Saturday, December 31, 2011

"အလုပ်ပြုတ်တော့မှာပါလား..."


တစ်ခါတုန်းက
ကိုအောင်ဟိန်းက သူ့သူငယ်ချင်းကိုတင်ဝင်းကိုပြောပြတယ်။
"ကျနော်တို့ ကုမ္ပဏီပိုင်ရှင်ဟာ ကမ္ဘာပေါ်မှာ ယဉ်ကျေးသိမ်မွေ့ဆုံး
ပုဂ္ဂိုလ်လို့ပြောရမယ်ဗျ"
"ဘာဖြစ်လို့ ဒီလိုပြောနိုင်တာလဲ"
"ခင်ဗျားပဲ စဉ်းစားကြည့်ပေါ့၊
တစ်နေ့က သူက ကျနော့်ကိုခေါ်ပြီးပြောတယ်။
ခင်ဗျားသာမရှိရင် အလုပ်တွေကို ဘယ်လိုလုပ်ရမယ်မှန်းတောင်
မသိတော့ဘူးဗျာ၊
ဒါပေမယ့် လာမယ့်နှစ်ဆန်းကစပြီး ကျနော် ကြိုးစားကြည့်မယ်တဲ့ဗျာ"


Friday, December 30, 2011

"တရားမျှတယ်ဆိုတာ..."


တစ်ခါတုန်းက သြစတေးလျနိုင်ငံ(Australia)

မှာ မစ္စတာဘွတ်ကာ ဝန်ကြီးချုပ်ဖြစ်တဲ့အချိန်မှာပေါ့။

နိုင်ငံခြားဧည့်သည်တော်တွေရောက်ရှိနေတဲ့အတွက်

ဝန်ကြီးချုပ်ဟာ နိုင်ငံတိုးတက်နေတာကို ကားနဲ့လျှောက်လည်ပြပါတယ်။

သြစတေးလျနိုင်ငံဟာ ဒီမိုကရေစီနိုင်ငံဖြစ်တာမို့ ဘယ်လိုမှန်မှန်ဆန်ဆန်တိုးတက်လာတာကို

နိုင်ငံခြားဧည့်သည်တော်များနဲ့သံတမန်ကိုလိုက်ပြပါတယ်။

ဒါပေမယ့် ဝန်ကြီးချုပ်ဟာ ကားစီးသွားပေမယ့် ကားခါးပတ်(seat belt)ကိုပတ်ဖို့မေ့နေပါတယ်။

အဲဒါကို မော်တော်ပီကယ်ကတွေ့သွားပါတယ်။

ဆိုရိုးတစ်ခုရှိပါတယ်။

မော်တော်ပီကယ်ဟာ ကျီးကန်းဆယ်ကောင်လောက်ကို မျက်စိလျင်သူတွေဖြစ်တယ်။

ဒါရိုက်ဘာကောင်းတစ်ယောက်ဖြစ်ချင်ရင်

မော်တော်ပီကယ်ဆယ်ယောက်လောက်ကိုမျက်စိလျင်ဖို့လိုပါတယ်။

ဝန်ကြီးချုပ် ကားခါးပတ်မပတ်တာတွေ့တဲ့အတွက်

မော်တော်ပီကယ်က ဒဏ်ငွေ (၁၂၀)ဒေါ်လာရိုက်တဲ့

တီကတ်(Ticket)တစ်စောင်ထုတ်ပေးလိုက်ပါတယ်။

နောက်တစ်နေ့ထုတ်သတင်းစာမှာ အဲဒီသတင်းဟာ သတင်းစာခေါင်းကြီးပိုင်းမှာပါလာပါတယ်။

ဒါဟာဘာကိုဖော်ပြသလဲဆိုတော့ သြစတေးလျနိုင်ငံ(Australia)ဟာ

ဥပဒေရဲ့အောက်မှာ လူတိုင်းရှိတယ်ဆိုတာကို

ကမ္ဘာကိုကြော်ငြာသလိုဖြစ်သွားပါတယ်။

စစ်မှန်တဲ့ဒီမိုကရေစီနိုင်ငံတစ်နိုင်ငံဖြစ်ကြောင်းကိုလည်း ကြော်ငြာသလိုဖြစ်သွားတဲ့အတွက်

နိုင်ငံခေါင်းဆောင်တွေအနေနဲ့အကျိုးအမြတ်များစွာရသွားပါတယ်။

+++++++++++++++

ဒီလိုကိစ္စမှာ မြန်မာနိုင်ငံမှာသာဖြစ်ရင် ဘာဖြစ်မလဲလို့တစ်ဆက်ထည်းတွေးမိသွားပါတယ်။

ဖြစ်နိုင်တာတော့ အဲဒီမော်တော်ပီကယ် အလုပ်ပြုတ်ရင်ပြုတ်၊

မပြုတ်ခဲ့ရင်….

