Friday, September 28, 2012

"အမေ့ထံသို့ ပေးစာများ-၅၅..."





သို့
ချစ်တဲ့အမေ
သား သတိတရ စာရေးလိုက်ပါတယ်။
မစ်ချီဂန်မှာ ရာသီတွေ ပြောင်းစပြုနေပြီထင်တယ်။
နေ့တာ တိုလာတယ်။
ဟိုတုန်းက ည ၉း၃၀ နာရီမှ မိုးချုပ်တယ်။
အခုဆိုရင် ည၇း၃၀နာရီလောက် မိုးချုပ်နေပြီ။
လွန်ခဲ့တဲ့ရက်တွေက မိုးတွေ အဆက်မပြတ်ရွာတယ်။
နောက်ပိုင်းမှာ သိသိသာသာ အအေးပိုလာတယ်။
အပြင်ထွက်ရင် အနွေးထည် ဝတ်မှဖြစ်မယ့်အခြေအနေ။
ညဆိုရင်လည်း စောင်ထူထူ ခြုံမှ လုံခြုံနွေးထွေးတော့တယ်။
မေမြို့ဆောင်းနဲ့တူနေတယ်။
နေပူနေပေမယ့်လည်း အအေးက ကဲတာကြောင့် အပူဓာတ်ကို သိပ်မရတော့ဘူး။
လေအေးတစ်ချက်တိုက်လိုက်ရင် အသည်းထဲက စိမ့်အေးသွားတယ်။
နှင်းဖွေးဖွေးတွေကိုတော့ မမြင်ရသေးပါဘူး။
နွေရက်တွေ ကုန်ဆုံးသွားပြီထင်တယ်။
ဆောင်းရက်တွေက အစပြုနေပြီ။
ဒေသခံတွေကတော့ ဆောင်းရက်တွေရဲ့အအေးပြင်းထန်ပုံကို
တဖွဲ့တနွဲ့ပြောနေလေရဲ့။
ခြိမ်းခြောက်နေတယ်လို့တောင် ထင်မိတယ်။
ဒီမှာနေတဲ့လူတွေလည်း ထူးထူးခြားခြား လူတွေမှ မဟုတ်တာ။
သူတို့ ခံနိုင်ရင် သားမခံနိုင်စရာ မရှိပါဘူး။
အမေ ပြောတဲ့စကားတစ်ခုကို သား သတိရမိတယ်။
“သတ္တိ ဆိုတာ မကြောက်တတ်တာ မဟုတ်ပါဘူး။
ရှေ့တိုးသင့်တယ်ထင်ရင် ကြောက်ရက်နဲ့ရှေ့တိုးတာပါ။
လုပ်သင့်တယ်လို့ ထင်ရင် ကြောက်ကြောက်နဲ့ ရှေ့ကိုတိုးသွားတာပါ။
အဲဒါကို သတ္တိလို့ခေါ်ပါတယ်”
အခုလည်း ဘာဘဲဖြစ်ဖြစ် သားရှေ့တိုးမှာပါ။
မကြုံဖူးတော့ ကြောက်သလိုလိုတော့ ဖြစ်မိပါတယ်။
ဒါပေမယ့် ရှေ့ကို တိုးသွားမှာပါ။

~~~~~~~~~~~~~~~~~~~~~~~~~~~~~~~~~~~~



အမေရိကန်ရဲ့နိုင်ငံရေးရာသီဥတုကလည်း ပြင်းထန်တာပါပဲ။
အိုဘားမား သမ္မတဖြစ်တာ လေးနှစ်ပြည့်တော့မယ်လေ။
                           ဒီနှစ်ထဲမှာပဲ သမ္မတ ရွေးချယ်တင်မြှောက်ပွဲ ကျင်းပဖို့ ရှိတယ်။            
လက်ရှိသမ္မတ အိုဘားမားနဲ့ အခြားပါတီဖြစ်တဲ့ ရီဗက်ပလက်ကင်(Repuplican Party)
