တစ်ခါတုန်းက ကလေးငယ်တစ်ဦးဟာ
ကျောင်းနေဖက်သူငယ်ချင်းတစ်ဦးဆီက ခဲတံတစ်ချောင်းကို ခိုးယူပြီး
အိမ်ကိုယူလာခဲ့တယ်။
သူ့မိခင်ပြန်လာတော့ မိခင်ကို ပြပါတယ်။
အမေက သားကို ခိုးဝှက်လာတဲ့အတွက် တားမြစ်ဆုံးမရမယ့်အစား
သားကို သိပ်တော်တာပဲလို့ချီးကျူးပါတယ်။
အဲဒီကလေးဟာ အမေရဲ့ချီးကျူးစကားကြောင့်
ကောင်းတဲ့လုပ်ရပ်လို့သဘောပေါက်နားလည်သွားပါတယ်။
အဲဒါကြောင့် အခွင့်သင့်လေတိုင်း ခိုးတဲ့အကျင့်ကိုလုပ်ဖြစ်လာပါတယ်။
တဖြည်းဖြည်းနဲ့တန်ဖိုးကြီးတဲ့ပစ္စည်းတွေကိုလက်ရဲဇက်ရဲခိုးလာခဲ့ပါတယ်။
အဲဒီကလေးကြီးပြင်းလာတဲ့အခါ ခိုးယူတဲ့အကျင့်ကြောင့် သူခိုးကြီးဖြစ်လာခဲ့ပါတယ်။
နောက်ဆုံးမှာ ခိုးထုပ်ခိုးထည်နဲ့ လက်ပူးလက်ကြပ်မိတဲ့အတွက်
သေဒဏ်ပေးခံရပါတယ်။
သူ့အားသေဒဏ်ပေးမယ့်လမ်းဘေးမှာ
လာရောက်ကြည့်နေကြတဲ့ပရိသတ်ထဲတွင်
သူ့ရဲ့မိခင်လည်းပါနေပါတယ်။
အမေကငိုယိုနေပြီး သူ့ရင်ဘတ်ကို သူထုနေပါတယ်။
သေဒဏ်ခံရမယ့်သားက အမေကို စကားတစ်ခွန်းပြောခွင့်တောင်းပါတယ်။
ခွင့်ပြုချက်ရပါတယ်။
အမေက သားဆီကို အပြေးအလွှားသွားပြီး နားကို
သားဖက်ကိုကပ်ပေးပြီးနားထောင်လိုက်ပါတယ်။
အဲဒီအချိန်မှာ သားက အမေရဲ့နားရွက်ကို ကိုက်ပြီး ဖြတ်ပစ်လိုက်ပါတယ်။
မိခင်က နာကျင်တဲ့အတွက် တအားအော်ပါတယ်။
ပရိသတ်ကလည်း ထူးဆန်းတဲ့လုပ်ရပ်ကြောင့် ဝိုင်းအုံလာကြပါတယ်။
မိခင်က
“ အမလေးတော်…အရင်ကလုပ်ခဲ့တဲ့ မကောင်းမှုတွေနဲ့တောင် အားမရနိုင်သေးဘူး။
အမေကိုတောင် ရက်ရက်စက်စက် နားကို ကိုက်ဖြတ်သေးတယ်။
လုပ်ရက်လေခြင်းကွယ်”
လို့ငိုယိုပြီး အပြစ်တင်လိုက်ပါတယ်။
အဲဒီအခါ သားက ပရိသတ် အားလုံးကို ရှင်းပြပါတယ်။
“ အမေက ကျနော်ကို ဖျက်ဆီးခဲ့သူဖြစ်တယ်။
ကျနော်ငယ်ငယ်တုန်းက ခဲတံတစ်ချောင်းကို
ခိုးယူလာတာကို ရိုက်နှက်ဆုံးမခဲ့ရင်
ကျနော်အခုလို သူခိုးဖြစ်မှာ မဟုတ်ဘူး။
သေဒဏ်လည်း အပေးခံရမှာ မဟုတ်ဘူး။
အဲဒီတုန်းက အမေက ကျနော်ခိုးလာတာကို ချီးကျူးခဲ့တယ်။
ကျနော်က အကောင်းထင်ပြီးထပ်ခါတလဲလဲ ခိုးလာတဲ့အတွက်
အခုတော့ သေဒဏ်အပေးခံခဲ့ရတာဖြစ်တယ်”
လို့ရှင်းပြပါတယ်။
အလွန်ရိုးရှင်းတဲ့ပုံပြင်လေးဖြစ်ပါတယ်။
ကြားပေါင်းများလို့ ဖတ်ဖတ်ကိုကြေနေပါပြီ။
သားကိုချစ်တဲ့စိတ်ကြောင့် ဘာဘဲလုပ်လုပ်အပြစ်မမြင်ကြတဲ့အတွက်
မိဘများအတွက် သတိတရဖြစ်စေချင်ပါတယ်။
သားကိုချစ်တယ်ဆိုတာကောင်းပါတယ်။
ဒါပေမယ့် အပြစ်လုပ်ရင် အပြစ်ကိုပြင်ပေးသင့်ပါတယ်။
မိဘဖြစ်လာပြီဆိုရင်...
အပြစ်လုပ်ရင် အပြစ်မှန်းမြင်တတ်ပြီး၊ အပြစ်ကိုပြင်ပေးတတ်ပါမှ
အရည်အချင်းပြည့်ဝတဲ့ မိဘကောင်းဖြစ်နိုင်ပါလိမ့်မယ်။
မိဘကောင်းဖြစ်မှလည်း
သားသမီးကောင်းတွေပေါ်ထွန်းလာနိုင်ပါလိမ့်မယ်။
အိုးထိန်းသည် အိုးကို ရိုက်တာဟာ
အိုးကောင်းတွေဖြစ်လာဖို့ပါ။