အဲဒီမော်တော်ပီကယ် နယ်ပြောင်းရဖို့ရှိတယ်။

(ဝန်ကြီးချုပ်သာ သဘောကောင်းရင်ပေါ့လေ။ )

ရဲချုပ်(ဟောင်း)တစ်ဦးနဲ့စကားပြောဖြစ်ခဲ့ဖူးတယ်။

အဲဒီရဲချုပ်က သူ့ကိုမသိပဲ ဖမ်းတဲ့မော်တော်ပီကယ်တစ်ယောက်ကို

နယ်ပြောင်းပစ်လိုက်တဲ့အကြောင်းကို အားရပါးရပြောတာကိုကြားခဲ့ရဖူးတယ်။

ဒါနဲ့ဆက်ပြောတာက မော်တော်ပီကယ်တိုင်းကိုပြောထားတယ်။

နေ့တိုင်း ကားဆယ်စီးကိုအနည်းဆုံးဖမ်းပေးရမယ်တဲ့။

ဆယ်စီးပြည့်အောင်မဖမ်းနိုင်တဲ့အကောင် နယ်ပြောင်းပဲ။

အပြစ်မရှိတာကိုရှိအောင်လုပ်တဲ့နောက်တော့ တရားဥပဒေဆိုတာ

ကားလမ်းပေါ်မှာဘယ်ရှိတော့မှာလဲ။

စာအုပ်ထဲမှာပဲ ရှိရင်ရှိမှာပေါ့လေ။

ဒါဟာ တစ်ချိန်က ကျနော်တို့မြန်မာနိုင်ငံရဲ့သရုပ်သဏ္ဍန်တစ်ခုဖြစ်ခဲ့ဖူးပါတယ်။

+++++++++++++++

ကျနော်ဟာ တရားအားထုတ်ဖူးပေမယ့်

မြန်မာနိုင်ငံမှာ တရားမျှတတာကိုမတွေ့ခဲ့ဖူးပါ။

ကိုယ်လိုချင်တာနဲ့ပေးတာတူရင် တရားမျှတတယ်လို့ပြောနိုင်တယ်။

ကိုယ်မလိုချင်တာကို မပေးတာလည်း တရားမျှတတယ်လို့ပြောနိုင်တယ်။

တရားချင်းတူရင် တရားမျှတတယ်။

တရားချင်းမတူရင် တရားမမျှပါ။

တရားမမျှရင် တရားမရှိတော့ပါ။

ခိုးတာကိုမကြိုက်ရင် သူများဆီကငွေကြေး၊ပစ္စည်းကိုမခိုးဖို့လိုပါတယ်။

ခိုးတဲ့နေရာမှာ မသိအောင်ယူတာပါဝင်သလို

လာဒ်ပေးလာဒ်ယူတာလည်း ပါဝင်မယ်လို့ထင်မိပါတယ်။

ကချင်တိုင်းရင်းသားတစ်ဦးပြောတဲ့စကားကိုအမှတ်ရမိပါတယ်။

မိုးကောင်း-ဖါးကန့်ကားလမ်းဟာ ခေတ်အဆက်ဆက် ရွံ့လမ်းဖြစ်ခဲ့တယ်။

ဝါးတားဂိတ်(ဝါးလုံးနဲ့တားပြီးငွေတောင်းတဲ့ဂိတ်)ပေါင်းများစွာရှိတယ်။

လွန်ခဲ့သော နှစ်နှစ်ဆယ်ပတ်ဝန်ကျင်က ကားတစ်စီး ထောင်၊သောင်းကျပ်ငွေယူပါတယ်။

တစ်နေ့ကို ကားပေါင်းရာနဲ့ချီပြီးအသွားအလာရှိပါတယ်။

ကားအတူစီးတိုင်းရင်းသားကချင်ကြီးက…

“ဆရာ၊ ဝါးတားဂိတ်တွေက ငွေတွေအရမ်းယူတယ်။