 သမ္မတကိုယ်စလှယ်လောင်း မစ်တ်ရော်နီ (Mitt Romney)
တို့ယှဉ်ပြိုင် ရွေးကြလိမ့်မယ်။
အိုဘားမားဟာ လွန်ခဲ့တဲ့လေးနှစ်က CHANGE (ပြောင်းလဲခြင်း) ဆိုတဲ့ဆောင်ပုဒ်နဲ့
သမ္မတဖြစ်လာခဲ့တယ်။
အဲဒီအချိန်တုန်းက တကယ့်ကို ပြောင်းလဲမှုကို ပြည်သူတွေတောင်းတနေတဲ့အချိန်။
သမ္မတ သက်တမ်းလေးနှစ်မှာတော့ ထူးထူးခြားခြား ပြောင်းလဲခြင်းတွေကို
မတွေ့ရဘူး။
ပြောတဲ့အတိုင်း မလုပ်နိုင်တဲ့သဘောဖြစ်နေတယ်။
အထူးသဖြင့် စီးပွားရေးမှာ မပြောင်းလဲဘူး။
အလုပ်လက်မဲ့ပြဿနာကို ကောင်းကောင်းမဖြေရှင်းနိုင်ဘူး။
နီးစပ်သူတွေကို မေးကြည့်တဲ့အခါ သမ္မတ အိုဘားမားကို မကြိုက်သူတွေ များတယ်။
ဒါပေမယ့်လည်း ဒီမှာက အမည်းတွေက များတာမို့
အမည်းဖြစ်တဲ့ အိုဘားမား မရနိုင်ဘူးလို့တော့ မပြောနိုင်ဘူး။
သမ္မတ အိုဘားမားရဲ့ဒီတစ်ခါဆောင်ပုဒ်ကတော့
Forward (ရှေ့သို့) ဖြစ်နေတယ်။
ကြောက်ရွံ့ရက်နဲ့ ရှေ့သို့တိုးနေတဲ့သဘောများလား လို့တွေးမိသေးတယ်။
ဒါဆိုရင် အိုဘားမားလည်း သတ္တိရှိသူ လို့ပြောနိုင်တာပေါ့။
ရီဗက်ပလက်ကင်(Repuplican Party)
 သမ္မတကိုယ်စလှယ်လောင်း မစ်တ်ရော်နီ (Mitt Romney)ရဲ့ဆောင်ပုဒ်ကတော့
တည်ဆောက်ကြစို့(Build It!)
လို့ သိရတယ်။

 ~~~~~~~~~~~~~~~~~~~~~~~~~~~~~~~~~~~~



ဒီမှာအလုပ်လုပ်ဖေါ်ဖြစ်တဲ့ မြန်မာတိုင်းရင်းသားတစ်ယောက်က ပြောဖူးတယ်။
“ဒီအမေရိကန်ရောက်ပြီးနောက် ပျော်စရာကောင်းတဲ့ရက်ဆိုလို့ တစ်ရက်ပဲ ရှိတယ်” တဲ့။
“ဘယ်ရက်လဲ” လို့ မေးလိုက်တော့
“လခထုတ်တဲ့ရက်” တဲ့အမေရယ်။
“ဘာကြောင့်လဲ” လို့ မေးလိုက်မိတာပေါ့။
“အလုပ်က ပင်ပန်းတယ်။
အလုပ်ချိန်က များတယ်။
တစ်နေကုန်အလုပ်လုပ်ရတာ ပျော်စရာ မကောင်းဘူး တဲ့။
ဒီမှာက ငွေက အရေးကြီးတော့ငွေရတော့ ပျော်စရာကောင်းတာပေါ့” လို့
သူကပြောတယ်။
သူက မလေးရှားနိုင်ငံက ရောက်လာတာ။ မလေးရှားမှာတော့ ငါးနှစ်လောက်နေခဲ့တယ်။
