Saturday, October 31, 2009

ထုတ်တန်းပေါ်က..သားငယ်...



တစ်ခါတုန်းက အဖေကအလုပ်ကပြန်လာတယ်။
အိမ်ရှေ့မှာ အမေရယ်၊သမီးရယ်၊ သားငယ်ရယ်
အဖေ့ကိုထွက်ကြိုကြပါတယ်။
(၅)နှစ်အရွယ်သားငယ်က အဖေ့ကို ချီဖို့လက်လှမ်းလိုက်ပါတယ်။

အဖေကလည်း သားငယ်ကို ချီပြီးပုခုံးပေါ်မြှောက်တင်လိုက်ပါတယ်။ အဖေ့ရဲ့ပုခုံးပေါ်မှာ သားငယ်က အမကိုလှမ်းပြောလိုက်ပါတယ်။“ သားသား အမထက် အရပ်မြင့်သွားပီနော်...”တဲ့။
“သားသားဟာ အမေထက်လည်းမြင့်သွားသလို...အဖေထက်လည်းမြင့်သွားပီနော်....” လို့ ဝမ်းသာအားရ အော်နေပါတယ်။ မိဘနှစ်ပါးစလုံးဟာဝမ်းသာအားရဖြစ်နေတဲ့ သားငယ်ကိုတွေ့တော့ ပြုံးနေလေရဲ့။
အိမ်ခန်းထဲက ထုတ်တန်းတစ်ခုနားရောက်တော့ သားငယ်က အဖေ့ရဲ့ပုခုံးပေါ်က လက်လှမ်းပြီးထုတ်တန်းကိုကိုင်ဆွဲလိုက်ပါတယ်။
အဲဒီလို လှမ်းဆွဲထားတော့ အဖေကရှေ့ဆက်သွားလို့မရတော့ဘူး။
ပြီးတော့သားငယ်က ထုတ်တန်းကို ခိုထားလိုက်တယ်။
သားငယ်လေးက သူမမှီတဲ့ အရာတစ်ခုကို လက်နဲ့ထိတွေ့ထားတော့ နှစ်သက် သဘောကျနေလေရဲ့။ သားငယ်ကထုတ်တန်းပေါ်မှာ တန်းလန်းဖြစ်နေတယ်။

ကြာလာတော့ လက်ညောင်းလာတယ်။ ခန္ဓာကိုယ်ရဲ့အလေးချိန်က တဖြေးဖြေး လေးလာတယ်။
အဖေရှိတုန်းကတော့ အစဉ်ပြေနေပေမယ့် အောက်မှာအဖေကမရှိတော့တဲ့အခါ ခြေလွတ်၊လက်လွတ်ဖြစ်ပြီး
လက်ညောင်းတဲ့ဒါဏ်ကို မခံနိုင်တော့ ငိုပါလေရောလား။
အဖေကရောက်လာပြီးချီပိုးလိုက်လေတော့မှ အငိုတိတ်တော့တယ်။


ငယ်စဉ်တုန်းက ဘယ်သူမဆို တွေ့ကြုံခဲ့ဘူးမှာပါ။
ကျနော်တို့ဟာ မိဘထက်တော်လာတယ်။ မိဘထက် ပညာတွေတတ်လာတယ်။
မိဘထက် ဥစ္စာတွေရှာနိုင်လာတယ်။ မိဘထက် ချမ်းသာလာတယ်။
မိဘထက် ရာထူးတွေကြီးလာတယ်။ မိဘထက်သြဇာ၊အာဏာတွေပိုရှိလာတဲ့အခါ
ကိုယ့်ကိုကိုယ် အထင်တကြီးဖြစ်လာတယ်။
မာနတွေ တက်လာတယ်။
ငါထက်ငါသာနှိုင်းစရာဖြစ်လာတယ်။

အနီးဆုံးဖြစ်တဲ့မိဘကို အထင်သေးလာတယ်။
မိဘရဲ့ပခုံးပေါ်ကိုနင်းပြီး မြင့်လာတာကို မေ့လာကြတယ်။

မိဘရဲ့ကျောထောက်နောက်ခံမပါဘဲ ဘယ်သူမှ ထိပ်ဆုံးကိုမရောက်နိုင်ဘူးဆိုတာကို လက်မခံချင်တော့ဘူး။
အိုမင်းမစွမ်းဖြစ်နေတဲ့မိအို၊ဘအိုနဲ့ ကိုယ်နဲ့ဝေးသထက်ဝေးလာတယ်။
ခဏတဖြုတ်ရပ်နားပြီးစဉ်းစားကြည့်ပါ။
ဖြစ်သင့်ပါသလား?

တာဝန်သိရင် တာဝန်ရှိသလိုပါပဲ။
ကျေးဇူးသိရင် ကျေးဇူးရှိတာကိုတတ်နိုင်သလောက်ပေးဆပ်သင့်ပါတယ်။

ကျေးဇူးသိတာဟာ ဘယ်တော့မှ နောက်မကျပါဘူး။
ကျေးဇူးသိတတ်သူတိုင်းကို ကျနော်က ကျေးဇူးတင်ပါတယ်။ ။






“ဟာသရဲ့တန်ဖိုး”