တစ်ဝက်ယူ၊တစ်ဝက်ကိုကားလမ်းပြန်ပြင်ပေးရင်တောင်

ဖါးကန့်-မိုးကောင်းကားလမ်းဟာ ကမ္ဘာပေါ်မှာ အကောင်းဆုံးကားလမ်းဖြစ်လာနိုင်တယ်။

တာဝန်ရှိသူတွေက လမ်းကြေးကောက်ပြီး မခိုးမယူဘူးဆိုရင်၊

လမ်းကိုတာဝန်သိသိပြင်ပေးမယ်ဆိုရင်တော့

ကျနော်တို့ ဖါးကန့်-မိုးကောင်းလမ်းဟာ ရွှေလမ်းဖြစ်ပြီပေါ့ဆရာ၊

အခုတော့ ရွံ့လမ်းကနေ မတက်ဘူး”တဲ့။

+++++++++++++++

ကိုယ့်ကို လေးလေးစားစားဆက်ဆံစေချင်

သူတစ်ပါးကိုလည်းလေးလေးစားစားဆက်ဆံဖို့လိုအပ်ပါတယ်။

ကျနော်တို့နိုင်ငံတွင် အထက်အောက်ဆက်ဆံရေးတွင်

ကိုယ့်ကို လေးလေးစားစားဆက်ဆံစေချင်ပေမယ့် အာဏာရှိပုဂ္ဂိုလ်တွေက

အောက်ကဝန်ထမ်းကိုလေးလေးစားစားဆက်ဆံရကောင်းမှန်းမသိခဲ့ပါ။

မိဘက သားသမီးကိုလေးလေးစားစားဆက်ဆံရကောင်းမှန်းမသိခဲ့ပါ။

ဆရာက တပည့်တွေအပေါ် လေးလေးစားစားဆက်ဆံရကောင်းမှန်းမသိခဲ့ပါ။

ဗုဒ္ဓတရားတော်အရ ကိုယ်ပေးတာကို ကိုယ်ပြန်ရတာပါပဲ။

စပါးစိုက်ရင် စပါးပြန်ရမှာပဲ။

ငရုတ်ပင်စိုက်ရင် ငရုတ်သီးပြန်ရမှာပဲ။

လိမ်တာမကြိုက်ရင် မလိမ်မိဖို့၊

ခိုးတာမကြိုက်ရင် သူတစ်ပါးပစ္စည်း၊ငွေကြေးကိုမခိုးမိဖို့၊

သတ်တာမကြိုက်ရင် သူတစ်ပါးကို မသတ်မိဖို့၊

အထူးသတိထားဖို့လိုအပ်ပါတယ်။

တရားမျှတတယ်ဆိုတာ ကိုယ်မကြိုက်တာကို ကိုယ်မပေးမိဖို့ပါ။

ကိုယ်ကြိုက်တာကိုလည်း ဘယ်သူ့ကိုမဆို ကိုယ်ပေးနိုင်အောင်အားထုတ်ဖို့လိုပါလိမ့်မယ်။

Thursday, December 29, 2011

" ကျနော်ကြိုက်တဲ့ကဗျာများ-၉..."


တရားမပျက်၊

မေတ္တာဆက်၍၊

မဖျက်ဆီးမှု၊

ချီးမြှောက်ပြုလော့၊

သူ့ကိုချီးမြှောက်၊

ကိုယ့်ဂုဏ်မြောက်၏၊

ယွင်းဖောက်အလို၊

ဝန်မတိုနှင့်၊

သူ့ကိုဂုဏ်နှိမ့်၊

ကိုယ့်ဂုဏ်နိမ့်၏၊

စည်းစိမ်အရာ၊

သူ့ချမ်းသာ၌၊

က္ကဿာမပြု၊

ဝမ်းမြောက်ရှုလော့။ ။


(ကျေးဇူးတော်ရှင် မန်လည်ဆရာတော်ဘုရာကြီး)


"အတ္တအဝိုင်းအဝန်းထဲမှာ..."


