Monday, November 7, 2011

" ဆရာကြီးကို ချစ်တယ်လား?…"


တစ်ခါတုန်းက မောင်လှမြင့်ဆိုတဲ့

ချာတိတ်တစ်ယောက်ဟာ

လမ်းပြပုလိပ်တစ်ယောက်ဆီပြေးလာတယ်။

“ဦးလေး ကျနော့်နောက်အမြန်လိုက်ခဲ့ပါ”

လမ်းပြပုလိပ်က ဘုမသိ၊ဘမသိနဲ့ပြန်မေးလိုက်တာက

“ဘာဖြစ်လို့လဲ”

မောင်လှမြင့်ပြန်ပြောလိုက်တာက...

“ကျနော်တို့ရဲ့ကျောင်းအုပ်ဆရာကြီး ကားမရပ်ရတဲ့နေရာမှာ

သူ့ကားကို ရပ်ထားတာကိုပြမလို့”

" အမေ့ထံသို့ပေးစာများ-၂၀..."





သို့
ချစ်တဲ့အမေ
သားသတိရစွာဖြင့် စာရေးလိုက်ပါတယ်။
အမေနေကောင်းလား။
နှလုံးဆေးတွေကို မှန်မှန် သောက်ဖြစ်လား။
ဆေးတွေကိုတော့ မှန်မှန်သောက်ပါအမေရယ်။
သားအဖို့အစဉ်ပြေအောင်နေနေရတာပေါ့။
ကျနော်အလုပ်ကတော့ ပင်ပန်းပါတယ်။
အလုပ်ကြမ်းဆိုတော့ ခွန်အားကို အားပြုပြီးလုပ်ရတာပေါ့။
နေပူထဲမှာလုပ်ရတယ်။ ရေနဲ့လုပ်ရတယ်။
လယ်သမားအလုပ်နဲ့ဆင်တူသလိုပါပဲ။
ဒါပေမယ့် လယ်လုပ်သလောက်လည်းပင်ပန်းတာတော့မဟုတ်ပါဘူး။
ကားတွေများရင် အလုပ်များတယ်။ ကားတွေနည်းရင် အလုပ်နည်းတယ်။
သောကြာ၊စနေ၊တနင်္ဂနွေရက်တွေမှာ ကားတွေများတယ်။
ကြားရက်တွေမှာတော့ ကားကပုံမှန်လောက်ပါပဲ။
အဲဒီရက်တွေမှာဆိုရင် နားချိန်များများရတတ်ပါတယ်။
အဲ..တစ်ခုတော့ရှိတယ်။
ကြားရက်တွေဆိုရင်လည်း အလုပ်ချိန်နာရီက နည်းနည်းပဲရပြန်တယ်။
အဲဒီရက်တွေဆိုရင် မပင်ပန်းပေမယ့် နာရီနည်းနည်းပဲရတော့ ငွေလည်းနည်းနည်းပဲရတယ်။
အလုပ်ရှင်တွေကလည်း တန်မှခိုိင်းတာပါ။
အလုပ်ပါးချိန်ဆိုရင် အလုပ်ချိန်လျှော့ပစ်လိုက်တာပဲ။
ပေးတဲ့ငွေနဲ့ တန်အောင်လည်းခိုင်းတယ်။
အလုပ်လုပ်တဲ့အချိန်ဆိုရင် နားချိန်မရအောင်လုပ်ရတယ်။
အလုပ်ရှင်က မြန်မာပြည်ပေါက်ပွားတဲ့ တရုပ်လူမျိုးပါ၊
မြန်မာပြည်မှာတော့ ငုံးမွေးမြူရေးလုပ်ငန်းနဲ့အသက်မွေးဝမ်းကြောင်းတယ်လို့ကြားမိတယ်။
အမေရိကားကိုဘယ်လိုရောက်လာသလဲတော့ မသိရဘူး။
