Tuesday, December 14, 2010

“ သီလသည်သာ လေးစားရာ…”



ဘုရားအလောင်းနုစဉ်အခါက

ဗာရာဏသီပြည်တွင်

ပုရောဟိတ်ပုဏ္ဏားဘဝတွင် မင်းနှင့်တကွ

ပြည်သူပြည်သား အားလုံးတို့က

ဘုရားတစ်ဆူ ဂူတစ်လုံးကဲ့သို့ လေးစားကိုးကွယ်ကြသည်။

ထိုသို့ ကိုးကွယ်ခြင်း၏ အကြောင်းရင်းကို

ပုရောဟိတ်ပုဏ္ဏားက သေချာသိချင်သည်။

တတ်ထားတဲ့ ဗေဒင်ပညာကြောင့်လား၊

မြင့်မြတ်တဲ့ အမျိုးဇာတ်ကြောင့်လား၊

တောင့်တင်းတဲ့မိတ်ဆွေခင်ပွန်းကြောင့်လား၊

ထိန်းသိမ်းစောင့်ရှောက်လာတဲ့ငါးပါးသီလကြောင့်လား၊

စသော လားပေါင်းများစွာ၏

အဖြေကိုသိရန်အတွက်

နန်းတွင်းရွှေပန်းတိမ်သည်၏ သေတ္တာမှ

ငွေသားလက်တစ်ဆုပ်ကို

နှိုက်ယူလေသည်။

ပထမတစ်ခါတွင်တော့

ရွှေပန်းတိမ်သည်သည်

တစ်ပြည်လုံးက ကိုးကွယ်နေသော

ပုဏ္ဏားကြီးဖြစ်သောကြောင့်

ဘာမျှမပြောတတ်အောင် ဖြစ်နေရှာသည်။

ဒုတိယအကြိမ်ယူသောအခါတွင်လည်း

ထိုနည်းတူ ဘာမျှမပြောမိသော်လည်း

စိတ်ထဲ၌ကား

တော်တော်အကြည်ညို ပျက်သွားလေပြီ။

တတိယအကြိမ်ယူသောအခါတွင်ကား

ပုဏ္ဏားကြီး၏ဂုတ်ကို ဖမ်း၍ မြေတွင်နှိမ်ချကာ

ဘုရင့်အာဏာသားတို့၏ လက်သို့

ခိုးသူအဖြစ် အပ်နှံလိုက်လေတော့သည်။

ဘုရင့်ရှေ့တော်မှောက်ရောက်သောအခါတွင်လည်း

ခိုးမှုက ထင်ရှားပြီဖြစ်သောကြောင့်

သေဒဏ်အမိန့်ပေးလိုက်လေသည်။

ထိုအခါကျမှ ပုရောဟိတ်ပုဏ္ဏားကြီးက

မင်းနဲ့တကွ

ပရိသတ်အားလုံးအား ဖြစ်ရပ်မှန်ကို ရှင်းပြလေသည်။


*********************************************************


ဗေဒင်သုံးပုံတို့သည်လည်း သံသရာ၌ ချမ်းသာကို မဆောင်နိုင်ပါ။

မြင့်မြတ်သော အမျိုးဇာတ်သည်လည်း သံသရာ၌ ချမ်းသာကို မဆောင်နိုင်ပါ။

ဆွေမျိုးမိတ်ဆွေအပေါင်းသည်လည်း သံသရာ၌ ချမ်းသာကို မဆောင်နိုင်ပါ။

စင်ကြယ်သန့်ရှင်းအပြစ်ကင်းသော

မိမိစောင့်ထိန်းအပ်သော

ငါးပါးသီလသည်သာလျှင်

သံသရာ၌ချမ်းသာကိုဆောင်နိုင်သည်။



မင်းကြီးအကျွန်ုပ်သည်

ရွှေပန်းတိမ်ထံမှ

ငွေကိုရယူလို၍ ခိုးယူခြင်းမဟုတ်ပါ။

ကျွန်ုပ်အား မင်းနှင့်တကွ

တိုင်းသူပြည်သားအားလုံးတို့က

လေးစားကိုးကွယ်ကြခြင်း၏အကြောင်းကို

သိလို၍ ယူခြင်းဖြစ်ပါသည်။

ယခုကား သိရပါပြီ။

ကျွန်ုပ်တတ်ထားသော ဗေဒင်ပညာ၊

အမျိုးဇာတ်၊

ဆွေမျိုးမိတ်ဆွေတို့ကြောင့်

ကျွန်ုပ်ကို လေးစားကိုးကွယ်ခြင်းမဟုတ်ပဲ

ကျွန်ုပ်စောင့်ရှောက်ထိန်းသိမ်းထားသော ငါးပါးသီလကြောင့်သာလျှင်

ကျွန်ုပ်ကို လေးစားကိုးကွယ်ကြခြင်းဖြစ်ပါသည်။

ယနေ့မှစ၍

မင်းနှင့်တကွ ပြည်သူအပေါင်းလည်း ငါးပါးသီလကို

လုံခြုံအောင်စောင့်ကြပါ

အသင်မင်းကြီး ခွင့်ပြုမည်ဆိုလျှင်

ကျွန်ုပ်သည်လည်းတောထွက်၍

ရသေ့ရဟန်းပြုလိုပါသည်။

နောက်ဆုံးတွင်

ဘုရင်၏ခွင့်ပြုချက်ဖြင့်

တောထဲတွင် ရသေ့ဝတ်ကာ ဈာန်အဘိညာန်တို့ဖြင့်

တစ်သက်ပတ်လုံးနေသွားခဲ့ပါသည်။



“ အဖွားအိုရဲ့ ဆုတောင်း…”