တစ်ခါတုန်းက

ဒေါ်ငွေခင်ဟာ အသက်(၇၀)နှစ်မြောက်မွေးနေ့ပွဲတစ်ခုကိုဖိတ်တယ်။

မုန့်ဟင်းခါးကျွေးတယ်။

အမေရိကန်မှာမုန့်ဟင်းခါးစားရတာဟာ တကယ့်ကိုရှားရှားပါးပါးအခွင့်အရေးတစ်ခုပါ။

နိုင်ငံခြားအစားအစာတွေ အလျှံပယ်စားနေရချိန်မှာ

မြန်မာမုန့်ဟင်းခါးစားရတာဟာ အခွင့်အရေးတစ်ခုလိုဖြစ်နေပါတယ်

မြန်မာပြည်ကိုလည်းလွမ်းမောစေပါတယ်။

ရံဖန်ရံခါစားရတာမို့ မုန့်ဟင်းခါးဟာ အလွန်အရသာရှိလှပါတယ်။

မုန့်ဟင်းခါးကိုစားရင်ထွေရာလေးပါးစကားတွေပြောဖြစ်ကြပါတယ်။

ဧည့်သည်များများဖိတ်ပုံမရပါဘူးထင်ပါတယ်။

လက်ရှိအိမ်မှာ ဧည့်သည်နည်းနည်းသာတွေ့ရတယ်။

ဖိတ်တဲ့ဧည့်သည်အချို့လည်းလာပုံမရဘူး။

စားစရာတွေကအများကြီးကျန်နေတာကိုကြည့်ပြီးခန့်မှန်းတာပါ။

အဲဒီမွေးနေ့ရှင်ကတစ်ချိန်တုန်းကတော့ရွှေထီးဆောင်းခဲ့တာကို

ပြောရတာ အတော်အာတွေ့နေပုံရပါတယ်။

သူမဟာ အကောင်ကြီးကြီး၊အမြီးရှည်ရှည်ပုဂ္ဂ္ဂိုလ်တစ်ဦးရဲ့ဇနီးဖြစ်ခဲ့ဖူးပါကြောင်း၊

သူမကိုယ်တိုင်ကလည်း အရာရှိကြီးဖြစ်ခဲ့ဖူးကြောင်းတွေကို အားပါးတရပြောပြပါတယ်။

ဘာကြောင့်အမေရိကန်ကိုရောက်လာတယ်ဆိုတာတော့ပြောမပြဘူး။

ရောက်လာပြီးမကြာခင်မှာ အိမ်တစ်လုံးဝယ်တယ်ဆိုတာတော့ပြောပြတယ်။

အဲဒီအိမ်မှာရေကူးကန်ရှိတဲ့အကြောင်းပြောပြတော့

ဘာကြောင့်အဲဒီအိမ်မှာမနေသလဲလို့မေးကြည့်မိတယ်။

အဲဒီအိမ်က အငှားချထားတယ်။

အခုသားနဲ့ချွေးမတွေရဲ့အိမ်မှာသူမရှိရင်မဖြစ်ကြောင်းတွေလည်းပြောပြပါတယ်။

အဲဒီကရတဲ့လခနဲ့အချိန်ပိုင်းအလုပ်လုပ်လို့ရတဲ့လခနှစ်ခုပေါင်းရင်

သူတို့မှာငွေတွေဘယ်လောက်ပိုင်ဆိုင်နေကြောင်းလဲပြောပြပါတယ်။

အတွင်းပစ္စည်းတွေဘယ်လောက်ပိုင်ဆိုင်ကြောင်းလဲအားရပါးရပြောပြပါတယ်။

သူရဲ့ပိုင်ဆိုင်မှုတွေ၊အောင်မြင်မှုတွေပြောအပြီးမှာတော့

တရားသံနဲ့အဆုံးသတ်လိုက်ပါတယ်။

မွေးနေ့ရှင်ဒေါ်ငွေခင်က

“တကယ်တော့ သေတော့လည်းဘာမှယူသွားလို့ရတာမဟုတ်ပါဘူး။

အားလုံးကိုထားခဲ့ရမှာပါပဲ” လို့