ဒီရောက်ပြီးရရာအလုပ်ကို လုပ်တယ်။
အလုပ်ပေါင်းတစ်ရာကျော်တယ်တဲ့။
ရလိုက်၊လုပ်လိုက်၊ပြုတ်လိုက်နဲ့ပေါ့။
နောက်ဆုံးမှ ကားသန့်ရှင်းရေးလုပ်ငန်းနဲ့တည်မြဲသွားတယ်။
စီးပွားလည်းဖြစ်သွားတယ်။
ဒီအလုပ်ကိုပဲ နှစ်ပေါင်းသုံးဆယ်နီးပါးရှိပြီလို့သိရတယ်။
ခုတော့ သူက အနားယူသွားပါပြီ။ သူ့ရဲ့သားက အဖေအလုပ်ကို ဆက်လုပ်နေတယ်။
မန်နေဂျာက သူ့ယောက်ဖပေါ့။ သူ့(အလုပ်ရှင်)မိန်းမရဲ့မောင်။
သူလည်း မြန်မာပြည်ပေါက်တရုပ်ပါပဲ။
သူတို့တွေ သဘောကောင်းသလားလို့မေးရင် ဖြေရခက်တယ်။
ပိုင်ရှင်ကိုတော့ မဆက်ဆံဖူးတော့ မပြောနိုင်ဘူး။
ပိုင်ရှင်ရဲ့သားကတော့ သဘောကောင်းပါတယ်။
မန်နေဂျာကတော့ အပေါက်ဆိုးတယ်။
စီမံခန့်ခွဲမှုဆိုတာ အလုပ်သမားတွေကို ဆူနေမှ၊ဆဲနေမှလို့
သဘောပေါက်ထားသလားမသိပါဘူး။
သူ့ကိုမတွေ့လိုက်နဲ့၊
တွေ့လိုက်တာနဲ့ဆူသံ၊ဆဲသံတွေကြားရပြီ။
တွေ့သမျှလူကိုဆူဆဲသွားလိုက်တာပဲ။
သူနားတဲ့ရက်ဆိုရင်...
အဲဒီအချိန်က အလုပ်သမားတွေ နားအေးပါးအေးနေရတဲ့အချိန်။
လူတိုင်းက အလုပ်သမားဘဝကနေတစ်ဆင့်ပြီးတစ်ဆင့်တက်သွားကြတာပါပဲ။
မန်နေဂျာဖြစ်သွားပြီးအလုပ်သမားဘဝကိုမေ့သွားကြတာဓမ္မတာလားလို့တောင်တွေးလာမိတယ်။
မြန်မာပြည်က တရုပ်မိတ်ဆွေတစ်ယောက်ပြောတဲ့စကားကို သွားသတိရမိတယ်။
“ တရုပ်ချွေးမတွေဟာ ယောက္ခမတွေကိုသေလောက်အောင်ကြောက်ရတယ်။
အိမ်အလုပ်တွေကိုလည်း အားလုံးလုပ်ရတယ်။ ခလေးတွေလည်းအများကြီးမွေးရတယ်။
ခိုင်းတာမှန်သမျှလုပ်ပေတော့၊ ဘာမှလည်းပြန်မပြောရဲဘူး။ တကယ့်ကျွန်တွေနဲ့တူတယ်။
အဲဒီချွေးမဟာ ယောက္ခမဖြစ်လာတဲ့အခါ ကိုယ်ချင်းစာတရားရပြီးကိုယ့်ချွေးမကို
ညှာညှာတာတာခိုင်းလိမ့်မယ်လို့မထင်နဲ့။
သူခံခဲ့ရတဲ့အတိုင်း သူ့ရဲ့ချွေးမကို မညှာမတာခိုင်းတော့တာပဲ။
ချွေးမကို ကျွန်လိုသဘောထားတာ ဓမ္မတာလိုဖြစ်နေတယ်။
အဲဒါကို တရုပ်လို့ခေါ်တယ်။”