ဟာသရဲ့တန်ဖိုးနဲ့ပက်သက်ပြီး
စိတ်ပညာပါရဂူကြီး ဒေါက်တာပီတာဒေ့စကော့(ချ)ရဲ့ သုတေသနပြုချက်အပေါ် အခြေခံတဲ့သုံသပ်ချက်တွေကတော့.....
  • ဟာသ(ရီမောခြင်း)ဟာ... ဦးနှောက်အာရုံကြောများကို ပျော့ပျောင်းစေပြီး တီထွင်ဖန်တီးမှုကို စေ့ဆော်ပေးပါတယ်။
  • ဟာသ(ရီမောခြင်း)ဟာ... အခက်အခဲများနှင့် ရင်ဆိုင်ရာတွင် ဦးနှောက်ကို သွက်လက်ထက်မြက်စေပါတယ်။
  • ဟာသ(ရီမောခြင်း)ဟာ... စိတ်ဖိစီးမှုကို သက်သာရာရစေပါတယ်။
  • ဟာသ(ရီမောခြင်း)ဟာ... နှလုံးခုန်နှုန်းကို ကျဆင်းစေပြီး သွေးတိုးရောဂါကို အတိုင်းအတာတစ်ခုအထိ ထိန်းထားနိုင်ပါတယ်။
  • ဟာသ(ရီမောခြင်း)ဟာ... စိတ်ကျရောဂါကို ကာကွယ် တားဆီးပေးနိုင်ပါတယ်။
  • ဟာသ(ရီမောခြင်း)ဟာ... နာကျင်မှုဝေဒနာကို သက်သာစေတဲ့အပြင် ကျေနပ်ပျော်ရွှင်မှုကိုဖြစ်စေသောအင်ဒိုးဖင်း
  • (Endorphins)ဓာတ်ကိုထုတ်ပေးနိုင်ပါတယ်။
  • [ တရားထိုင်ရင်လည်း အင်ဒိုးဖင်းဓာတ်များထွက်စေပါတယ်။]
  • ဟာသ(ရီမောခြင်း)ဟာ... ပေါင်းသင်း ဆက်ဆံရေးတွင် “ချောဆီ” အဖြစ်အသုံးဝင်စေပါတယ်။

ဟာသကိုရှာဖွေပါ။
ဟာသကို မွေးမြူပါ။
ဟာသကို ဖန်တီးပါ။
ဟာသဟာ အန္တရာယ်လည်းကင်းတယ်။
လူတိုင်းလည်းအသုံးပြုလို့ရတယ်။
ငွေလည်းမကုန်ဘူး။
လွယ်လည်းလွယ်တယ်။
ကဲ...ဘယ်လောက်ကောင်းပါသလဲ?

အကောင်းမြင်စိတ်ရှိတဲ့လူတွေက လေယာဉ်ပျံကို ကောင်းသထက် ကောင်းအောင် တီထွင်၊ဖန်းတီးကြလေရဲ့။ အဆိုးမြင်စိတ်ရှိတဲ့လူတွေကလည်း လေထီးကို ကောင်းသထက် ကောင်းအောင် တီထွင်၊ဖန်းတီးနေလေရဲ့။ လောကကို အဲဒီလူနှစ်မျိုးစလုံးက အကျိုးပြုကြတာချည်းပါပဲ။ ဒါပေမယ့်....လူ့ဘဝမှာ ဘယ်လူမျိုးက ပိုပြီး စိတ်ချမ်းသာမယ် ထင်ပါသလဲ? အကောင်းမြင်စိတ်ရှိတဲ့လူတွေက ပိုပြီးစိတ်ချမ်းသာမယ် ဆိုတာ လူတိုင်းသိပါတယ်။ အကောင်းမြင်စိတ်ရှိတဲ့လူတွေက ဘယ်လိုအခက်အခဲတွေဘဲ တွေ့တွေ့၊ ဘယ်လို အခြေအနေဆိုးနဲ့ဘဲကြုံကြုံ၊ ဟာသဥာဏ်နဲ့ပြောင်းလဲ၊ထိတွေ့ခံစားတတ်ကြသူတွေဖြစ်နေတာကို သတိပြုမိပါတယ်။
လူကြီးမင်း...လည်း စိတ်ချမ်းသာဖို့အတွက်... အကောင်းမြင်စိတ်ကိုမွေးမြူမလား?
ဟာသဥာဏ်နဲ့ပြောင်းလဲ၊ထိတွေ့ခံစားမလား?

ကြိုက်နှစ်သက်ရာကို ရွေးပါလေ။


Tuesday, October 27, 2009

အားရပါးရ...မရီနဲ့...အဘ၊



တစ်ခါတုန်းက အလွန်လှပတဲ့ ပင်လယ်ကမ်းစပ်မြို့လေးတစ်မြို့မှာ ဆေးခန်း ဖွင့်ခဲ့ဘူးပါတယ်။
အဲဒီမြို့က လေးမိုင်အကွာ ရှုခင်းသာက ပင်လယ်ရဲ့နေဝင်ချိန်ကို ကြည့်ရတဲ့အရသာ ဟာ
အလွန်ထူးကဲတဲ့ ခံစားချက်တစ်မျိုးပါပဲ။ တစ်ကယ်ကို လွမ်းမောစရာပါ။

ကျနော်ရဲ့ဆေးခန်းက မြို့ထဲမှာပါ။ ဆေးခန်းကအခန်းကြီးနှစ်ခန်းနဲ့ဖွဲ့စည်းထားပါတယ်။
လူနာစောင့်ဆိုင်းခန်းကတစ်ခန်း၊ ဆရာဝန်အခန်းကတစ်ခန်းပါ။
လူနာခန်းအတွက် သောက်ရေအိုးကတစ်လုံး၊ ဆရာဝန်အတွက် သောက်ရေအိုးကတစ်လုံး၊
တစ်ခန်းတစ်လုံးစီ သတ်သတ်ထားပါတယ်။
တစ်နေ့တော့ လူလတ်ပိုင်း လူနာတစ်ဦးကိုသောက်ဆေးပေးပြီး လူနာကိုဆေးသောက်ဖို့
ရေရှာပါတယ်။ လူနာအတွက်ထားတဲ့သောက်ရေအိုးကိုမတွေ့ဘဲ ဆရာဝန်အတွက်ထားတဲ့
သောက်ရေအိုးကိုလာပြီးခပ်သောက်ပါတယ်။
ဆေးခန်းမှာတာဝန်ကျတဲ့ သူနာပြုလူငယ်လေးက
“ ဒီမှာ...ဒီမှာ...အဲဒီသောက်ရေက ဆရာဝန်သောက်တဲ့သောက်ရေခင်ဗျ” လို့ပြောလိုက်ပါတယ်။
အဲဒီ လူနာက“ ဟုတ်ကဲ့...ကျနော်မရွံတတ်ပါဘူး” လို့ပြောပြီးသောက်ရေကိုဆက်သောက်နေပါတယ်။

