Thursday, August 13, 2009

သမင်နဲ့အတူပြေး.....ခွေးနဲ့အတူလိုက်.....


တစ်ခါတုန်းက..တောလိုက်ခွေးတစ်ကောင်ဟာတောစပ်မှာသမင်တစ်ကောင်ကိုတွေ့ပါတယ်။ ဒီတော့တောလိုက်ခွေးကသမင်ကိုအစွမ်းကုန်လိုက်ပါတော့တယ်။ 

သမင်ကလည်းအစွမ်းကုန်ပြေးရတာပေါ့။ အတန်ကြာတော့ တောထဲရောက်သွားပါလေရောတဲ့။ သမင်ကတောလိုက်ခွေးကိုလှည့်ပြီးပြောပါတယ်။
“မင်းဘယ်လောက်လိုက်လိုက် ငါ့ကိုမမီနိုင်ပါဘူး”
တောလိုက်ခွေးက“ ဘာကြောင့်လဲ...”
သမင်က “မင်းလိုက်တာက တစ်နပ်စာအတွက်လိုက်တာလေ...
ငါပြေးရတာကတစ်သက်စာအတွက် ပြေးရတာဖြစ်လို့ပေါ့”

ပုံပြင်ကတော့ ဒါပါဘဲ။

ချစ်တဲ့အဖွားရဲ့ပေါင်ပေါ်မှာခေါင်းတင်ပြီးပုံပြင်ကိုနားထောင်ရတာဟာ 
အလွန်ကိုအရသာရှိလှပါတယ်။ ခုထိလွမ်းလို့ကောင်းတုန်းပါဘဲ။
ငယ်ငယ်တုန်းကတော့ ပြောတဲ့အကြောင်းအရာအပေါ်မှာပဲ စဉ်းစားတတ်တယ်။ 
ချဲ့ပြီးမစဉ်းစားတတ်ဘူး။
သမင်လေးလွတ်သွားလို့ပျော်တာလောက်ပဲရှိတယ်။ ခုတော့.....။
လူကြီးမင်းကရော...ဘယ်လိုစဉ်းစားမိပါသလဲ...
ခွေးနဲ့အတူ လိုက်နေတာလား...
သမင်နဲ့အတူ ပြေးနေတာလား...

ကြိုက်နှစ်သက်ရာကိုရွေးချယ်နိုင်ပါတယ်။
လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com