ကျနော်လည်း တရုပ်မန်နေဂျာနဲ့တွေ့နေတယ်အမေ။
မက်စီကန်တွေကို အဲဒီမန်နေဂျာက အင်္ဂလိပ်လိုဆဲတာ၊ဆူတာ၊ကြိမ်းမောင်းတာ။
မန်နေဂျာက မြန်မာပြည်ပေါက်တရုပ်ဆိုတော့
ကျနော့်ကိုတော့ မြန်မာလိုဆဲတာ၊ဆူတာ၊ကြိမ်းမောင်းတာပေါ့။
အခံရတော့ခက်တာပေါ့။တစ်ခါမှ မခံဖူးပဲအမေရာ။
ကျနော်တို့က မိကောင်းဖခင်ကမွေးဖွားလာတော့ ဒါတွေကို မကြားဖူးဖူးလေ။
အံသြမိပါတယ်။ အခံရလည်းခက်ပါတယ်။
အလုပ်ကိုသင်မပေးဘူး၊ ကိုယ့်ဖာသာကိုယ်ကြည့်ပြီးလုပ်။
မှားပြီးဆိုရင် အနားရောက်လာပြီးဆူတော့တာပဲ။
“အော်…အမေရိကန်စတိုင်လားမသိပါဘူး” ဆိုပြီးသီးခံခဲ့ပါတယ်။
ဒီမှာက အလုပ်မရှိလို့မဖြစ်ဖူးလေ။
ပြီးတော့ အလုပ်အရမ်းရှားချိန်ဆိုတော့ နောက်အလုပ်ကလည်း
ရှာရခက်တယ်ဆိုတဲ့အတွေးနဲ့သီးခံတာလည်းပါပါတယ်။
ပြီးတော့ အမေ့အတွက် ဆေးဖိုးဝါးခကလည်းရှိသေးတယ်လေ။
အဲဒီစိတ်နဲ့သီးခံခဲ့ပါတယ်။ အလုပ်လုပ်ဖြစ်ခဲ့ပါတယ်။
အပြောမခံရအောင် အလုပ်တွေကိုမနားမနေလုပ်ဖြစ်တယ်။
အလုပ်မရှိတဲ့အချိန်ဆိုရင် အလုပ်ဝန်းတစ်ဝန်းလုံးမှာရှိတဲ့အမှိုက်တွေကို
တံမြက်စည်းလှည်းတာလည်းလုပ်လိုက်တာပါပဲ။
အခိုင်းမစောင့်ပါဘူး။ ဒီအလုပ်ကို ကုသိုလ် အလုပ်လို့မှတ်ယူပါတယ်။
အမေပြောတာမှတ်မိသေးတယ်။
“တံမြက်စည်းတစ်ချောင်းရှိရင် သိကြားမင်းတောင် ဖြစ်နိုင်တယ်ဆိုတာလေ။
ကိုယ်ရင်းနှီးရမှာက စိတ်ကောင်းစေတနာကောင်းပါပဲ”တဲ့။
ဦးမာဃ သိကြားမင်းဖြစ်သွားတဲ့ပုံပြင်ကိုပြောရင်းနဲ့ပြောသွားတာကို
ကျနော်မှတ်မိနေတုန်းပါပဲ။
အလုပ်ကိုလက်နဲ့မပြတ်အောင်ကိုလုပ်ဖြစ်တယ်။ အစွမ်းကုန်အောင်ကိုလုပ်ဖြစ်တယ်။
ပင်ပန်းတဲ့အလုပ်တွေကိုဟိုတုန်းက မလုပ်ခဲ့ဖူးပါဘူး။
အခုလိုလုပ်လိုက်တဲ့အတွက် အစွမ်းကုန်ပြီလို့ထင်ထားတဲ့အချိန်မှာ
ကိုယ့်ရဲ့အစွမ်းတွေအများကြီးကျန်သေးတယ်ဆိုတာလည်း သိခွင့်ရလာတယ်။
ဒါကြောင့်ပါမောက္ခ ဝီလျံဂျိမ်းဆိုတဲ့စိတ်ပညာရှင်ပြောခဲ့တဲ့စကားမှန်ကြောင်းသိလာတယ်။