ပြီးတော့ ဒုက္ခသည်အဖြစ်နဲ့အမေရိကန်ကိုရောက်လာတာ။
ဒုက္ခသည်ဆိုတာ နာမည်သာ ဆိုးတာ။
အခွင့်အရေးတော့ တော်တော်ရပါတယ်။
သူက အိမ်က မိဘတွေဆီ ငွေပို့ချင်တော့ အပြင်မှာ အလုပ်လုပ်နေတာ။

အခု ကျနော်နဲ့အတူတူ အလုပ်လုပ်နေတဲ့မက်စီကန်တစ်ယောက်ကို
အဲဒီစကားကို အကြောင်းဆုံတော့ ပြန်ပြောပြဖြစ်တယ်။
သူကတော့ တစ်မျိုးပြောတယ်။
“ငါက လခငွေရရင် မပျော်ဘူး” တဲ့။
“ဘာကြောင့်လဲ” လို့ မေးမိတော့
“ငါက ငွေရတာနဲ့ မက်စီကန်မှာ ရှိတဲ့မိသားစုကို ပြန်ပို့ပေးရတယ်။
အဲဒီငွေကို ငါမသုံးရဘူး” တဲ့။
သူ့မှာက မိန်းမနဲ့သားသမီး နှစ်ယောက်ရှိတယ်။
အဲဒီမိသားစုကိုလခထုတ်ပြီးတာနဲ့နောက်ရက်မှာ
သူ့မိသားစုတွေဆီကို ပြန်ပို့လိုက်တယ်။
ငွေပို့တာချင်းတော့ အတူတူပါပဲ။
ဒါပေမယ့် သဘောထားတွေ မတူတော့ ခံစားချက်တွေလည်း
ကွဲပြားသွားတာကို သတိပြုမိလိုက်တယ်။

~~~~~~~~~~~~~~~~~~~~~~~~~~~~~~~~~~~~



တစ်နေ့တာပဲ တွေးတာကောင်းတယ်။
ည ၉-နာရီထိုးလို့ အလုပ်သိမ်းပြီးတဲ့အခါ
“အော်…တစ်နေ့တာတော့ ပြီးသွားပြန်ပြီ” လို့တွေးဖြစ်တယ်။
 တစ်နေ့တာထက် ပိုမတွေးချင်တော့ဘူး။
တွေးမိတိုင်းလည်း မအီမလည်ဖြစ်ရတယ်။
နောက်ကြောင်းပြန်လှည့်ပြေးချင်စိတ် ပေါ်လာတယ်။
နောက်ကြောင်းကို ပြန်လှည့်စောင်းကြည့်တော့ အဝေးကြီးမှာ ကျန်ခဲ့သလိုပဲ။
အဲဒီခံစားချက်ကို မကြိုက်တာကြောင့် တစ်နေ့တာထက် ပိုမတွေးချင်ဘူး။
ပိုမနေချင်ဘူး။
သတိထားရင်းနဲ့ သတိရှိလာတယ်။
တရားသဘောနဲ့ကြည့်ရင်
အမေရိကန်မှာနေတော့မှ ပစ္စုပ္ပန်တည့်တည့် နေဖြစ်တော့တယ်။
ပစ္စုပ္ပန်တည့်တည့် နေဖြစ်တော့ ပိုပြီးငြိမ်းချမ်းလာသလိုပဲ။
ဒီခံစားချက်ကိုတော့ ကြိုက်နှစ်သက်မိတယ်။

အမေရေ …
ကျန်းမာရေးကို ဂရုစိုက်ပါ။
ကျနော့်တို့အတွက်မပူပါနဲ့။
အမေ့ကို ချစ်တဲ့သား
အောင်ဝင်းဟိန်း
လင်စင်မြို့၊
မစ်ချီဂန်ပြည်နယ်၊
အမေရိကန်နိုင်ငံ။


 



" လှိုက်လှိုက်လှဲလှဲ ရီလိုက်ပါ..."




