Wednesday, August 17, 2011

"အသက်ပါ ပေးလိုက်မယ်..."


ငါ ဆုံးဖြတ်ချက်နဲ့ငါလုပ်တာ၊

မှားသွားရင် ငါ့မှာပဲ တာဝန်ရှိတယ်။

+++++++++++++++++++++++++++++++++++

လုပ်ကိုလုပ်မှာ၊

ဘယ်လောက်ပဲ အချိန်ကြာကြာ၊

ဘယ်လောက်ပဲ ပင်ပန်း၊ပင်ပန်း၊

ဘယ်လောက်ပဲ ဆင်းရဲ၊ဆင်းရဲ၊

ဒီအလုပ်လုပ်ရဖို့အတွက် ဘဝတစ်ခုလုံးပေးလိုက်မယ်။

အသက်ပါ ပေးလိုက်မယ်။

+++++++++++++++++++++++++++++++++++

ဥပမာ။

ချောက်ကမ်းပါးကြီးတစ်ခုရှိတယ်။

ဒီဘက်အစွန်းနဲ့ဟိုဘက်အစွန်းဟာ

အတော်လေးဝေးကွာနေတယ်။

ဒီဘက်ကနေ ဟိုဘက်ကို ခုန်ပြီးတော့ ကူးမှ ပဲရတယ်။

ကိုယ့်မှာရှိသမျှ အင်အားတွေ အကုန်လုံးကို

ထုတ်ပြီးတော့ စိတ်ကိုလည်း သေသေချာချာ စုစည်းထားပြီးတော့

အဝေးကနေ အရှိန်ယူပြီးတော့ ပြေးလာပြီး တကယ်အရေးကြီးဆုံးနေရာကျမှ

ရှိသမျှအားကုန်ညှစ်ထုတ်ပြီးတော့

ခုန်ထည့်လိုက်ရမယ်။

အဲဒီလို ခုန်မှသာဟိုဘက်ကမ်းရဲ့ထိပ်ဖျားကို နင်းမိမယ်။

နဲနဲလေးလျှော့ပြီးတော့ ခုန်မယ်ဆိုရင် အောက်ကချောက်ထဲကျမှာပဲ။

အဲဒီလိုမျိုးအသက်စွန့်ပြီးလုပ်ရသလိုပဲ တချို့ဘဝမှာဆုံးဖြတ်ပြီး

လုပ်တဲ့အလုပ်တွေဟာ ကိုယ့်မှာရှိသမျှစိတ်ဓာတ်အင်အား၊

ကိုယ်ခန္ဓာအင်အားကို

အကုန်ညှစ်ထုတ်ပြီးတော့ စွန့်စွန့်စားစား

လုပ်ပစ်ရတာမျိုးရှိပါတယ်။

+++++++++++++++++++++++++++++++++++

နေခဲ့ရတာ ဘာထူးသလဲလို့ သေခါနီးမှာ

မေးကြည့်ရရင် ကောင်းမယ်။

+++++++++++++++++++++++++++++++++++

နံက်ဖြန် ငါ ဒီထက်ပိုကောင်းတာတစ်ခုကို

သိလာရင် ပိုကောင်းတာကို စိတ်ပါလက်ပါ

လုပ်မှာပဲ။

တစ်နေ့ထက်တစ်နေ့ အသိဉာဏ်တွေ

ပိုရင့်ကျက်လာတဲ့အခါမှာ

တစ်နေ့ထက်တစ်နေ့ ပိုကောင်းတာတွေ

ရွေးချယ်ပြီး လုပ်သွားရမှာပဲ။

+++++++++++++++++++++++++++++++++++

ဘာကိုပဲ ရွေးချယ် ရွေးချယ်၊

အဲဒါကို ဘဝပေးပြီးလုပ်ဖို့၊

အသက်ပေးပြီးလုပ်ဖို့၊

အသဲနှလုံးပေးပြီးလုပ်ဖို့လိုတယ်။

+++++++++++++++++++++++++++++++++++

ဘာဘဲလုပ်လုပ် ဘယ်တော့မှ အများထိခိုက်တာ မလုပ်ဘူး။

အများအကျိုးရှိတာလုပ်မယ်။

ရိုးရိုးသားသားလုပ်မယ်။ဉာဏ်မီသလောက်

အကောင်းဆုံးကို ကြိုးစားပြီးလုပ်မယ်။

အဲဒီလို သဘောထားမျိုး အခြေခံရှိနေပြီးဆိုရင်

မှားစရာသိပ်မရှိပါဘူး။

+++++++++++++++++++++++++++++++++++

ကိုယ်လုပ်တဲ့အလုပ်ဟာ

ကိုယ့်ရဲ့အကောင်းဆုံးစိတ်ထားနဲ့

ကိုယ့်ရဲ့အကောင်းဆုံးအရည်အချင်းကို

ဖော်ပြနေတာ ဖြစ်ရမယ်။

+++++++++++++++++++++++++++++++++++

လွဲနေမှန်းသိရင် ပြင်မယ်။

ငါ့စေတနာ မဖြူစင်ဘူးဆိုရင် ဖြူစင်အောင်လုပ်မယ်။

မရိုးသားဘူးဆိုရင် ရိုးသားအောင်လုပ်မယ်

ဆိုတဲ့စိတ်ကို ထားရမယ်။

+++++++++++++++++++++++++++++++++++

ဘယ်သူဘယ်လို ပြောပြော

ကိုယ်ဉာဏ်နဲ့ကိုယ်စဉ်းစားဆုံးဖြတ်ပြီးတော့

ကိုယ့်မူလေးနဲ့ ကိုယ်နေမယ်ဆိုတဲ့ ခိုင်မာရင့်ကျက်တဲ့

စိတ်ဓာတ်နဲ့ အသိဉာဏ်ရဖို့ဆိုတာ တော်တော်ကို

ကြိုးစားယူမှ ရတဲ့ကိစ္စ ဖြစ်တယ်။

သတ္တိရှိမှ လုပ်နိုင်တယ်။

+++++++++++++++++++++++++++++++++++

ရှေ့ကိုတိုးပြီးသွားနေအုံးမယ်ဆိုရင်

သတ္တိလိုတာ ချည်းပဲ။

+++++++++++++++++++++++++++++++++++

(ဆရာတော်ဦးဇောတိက)

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com