လူတွေဟာ သူတို့ရဲ့အစွမ်းအစ၊လုပ်နိုင်စွမ်းခွန်းအားတွေရဲ့၁၀%သာသုံးဖြစ်တယ်ဆိုတဲ့စကားပေါ့အမေ။
ကျနော့်ရဲ့ မိန်းမ ကတော့ ဂျပန်စားသောက်ကုန်လုပ်ငန်းတစ်ခုကိုလုပ်တယ်။
သူ့ရဲ့အလုပ်ရှင်က မြန်မာလူမျိုးပါပဲ။ ဒီမှာရောက်နေတာ နှစ်နှစ်ဆယ်ကျော်ကြာပြီ။
သူမ ဆီမှာ အလုပ်သမားငါးယောက်ရှိတယ်။
သူမက ကျန်းမာရေးကြောင့် အလုပ်သမားတွေကို ငှားရမ်းပြီး
သူမရဲ့ဆူရှီးအလုပ်ကို လည်ပတ်နေတယ်။
ယုံယုံရဲ့အလုပ်ပုံစံကတစ်မျိုး၊
နာရီစားမဟုတ်ဘူး။ နေ့စားလို့ပြောရမယ်ထင်တယ်။
ကျနော်က နာရီစား၊ တစ်နာရီ( ၈ )ဒေါ်လာနှုန်း၊
ယုံယုံက နေ့စား၊ တစ်နေ့ကို (၇၀)ဒေါ်လာနှုန်း၊
နှစ်ပတ်တစ်ကြိမ်လစာကိုရှင်းတာတော့ တူတယ်။
ယုံယုံရဲ့လစာက ကျနော်ထက်နှစ်ဆမကများပါတယ်။
သူမလည်းဘာထူးလဲ။ အလုပ်ကို အသေအကြေလုပ်ရတာပါပဲ။
အလုပ်ချိန်ကျတော့ အကန့်အသတ်မရှိတော့ဘူး။
နံနက်(၆)နာရီကျော်ပြီးဆိုရင်အလုပ်ကိုသွားပြီ။ပြန်ချိန်ကျတော့ ပုံမှန်မရှိဘူး။
အစောဆုံးပြန်ရတဲ့အချိန်က ည (၇)နာရီဖြစ်နေတယ်။
တစ်နေ့ကို (၁၂)နာရီကျော်ကျော်လုပ်ရတဲ့သဘောဖြစ်နေတယ်။
နေ့လည်ဆိုရင်လည်း ထမင်းစားချိန်မှာသာ နားချိန်ရတော့တယ်။
အစောဆုံးထမင်းစားချိန်လား၊ ညနေ(၄)နာရီပါပဲ။
အိမ်ကတော့ နွားနို့်နဲ့မုန့်စားသွားတယ်။အဲဒါတစ်နေ့လုံးလိုလိုပါပဲ။
ထမင်းစားချိန်ကျမှ အိမ်ကထမင်းဘူးကိုစားပေတော့။
ကျန်တဲ့အချိန်မှ တောက်လျှောက်မတ်တတ်ရပ်ပြီးလုပ်နေရတယ်။
ရောက်စဆိုတော့ တက်တက်ကြွကြွလုပ်နေတုန်းပါပဲ။
တစ်ပတ်ကို တစ်ရက်တော့ နားရက်ရပါတယ်။
ပြီးခဲ့တဲ့လက သုံးပတ်ဆက်တိုက်နားရက်မရတော့ တော်တော်ညည်းသွားတယ်။
ညည်းသံတွေကို နားညီးအောင်ကြားရတော့တာပဲ။
ဟိုတုန်းက ပြည့်ပြည့်ဖောင်းဖောင်းနဲ့ယုံယုံ ဟာ
အခုတော့ ပိန်ပိန်ချောင်ချောင်နဲ့ယုံယုံ ဖြစ်နေပြီလေ။
ပေါင်ချိန်တော်တော်ကျသွားတယ်။
