Saturday, May 19, 2012

"ဘယ်အရာဖြစ်ဖြစ် မေ့နေရင် မရှိသလိုပဲ..."




စိတ်ချမ်းသာအောင် လုပ်နည်း အကျဉ်းချုပ်မှ အဆက်…

၃။         စိတ်ချမ်းသာတဲ့သူဟာ အဓိပ္ပာယ်ရှိတဲ့ ဘာသာရေး ယုံကြည်မှုရှိတယ်။
ဘာသာရေးကြောင့် စိတ်ဆင်းရဲရတာ တော်တော်များတယ်။
ဘုန်းကြီး ငယ်ငယ်တုန်းက ကြောက်အောင် ချောက်လှန့်တဲ့ဘာသာရေးကို သိပ်မုန်းတယ်။
ငရဲအကြောင်းတွေကို မကြားချင်ဘူး။ ယုံလည်း မယုံကြည်ဘူး။
ကြောက်နေမှ လူကောင်းသူကောင်း ဖြစ်မယ်လို့ မယုံကြည်ဘူး။
စိတ်ချမ်းသာစေမယ့် သဘာဝကျတဲ့ ဘာသာရေးကိုပဲ လိုချင်တယ်။
ဒါကြောင့် စိတ်ဆင်းရဲစရာကို မယုံဘူး။
စိတ်ချမ်းသာစရာကိုပဲ ယုံတယ်။

++++++++++++++++++++++++++++++++++++

၎။         စန္ဒယားတီးတာကို လေ့ကျင့်သလို၊
လေးပစ်တာကို လေ့ကျင့်သလို၊
စာရေးတာကို လေ့ကျင့်သလို၊
စိတ်ချမ်းသာအောင် နေတာကို လေ့ကျင့်ဖို့ လိုတယ်။
အစမှာ သူ့ကို အချိန်ပေးပြီး သေသေချာချာ လေ့ကျင့်ပါ။
စိတ်ထဲမှာ ပြုံးနေသလို လုပ်ကြည့်ပါ။
မျက်နှာလည်း မသိမသာ ပြုံးသလို ဖြစ်လာမယ်။
မသိမသာ ပြုံးတာကောင်းတယ်။ ပြုံးရင် ပျော်တယ် တဲ့။
ပျော်ချင်ရင် ပြုံးပါ။
မကြာမကြာ ပြုံးပါ။
ပျော်စရာတစ်ခုခုကို တွေးကြည့်ပါ။
နည်းနည်း ပျော်လာတယ်။
ပျော်လာတာကို ပြန်သိပါ။ ပျော်တာကို သိတာလည်း တရားအားထုတ်တာပါပဲ။

++++++++++++++++++++++++++++++++++++


၅။         စိတ်ချမ်းသာမှုအကြောင်းကို ပြောပါ။
ကိုယ့်ဘဝမှာ အရေးအကြီးဆုံးကိစ္စကို မပြောဖြစ်ကြဘူး။
အရေးမကြီးတဲ့ ရုပ်ရှင်အကြောင်း၊ ဘောလုံးပွဲအကြောင်း၊ ငွေရေးကြေးရေးအကြောင်း၊
နောက်ဆုံးပေါ် ရုပ်ဝတ္ထုအကြောင်းတွေတော့ ပြောဖြစ်ကြတယ်။
ကိုယ့်ဘဝမှာ အရေးအကြီးဆုံးကိစ္စ ဖြစ်တဲ့ ကိုယ့်မိသားစု၊ ကိုယ့်မိတ်ဆွေတွေနဲ့ စိတ်ချမ်းသာမှုအကြောင်းကို
ပြောတာ သိပ်အကျိုးများပါတယ်။
စိတ်ချမ်းသာမှုအကြောင်းပြောတော့ စိတ်ချမ်းသာမှုအကြောင်း ပိုသိလာတယ်။
ဘယ်လိုစိတ်ထား ထားရင် စိတ်ချမ်းသာမယ်။
ဘယ်လိုမြင်ရင် စိတ်ချမ်းသာမယ်။
ဘယ်လိုတွေးရင် စိတ်ချမ်းသာမယ်ဆိုတာ ဆွေးနွေးသင့်တယ်။
မကြာမကြာ ပြောနေရင် မမေ့တော့ဘူး။
ဘယ်အရာဖြစ်ဖြစ် မေ့နေရင် မရှိသလိုပဲ။ သတိရမှ ရှိတယ်။
စိတ်ချမ်းသာမှု အကြောင်းပြောတဲ့အခါ စိတ်ချမ်းသာစရာ ဖြစ်အောင်ပြောပါ။
ပျော်ပျော်ရွှင်ရွှင်  အမူအရာ၊ အသံနဲ့ပြောပါ။               
ဒါကြောင့် ဘယ်လိုလုပ်ရင်ပျော်မယ်။ စိတ်ချမ်းသာမယ်ဆိုတာကို ဦးစားပေးပြီး ပြောသင့်တယ်။
စိတ်ကို ပျော်တဲ့ဖက်ကို သွားအောင် လမ်းတည့်ပေးသလို ဖြစ်ရမယ်။