သံဝေဂရသံနဲ့ပြောပါတယ်။

အီလည်လည်အစားတွေကိုကျွေးပြီးအချဉ်နဲ့ပိတ်တဲ့သဘောလား။

မြန်မာအစားအစာကိုစားရပြီးမြန်မာတွေနဲ့စကားပြောခွင့်ရတော့

ကျနော်ကစကားများများပြောဖြစ်ပါတယ်။

“တစ်ခါတုန်းကပေါ့လေ၊

သုမေဓာရှင်ကရသေ့မဖြစ်ခင်သူဋ္ဌေးသားဘဝမှာ

စဉ်းစားတာတစ်ခုတော့ပြောချင်ပါတယ်။

အဲဒီသူဋ္ဌေးသားဟာ

မိဘ၊ဖိုးဖွားတွေချန်ထားတဲ့ပစ္စည်းဥစ္စာတွေအမြောက်အများကျန်ရစ်ခဲ့တယ်။

မြေပေါ်မြေအောက် ကုဋောပေါင်းမြောက်များစွာကျန်ရစ်ခဲ့တာပါ။

သုမေဓာ သူဋ္ဌေးသားက

"အော်…ငါ့ရဲ့အဖိုး၊အဖွားတွေဟာ ပစ္စည်းဥစ္စာအမြောက်အများကိုရှာဖွေတတ်ပေမယ့်

အဲဒီပစ္စည်းဥစ္စာတွေ သူတို့နဲ့အတူ ယူမသွားတတ်ခဲ့ဖူး။

အားလုံးကိုချန်ထားရစ်ခဲ့တယ်။

အဲဒီလိုပဲ ငါ့ရဲ့အမိ၊အဘတွေကလည်းအဖိုးအဖွားတွေထက်ပိုတဲ့ဥစ္စာငွေကြေးတွေကို

ရှာဖွေတတ်ခဲ့ပေမယ့် သေလွန်သွားတဲ့အခါ သူတို့နဲ့အတူယူမသွားတတ်ခဲ့ဘူး။

အားလုံးကိုချန်သွားခဲ့တယ်။

သူတို့တွေယူမသွားတတ်ခဲ့တဲ့ပစ္စည်း၊ဥစ္စာငွေကြေးတွေကို

ငါရအောင်ယူသွားမယ်ဆိုပြီးစဉ်းစားမိတယ်"

ဒါနဲ့ပဲ အိမ်တံခါးကိုဖွင့်၊ယူချင်တဲ့သူတွေယူကြဆိုပြီး

အားလုံးကိုလှူပြီးတောထွက်ခဲ့ပါတယ်။

လှူတာဟာ တမလွန်ဘဝပေါင်းများစွာအထိယူသွားတာနဲ့အတူတူပါပဲ။

အဖွားလည်း ချန်မထားခဲ့ချင်ရင် ဘုရားလောင်ထုံးကိုနှလုံးမူပြီး

ပိုင်ဆိုင်တဲ့အရာတွေအားလုံးကို လှူခဲ့လို့ရတာပဲ”

လို့စကားကိုအဆုံးသတ်လိုက်ပါတယ်။

ကျနော့်စကားအဆုံးမှာမွေးနေ့ရှင်က သံဝေဂရသွားတဲ့လေသံနဲ့

“အဖွားကလည်းအဖွားပိုင်ဆိုင်တဲ့ပစ္စည်း၊ဥစ္စာတွေကိုလှူဖို့ဆုံးဖြတ်ပြီးပါပြီ”

ဝမ်းသာအားရနဲ့ကျနော်မေးလိုက်မိတယ်။

“ဘယ်သူတွေကိုလှူဖို့ဆုံးဖြတ်လိုက်သလဲအဖွား”

လို့။

အဖွားပြန်ပြောလိုက်တဲ့စကားကတော့...

“အဖွားရဲ့တစ်ဦးတည်းသောမြေးလေးကိုပဲလှူဖို့ဆုံးဖြတ်လိုက်ပါပြီ”

တဲ့။


Wednesday, December 28, 2011

"မှန်တိုင်းကောင်းသလား..."





