစ်ခုကိုခေါ်သွားပါတယ်။
လိုအပ်တာတွေကိုလည်း ညွှန်ကြားပေးပါတယ်။
အစစအရာရာ ကူညီပေးတယ်အမေ။
သူတို့ရဲ့ကူညီပေးမှုကြောင့် လူလူသူသူနေစရာကောင်းတဲ့အိမ်တစ်လုံးဖြစ်လာပါတယ်။
အရမ်းကျေးဇူးတင်ဖို့ကောင်းပါတယ်။
နောက်တစ်ခုက အလုပ်ရှင်ရဲ့မိတ်ဆွေ လင်မယားနှစ်ဦးကလည်း
မဆီမဆိုင်နဲ့ကျနော်တို့ကို လိုအပ်တဲ့ပစ္စည်းတွေအများကြီးကူညီပေးတယ်။
လူမစွမ်းတော့ နတ်မ တယ်ဆိုတာမျိုးဖြစ်မယ်ထင်ပါရဲ့။
ဝယ်လို့မလွယ်တဲ့ပစ္စည်းမျိုးတွေပေါ့။
အပ်ချည်နဲ့အပ်တွေကအစ၊
ဆပ်ပြာ၊ဆပ်ပြာခွက်အလယ်၊
တီဗွီ၊လျှပ်စစ်မီးအိမ်တွေအဆုံး၊
အဲဒီအိမ်သုံးပစ္စည်းတွေကို လက်ဆောင်ပေးတယ်အမေ။
ဒီရောက်မှ သိတာပါ။ ဘာအမျိုးမှလည်းမတော်ဘူး။
ပြီးတော့ ခရစ်ယာန်မိသားစုတွေဖြစ်ကြတယ်။
မြန်မာလူမျိုးတွေဖြစ်တယ်။ဒီရောက်နေတာ နှစ်နှစ်ဆယ်ကျော်ပြီလို့သိရတယ်။
လိုအပ်တဲ့မိသားစုတွေကို ဘယ်သူဖြစ်ဖြစ် ကူညီတာပါတဲ့။
ကျေးဇူးတင်ဖို့အလွန်ကောင်းပါတယ်။
လိုအပ်ချိန်မှာ ကူညီတာဟာ ဘယ်လိုပြောရမှန်းမသိအောင်ခံစားရပါတယ်။
အိမ်ခန်းကိစ္စပြေလည်ပြီဆိုတော့ အိမ်ပြောင်းဖို့လုပ်ရတယ်။
မိန်းမရဲ့အမျိုးအိမ်မှာ အဝတ်အစားနဲ့ပစ္စည်းတွေ ပြန်သိမ်းတော့
အိမ်ရှင်အဖွားကြီးက ကျနော်တို့ကို ဒေါသနဲ့ဆက်ဆံတယ်။
သူတို့ပြောတဲ့အတိုင်း တစ်ပတ်အတွင်းပြောင်းပေးပါဆိုတဲ့အတိုင်း
ကျနော်တို့ပြောင်းဖို့လုပ်တယ်။
ပြောတဲ့အတိုင်းလုပ်ပြန်တော့လည်း ရန်လိုတယ်။
နားကိုမလည်နိုင်ဘူးအမေ။
အတူတူနေတော့လည်း မိတ်ဆွေလို သဘောမထားဘူး။
ပြောင်းဆိုလို့ပြောင်းပြန်တော့လည်း ရန်လိုတယ်။
ကောင်းကောင်းမွန်မွန်ဆက်ဆံတာကိုမရှိဘူး။
ကဲ…ဘယ်လိုနားလည်ရမလဲ။
ဘာဘဲဖြစ်ဖြစ် ခွဲခွာကြပြီဆိုတော့ အကောင်းနဲ့လမ်းခွဲနိုင်အောင်
ကျနော်တို့ဖက်က ကြိုးစားပြခဲ့ပါတယ်။
သူတို့တွေ ဘယ်လိုပဲ သဘောထားထား၊ အပြုံးနဲ့နူတ်ဆက်ခဲ့ပါတယ်။
သူတို့ရဲ့ပစ္စည်းတွေ ဘာမှမပါအောင် သတိထားပြီးပစ္စည်းတွေသိမ်းဆည်းခဲ့ပါတယ်။
သူတို့ပေးထားတဲ့ပစ္စည်းတွေက အစ အားလုံးချန်ရစ်ခဲ့ပါတယ်။