အဲဒီအချိန်မှာ အသက်(၇၂)နှစ်ရှိတဲ့လူနာက သူ့အလှည့်မို့အခန်းထဲအဝင်မှာအားလုံးကြားသွားပါတယ်။
အဖိုးအိုလူနာက အားရပါးရ ရီးပါလေရော။
ရီရင်းနဲ့အဖိုးအိုရဲ့အသံက ဗလုံးဗထွေးဖြစ်သွားပါတယ်။
မပီမသအသံနဲ့ “ဆရာရယ် ကယ်ပါအုံး၊ ဆရာရယ် လုပ်ပါအုံး။”
ဆိုတာကိုနားလည်လိုက်ပါတယ်။
အဖိုးအို လေဖြတ်သွားတာလား?
ဒါမှမဟုတ်............ဘာများဖြစ်သွားပါလိမ့်?၊
ကျနော်စိတ်ပူသွားပါတယ်။
အဖိုးအိုရဲ့လက်ညှိုးညွှန်ရာကြည့်လိုက်တော့ လား....လား...အဖိုးအိုရဲ့အောက်မေးရိုး လွဲနေပါကော။
(dislocation of lower jaw)ဖြစ်သွားခြင်းဖြစ်တယ်။
အဖိုးအိုဟာပါးစပ်ကိုပိတ်မရပါ။ ဝူးဝူးဝါးဝါးနဲ့အော်နေပါတယ်။
ကျန်လူနာများကလည်း အော်သံကြောင့်တအံတသြနဲ့ဝိုင်းကြည့်နေကြပါတယ်။
ကျနော်လည်းဘာလုပ်ရမှန်းမသိအောင်ဖြစ်သွားပါတယ်။
အမှန်ပြောရရင်ကျနော်မှာ ဒီလိုအတွေ့အကြုံမျိုးမရှိခဲ့ဘူးပါ။
သို့သော် ဆရာများသင်ထားဖူးသော သင်ခန်းစာများကိုပြန်လည်ကြားယောင်ရင်း
အဖိုးအိုရဲ့အောက်မေးရိုးကို လက်နှစ်ဖက်နှင့်ကိုင်၊ အောက်ဘက်ကို
ဆတ်ကနဲဆွဲပြီး နောက်ဘက်ကိုတွန်းထိုးလိုက်သောအခါ
ကံကောင်းစွာဖြင့် ပြန်ကောင်းသွားပါတော့တယ်။
ဒီတော့မှ ဆရာဝန်လည်း သက်ပြင်းချနိုင်တော့တယ်။
အဖိုးအိုလူနာကလည်း “အမလေးဆရာရယ်...ကျေးဇူးတင်လိုက်တာ” တဲ့။
ဆေးကုသမှုပြီးတော့ မေးခွန်းမေးပါတယ်။ “ကျနော် ဘာရှောင်ရမလဲဆရာ” တဲ့။
“နောက်တစ်ခါ အားရပါးရ မရီပါနဲ့အဘ”
ထိုအခါမှ ကျန်လူနာများဟာ အားရပါးရ ရီမောကြလေတော့သတည်း။ ။







