Sunday, October 16, 2011

" အလဟဿဖြစ်သွားပြီ..."

တစ်ခါတုန်းက

သမားတော်ကြီးနှစ်ယောက်တို့ဟာ

ဂေါက်သီးရိုက်ရင်း စကားပြောကြတယ်။

နှလုံးအထူးကုသမားတော်ကြီးက

“ ကျုပ်ဆီမှာ လူနာတစ်ယောက်ရှိခဲ့ဖူးတယ်။

ကျုပ်ရဲ့ခန့်မှန်းချက်အရ ဒီလူဟာ လွန်ခဲ့တဲ့ ဆယ်နှစ်ကတည်းက

သေရဖို့ရှိတယ်။

ဒါပေမယ့် မသေဘူး။

အခုထိအသက်ရှင်နေတုန်းပဲ။”


နောက် အသည်းသမားတော်ကြီးက

“ အဲဒါပြောတာပေါ့။

လူနာဟာ တကယ်ပဲ အသက်ရှင်လိုစိတ်ပြင်းပြနေရင်

ဆေးပညာဟာ အလဟဿဖြစ်သွားတတ်တယ်”

လို့ပြန်ပြောလိုက်ပါတယ်။




" လေဟုန်စီးပြီး လိုက်သွားပါ..."



တစ်ခါတုန်းက
ငှက်တွေစုပြီးပြိုင်ပွဲတစ်ခုကျင်းပကြသတဲ့။
အဝေးဆုံး၊အမြင့်ဆုံးပြိုင်တဲ့ပြိုင်ပွဲပါ။
တောင်ပံပါတဲ့ငှက်တိုင်းပါဝင်နိုင်တယ်။
အကြီး၊အငယ်မခွဲခြားပါဘူး။
ဒါပေမယ့်ပြိုင်ပွဲမကျင်းပသေးပေမယ့်
ဘယ်သူနိုင်မလဲဆိုတာကို ကြိုတင်ခန့်မှန်းပြီး
အလောင်းအစားတောင်လုပ်နေလေရဲ့။
'တစ်'ပြေးနေသူကတော့ ကိုသိမ်းငှက်ပေါ့။
သိမ်းငှက်ဆိုတာက အမြင့်ဆုံးကိုပျံသန်းနေတဲ့ငှက်မျိုးဖြစ်တယ်လေ။
သူ့တောင်ပံကိုဖြန့်လိုက်ရင် လေဟုန်စီးပြီး အဝေးဆုံးကိုလည်းပျံသန်းနိုင်တယ်။
ဒါနဲ့ပဲ တကယ့်ပြိုင်ပွဲနေ့ကိုရောက်လာတယ်။
တာလွှတ်လိုက်တာနဲ့ သိမ်းငှက်က အလျင်အမြန်ပဲပျံသန်းသွားတယ်။
တာထွက်တာချင်းတူပေမယ့် မကြာခင်မှာပဲ
သိမ်းငှက်က ရှေ့ကဦးဆောင်နေလေရဲ့။
သိမ်းငှက်ရဲ့နောက်မှာ တစ်ကောင်ပြီးတစ်ကောင် ပြတ်ကျန်ခဲ့တယ်။
အဝေးဆုံးနဲ့အမြင့်ဆုံးရောက်ချိန်မှာ သိမ်းငှက်က နောက်ကိုလှည့်ကြည့်လိုက်တဲ့အခါ
သူ့နောက်မှာ ငှက်တစ်ကောင်မှပါမလာကြတော့ဘူး။
သိမ်းငှက်လည်းမောပြီ။
ခြေကုန်လက်ပန်းလည်းကျပြီ။
အဝေးဆုံး၊အမြင့်ဆုံးပြိုင်ပွဲလည်း ပြီးဆုံးပြီလို့ယူဆနေချိန်မှာပဲ
နှံပြည်စုတ်ငှက်ကလေးတစ်ကောင်က သိမ်းငှက်ရဲ့တောင်ပံကြားက
ဖြတ်ပြီး သိမ်းငှက်ထက်ဝေးအောင်၊မြင့်အောင်ပျံသန်းသွားပါတယ်။
ပြိုင်ပွဲအဆုံးမှာတော့
နှံပြည်စုတ်ငှက်ကလေးက အနိုင်ရသွားပါတယ်။
ဆုပေးတဲ့အခမ်းအနားမှာတော့
နှံပြည်စုတ်ငှက်ကလေးကိုဝိုင်းပြီး အင်တာဗျူးကြတာပေါ့။
ဒီပြိုင်ပွဲမှာ ဘယ်လိုအနိုင်ရသလဲပေါ့။
နှံပြည်စုတ်ငှက်ကလေးပြန်ဖြေလိုက်တာက
" သိမ်းငှက်ရဲ့တောင်ပံကြားမှာလေဟုန်စီးပြီးလိုက်သွားတာပါ။
သိမ်းငှက်ကြီးခြေကုန်လက်ပန်းကျသွားချိန်ကျမှ တောင်ပံကြားကထွက်ပြီး
အားကုန်ပျံသန်းသွားခဲ့တာပါ"
လို့ဖြေလိုက်ပါတယ်။


++++++++++++++++++++++++++++

ကျနော်တို့အားလုံးဟာ သိမ်းငှက်တွေမဖြစ်နိုင်ကြပါဘူး။
ဒါပေမယ့်
နှံပြည်စုတ်ငှက်ကလေးလည်း ဖြစ်ကောင်းဖြစ်နိုင်ပါတယ်။
ဖြစ်သမျှနှံပြည်စုတ်ငှက်ကလေး
တွေထဲမှာတော့
အကောင်းဆုံးနှံပြည်စုတ်ငှက်ကလေးတစ်ကောင်
ဖြစ်ဖို့တော့လိုပါတယ်။

အဲဒီလိုဖြစ်ဖို့အတွက်က
အရွယ်အစားကြီးဖို့မလိုပါဘူး။
ဥာဏ်ကြီးဖို့ပဲလိုပါတယ်။
ဥာဏ်သာကြီးခဲ့မယ်ဆိုရင်
ဘဝပြိုင်ပွဲမှာ အနိုင်ရဖို့ဆိုတာ
မခက်ခဲလှတော့ပါဘူး။
သိမ်းငှက်ရဲ့တောင်ပံနဲ့တူတဲ့အရာတွေက
ကျနော်တို့နားမှာ အများကြီးရှိပါတယ်။
ရှိမှန်းသိဖို့နဲ့
သိပြီး အသုံးချဖို့သာလိုတာပါ။

လေဟုန်စီးပြီး လိုက်သွားဖို့က
မိဘဖြစ်ချင်ဖြစ်မယ်။
ဆရာကောင်းဖြစ်ချင်ဖြစ်မယ်။
မိတ်ဆွေကောင်းဖြစ်ချင်ဖြစ်မယ်။
စာအုပ်တစ်အုပ်ဖြစ်ချင်ဖြစ်မယ်။
တရားတစ်ပုဒ်ဖြစ်ချင်ဖြစ်မယ်။
ဘာဘဲဖြစ်ဖြစ်...
" လေဟုန်စီးပြီး လိုက်သွားပါ..."



လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com