တစ်ခါတုန်းက
တံတားလေးစိတ္တဇဆေးရုံမှာ စိတ်နဲ့ပတ်သက်တဲ့ဆေးအသစ်တစ်ခုရောက်ရှိလာတယ်။
ဆရာဝန်ကြီးက လူနာသုံးဦးကိုစမ်းသပ်ပါတယ်။
သုံးလပြည့်သွားတဲ့အခါမှာ အဲဒီဆေးဝါးအသစ် ဘယ်လောက်အတိုင်းအတာအထိ
ကောင်းမွန်သလဲဆိုတာကို ဆရာဝန်ကြီးက သိချင်တာနဲ့
အဲဒီလူနာသုံးဦးကိုမေးခွန်းတစ်ခုမေးပါတယ်။
ဆရာဝန်ကြီးရဲ့ဘေးနားမှာ လက်ထောက်ဆရာဝန်တွေ၊
အလုပ်သင်ဆရာဝန်တွေ၊သူနာပြုတွေနဲ့ဝိုင်းရံနေပါတယ်။
အဲဒီလူနာသုံးဦးထဲကတစ်ယောက်ကိုမေးပါတယ်။
"၅နဲ့၅ မြှောက်ရင် ဘယ်လောက်ရသလဲ"
ပထမလူနာက
"(၁၅၀၀)ရပါတယ်"
လို့ပြန်ဖြေပါတယ်။

ဒါနဲ့ပဲဆရာဝန်ကြီးက ဒုတိယလူနာကိုမေးပါတယ်။
"၅နဲ့၅ မြှောက်ရင် ဘယ်လောက်ရသလဲ"
" စနေနေ့ရပါတယ်"
ဆရာဝန်ကြီးစိတ်ရှုတ်ထွေးသွားပါတယ်။

နောက်ဆုံးတစ်ယောက်က အဲဒီမေးခွန်းကိုပဲပြန်မေးပါတယ်။
"၅နဲ့၅ မြှောက်ရင် ဘယ်လောက်ရသလဲ"
"၂၅ ရပါတယ်"
ဆရာဝန်ကြီးရဲ့မျက်နှာဟာ ဝင်းပသွားပါတယ်။
ဆေးရဲ့အာနိသင်ဟာ ၃၃%လောက်တော့ရှိပေသားပဲ
လို့တွေးမိသွားတဲ့အတွက်ဖြစ်ပါတယ်။
ဆရာဝန်ကြီးက သေချာချင်တာနဲ့မေးခွန်းတစ်ခုကိုထပ်မေးပြန်ပါတယ်။
"အဲဒီ၂၅ကိုဘယ်လိုရတာလဲ"
လူနာပြန်ဖြေလိုက်တာက
"လွယ်လွယ်လေးပဲဟာ၊
၁၅၀၀ထဲက စနေနေ့ကိုစားလိုက်ရင်
အဲဒီ (၂၅ )အဖြေရတာပဲ" တဲ့။








" ရွံ့နွံအိုင်ထဲက နိုဗယ်ဆုနှစ်ဆု..."