Saturday, October 24, 2009

ငါနဲ့ မတူ… ငါ့ရန်သူ…



တစ်ခါတုန်းက တောအုပ်တစ်အုပ်ထဲက ဂူကြီးတစ်ဂူထဲမှာ
လူခြောက်ယောက်ဟာ မီးဖိုဘေးမှာမီးလှုံရင်း ဝိုင်းထိုင်နေကြတယ်။
သူတို့ရဲ့လက်ထဲမှာ ထင်းချောင်း တစ်ချောင်းစီ ကိုင်ထားကြလေရဲ့။
(ဆောင်းညကို လွန်မြောက်ဖို့ လုံလောက်နိုင်ပါတယ်။)
အချိန်ကာလက ည၊ ဆောင်းည တစ်ညဖြစ်တယ်။
အေးလိုက်တာ အရိုးကွဲမတတ်ပါပဲ။
မီးဖိုလေးရဲ့ နောက်ဆုံးမီးညွန့်ဟာ အားနည်းသထက်နည်းလာနေပြီ။
မှိတ်တုတ် မှိတ်တုတ်နဲ့ ကတုန်ကရင်လဲကျသွားပါကော!။
မီးဖိုကထင်း ဆာနေပြီလေ။
ပထမလူက
သူနဲ့မျက်နှာချင်းဆိုင်က လူကိုကြည့်လိုက်တယ်။
“ဟင်- ငမည်းကောင်ပါလား!
ဒီလို လူမည်းကောင်နဲ့ မျက်နှာချင်းဆိုင်ရတာ ကျက်သရေယုတ်လိုက်တာ” ဟု
တွေးရင်းက မီးဖိုကို ကျောပေးလိုက်တယ်။
လက်ထဲက ထင်းကို တင်းတင်းဆုပ်လို့ပေါ့။
ဒုတိယလူ
အာဖရိက အမျိုးသားကြီးကလည်း
ဒေါသတကြီးနဲ့ တောက်ခေါက်လိုက်တယ်။
“တို့ကို တစ်သက်လုံး ဒုက္ခပေးလာတဲ့ မျက်နှာဖြူ-ဟင်း “
သူလည်းထင်းချောင်းကိုဆုပ်ပြီး မီးဖိုကို ကျောခိုင်းလိုက်ပြန်တယ်။
တတိယလူ ကသူဌေး၊
သူ့မျက်နှာချင်းဆိုင်က အဝတ်အစား စုတ်စုတ်ပြတ်ပြတ်နဲ့
လူကိုမသင်္ကာသလို ကြည့်နေလေရဲ့။
“ဒီကောင် ငါ့ဆီက ဘာများလုမလို့ မသိဘူး” …ဟု
တွေးရင်းက ထင်းချောင်းကို
ကုတ်အင်္ကျီနဲ့ ဆွဲဖုံးလိုက်တယ်။
စတုတ္ထလူ
ဆင်းရဲသားက မျက်ထောင့်နီကြီးနဲ့
“ဒီလူမလိုင်တွေဟာ ထောင့်ကိုမကျိုးဘူး။
ဟင်း…မရှိခိုးနိုး၊ လူကိုများ အထင်သေးလိုက်တာ”။
ထင်းချောင်းကြီးကို ဒေါသတကြီး ရိုက်ချိုးလိုက်တယ်။
ပဉ္စမလူ နဲ့ ဆဌမလူ ဟာ
တစ်ယောက်မျက်နှာ တစ်ယောက်ကြည့်ရင်း
စိတ်ထဲက ခုလိုပြောနေကြတယ်။
“ငါ့နှယ်နော်….မိစ္ဆာဒိဋ္ဌိနဲ့ မျက်နှာချင်းလာဆိုင်နေရပါလား”။
သူတို့နှစ်ယောက်က ကိုးကွယ်တဲ့ဘာသာချင်း မတူကြဘူးလေ။
သူတို့လည်း လက်ထဲကထင်းကို မေ့နေကြဟန် တူပါရဲ့။
နောက်တစ်နေ့ မနက်မှာ
အေးခဲနေတဲ့ အလောင်းခြောက်လောင်းကို တွေ့လိုက်ရပါတယ်။
သူတို့တတွေ အအေးမိ သေကြတာလား။
ဒါမှမဟုတ် ရင်ထဲက ဒေါသ ကြောင့် နှလုံးသွေးရပ်ပြီး သေကြတာလား…။
စဉ်းစားစရာပါ။
ကဲ ဘယ်သူတွေက အကျိုးရှိသွားသလဲ!
ဘယ်သူမှ အကျိုးမရှိကြပါဘူးဆိုတာ
အလောင်းခြောက်လောင်းကို ကြည့်ပြီ ပြောနိုင်ပါတယ်။
အကျိုးမရှိပါပဲ ဘာကြောင့် ဒါတွေကို လုပ်ကြသလဲ!
ဒေါသစိတ်ကြောင့်၊
လောဘစိတ်ကြောင်၊
မောဟစိတ်ကြောင်၊့
မာနစိတ်ကြောင့်၊
‘အာဃာတ ‘ဆိုတဲ့အမုန်းတရားတွေကြောင့်၊
‘ဂိုဏ်ဂဏစိတ'်ဆိုတဲ့ အုပ်စုအစွဲတွေကြောင့်၊
လူတွေဟာ ကိုယ့်ကို ကိုယ် သတ်နေကြလေရဲ့။

ကဲ…...အဲဒီအထဲမှာ လူကြီးမင်း မပါဘူးလို့ထင်ပါတယ်။
ဟာ.…ပါတယ်ဆိုရင်လည်း တစ်ခုလောက်ပြောချင်ပါတယ်။
“အခြေအနေတွေ ဘယ်လောက်ပဲဆိုးဆိုး၊
ပြဿနာတွေ ဘယ်လောက်ပဲ တက်တက်၊
ပဋိပက္ခတွေ ဘယ်လောက်ပဲကြီးကြီး၊
အတိတ်ကို သင်ပုန်းချေပြီး၊
ကျေအေးတဲ့အလုပ်ဟာ ဘယ်တော့မှ နောက်မကျပါဘူး”
လို့ပြောလိုက်ချင်ပါရဲ့…။ ။

သစ်တစ်ပင်ကောင်း.....ငှက်တစ်သောင်းမကနား....



တစ်ခါတုန်းက အသက်(၁၂)နှစ်အရွယ် ကောင်လေးတစ်ယောက်ဟာ

တံဆိပ်ခေါင်းစုဖို့ ဝါသနာပါတယ်။

မိဘဆီမှာ လက်ဖြန့်မတောင်းချင်ဘူး။

ကိုယ့်အားကိုယ်ကိုးချင်တယ်။

ဒါကြောင့် တရုတ်စားသောက်ဆိုင် တစ်ဆိုင်ကို သွားပြီး

ပန်းကန်ဆေးတဲ့ အလုပ်ကိုမရှက်မကြောက်လုပ်ခဲ့တယ်။

အဲဒီက ရတဲ့ငွေ နဲ့ တံဆိပ်ခေါင်းဝယ်တယ်။ စုတယ်။

နောင် နှစ်အနည်းငယ်ကြာတော့ တံဆိပ်ခေါင်း လေလံတင်တဲ့ လုပ်ငန်းကို စ တင်ခဲ့တယ်။

အဲဒီကောင်လေး အသက်(၁၆)နှစ်ရှိလာတော့

သတင်းစာတစ်စောင်ကို ကော်မရှင်ယူပြီး ရောင်းခဲ့ပြန်တယ်။

သတင်းစာရောင်းလို့ရတဲ့ ငွေနဲ့ကွန်ပျူတာ၊ ကားနဲ့စတီရီယို ကက်ဆက်တို့ စတဲ့ သူလိုချင်သမျှပစ္စည်းတွေကို သူ့ငွေနဲ့သူ ဝယ်လာနိုင်ပါတယ်။

