Wednesday, March 21, 2012

"တစ်ယောက်ထဲ ဒါပေမယ့် မွေးကင်းစ…"



တစ်ခါတုန်းကပေါ့။
ကျနော်ဟာ လက်ထောက်ဆရာဝန်အဖြစ်
အမျိုးသမီးဆေးရုံ၊သားဖွားဆောင်မှာ တာဝန်ကျနေတုန်းကဖြစ်တယ်။
အချို့ညများတွင် တစ်ညထဲ ကလေးအယောက်နှစ်ဆယ် သုံးဆယ်မွေးဖွားပေးရတတ်ပါတယ်။
ကလေးအားလုံးကို ကလေးအခန်းတွင်ထားတယ်။
မွေးဖွားကာစ ကလေးများဟာ တစ်ယောက်နဲ့တစ်ယောက်တူနေသောကြောင့်
မိဘအမည်နဲ့ကလေးရဲ့ခြေဖဝါးအမှတ်အသတ်ကို မှတ်သားပြီး လက်တွင်ပတ်ပေးထားပါတယ်။
နောက်တစ်နေ့မှာ မွေးကင်းစ ကလေးတွေရဲ့ဖခင်နဲ့ဆွေမျိုးတွေလာရောက်ကြည့်တဲ့အခါမှာ
ကလေးငယ်များကို သူနာပြုဆရာမက ကလေးကိုအရင်ရွေးချယ်ရပါတယ်။
ပြီးတော့မှ ကလေးငယ်ကို ပွေ့ချီပြီး ဖခင်နဲ့ဆွေမျိုးများကို ပြလေ့ရှိတယ်။
မွေးကင်းစကလေးငယ်များကို ရောဂါပိုးများက ကာကွယ်ရန်အတွက်
မှန်ကာထားတဲ့အခန်းကသာ ပြသပေးလေ့ရှိတယ်။
တစ်နေ့တွင် သူနာပြုဆရာမ ခင်ပပနဲ့ နော်စန္ဒာငြိမ်းတို့
တာဝန်ကျတဲ့နေ့တွင်ဖြစ်တယ်။
သူတို့နှစ်ယောက်စလုံးက ပျော်တတ်သူများဖြစ်သောကြောင့်
သူတို့နဲ့တွဲပြီးတာဝန်ကျရင် ပျော်စရာ ကောင်းပါတယ်။
အပျော်ဆိုတာမျိုးက ကူစက်တတ်တဲ့သဘော လို့ထင်ပါတယ်။
သူနာပြုဆရာမ နော်စန္ဒာငြိမ်းက ဖခင်နဲ့ဆွေမျိုးများကို မွေးကင်စကလေးကို ပြနေချိန်တွင်
သူနာပြုဆရာမ ခင်ပပက ပြုံးပြုံးနဲ့ ကျနော့်အနားကိုလာပြီး
“ဆရာ စန္ဒာငြိမ်း ကလေးပြနေတယ်။
ဆရာ သေသေချာချာ ကြည့်ထား။ ပြီးမှ ဆရာကိုပြောပြမယ်”လို့ပြောပါတယ်။
ရီစရာ တစ်ခုခုတော့ ရှိနေမှန်း သိပေမယ့်
ဘာမှန်းတော့ သေသေချာချာတော့ မသိပါ။
သေသေချာချာကြည့်ထားဆိုသောကြောင့် သတိထားကြည့်ဖြစ်ပါတယ်။
ကလေးငယ်ကို ကြည့်တဲ့အဖွဲတစ်ဖွဲရောက်လာပါတယ်။
စန္ဒာငြိမ်းက ကလေးငယ်တစ်ယောက်ကို ပွေ့ချီပြီး ပြသပေးပါတယ်။
“ဖခင်ဖြစ်သူက သူ့အမေနဲ့တူတယ်နော်” တဲ့။
နောက်တစ်ဖွဲ့လာပြန်ပါတယ်။
“ကလေးလေးက သူ့အဖေနဲ့ချွတ်စွတ်ပဲ” တဲ့။
နောက်တစ်ဖွဲ့လာပြန်ပါတယ်။
“အဖွားနဲ့တူတယ်တော”့ တဲ့။
နောက်တစ်ဖွဲ့လာပြန်ပါတယ်။
“အဖိုးနဲ့တူလိုက်တာ” တဲ့။
လာတဲ့မိဘဆွေမျိုးတွေက အများကြီး။
သူတို့ကတော့ မွေးကင်းစ ကလေးကိုကြည့်ပြီး
ဘယ်သူနဲ့တော့တူလိုက်တာလို့ပြောတာပဲ တွေ့ရတယ်။
ထူးခြားတာတော့ မတွေ့ရပါဘူး။
“ဆရာ ဘာတွေ့လဲ”
“ထူးထူးခြားခြား ဘာမှတော့ မတွေ့မိဘူး”
ခင်ပပက ရီပြီးပြောတာက
“လာကြည့်တဲ့ မိဘဆွေမျိုးတွေ အားလုံးကို
မွေးကင်းစ ကလေးတစ်ယောက်ထဲကိုပဲ ပြနေတာလေ” တဲ့။


လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com