++++++++++++++++++++++++++++++++++++

၆။                                    အတွေးကို သတိထားပါ။
ဘာမှ မတွေးပဲ ကြာကြာနေနိုင်ရင် ကောင်းတယ်။
တွေးတဲ့အခါမှာ ကိုယ်တတ်နိုင်တာ လုပ်နိုင်တာကို တွေးပါ။
စိတ်ချမ်းသာစရာကို တွေးပါ။ မတတ်နိုင်တာကို တွေးရင် စိတ်ဆင်းရဲမယ်။
ဘာမှမတွေးပဲနဲ့ ကိုယ်ခန္ဓာကိုယ်မှာ ဖြစ်နေတာ တစ်ခုခုကို သိပြီး တည်ငြိမ်အေးချမ်းတဲ့စိတ်နဲ့နေပါ။
လေ့ကျင့်ရင် ရပါတယ်။
အထူးသဖြင့် နေသာတဲ့သဘောကို အာရုံပြုရင် စိတ်ချမ်းသာမယ်။
ကိုယ့်ခန္ဓာကိုယ်မှာ နေသာတဲ့ခံစားမှုရှိတဲ့နေရာကို အာရုံပြုပါ။
မှန်မှန် အသက်ရှုပါ။အသက်ရှုတာကို သိနေပါ။
အသက်ရှုလို့ ကောင်းတာကို သိနေပါ။
အတွေးမပါပဲ တိုက်ရိုက်သိနေပါ။
အတွေး မရှိတော့တဲ့အခါ စိတ်အေးချမ်းပါတယ်။
စိတ်အေးချမ်းတာကို သိပါ။
စိတ်အေးချမ်းတာကို သိရင် စိတ်အေးချမ်းတယ်။
စိတ်အေးချမ်းသာယာတဲ့နေရာကို အလည်သွားပါ။
တစ်ခါတစ်လေ အလုပ်အကြောင်း၊ အိမ်အကြောင်းတွေကို မေ့ထားတာ ကောင်းတယ်။
စိတ်ချမ်းသာတယ်လို့ ယုံကြည်တဲ့သူက ပိုပြီး စိတ်ချမ်းသာတယ်။
မယုံတဲ့သူက စိတ်ချမ်းသာတာ နည်းတယ်။
တချို့လူတွေဟာ စိတ်ဆင်းရဲစရာတွေကို မေ့လွယ်တယ်။
စိတ်ချမ်းသာစရာတွေကို မမေ့ဘူး။
အဲဒီလိုလူက စိတ်ပိုချမ်းသာတယ်။
ကိုယ့်ဘဝမှာ ကောင်းတာတွေ ဖြစ်ခဲ့တာ၊ ကောင်းတာတွေ ဖြစ်နေတာကို မမေ့တဲ့သူဟာ
ကိုယ့်ဘဝကို ပိုပြီးကျေနပ်တယ်။ ဒါကြောင့် စိတ်ပိုချမ်းသာတယ်။ စိတ်ဆင်းရဲစရာတွေကို
မေ့သွားတာ ကောင်းပါတယ်။

++++++++++++++++++++++++++++++++++++

စိတ်ချမ်းသာဖို့ လိုရင်းပါ (ဆရာတော် ဦးဇောတိက) စာအုပ်မှ ကောက်နှုတ်ဖော်ပြပါတယ်။

++++++++++++++++++++++++++++++++++++
ကိုယ်ကိုယ်တိုင် ဖတ်ဖို့-(၂၃)…



လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com