အသက်(၁၉)နှစ်မှာ တက္ကသိုလ် ရောက်နေပြီ။

အဲဒီအချိန်မှာ သူ့အဆောင် အခန်းကနေကွန်ပျူတာတွေ ထုတ်ရောင်းနေပြီ။

သူ့မိဘများက သားကို စီးပွားရေး သိပ်မလုပ်နဲ့၊

တက္ကသိုလ်ကို ဆက်တက်ပါ လို့ တိုက်တွန်းပေမဲ့

သူကတော့ ကျောင်းထွက်ပြီး စီပွားရေးလောကထဲ ခြေစုံပစ်ဝင်ခဲ့ပါတယ်။

အဲဒီအချိန်မှာ သူ့လက်ထဲမှာလည်း ဒေါ်လာငွေ တစ်ထောင်လောက်ပဲရှိပါတယ်။

မိုက်ကယ်ဒဲလ်က ကွန်ပျူတာနဲ့ပက်သက်တဲ့ စာစောင်၊မဂ္ဂဇင်းတွေကို ကြိုးစားပြီးလေ့လာပါတယ်။နည်းလမ်းမျိုးစုံ စမ်းသပ်တယ်။

မိုက်ကယ်ဒဲလ်က

“ကျနော်တို့ လုပ်ငန်းမှာ အကောင်းဆုံးနဲ့ အားအသာဆုံး အချက်ကတော့

ကျနော်တို့က သတင်းကို ချက်ချင်း ရတာပါပဲ၊

ကျနော်တို့က ဝယ်သူတွေဆီက

နေ့စဉ်နေ့တိုင်း သတင်းတွေ အမြဲတမ်းယူနေတာပါ။


”မိုက်ကယ်ဒဲလ်က ”

“အခက်အခဲတွေ ဘယ်လိုတွေ့တွေ့

ကျနော်တို့ ကုမ္ပဏီအနေနဲ့ မှန်တာ၊ သင့်လျော်တာကိုပဲ လုပ်မယ်၊

ပစ္စည်းဝယ်တဲ့သူတွေဟာ စိတ်ချမ်းသာစေရမယ်ဆိုတဲ့မူကိုတော့

အပျက်မခံပါဘူး” ဆိုတဲ့ ခံယူချက်နဲ့ ကြိုးစားခဲ့ပါတယ်။

အဲဒီလိုနဲ့ သူ့အသက်(၃၅)နှစ်အရွယ် ရောက်လာတဲ့အခါမှာတော့

သူ့နာမည်နဲ့ နိုင်ငံတကာ ကွန်ပျူတာကော်ပိုရေးရှင်းကြီးကို ပိုင်ဆိုင်လာပြီး ဒေါ်လာဘီလီယံပေါင်းများစွာကြွယ်ဝချမ်းသာလာတဲ့ ပုဂ္ဂိုလ်တစ်ဦးဖြစ်လာပါတယ်။

သူ့နာမည်ကတော့ မိုက်ကယ် အက်စ် ဒဲလ် (Michael S. Dell) ဖြစ်ပါတယ်။

အသက်(၄၀) မပြည့်ခင်မှာပဲ သူ့ရဲ့ DELL ကုမ္ပဏီမှာ ဥက္ကဌအဖြစ်ရော၊

အမှုဆောင်အရာရှိချုပ် (CEO) အဖြစ်ပါ တာဝန်ယူထားပါတယ်။

အခုဆိုရင် DELL ကုမ္ပဏီ ရဲ့ တစ်နေ့ကို ပျမ်းမျှခြင်းရောင်းရတဲ့

တန်ဖိုးက ဒေါ်လာ သန်း (၅၀)ဖိုးလောက် ရှိပါတယ်။

DELL ကုမ္ပဏီဟာ နိုင်ငံပေါင်း (၁၇၀)ကျော်မှာ

ဝန်ထမ်းပေါင်း သုံးသောင်း သုံးထောင်ကျော်နဲ့ လှုပ်ရှားလည်ပတ်နေပါပြီ။

ကြီးပွားချင်တဲ့ လူများအတွက် သူပေးလိုက်တဲ့ အကြံ ဥာဏ် ကတော့

“ပထမအချက်အနေနဲ့ပြောရရင်

စီးပွားရေးလုပ်ငန်းတစ်ခုကို စတင်တော့မယ်ဆိုရင် လူတကာ လုပ်နေတာပဲ၊

သူတို့လည်း ပိုက်ဆံရတာပဲ၊

ငါလည်း ရအောင်လုပ်ကြည့်ဦးမှပဲဆိုပြီး မလုပ်ပါနဲ့။


လုပ်ငန်းတစ်ခု စချင်ရင် ကိုယ်က ဒီအလုပ်ကို နှစ်သက်တယ်ဆိုမှ လုပ်ပါ။


ပြီးတော့

ဒါကို လုပ်ဖို့ကိုယ်ကလည်း ဆန္ဒပြင်းပြနေတယ်ဆိုမှ လုပ်ပါ။

ကိုယ်လုပ်မယ့်လုပ်ငန်းက တခြားဘယ်သူနဲ့မှ မတူဘူး၊

ကိုယ်က သူများထက်သာအောင် လုပ်နိုင်မယ်ဆိုရင်လည်း လုပ်ပါ။

နောက်ပြီးတော့

ကိုယ် သိပ်ကိုလုပ်ချင်တဲ့ လုပ်ငန်းက လူ့အဖွဲ့အစည်း အတွက် အတော်ကြာကြာ အကျိုးပေးမယ့် လုပ်ငန်းမျိုးဆိုရင်လည်း လုပ်ပါ”


မြန်မာလူငယ်တိုင်း ကိုယ့်အားကိုယ်ကိုးပြီး တိုးတက်နိုင်ကြပါစေ။

Sunday, October 18, 2009

တစ်ချိန်တုန်းက...အချမ်းသာဆုံးပုဂ္ဂိုလ်...