အခုမှပဲ ပိန်ဆေး တွေ့သွားတော့တယ်။
စလင်း(Slim)တောင်မဟုတ်ဘူး။ သင်း(Thin)ဖြစ်သွားတယ်။
ငွေလိုချိန်ဆိုတော့လည်း ငွေမျက်နှာနဲ့လုပ်ရတာပဲလေ။
ငွေမျက်နှာက ကြီးမားပါဘိ။
ကျနော်က စိတ်ပေါက်ပေါက်ရှိလာတဲ့အခါ ပြောလိုက်ပါတယ်။
“လာချင်အုန်းဟဲ့…အမေရိကား၊
လာတဲ့သူတွေ ကားနေတာပဲ”
အမေရိကန်မှာ ကျွန်စံနစ်မရှိတော့ပေမယ့်
အလုပ်ရှင်တွေကတော့ အလုပ်သမားတွေကိုကျွန်လိုခိုင်းနေတုန်းပါပဲအမေ။
ဥပဒေက အလုပ်သမားတွေကို အကာအကွယ်ပေးတာတယ်ဆိုပေမယ့်
အလုပ်ရှင်တွေက အကျိုးအမြတ်များများကျန်အောင်
အလုပ်သမားကို ဥပဒေဘောင်ထဲက နေပြီး ကျွန်လိုခိုင်းတာပါပဲ။
အမေပြောသလိုပြောရရင် ကုလားကြီးနဲ့အရာကြီးအတူတူပါပဲ။
ဘယ်အလုပ်ရှင်ဖြစ်ဖြစ် အတူတူပါပဲ။
အလုပ်သမားတွေဆီက အကျိုးအမြတ်များများရအောင် လုပ်အားကို
ဘယ်လိုညှစ်ထုတ်ယူမလဲဆိုတဲ့ဘာသာရပ်ကို
ဒီက အလုပ်ရှင်တွေက တော်တော်ကျွမ်းကျင်နေပုံရကြတယ်။
အလုပ်လုပ်နေတဲ့အတွက်တော့ တစ်နေ့တစ်မျိုးပညာတိုးပါတယ်။
သီးခံနိုင်တဲ့စွမ်းရည်လည်းတိုးတက်လာပါတယ်။
ဒါလည်း ကုသိုလ်ရတယ်လို့မှတ်ယူပါတယ်။
ဝင်ငွေလည်း တိုးတက်နေလေတော့ နေ့စဉ်နေ့တိုင်း
ကုသိုလ်၊ပညာ၊ဥစ္စာငွေကြေးရနေတယ်လို့မှတ်ယူလိုက်ပါတယ်။
ဒီလိုသဘောထားလိုက်တော့ စိတ်သက်သာရာလည်း ရသွားပါတယ်။
အမေ...ကျနော့်အတွက်စိတ်မပူပါနဲ့။
အဆိုးတွေတွေ့ရင် ကုန်ကြမ်းတွေရတယ်လို့သဘောထားလိုက်ပါတယ်။
အဲဒီကုန်ကြမ်းကို ဘဝအတွက် ကုန်ချောတွေဖြစ်အောင်
ဘယ်လိုလုပ်ရမယ်ဆိုတာကို သိရင် ကျနော့်အတွက်
အားလုံးဟာ အကျိုးအမြတ်တွေချည်းပဲလို့တွေးပြီးကျေနပ်နေမိပါတယ်။
အမေကျန်းမာရေးကိုဂရုစိုက်ပါနော်။
အမေ့ကိုချစ်တဲ့
သား
အောင်ဝင်းဟိန်း
ဆန်ဟိုဆေးမြို့(San Jose)
ကယ်လီဖိုးနီးယားပြည်နယ်(California)
အမေရိကန်ပြည်ထောင်စု(USA)
၁၁-၇-၂၀၁၁

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com