Thursday, March 3, 2011

"အစားတစ်လုတ်အတွက်..."


နာဂစ် မုန်တိုင်းကြောင့် မိသားစုအများအပြား သေကွဲကွဲသွားကြတယ်။
အဲဒီအထဲမှာ ကိုမောင်အေးရဲ့မိန်းမဖြစ်သူမဝင်းဝင်းလည်း သေဆုံးခဲ့တယ်။
အချိန်တွေ ဘယ်လောက်ပဲကြာကြာ ကြေကွဲမှုက အသစ်ဖြစ်နေမြဲပါ။
ဒီနေ့က နှစ်နှစ်ပြည့်တဲ့နေ့ဖြစ်တယ်။
ကိုမောင်အေးက သူ့ဇနီး ကွယ်လွန်သူ
မဝင်းဝင်းအတွက် နှစ်ပတ်လည် အလှူလုပ်ချင်မိတယ်။
နာဂစ်ကြောင့် လူအပြင် ပိုင်ဆိုင်မှုတွေ အားလုံးလည်း ပါသွားခဲ့တယ်။
မရှိသော်လည်းမဝင်းဝင်းအတွက် အလှူလုပ်ချင်တဲ့အတွက် ဈေးဘက်ထွက်ခဲ့တယ်။
အစဉ်ပြေချင်တော့ မယ်ညို ငှက်တစ်ကောင်ကို ဖမ်းမိလာကြောင်း
ကိုတင်ဝင်းက သတင်းပေးတယ်။
အပြေးအလွှားသွားဝယ်လိုက်တယ်။ အရှင်ဖြစ်နေတဲ့အတွက် မသတ်ရက်ပါ။
မယ်ညိုငှက်ကို လွှတ်ပေးချင်သော်လည်း ငွေကြေးက မဖူလုံခဲ့ပါ။
ဘာလုပ်ရမှန်းမသိအောင်ဖြစ်နေချိန်မှာ
မောင်အေးရဲ့အခက်အခဲကို သဘောပေါက်တဲ့ ငှက်မုဆိုးကိုရွှေသန်းက
မျက်စိရှေ့မှာပင် ရက်ရက်စက်စက် သတ်လိုက်ပါတယ်။
စိတ်မကောင်းပါ။ ဘာမှလည်း မတတ်နိုင်ခဲ့ပါ။
အဲဒီမယ်ညိုကိုပင် ဟင်းခတ်အမွှေးအကြိုင်တွေနဲ့ ကိုယ်တိုင်ချက်ပြီး
နေ့ဆွမ်းအတွက် ရွာဦးဘုန်းတော်ကြီး
ကျောင်းကို ဆွမ်းဂျိုင့် သွားပို့ပါတယ်။
အဲဒီအချိန်မှာ ရပ်ကွက်လူကြီးကိုသိန်းရွှေရဲ့ဇနီးမသန်းကြိုင်ကလည်း
ဆွမ်းဂျိုင့်လာပို့တာကို တွေ့ရပါတယ်။
ဆရာတော်ကို ဆွမ်းကပ်လိုက်ပါတယ်။
ပြီးတော့ ကိုမောင်အေးရဲ့ဆွမ်းဂျိုင့်ကို ဆရာတော်က လဲလှယ်ပေးဖို့
မသန်းကြိုင်ကို လှမ်းပြောလိုက်ပါတယ်။
မသန်းကြိုင်က ဆွမ်းဂျိုင့်ကို လာယူသွားပြီး လဲလှယ်နေချိန်တွင် ကိုမောင်အေးက ဆရာတော်နဲ့စကားပြောနေပါတယ်။
တောရွာဆိုတော့ ဆွမ်းများများစားစားမရှိ်လှပါ။
ရှားရှားပါးပါးဆွမ်းတွေထဲတွင်လည်း ဟင်းကောင်းက တစ်ခွက်၊နှစ်ခွက်ထက်မပိုတတ်ပါ။
မယ်ညိုဟင်းက သိသာထင်ရှားလှပါတယ်။
ဆရာတော်ကို ဆွမ်းကပ်ချင်လွန်းတဲ့အတွက် ကုသိုလ်လား၊ အကုသိုလ်လားပင်
မခွဲခြားနိုင်တော့ဘဲ မယ်ညို ငှက်သားကို မရအရဝယ်ခဲ့မိပါတယ်။
ကွယ်လွန်သူဇနီးအတွက် ကုသိုလ်စိတ်နဲ့ ဆွမ်းချက်လာခဲ့မိပါတယ်။
ဆရာတော်များဆွမ်းစားချိန်အထိ စကားပြောနေခဲ့မိပါတယ်။
ဆရာတော်နဲ့သံဃာများကို ဆွမ်းကပ်ချိန်ရောက်တော့ ဟင်းများကို သတိထားကြည့်မိတော့
မယ်ညိုဟင်းကို မတွေ့ရပါ။
မစဉ်းစားတတ်အောင်ဖြစ်ရပါတယ်။ ဘယ်လိုဖြစ်တာပါလိမ့်။
ရပ်ကွက်လူကြီးရဲ့ဇနီးမသန်းကြိုင်လည်း ပြန်သွားပြီ။
ဘယ်သူကိုမေးရမှန်းလည်း မသိပါ။
ဆရာတော်များက အေးအေးချမ်းချမ်းဆွမ်းဘုန်းပေးနေပါတယ်။
စိတ်ထဲမှာ မအေးချမ်းသူကတော့ ကိုမောင်အေးဖြစ်ပါတယ်။
စိတ်ထဲတွင် ဘလောင်ဆူနေမိပါတယ်။
စိတ်ထဲသံသယဖြစ်လာတဲ့အတွက် ဆွမ်းဂျိုင့်အလွတ်ကို ဆွဲပြီး
ရွာထဲရှိ မသန်းကြိုင်တို့အိမ်ဖက်ကို ထွက်လာမိပါတယ်။
တိုက်တိုက်ဆိုင်ဆိုင် မသန်းကြိုင်တို့မိသားစုများက ထမင်းစားနေကြတယ်။
မသန်းကြိုင်က မျက်နှာပျက်နေလေရဲ့။
ကိုမောင်အေး ဟင်းပွဲကို လှမ်းကြည့်တော့ မယ်ညိုသားဟင်းကို
ရပ်ကွက်လူကြီးဖြစ်တဲ့ကိုသ်ိန်းရွှေက အားရပါးရစားနေတာကို တွေ့ရပါတော့တယ်။
ကိုမောင်အေး တအံ့တသြဖြစ်သွားပါတယ်။
ဘာပြောရမှန်းပင် မသိ။
လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com