တစ်ခါတုန်းက ကမ္ဘာပေါ်မှာ အချမ်းသာဆုံး ပုဂ္ဂိုလ်ကြီးအကြောင်း၊
ကြားဖူးကြမှာပါ။

သူဌေးကြီး ဂျွန်ဒီရော့ကဖဲလား ဆိုတာလေ။

သူ့ခေါင်းထဲမှာ တစ်ချိန်လုံး ငွေအကြောင်းပဲ တွေးနေတယ်။

အမြဲတမ်း ငွေအတွက်ပဲ စိုးရိမ်ပူပန်နေတယ်။

ငါ့ကို ဘယ်သူတွေက လိမ်မလဲ?

ငါ ခိုင်းထားတဲ့ ဘယ်သူတွေက သစ္စာဖောက်သွားမလဲ?

အမြဲ တကြောင့်ကြကြ ဖြစ်နေတော့ သူက ပိုက်ဆံရှိပေမယ့် စည်းစိမ်မခံနိုင်ဘူး။

တကယ်တော့ သူ ဟာငွေကိုမပိုင်၊

ငွေကသာ သူ့ကိုပိုင်ပြီး သူ့အရှင်သခင်ဖြစ်သွားတယ်။

သူ့မှာ ငွေတွေကုန်သွားမှာ၊

စီးပွားပျက်သွားမှာ ကြောက်တဲ့စိတ်တွေ နှိပ်စက်တဲ့အတွက်

စိတ်ထောင်းကိုယ်ကြေ ဆိုတာလိုဖြစ်ပြီးခန္ဓာကိုယ်မှာ ရောဂါတွေ ဝင်လာတယ်။

အစာအိမ်က ခံနိုင်ရည်မရှိ ဖြစ်လာတယ်။

အစာအိမ်ရောဂါကြောင့် နို့နဲ့ပေါင်မုန့်ကလွဲပြီး ဘာမှမစားနိုင်ဘူး။

သူခိုင်းထားတဲ့ အနိမ့်ဆုံး အဆင့်ဝန်ထမ်းကမှ

သူ့ထက်စားနိုင်၊သောက်နိုင် ကောင်းကောင်းမွန်မွန် နေနိုင်သေးတယ်။


သူနဲ့သူ့ဝန်ထမ်းကလေး ဘယ်သူက ပိုချမ်းသာသလဲ စဉ်းစားစရာပါ။


ချမ်းသာအောင် လုပ်တာကို အပြစ်တင်နေတာ မဟုတ်ပါဘူး။
ချမ်းသာလာတဲ့အခါ တစ်ဖက်က အတောမတတ်နိုင်တဲ့ လောဘစိတ်၊
အခြားတစ်ဖက်က ရှာထားတဲ့ ပစ္စည်းဥစ္စာတွေ ဆုံးရှုံးသွားမှာ ကြောက် တဲ့စိတ်၊
နှစ်ဖက်ညှပ်တိုက်တဲ့အခါ ငွေရဲ့ကျေးကျွန်ဖြစ်သွားတတ်တာကို သတိပေးနေတာပါ။
လောဘစိတ်နဲ့ကြောက်စိတ် နှစ်ဖက်ညှပ်တိုက်လို့ ခံနိုင်တဲ့သူဆိုတာ မရှိပါဘူး။
အနည်းဆုံးတော့ ကျန်းမာရေးပျက်စီးသွားမှာ သေချာတယ်။
နောက်တစ်ဆင့်ကတော့ စိတ်ချမ်းသာမှုဆုံးရှုံးသွားဖို့သေချာပါတယ်။
ကျန်းမာရေးနဲ့စိတ်ချမ်းသာမှု အဆုံးရှုံးခံပြီး ရလာတဲ့ငွေဟာ
ကိုယ့်ဘဝအတွက်တန်သလားလို့အမြဲတမ်းမေးသင့်ပါတယ်။

စိတ်ချမ်းသာပျော်ရွှင်မှု ဆုံးရှုံးသွားရင်
အရာအားလုံးကို ဆုံးရှုံးသွားတတ်တယ်ဆိုတာကို မမေ့ဖို့ပြောချင်တာပါ။

လူသားတိုင်း ကိုယ်၊စိတ် နှစ်ပါးစလုံး ချမ်းသာရင် အကောင်းဆုံးပါပဲ။




အမှတ်တရလားကွယ်?




ဆေးခန်းတစ်ခုရှေ့တွင် လူနာအများအပြားစောင့်နေကြတယ်။
ဆရာဝန်ကြီးကမလာသေးပါ။
ခန္ဓာဗေဒကို စိတ်ဝင်စားစေလိုသောစေတနာဖြင့်
လူအရိုးစုတစ်ခုကို ဆေးခန်းထဲတွင်ချိတ်ဆွဲထားပါတယ်။
လူနာနှစ်ဦးပြောသောစကားကိုကြားလိုက်ရတာကတော့

“ဒီဆရာဝန်က သူရဲ့ဆေးခန်းထဲမှာ လူအရိုးစုကို ဘာဖြစ်လို့ ချိတ်ဆွဲထားရတာလဲ?”