ဖီလော်ဆိုဖီ တစ်မျိုး ကြားဖူးတယ်။
As If Philosophy လို့ ခေါ်တယ်။
မြန်မာလိုတော့ ဘိသကဲ့သို့ လို့ခေါ်တာ ကြားဖူးတယ်။
ပျော်နေတဲ့အမူအရာနဲ့ နေပါ။ ပျော်လာမယ်။
ပျော်ဟန်ဆောင်ပါ။ ကြာရင် တကယ် ပျော်လာမယ် လို့ ဆိုလိုတယ်။
ဖြစ်နိုင်တယ်။ မဖြစ်နိုင်ဘူး ဆိုတာကို အငြင်းမပွားလိုပါဘူး။
လက်တွေ့ စမ်းကြည့်လိုက်ပါ။
ပြုံးပါ။ 
စိတ်ထဲမှာ ဘယ်လို ခံစားရသလဲ။
ဒေါသထွက်နေတဲ့မျက်နှာလုပ်ပါ။
စိတ်ထဲမှာ ဘယ်လို ခံစားရသလဲ။

+++++++++++++++++++++++++++++++++++++

ဒီနေ့တစ်နေ့လုံး ပျော်ဟန်ဆောင်ပါ။
ပျော်စရာကို တွေးပြီး ပျော်စရာကို ပြောပါ။
ပျော်စရာ သီချင်းတွေကို ဆိုပါ။
ဘာမှ အရှုံးမရှိနိုင်ပါဘူး။
တစ်နေ့ကုန်သွားတဲ့အခါ ကိုယ် ဒီနေ့နေရတာ ပိုပျော်လာသလား ဆိုတာ
စမ်းစစ်ပါ။
ပိုပျော်တာပဲ တွေ့ရမယ်။ စမ်းကြည့်လိုက်ပါ။
အရှုံး မရှိပါဘူး။

+++++++++++++++++++++++++++++++++++++


ကိုယ့်စိတ်က ကိုယ်အမူအရာကို လွှမ်းမိုးတာ ရှိသလို
ကိုယ့်အမူအရာက ကိုယ့်စိတ်ကို လွှမ်းမိုးတာလည်း ရှိပါတယ်။
တစ်ခါတစ်လေ စိတ်ကနေ စတယ်။
တစ်ခါတစ်လေ အမူအရာကနေ စတယ်။
ရတဲ့နေရာက စလိုက်ပါ။

+++++++++++++++++++++++++++++++++++++

လူသားတွေမှာ အစွမ်းထက်တဲ့ လက်နက်တစ်ခု ရှိပါတယ်။
အဲဒါက လှိုက်လှိုက်လှဲလှဲ ရီတာပဲ။
သူတို့အကြောင်း ကြားရတဲ့အခါ ဟားတိုက်ပြီး ရီလိုက်ပါ။

+++++++++++++++++++++++++++++++++++++

စိတ်ချမ်းချမ်းသာသာ နေတတ်တဲ့သူဟာ စိတ်ချမ်းသာတဲ့သူတွေနဲ့ မိတ်ဆွေဖြစ်ဖို့
အလားအလာ ပိုများတယ်။ ဓာတ်တူချင်း စုတတ်တယ်။
ဓာတ်မတူရင် ရေရှည် မပေါင်းနိုင်ဘူး။

+++++++++++++++++++++++++++++++++++++

ချစ်ချစ်ခင်ခင် နေချင်ရင် စိတ်ချမ်းချမ်းသာသာ နေပါ။
ကိုယ့်ကိုယ်ကိုကိုယ် ပိုကောင်းတဲ့သူ ဖြစ်ချင်ရင်
အရင်ဆုံး စိတ်ချမ်းချမ်းသာသာ နေတတ်အောင် လေ့ကျင့်ပါ။

+++++++++++++++++++++++++++++++++++++



ဘာဘဲလုပ်လုပ် စိတ်ချမ်းသာချင်လို့ လုပ်တာပဲ။                
