Sunday, October 4, 2009

လဲကျတိုင်း.....ပြန်ထပါ။




လူတစ်ယောက်ရဲ့အကြောင်းကို ပြောပြချင်ပါတယ်။
သူ့ရဲ့ အတ္ထုပ္ပတ္တိအကျဉ်းကို ဖတ်ကြည့်လိုက်ပါ။
ဘယ်သူလဲဆိုတာ ဖတ်ကြည့်ရင်း စဉ်းစားကြည့်ရအောင်။

အသက် ၂၁ နှစ်မှာ....................စီးပွားရေးလုပ်တယ်။ အကြီးအကျယ် ရှုံးတယ်။
အသက်၂၃ နှစ်မှာ.....................ဥပဒေပြုကောင်စီမှာ ၀င်ပြိုင်တယ်။ အရွေးမခံရ။ ရှုံးတယ်။
အသက်၂၅ နှစ်မှာ.....................စီးပွားရေးထပ်လုပ်ပြန်တယ်။ ထပ်ရှုံးပြန်တယ်။
အသက်၂၆နှစ် မှာ.....................အလွန်ချစ်ရတဲ့ချစ်သူ ကွယ်လွန်သွားတယ်။
အသည်းကွဲတဲ့ဝေဒနာကိုအကြီးအကျယ် ခံစားရတယ်။
အသက်၂၇ နှစ်မှာ......................သွက်ချာပါဒဖြစ်သွားတယ်။
အသက်၂၉နှစ် မှာ......................ပါတီပြောရေးဆိုခွင့်ရှိသူ နေရာအတွက် ၀င်ပြိုင်တယ်။ အရွေးမခံရပါ။
အသက်၃၄ နှစ်မှာ.................ကွန်ဂရက်အောက်လွှတ်တော်မှာ ၀င်ပြိုင်ပြန်တယ်။ အရွေးမခံရပါ။
အသက် ၃၇ နှစ်မှာ................အကြိမ်ကြိမ်ဝင်ပြိုင်ရင်း အောက်လွှတ်တော်အမတ်ဖြစ်လာတယ်။
အသက် ၃၉ နှစ်မှာ................အောက်လွှတ်တော်ရွေးကောက်ပွဲ မှာ ထပ်အရွေးခံရဖို့
ပါဝင်ယှဉ်ပြိုင်ပြန်တယ်။ ရှုံးတယ်။
အသက် ၄၆ နှစ်မှာ................ဆီးနိတ် အထက်လွှတ်တော်မှာ ၀င်ပြိုင်တယ်။ အရွေးမခံရပါ။
အသက် ၄၇ နှစ်မှာ................ဒုတိယ သမ္မတအဖြစ် ၀င်ယှဉ်ပြိုင်တယ်။ အရွေးမခံရပါ။
ဒီလောက်တောင်ဆက်တိုက်ဆိုသလို ရှုံးနိမ့်သူ ဟာဘယ်သူဖြစ်မယ်
ထင်ပါသလဲ ?
ခပ်ညံ့ညံ့ထဲကလို့ မထင်လိုက်ပါနဲ့။
အသက် ၅၁ နှစ်မှာ................အမေရိကန်ပြည်ထောင်စုရဲ့ သမ္မတကြီးဖြစ်လာပါတယ်။

ဒီလောက်ဆိုရင် သူဟာဘယ်သူလဲ သိလောက်ပြီထင်ပါတယ်။
သူရဲ့နာမည်ကတော"့ အီဗရာဟင်လင်ကွန်း " ဖြစ်ပါတယ်။


ကျနော်တို့တတွေ သူလောက် နီးပါး အရှုံးတွေနဲ့ နဘမ်းလုံးနေရပါသလား?
အရှုံးတွေ နည်းလို့သူလောက် မအောင်မြင်တာလားလို့လဲ တွေးစရာပါ။
ငယ်စဉ်တုံးက လမ်းလျှောက်သင်ကာစ မှာ လဲကျတိုင်း ပြန်ထခဲ့တယ်။
လဲကျ-ပြန်ထ...၊
လဲကျ-ပြန်ထ...၊
လဲကျ-ပြန်ထ...၊
လဲကျ-ပြန်ထ...၊
အကြိမ်ကြိမ် လဲကျတိုင်း အကြိမ်ကြိမ် ပြန်ထရင်းနဲ့ လမ်းလျှောက်တတ်ခဲ့တယ်။
အသက်ကလေး နည်းနည်းရတာတော့ လဲကျပြီးဆိုရင် ပြန်မထချင်တော့ဘူး။
ဘာမဆို လွယ်လွယ်လေးနဲ့ အရှုံးပေးချင်တဲ့စိတ်က အကျင့်ပါပြီး
အောင်မြင်မှုနဲ့ဝေးနေရတာပါ။
မကောင်းတဲ့အကျင့်ကို ဖျောက်ပစ်ရင် ရပါတယ်။
လဲကျရင်... လဲကျမှန်းသိဖို့လိုပါတယ်။
ပြီးတော့.... လဲကျတဲ့နေရာက သဲတစ်ဆုပ်ကို ဆုပ်လိုက်ပါ။
ပြီးတော့.... အားယူပြီး ကျုံးရုန်းထလိုက်ပါ။
အောင်မြင်မှုဟာ လက်တစ်ကမ်းမှာဘဲရှိတယ် ဆိုတာကို တွေ့ရပါလိမ့်မယ်။

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com