“မပြောတတ်ဘူးလေ၊
ဖြစ်နိုင်တာကတော့ သူ့ရဲ့ပထမဦးဆုံး လူနာဖြစ်မယ်ထင်တယ်။”

နောက်နေ့မှစပြီး လူအရိုးစုကို မတွေ့ရတော့ပါ။ ။

Saturday, October 17, 2009

အပြောထက်...အလုပ်ခက်...



တစ်ခါတုန်းက လူတစ်ယောက်ဟာ ပင်လယ်ကမ်းစပ်နားမှာ
ပေါက်တူးတစ်လက်နဲ့ မြေကြီးကိုပေါက်နေတယ်။
အတန်ကြာတော့ မောမောနဲ့ ကုန်းကမူလေး တစ်ခုမှာထိုင်နားနေတယ်။
အဲဒီအချိန်မှာပဲ ရွက်သဘောင်္တစ်စင်းဟာ ရွက်လွှင့်သွားတာကို ထိုင်ကြည့်နေမိတယ်။ ရွက်သဘောင်္ဟာ တဖြည်းဖြည်းနဲ့ ဝေးသထက်ဝေးသွားတယ်။
ပြီးတော့ ပင်လယ်အောက်ကို ငုပ်ပြီးပျောက်ကွယ်သွားတယ်။
(အဲဒီအချိန်တုန်းက ကမ္ဘာကြီးဟာပြားတယ်လို့ လူအများက ယုံကြည်နေတဲ့အချိန် ဖြစ်ပါတယ်။ ) အဲဒီလူဟာအတွေးတစ်ခုဝင်လာပါတယ်။
ပေါက်တူးလက်ကိုင်ရိုးပေါ်မှာ လက်ညှိုးတင်ပြီးလှည့်ကြည့်မိတယ်။
သဘောင်္ဟာပင်လယ်ထဲကို ငုပ်ပြီးပျောက်ကွယ်သွားတဲ့အတွက်
ကမ္ဘာကြီးဟာပြားတာမဖြစ်နိုင်ဘူး၊
ကမ္ဘာကြီးဟာလုံးတာဖြစ်နိုင်တယ် ဆိုတဲ့ အတွေးပါပဲ။
အဲဒီအတွေးကအစပြုပြီးသက်သေပြနိုင်အောင် သူကြိုးစားခဲ့တယ်။
အစဦးမှာ သူစကားကို ဘယ်သူမှ မယုံကြည်ခဲ့ပါဘူး။
သူရဲ့စိတ်အားထက်သန်မှုကြောင့် မယုံကြည်သော်လည်း ကူညီသူပေါ်လာခဲ့တယ်။
အဲဒီလူဟာ ကိုလံဘတ်ဆိုတဲ့ ပုဂ္ဂိုလ်ဖြစ်လာခဲ့ပါတယ်။
ကိုလံဘတ်ဟာ အခက်အခဲမျိုးစုံကို ရင်ဆိုင်ပြီး စတင်ထွက်ခွာရာအရပ်ကို
သဘောင်္နဲ့ ပြန်ရောက်အောင် ပြန်လာနိုင်ခဲ့ပါတယ်။
ကိုလံဘတ်က အတွေးတစ်ခုက အစပြုပြီး
ကမ္ဘာကြီးဟာ လုံးဝန်းကြောင်းကို သက်သေပြနိုင်ခဲ့ပါတယ်။ု
ကိုလံဘတ် ပြန်ရောက်ပြီးနောက် သူရဲကောင်းတစ်ဦးအဖြစ် ဂုဏ်ပြုပါတယ်။
သူ့ကိုဂုဏ်ပြုတဲ့ ဧည့်ခံပွဲမှာ တက်ရောက်လာတဲ့ ဂုဏ်သရေရှိ လူကြီးလူကောင်းတစ်ဦးက
“ ကိုလံဘတ်မှ လုပ်နိုင်တာမဟုတ်ပါဘူး၊
သူလုပ်မယ်ဆိုရင်လည်းဖြစ်နိုင်တဲ့အလုပ်မျိုးပါ” ဟု အော်ကြီးဟစ်ကျယ် ထပြောပါတယ်။
ကိုလံဘတ်ကတော့ ဘာမှ မပြောပါဘူး။
သူ့ရဲ့လက်ထဲမှာရှိတဲ့ ကြက်ဥတစ်လုံးကို မှန်စားပွဲပေါ်မှာ ဘယ်သူထောင်နိုင်သလဲ? လို့မေးလိုက်ပါတယ်။
ဧည့်ခံပွဲကိုတက်ရောက်လာတဲ့ လူတွေ တစ်ယောက်ပြီးတစ်ယောက် ကြက်ဥကိုထောင်ကြည့်ကြပါတယ်။
အော်ကြီးဟစ်ကျယ်ပြောတဲ့လူလည်းထောင်ကြည့်ပါတယ်။
ဒါပေမဲ့ မထောင်နိုင်ပါဘူး။
နောက်ဆုံး ဘယ်သူမှ မထောင်နိုင်တဲ့အခါကျမှ ကိုလံဘတ်ဟာ
ကြက်ဥရဲ့ဖင်ပိုင်းဖြစ်တဲ့ လုံးတဲ့အပိုင်းကို ဆတ်ကနဲ ဆောင့်ချလိုက်တဲ့အခါ
ကြက်ဥ ဟာမှန်စားပွဲပေါ်မှာ ထောင်နေတာကို အားလုံးက တွေ့ရပါတော့တယ်။
စိတ်ဓါတ်အရည်အသွေးပြည့်ဝတဲ့ လူတွေရဲ့လုပ်ရပ်ကို စိတ်ဓါတ် ခပ်ညံ့ညံ့ လူတွေက ကဲ့ရဲ့ပြစ်တင်ရှုတ်ချတတ်တာကို
ကိုလံဘတ်ဟာ အပြောထက် အလုပ်ခက်တယ်ဆိုတာကို
ထပ်မံ သက်သေပြ နိုင်ခဲ့ပြန်ပါတယ်။
ကဲ…ကိုလံဘတ်ကို လေးစားစွာဂုဏ်ပြုသောအားဖြင့်
ကျနော်တို့တတွေ အပြောလျှော့ပြီး အလုပ်များများ လုပ်ကြရအောင်လားခင်ဗျာ။