အဲဒီတော့ ဘာမှမလုပ်ခင်ကတည်းက စိတ်ချမ်းသာနေရင် ပိုမကောင်းဘူးလား။
ဘာမှမလုပ်ရပဲ စိတ်ချမ်းသာနေတယ်ဆိုရင် ပိုကောင်းပါတယ်။
တရားအားထုတ်တာကို အလေ့အကျင့် ကောင်းကောင်း ရထားတဲ့သူဟာ                       
သတိဝင်လာတာနဲ့ စိတ်ချမ်းသာလာတယ်။
သတိဝင်လာဖို့ပဲ လိုတယ်။
ဘာမှ နောက်ထပ်လုပ်ဖို့ မလိုဘူး။
အဲဒီနည်း ဟာစိတ်ချမ်းသာဖို့ အသေချာဆုံးနည်းပဲ။
ပြင်ပကို မှီခိုမှု မရှိတဲ့ စိတ်ချမ်းသာနည်းဟာ စိတ်ချမ်းသာဖို့ သေချာတဲ့နည်းပဲ။

+++++++++++++++++++++++++++++++++++++

ဘယ်သူတွေ ဘာဘဲဖြစ်ဖြစ် ကိုယ့်ဟာကိုယ် စိတ်ချမ်းသာအောင်နေမယ်လို့ ပြောရင်
ကြားရတဲ့ ကိုယ့်မိသားစု၊ကိုယ့်ချစ်သူ၊ ကိုယ့်မိတ်ဆွေတွေက ဘာပြောကြမလဲ။
သိပ်တစ်ကိုယ်ကောင်းဆန်တဲ့သူလို့ ပြောကြမယ်ထင်တယ်။
သူများအတွက် စိတ်ဆင်းရဲနေရပါတယ် ဆိုမှ သိပ်မေတ္တာ ဂရုဏာ ကြီးတယ်
သိပ်ချစ်တတ်တယ် လို့ပြောမယ်။

+++++++++++++++++++++++++++++++++++++

ချစ်တယ်ဆိုတာ အကျိုးရှိတာကို လုပ်ပေးတာလို့ အဓိပ္ပာယ်ကောက်ရင်
ကိုယ်က စိတ်ချမ်းသာနေမှ အကောင်းဆုံးကို လုပ်ပေးနိုင်မှာ ဖြစ်လို့
သူများ စိတ်ဆင်းရဲနေတဲ့အချိန်မှာ ကိုယ်က စိတ်မဆင်းရဲဖို့ ပို အရေးမကြီးဘူးလား။
ဆရာဝန်က လူနာကို ကြည့်ပြီး ဘာမှ မလုပ်တတ်အောင် စိတ်ဆင်းရဲနေရင်
အဲဒီဆရာဝန်ကို အားကိုးမှာလား။

+++++++++++++++++++++++++++++++++++++

ဘယ်သူဘာဖြစ်ဖြစ် ဂရုစိုက်ဖို့ မလိုဘူးလို့ မဆိုလိုပါဘူး။
ဒါဖြစ်ရင် ဘာကို ဆိုလိုတာလဲ။
ဘာကို ဆိုလိုသလဲဆိုတော့  ကိုယ့်မှာ ရှိမှ ပေးလို့ရတယ်လို့ဆိုလိုတာပါ။
ကိုယ်က စိတ်ချမ်းသာနေမှ သူများကို စိတ်ချမ်းသာမှု ပေးနိုင်မယ်။
အဲဒီအချက်ကို လက်ခံသလား။
လက်ခံတယ်ဆိုရင် သူများ စိတ်ဆင်းရဲနေတဲ့အချိန်မှာ ကိုယ်က စိတ်ချမ်းသာနေမှ ဖြစ်မယ်။
သူစိတ်ဆင်းရဲနေလို့ ငါ စိတ်ဆင်းရဲတယ်ဆိုရင်
ဘယ်သူက ဘယ်သူ့ကို စိတ်ချမ်းသာမှု ပေးနိုင်မလဲ။