တစ်ခါတုန်းက

အင်္ဂလန်နိုင်ငံရဲ့စကော့တလန်ပြည်နယ်မှာလူကလေးတစ်ယောက်မွေးဖွားခဲ့တယ်။

သူ့နာမည်က ဖလန်းမင်းပါ။သူတို့မိသားစုဟာ အလွန်ဆင်းရဲပါတယ်။

သူဟာ ပညာသင်ရမယ့်အရွယ်ရောက်လာပေမယ့်ပညာမသင်နိုင်ပါဘူး။

သူတို့မိသားစုဟာ တောကြီးမြက်မည်းမှာနေကြတယ်။

အဲဒီတောကြီးမြက်မည်းထဲမှာ ရွံ့နွံအိုင်ကြီးတစ်ခုရှိတယ်။

အဲဒီရွံ့နွံအိုင်ထဲကျသွားတဲ့ဘယ်သတ္တဝါမဆို ရွံ့နွံအိုင်ကဆွဲယူသွားတဲ့အတွက်

သေဆုံးကြရတယ်။

ဖလန်းမင်းရဲ့ဖခင်က စိတ်ကောင်းနှလုံးကောင်းရှိသူဖြစ်တယ်။

အဲဒီရွံ့နွံအိုင်ထဲကျသွားသူအတော်များများကိုကယ်ဆယ်ခဲ့ဖူးတယ်။

တစ်နေ့တော့ "ကူညီပါ" လို့အော်သံကြားတော့

ဖလန်းမင်းရဲ့ဖခင်က သွားကယ်တယ်။

သူ့သားအရွယ်လူငယ်လေးဖြစ်နေတယ်။

အဲဒီရွံ့နွံအိုင်ထဲက ကယ်ခဲပြီး အိမ်မှာရေချိုးသန့်စင်ပေးလိုက်တယ်။

ပြီးတော့မှ အိမ်ကိုပြန်စေခဲ့တယ်။

နောက်တစ်နေ့မှာ မြင်းရထားလုံးတစ်စီးအိမ်ရှေ့ကိုထိုးဆိုက်လာတယ်။

ဒါတွေဟာ ချမ်းသာတဲ့မိသားစုတစ်စုလို့ပြောနိုင်တဲ့အဆောင်အယောင်တွေပါပဲ။

အဲဒီမြင်းရထားလုံးက ဂုဏ်သရေရှိတဲ့လူကြီးတစ်ယောက်ဆင်းလာတယ်။

“မနေ့က ကျနော့်သားကို ကယ်ခဲ့သူဟာ ဘယ်သူလဲခင်ဗျာ”

ဖလန်းမင်းရဲ့ဖခင်ကအိမ်ရှေ့ကိုထွက်လာတယ်။

“ ကျနော်ပါပဲခင်ဗျား၊ဘာကိစ္စရှိလို့ပါလဲ”

“ကျနော့်သားကိုကယ်ခဲ့တဲ့အတွက်ကျေးဇူးအထူးတင်မိပါတယ်။

ကျနော်ငွေဘယ်လောက် ပေးရမလဲခင်ဗျာ”

ဖလန်းမင်းရဲ့ဖခင်က

“ကျနော်ငွေမယူပါဘူး။

အကူအညီလိုတဲ့သူကို ကူညီဖို့ဆိုတာ

ကျနော်လုပ်ရမယ့်အလုပ်တစ်ခုလို့ယူဆပါတယ်။

ဒီလိုပဲ ကျနော်ကူညီခဲ့သူတွေအများအပြားရှိပါတယ်။

ဘယ်သူ့ဆီကမှ ငွေကြေးတစ်စုံတစ်ရာမယူခဲ့ဖူးပါဘူး”

အဲဒီအချိန်မှာပဲ ဖလန်းမင်းဟာ အိမ်ထဲကထွက်လာတယ်။

အိမ်ကိုရောက်လာတဲ့လူကြီးမင်းဟာ

“အဲဒီကလေးဟာ ဘယ်သူ့ကလေးလဲခင်ဗျာ”

“ ကျနော့်ရဲ့သားပါခင်ဗျာ”

“ဘယ်နှစ်တန်းရောက်နေပြီလဲ”

“ကျနော်တို့ကတောမှာနေရတော့ ဘယ်မှာကျောင်းထားနိုင်မှာလဲ”

“ဒီလိုဆိုရင် ဒီကလေးလေးကိုကျနော်တို့မြို့ကိုခေါ်သွားချင်တယ်။

ကျောင်းထားပေးပါရစေ”

ဒီလိုနဲ့ဖလန်းမင်းလေးကိုမြို့ကိုခေါ်သွားခဲ့တယ်။

လန်ဒန်မှာကျောင်းတက်ဖြစ်တယ်။ဆရာဝန်ဖြစ်လာတယ်။စိန့်မေရီဆေးရုံမှာအလုပ်လုပ်ရင်း

ဆရာဝန်ကြီးဖြစ်လာတယ်။ သုတေသနလုပ်ငန်းလုပ်ရင်းနဲ့ပေါင်မုန့်မှာတက်နေတဲ့မှိုကိုစမ်းသပ်လိုက်တော့

ဘက်တီးရီးယားပိုးတွေသေတာကိုတွေ့သွားခဲ့တယ်။

ဒါနဲ့ပဲ ပဋိဇီဝဆိုတဲ့ပင်နီစီလင်ဆေးကိုပထမဦးဆုံးရှာဖွေတွေ့ရှိခဲ့ပါတယ်။

အဲဒီပင်နီစီလင်ဆေးဟာလူ့အသက်ပေါင်းများစွာကိုကယ်တင်နိုင်ခဲ့ပါတယ်။

ကမ္ဘာစစ်မှာ ဒဏ်ရာရစစ်သားတွေဟာအနာဖြစ်ပြီးမကျက်နိုင်

နောက်ဆုံးသေဆုံးသူတွေအမြောက်အများရှိပါတယ်။

ဒီလိုပဲ ကာလသားရောဂါဖြစ်သူတွေ

ကုစရာဆေးမရှိလို့သေဆုံးသူတွေအမြောက်အများရှိခဲ့ပါတယ်။

ရောဂါပိုးဝင်ပြီးဆေးဆုံးသူတွေအမြောက်အများကို

ပင်နီစီလင်ဆေးနဲ့အသက်ပေါင်းများစွာကိုကယ်တင်နိုင်ခဲ့ပါတယ်။

တကယ်လို့ဒီဆေးကို မူပိုင်မှတ်ပုံတင်ခဲ့မယ်ဆိုရင်

ပထမဦးဆုံးရှာဖွေတွေ့ရှိသူဖြစ်တဲ့ဖလန်းမင်းဟာသန်းကြွယ်သူဋ္ဌေးကြီးဖြစ်လာဖို့ရှိပါတယ်။

