Saturday, January 2, 2010

“ နှစ်ခါပြန်…”



ကျနော်တို့ရဲ့ရွာတွင်သမားတော်ကြီးဦးရွှေသန်းဆိုသူတစ်ဦးရှိတယ်။

ကျနော်တို့ငယ်ငယ်ကထဲက အလွန်နာမည်ကြီးလှပါတယ်။

တစ်နေ့တော့ ညသန်းကောင်ယံတွင် ကလေးမွေးရခက်ခဲလှလူနာတစ်ဦးအတွက်

ကိုယ်ဝန်ဆောင်အမျိုးသမီးရဲ့ယောကျာ်းကဆရာကြီးကို လာပင့်တယ်။

သွားရမယ့်လမ်းက နှစ်လမ်းရှိတယ်။

နီးတဲ့လမ်းက သင်္ချိုင်းကုန်းကိုဖြတ်ရမယ်။

လူနာရှင်က သရဲကြောက်တဲ့အတွက် ဝေးတဲ့လမ်းကလာခဲ့တယ်။

အပြန်မှာလည်း ဝေးတဲ့လမ်းကဆရာကြီးကိုခေါ်သွားချင်တယ်။

ဆရာကြီးကနီးတဲ့လမ်းကသွားဖို့ဆုံးဖြတ်လိုက်တယ်။

“သင်္ချိုင်းကုန်းကိုမဖြတ်ရဲဘူး”လို့ပြောတဲ့အခါ

ဆရာကြီးကသူ့မှာသရဲနိုင်တဲ့ဂါထာရှိတာမ်ို့ကြောက်ဖို့မလိုကြောင်း၊

မွေးလူနာဆီမြန်မြန်ရောက်ဖို့လိုကြောင်း ပြောတယ်။

ဒါနဲ့ပဲ ဆရာကြီးနောက်ကို ကြောက်ကြောက်နဲ့လိုက်သွားခဲ့တယ်။

သင်္ချိုင်းကုန်းကိုဖြတ်တဲ့အခါ သရဲများအမြောက်အများထွက်လာပါတော့တယ်။

အသံမျိုးစုံ၊ ပုံသဏ္ဍန်မျိုးစုံ၊နည်းမျိုးစုံခြောက်လှန့်ပါတော့တယ်။

အဲဒီအခါ ဆရာကြီးက ဂါထာကိုရွတ်လိုက်တဲ့အခါ

သရဲအားလုံးကြောက်လန့်ထွက်ပြေးသွားပါတော့တယ်။

ဆရာကြီးရွတ်လိုက်တဲ့ဂါထာကတော့

ဘာလဲ…မင်းတို့တွေ ငါ့ကိုခြောက်လှန့်တယ်ပေါ့ ဟုတ်လား၊

ငါ့ကိုမမှတ်မိတော့ဘူးလား?

ငါဟာ သမားတော်ကြီးရွှေသန်းကွ၊

မင်းတို့တွေအားလုံး နှစ်ခါပြန်သေသွားချင်လို့လား?” ..... ဟူသတည်း။

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com