Monday, December 19, 2011

" ကျနော်ကြိုက်တဲ့ကဗျာများ-၇..."


ညကြေးမရသော သရုပ်ဆောင်များ...


လောကဇာတ်ခုံ၊

ဤလူ့ဘုံ၌၊

ကကွက်မျိုးစုံ၊

ကကြကုန်။


ကံဇာတ်ဆရာ၊

စေခိုင်းလာက၊

မဟန်လည်းက၊

ဟန်လည်းက။


မရပ်မနား၊

ကဟန်များက၊

မဟေလည်းသုတ်၊

ဟေလည်းသုတ်။


အချို့ခက်ထန်၊

ကတဲ့ဟန်က၊

ပြင်းထန်ဒေါသ၊

မာန်မာနနှင့်၊

လောဘမဆုံး၊

မောဟဖုံး။


ကကြိုးပြောင်းရန်၊

ရှိနေပြန်လည်း၊

အဆင်းကိုသွား၊

လူငနွားက၊

မှောင်မိုက်မဆုံး၊

အတ္တဖုံး။


မိုးလင်းခါနီး၊

ဇာတ်အပြီး၌၊

ဥာဏ်ရည်မပေါ်၊

သတိချော်က၊

အလွမ်းအသော၊

ဖတ်ဖတ်မောလိမ့်။ ။


စိမ်းထိုက်လူ(မော်ကျွန်း)
14.12.2011


++++++++++++++++++

ကျနော့်မှာ ငယ်သူငယ်ချင်းနှစ်ယောက်ရှိပါတယ်။

တစ်ယောက်က အမေရိကား၊ကာရိုလိုင်းနား(မြောက်)တွင်ရှိပြီး

ကျန်တစ်ယောက်က မြန်မာနိုင်ငံ၊မော်လမြိုင်ကျွန်းခေါ်တဲ့မော်ကျွန်းတွင်ကျန်ခဲ့ပါတယ်။

ဒါတွေက ကျနော်အလယ်တန်းကျောင်းသားဘဝတွင်အလွန်ခင်မင်ရင်းနှီးပြီး

နောက်ဆုံးလက်ကျန်သူငယ်ချင်းများဖြစ်ပါတယ်။

ကာရိုလိုင်းနားကသူငယ်ချင်းက ကျနော့်ထက် အမေရိကားကို ၁၅-နှစ်စောပြီးရောက်နှင့်နေပါတယ်။

အရောက်စောတဲ့အတွက် အစစအရာရာလည်းအစဉ်ပြေနေပါတယ်။

ကျန်တစ်ယောက်က မြန်မာနိုင်ငံတစ်နံတစ်လျှားကိုကျနော်နဲ့အတူ

ဘယ်သွားသွားအတူပါလာတတ်သူဖြစ်ပါတယ်။

သွေးမသောက်ထားသော်လည်း သွေးသောက်သူငယ်ချင်းများဖြစ်ခဲ့ကြပါတယ်။

အခု ကျနော်အမေရိကားရောက်တော့ သူမလိုက်နိုင်တော့ပါ။

ဒါပေမယ့် သူရဲ့စာကတော့ ကျနော့်နောက်ကိုလိုက်ပြီး

အားပေးစကားပြောနေမြဲဖြစ်ပါတယ်။

အခုလည်းအားပေးစကားနဲ့အတူ

ကဗျာတစ်ပုဒ်ကိုထည့်ပေးလိုက်ပါတယ်။

သူရေးထားတဲ့အတိုင်းကျနော်ပြန်လည်ဖောက်သည်ချလိုက်ပါတယ်ခင်ဗျာ။





"အရက်ကြောင့်ဖြစ်တတ်သလား..."



တစ်ခါတုန်းက တာချီလိတ်မြို့ရဲ့ဟိန်းဆေးခန်းမှာ

အရက်ကြိုက်တတ်တဲ့လူနာတစ်ယောက်ရောက်လာပါတယ်။

သူ့နာမည်က ကိုမောင်အေးဖြစ်တယ်။

ဆေးခန်းကိုလာပြတာတောင် အရက်နံ့ကရနေဆဲ။

မူးလာဟန်ရှိတယ်။

အရက်ဖြတ်ဖို့အကြိမ်ကြိမ်ပြောပြဖူးတယ်။

နားမထောင်ပါ။

ကိုမောင်အေးက

“ဒေါက်တာ၊ ကျနော့်ရဲ့အူကျ(Hernia)ရောဂါဟာ

အရက်ကြောင့်ပဲဖြစ်တာလားဟင်”

ဒေါက်တာအောင်ဟိန်းပြန်ပြောလိုက်တာက

“ဖြစ်နိုင်တယ်။

ပုလင်းလွတ်တွေကိုခင်ဗျားသွားပြန်ရောင်းတဲ့အခါ

အလေးအပင်ကိုဆွဲမိသလို ဖြစ်သွားတာကိုးဗျ”


လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com