အမေက တန်ရာတန်ဖိုးမပေးဘဲ ဘာမှမယူနဲ့လို့မှာထားခဲ့လို့
ဒီပစ္စည်းတွေကိုချန်ခဲ့ကြောင်းလည်းပြောပြလိုက်ပါတယ်။
သူတို့မိသားစုဖုန်းလိုင်းနဲ့တွဲထားတဲ့ ဖုန်းကိုလည်း
မပြောမဆိုနဲ့သူတို့ဘာသာဖြတ်တောက်လိုက်ပါတယ်။
ဖုန်းဖိုးဘယ်လောက်ကျသင့်တယ်ဆိုတာကိုလည်း တစ်ခါတည်းတောင်းပါတယ်။
ပိုတောင်းမှန်းသိပေမယ့် အပိုတွေမပြောချင်တော့တာမို့ ပေးခဲ့ပါတယ်။
ဘယ်လိုလူမျိုးနဲ့လာတွေ့မှန်းကိုမသိပါဘူးအမေ။
သူတို့ကမြန်မာလူမျိုး၊ဗုဒ္ဓဘာသာ။
မိရိုးဖလာဗုဒ္ဓဘာသာတွေဖြစ်မှန်းသိသာလွန်းလှပါတယ်။
ဘာကြောင့်ဆိုတော့ သူတို့တွေက အတ္တတွေ၊မာနတွေကြီးလွန်းလို့လေ။
တစ်ခါတုန်းကပေါ့။
ဘုရားစင်ရှေ့မှာ အနောက်တိုင်းပုံစံနဲ့အဖိုးကြီး၊အဖွားကြီးတွေတရားထိုင်ကြတယ်။
ပြီးတော့ အဖွားကြီးကအိမ်ရှေ့ခြံထဲဆင်းပြီးသူစိုက်ထားတဲ့သစ်ခွပန်းပင်တွေကိုကြည့်တယ်။
မိုးရိပ်တက်လာတာမို့ ပုရွက်ဆိတ်တွေ စုရုံစုရုံလုပ်နေတာကိုတွေ့တော့
သူ့သစ်ခွတွေ သေမှာစိုးလို့ဆိုပြီးပုရွတ်ဆိတ်တွေကို ပိုးသတ်ဆေးနဲ့လောင်းသတ်လိုက်သတဲ့။
အဲဒါကို ထမင်းစားချိန်မှာ အားရပါးရပြောနေလေရဲ့။
သစ်ခွပင်နဲ့ပုရွတ်ဆိတ်များ။
တန်ဖိုးထားမှုပုံစံ စံလွဲနေရော့သလား။
ကုသိုလ်နဲ့အကုသိုလ်တောင် မခွဲခြားနိုင်ဘူးလေ။
ကျနော်ဖြင့် အံသြလို့မဆုံးဘူး။
ထားလိုက်ပါတော့၊
သူတို့အကြောင်းနဲ့သူတို့ရှိပါစေ၊
သူတို့နဲ့အကြောင်းသင့်ခဲ့တဲ့ကာလက ကုန်ဆုံးသွားပြီပဲ။
အဆိုး၊အကောင်းပြောစရာမရှိတော့ပါဘူး။
ဘဝဟာ ခဏတာလေးပါအမေ။
သုံးခွင့်ရတုန်း ကုသိုလ်အတွက် အတတ်နိုင်ဆုံးသုံးထားနိုင်မှ၊
နို့မဟုတ်ရင် အရှုံးကြီးရှုံးဖို့ရှိတော့တယ်။
ရှုံးသူ ကျနော်မဖြစ်ချင်ဘူးအမေ။
အမေကျန်းမာရေးကိုဂရုစိုက်နော်။
ကျန်းမာနေမှ ကုသိုလ်လုပ်နိုင်မှာလေ။
ဒါပါပဲ အမေရေ…
အမေကိုချစ်တဲ့သား
အောင်ဝင်းဟိန်း
ဆန်ဟိုဆေးမြို့(San Jose)၊
ကယ်လီဖိုးနီးယားပြည်နယ်(California)၊
အမေရိကန်ပြည်ထောင်စု(USA)
၁-၁-၂၀၁၂

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com