Saturday, October 10, 2009

အရူးကိုတော့...ကြောက်တယ်



တစ်ခါတုံးကပေါ့။

ကျနော် ဆေးကျောင်းသားဘဝကအဖြစ်အပျက်တစ်ခုအကြောင်းပါ။

နောက်ဆုံးနှစ်အပိုင်း(ခ)ရောက်နေပြီ။

ဟိုတုံးကတော့ အရူးထောင် လို့ခေါ်ပါတယ်။

နောက်ပိုင်း နာမည်ပြောင်းလိုက်တော့ “စိတ္တဇ ဆေးရုံ” ဖြစ်လာပါတယ်။

တစ်နေ့တော့ အဲဒီ စိတ္တဇ ဆေးရုံကိုရောက်ချိန်မှာ လူအုပ်ကြီးကိုတွေ့ရတယ်။

လူအုပ်ထဲမှာ ဆရာဝန်တွေ၊ သူနာပြုဆရာ/ဆရာမတွေ၊ လူနာတွေ၊အများအပြားကိုတွေ့ရတယ်။ အားလုံးသောလူတွေကလည်း အပေါ်မော့ကြည့်နေတာတွေ့တော့ ကျနော်လည်း မော့ကြည့်လိုက်တဲ့အခါ လူနာတစ်ယောက်က သစ်ပင်ကြီးရဲ့ထိပ်ဖျားပေါ်ကိုတက်နေလေရဲ့။

ဆရာဝန်ကြီးက အောက်ကိုဆင်းခဲ့ဖို့အော်ပြောနေတယ်။

ချော့တစ်ခါ ခြောက်တစ်လှည့်နဲ့အမျိုးမျိုးပြောပါတယ်။

လူနာကတက်မြဲတက်နေပါတယ်။

သူနာပြုဆရာတွေ၊ ဆရာမတွေက လည်း တစ်ယောက်ပြီးတစ်ယောက် အောက်ကိုဆင်းခဲ့ဖို့အော်ပြောကြပါတယ်။

လူနာကခေါင်းတစ်ခါခါနဲ့ တက်မြဲတက်နေပါတယ်။

လူနာက ပြောတာကိုကြားပေမဲ့ နားမထောင်ပါဘူး။

စိတ္တဇ ဝေဒနာရှင် လူနာအတွက် ပြုတ်ကျနိုင်တဲ့ အန္တရာယ်ကလည်း နီးသထက်နီးလာပါတယ်။ အဲဒီအချိန်မှာဘဲ နှစ်ကြီးသမား လူနာတစ်ဦးက

“ ဟေ့ကောင်….ဝင်းရွှေ…ဒီမှာ တွေ့လား ငါ့လက်ထဲမှာ လွှ၊

တစ်….နှစ်….သုံး…၊ အော်လို့မှ ဆင်းမလာရင်

သစ်ပင်ကို လွှနဲ့တိုက်ဖြတ်ပစ်မယ်။ မင်းသေဖို့သာမှတ်ပေတော့။”

လူနာရဲ့လက်ထဲကလွှဆိုတာကို လှမ်းကြည့်လိုက်တော့ ဆေးပုလင်းများကို ဖြတ်သောလွှသေးသေးလေးကိုတွေ့လိုက်ရတယ်။

လူအများ၏မျက်နှာများဟာ ပြုံးစိစိဖြစ်ကုန်ကြတယ်။

အသံထွက်အောင်တော့မရီကြပါ။ ထို့နောက်မှာတော့

“တစ်……..”

“နှစ်……….”

အော်သံကိုကြားရတယ်။

သစ်ပင်ပေါ်က လူနာက

“ နေအုံး နေအုံး ဆင်းမယ်…ဆင်းမယ် ” ဆိုကာဆင်းလာပါတော့တယ်။

လူနာအောက်သို့ရောက်သောအခါ ဆရာဝန်ကြီးက

”မင်းကွာ…ငါခေါ်တော့ ဆင်းမလာဘဲနဲ့ သူခေါ်မှ ဘာကြောင့်ဆင်းလာရသလဲ?”

လူနာဝင်းရွှေ ပြန်ပြောတဲ့စကားက

”ဆရာကလူကောင်း၊ ဘာဘဲပြောပြော တကယ်လုပ်မှာမဟုတ်ဘူး၊

ဟိုကောင်ကအရူး၊

တကယ်လုပ်မဲ့အကောင်၊လွှနဲ့တကယ်ဖြတ်မှာသေချာတယ်။

ဒါ့ကြောင့်ဆင်းလာရတာပေါ့။”

ထိုအခါမှပင် လူအများတို့ဟာ လွတ်လပ်ပေါ့ပါးစွာ ရီမောနိုင်ပါတော့တယ်။

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com