ဖလန်းမင်းဟာ မူပိုင်မှတ်ပုံတင်ခြင်းမရှိပါဘူး။

ဒီဆေးဟာ လူသားပေါင်းမြောက်များစွာရဲ့အသက်ကယ်နိုင်တဲ့ဆေးဖြစ်တဲ့အတွက်

ဘယ်သူမဆိုအခမဲ့သုံးခွင့်ပြုခဲ့ပါတယ်။

နောက်ပြီးဖလန်းမင်းပြောခဲ့တာက

ဒီဆေးကိုဒီထက်ပိုပြီးကောင်းအောင်ဆက်လက်သုတေသနပြုဖို့တိုက်တွန်းခဲ့ပါတယ်။

ဒါဟာစိတ်ကောင်း၊စေတနာကောင်းသူတွေသာလုပ်နိုင်တဲ့ကိစ္စမျိုးဖြစ်ပါတယ်။

ဒီတွေ့ရှိမှုကြောင့်ပဲ အလက်ဇန္ဒာရား ဖလန်းမင်းဟာ နိုဗယ်ဆုကိုချီးမြှင့်ခြင်းခံခဲ့ရပါတယ်။

ဖလန်းမင်းရဲ့ဆေးနဲ့ပဲ တစ်ချိန်တုန်းက သူ့ရဲ့ဖခင် ကယ်တင်ခဲ့တဲ့လူကို ဒီဆေးနဲ့ပဲ

နောက်တစ်ကြိမ်ကယ်တင်နိုင်ခဲ့ပါတယ်။

အဲဒီအဖေရော၊သားပါ အသက်ကယ်ခွင့်ကြုံခဲ့ရသူဟာလည်းနောင်တစ်ချိန်မှာ

စာပေရေးရာနှင့်သက်ဆိုင်တဲ့နိုဗယ်ဆုကို ချီးမြှင့်ခြင်းကိုခံခဲ့ရပါတယ်။

အဲဒီလူရဲ့နာမည်ကတော့ ဝင်စတန်ချာချီပဲဖြစ်ပါတယ်။

ဝင်စတန်ချာချီဟာ အင်္ဂလန်နိုင်ငံရဲ့ဝန်ကြီးချုပ်အကြိမ်ကြိမ်ဖြစ်ခဲ့ပါတယ်။

ဒုတိယကမ္ဘာစစ်ကြီးပြီးအောင်စွမ်းနိုင်ခဲ့ပါတယ်။

စစ်အတွင်း လူပေါင်းများစွာရဲ့အသက်ပေါင်းများစွာကို ကယ်တင်နိုင်သူလည်းဖြစ်ပါတယ်။

မထင်မှတ်ပဲဖလန်းမင်းရဲ့ဖခင်ရဲ့စိတ်ကောင်း၊စေတနာကောင်းနဲ့

အသက်ကယ်တင်မှုတစ်ခုပေါ်အကြောင်းပြုပြီး

လူသားပေါင်းမြောက်များစွာကိုကယ်တင်နိုင်တဲ့လူသားနှစ်ဦးပေါ်ပေါက်လာခဲ့ပါတယ်။

အဲဒီလူသားနှစ်ဦးဟာလည်း နိုဗယ်ဆုကိုယ်စီရရှိခဲ့ကြပါတယ်။

စိတ်ကောင်းစေတနာကောင်းရှိသူတစ်ယောက်ကအစပြုခဲ့တာကြောင့်

ရွံ့နွံအိုင်ထဲက နိုဗယ်ဆုနှစ်ဆုကိုရလိုက်သလို

ကမ္ဘာသူကမ္ဘာသားများစွာရဲ့အသက်လည်းချမ်းသာရာရခဲ့ပါတယ်။



လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com