တစ်ခါတုန်းက အဖွားအိုတစ်ယောက်ဟာ
ရွာဦးဘုန်းကြီးကျောင်းအနီးက ဘုရား စေတီပုထိုးမှာ ဘုရားရှိခိုးလေ့ရှိတယ်။
ဘုရားရှိခိုးတိုင်းလည်း အသံကျယ်ကျယ်နဲ့ ဆုတောင်းလေ့ရှိတယ်။
ဆုတောင်းတဲ့အခါမှာတော့
ရက်တိုတိုနဲ့ မဂ်ဖိုလ်နိဗ္ဗာန်ကို ရောက်ရပါလို၏
ဆိုတဲ့ ဆုတောင်းကို အော်ပြီး
ဆိုလေ့ရှိပါတယ်။

ရွာထဲက အနောက်အပြောင်သန်တဲ့ ကိုမြသီက
ဘုရားစေတီပုထိုးနောက်မှာ
ဝင်ပုန်းပြီး အသံနက်၊အသံသြကြီးနဲ့
ငါ သကြားမင်းဖြစ်တယ်။
အဖွား ကြိုင် ရဲ့ဆုတောင်းကို ကြားရတယ်။
“ မနက်ဖြန်နံနက် ၉ နာရီတိတိအချိန်မှာ
နိဗ္ဗာန်ကိုသွားဖို့ အဖွား ကြိုင်ကို လာခေါ်မယ်
လို့ ပြောလိုက်ပါတယ်။
အဖွားကြိုင်ဟာ ကြောက်ကြောက်လန့်လန့်နဲ့ အိမ်ပြန်သွားပါတယ်။
အဲဒီညမှာ လုံးလုံး အိပ်မပျော်ပါ။
ဘုရားစေတီမှာကြားရတဲ့ အသံကြောင့် သောကရောက်နေပါတယ်။
နောက်ပိုင်းမှာ အဖွားကြိုင်ဟာ ဘယ်တော့မှ ဘုရားစေတီကို မသွားတော့ပါ။
ရွာဦးဘုန်းကြီးကျောင်းကိုတောင် မသွားဖြစ်တော့ပါ။

လူတိုင်းဟာ နိဗ္ဗာန်ကိုရောက်ချင်ကြပါတယ်။
ဒါပေမယ့် ဘယ်သူ့မှ မသေချင်ကြဘူး။


“ မွေးနေ့ လမ်းညွှန်…”



ကောင်းကောင်းဆိုတဲ့

ကောင်လေးတစ်ဦးဟာ သူရဲ့မွေးနေ့ကို

သူ့သူငယ်ချင်းဖြစ်တဲ့ မောင်မောင်လေးကို ဖိတ်ပါတယ်။

သူ့မိဘများနေတဲ့အိမ်ကို ဘယ်လိုလာရကြောင်း

သေသေချာချာ ရှင်းပြပါတယ်။

ရောက်လာတဲ့အခါ ဘယ်လိုလုပ်ရမယ်၊

ဘာလုပ်ရမယ်ဆိုတာကို အသေးစိတ်ရှင်းပြနေပါတယ်။


သူရှင်းပြပုံမှာ အောက်ပါအတိုင်း ဖြစ်ပါတယ်။

မင်းလာတဲ့အခါ ()ထပ်ကို တက်လာခဲ့ပါ။

တံခါးမှာ အီးလို့ရေးထားတဲ့ တံခါးကို တွေ့လိမ့်မယ်။

တံခါးရဲ့ ဘယ်ဘက်မှာရှိတဲ့ခလုတ်ကို မင်းရဲ့တထောင်ဆစ်နဲ့နှိပ်လိုက်ပါ။

တံခါးပွင့်သွားတဲ့အခါ တံခါးကို မင်းရဲ့ခြေထောက်နဲ့ အသာကန်ပြီး

တားထားလိုက်ပါ

လို့ ရှင်းပြပါတယ်။


နားထောင်နေတဲ့ မောင်မောင်လေးက

ခလုတ်ကို ငါက ဘာကြောင့် တထောင်ဆစ်နဲ့နှိပ်ရမှာလဲ၊

ပြီးတော့ ပွင့်လာတဲ့တံခါးကို

ဘာကြောင့် ခြေထောက်နဲ့ ကန်ပြီးတားထားရမှာလဲ

လို့ စိတ်ဝင်တစား မေးပါတယ်။


အော်ဒါလား၊

မင်းလာတဲ့အခါ မင်းလက်နှစ်ဖက်စလုံး

မွေးနေ့လက်ဆောင်ပစ္စည်းတွေနဲ့ပြည့်နေမှာလေ။

အဲဒါကြောင့်ပါ

လို့ပြန်ရှင်းပြလိုက်ပါတယ်။

“ နေရာကောင်း…”



ကိုအေးရွှေ သစ်ပင်ပေါ် တွယ်တက်တယ်။

ဖြတ်သွားသူတစ်ယောက်က မေးတယ်။


ဟေ့လူ၊ ဘာတက်လုပ်မှာလဲ


သရက်သီးစားမလို့


ခင်ဗျား ရူးနေသလား၊

ဒါ မန်ကျည်းပင်ပဲ ဥစ္စာ


ကျနော်အိတ်ထောင်ထဲမှာ

သရက်သီးတွေပါတယ်ဗျ

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com