+++++++++++++++++++++++++++++++++++++

ငါ စိတ်ဆင်းရဲနေရင် ငါနဲ့အတူလိုက်ပြီး စိတ်ဆင်းရဲမှ ငါ့ကိုချစ်တာလို့ ပြောမှာလား။
အဲဒီလို ပြောကြတာ များမယ်ထင်တယ်။
ကိုယ်က စိတ်ချမ်းသာအောင် လုပ်ပေးချင်တိုင်းလည်း ရတာ မဟုတ်ပါဘူး။

+++++++++++++++++++++++++++++++++++++


ကိုယ့်စိတ်ဓာတ် ရင့်ကျက်မှု ဘယ်လောက်ရှိတယ်ဆိုတာ ဘာနဲ့တိုင်းတာမလဲ။
ကိုယ့်စိတ်ကိုကိုယ် ဘယ်လောက် ချမ်းသာအောင် ထားနိုင်သလဲ ဆိုတာနဲ့ တိုင်းတာမယ်။
ကိုယ့်စိတ်ချမ်းသာမှုအတွက် သူတစ်ပါးပေါ် မှီခိုမှု ဘယ်လောက်နည်းသလဲ
ဆိုတာနဲ့ တိုင်းတာမယ်။

+++++++++++++++++++++++++++++++++++++

ကိုယ် စိတ်ချမ်းသာဖို့ သူများက လုပ်ပေးရမယ်ဆိုရင် ရင့်ကျက်မှုနည်းသေးတယ်။
သူများက ကိုယ့်ကို စိတ်ဆင်းရဲအောင် လုပ်လို့ရတယ်ဆိုရင်
စိတ်ဓာတ်ရင့်ကျက်မှု နည်းသေးတယ်။

+++++++++++++++++++++++++++++++++++++

စိတ်ဆင်းရဲနေတဲ့သူဟာ ကိုယ့်အတွေးထဲမှာ ကိုယ် နစ်နေတယ်။
သူများအတွက် ပေးစရာ မရှိဘူး။ သူ စိတ်မချမ်းသာတာကိုပဲ ပြောနေမယ်။
စိတ်ဆင်းရဲနေတဲ့သူဟာ ဘာမှ ပေးစရာမရှိဘူး။
ဒါကြောင့် သူများအကျိုးကို လိုလားရင် စိတ်ချမ်းသာအောင် အရင်နေပါ။

+++++++++++++++++++++++++++++++++++++

စိတ်ချမ်းသာနေတဲ့သူဟာ လွတ်လပ်မှု ရှိတယ်။
အဲဒီလွတ်လပ်မှုက သူများအကျိုးကို ထိထိရောက်ရောက် ဆောင်ရွက်နိုင်အောင်
အခွင့်အရေး ပေးတယ်။
ကိုယ်က အဲဒီလို လွတ်လပ်ပြီး စိတ်ချမ်းသာမှ သူများကိုလည်း လွတ်လပ်ပြီး စိတ်ချမ်းသာအောင်
အထောက်အကူ ပေးနိုင်တယ်။
မလွတ်လပ်တဲ့သူဟာ အချင်းချင်း စိတ်မချမ်းသာတဲ့သူ အချင်းချင်း စုပြီး စိတ်မချမ်းသာကြောင်း
ပြောနေရုံနဲ့ ဘာမှ မဖြစ်လာဘူး။

+++++++++++++++++++++++++++++++++++++
စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။
+++++++++++++++++++++++++++++++++++++
ကိုယ်ကိုယ်တိုင် ဖတ်ဖို့-၁၁၃…


လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com