Monday, January 27, 2014

"အမေ့ထံသို့ ပေးစာများ-၉၀..."




သို့
ချစ်တဲ့အမေ
သားသတိရစွာဖြင့် စာရေးလိုက်ပါတယ်။
လတ်ဆတ်တဲ့ဈေးကြီးရဲ့ဖွင့်ပွဲဟာ အောင်မြင်စွာနဲ့ပြီးစီးသွားတယ်လို့ပြောရမယ်ထင်တယ်။
အောင်မြင်တယ်ဆိုတာ ကျနော်တို့ဖက်ကပြောလိုက်တာပါ။
ဖွင့်ပွဲနေ့မှာ ကျနော်တို့ တစ်ခါမှ မရဖူးသေးတဲ့ဝင်ငွေမျိုးရတယ်။
ကုမ္ပဏီရဲ့အကြီးအကဲဟာဖွင့်ပွဲနေ့မှာ လာပြီးအားပေးတယ်။
လေးရက်အထိနေသွားတယ်။
လုပ်ငန်းနဲ့ပတ်သက်တာတွေ တော်တော်များများပြောသွားတယ်။
သူပြောသွားတဲ့အထဲမှာ အခုဆိုင်က လူနှစ်ယောက်ထဲလုပ်ရမယ့်ဆိုင်မဟုတ်ဘူး။
လူသုံးယောက်လုပ်မှ ပိုအစဉ်ပြေမယ်။
ဒါကြောင့် အကူတစ်ယောက်ကို အမြန်ဆုံးရှာသင့်တယ်လို့ပြောသွားလေရဲ့။
နှစ်ယောက်လုပ်နေတဲ့ဆိုင်ကနေ သုံးယောက်လုပ်ရတဲ့ဆိုင်ကိုပြောင်းရတာလည်း
အောင်မြင်မှုတစ်ခုလို့မှတ်ယူပါတယ်။
အချိန်မရတဲ့ကြားထဲက လူရှာတဲ့အလုပ်ကို လုပ်ရတယ်။
မြန်မာထမင်းဆိုင်ကတစ်ဆင့် ဘုန်းတော်ကြီးကျောင်းတွေ ကိုသွားရတယ်။
အနီးဆုံးဘုန်းတော်ကြီးကျောင်းကို သွားပြန်တော့ ဆရာတော်ဘုရားက ခရီးထွက်နေတာနဲ့
ကြုံနေတယ်။ ဆရာတော်ကို မတွေ့ခဲ့ဘူး။
ဆရာတော်ကို ကိုယ်ရေးကိစ္စ အပူကပ်ရတာ မကောင်းမှန်းသိပေမယ့်
ကျန်တဲ့နည်းလမ်းတွေက အစဉ်မပြေတော့လည်း
ကောက်ရိုးတစ်မျှင်ကို လှမ်းဆွဲလိုက်တဲ့သဘောပါပဲ။
အဝေးရောက်နေတဲ့မိတ်ဆွေတွေကို ဖုန်းနဲ့ဆက်သွယ်ပြီးအကြံတောင်းကြည့်တယ်။
သူတို့တွေ ပေးတဲ့အကြံဥာဏ်တွေက ကိုယ်နဲ့အံဝင်ဂွင်ကျ မဖြစ်ဘူး။
ဒါနဲ့ပဲ သုံးပတ်ကျော်လာတော့ ကျေးဇူးတော်နေ့ကိုရောက်လာတယ်။
သူတို့ရဲ့ဘုရားသခင်ကို ကျေးဇူးတော်ကို အောင်းမေ့သတိရတဲ့နေ့ထူးနေ့မြတ်တစ်နေ့ပေါ့။
အဲဒီနေ့မှာ ရုံးတွေပိတ်တယ်။ ကျနော်တို့ဈေးလည်း ပိတ်တယ်။
ရှေ့ပိုင်းတောက်လျှောက် ပင်ပန်းခဲ့လေတော့
အဲဒီနေ့မှာ အိပ်လို့ကောင်းလိုက်တာ အမေရယ်။
အများသူငါတွေကတော့ တစ်ပတ်မှာ နှစ်ရက် ပိတ်ရက်ရကြတယ်။
မရနိုင်မှန်းသိနေတာမို့ အဲဒီလိုမျိုးအပတ်စဉ်ပိတ်ရက်ရတာမျိုးကို မတောင်းတချင်တော့ပါဘူး။
ဒါပေမယ့် တစ်လတစ်ရက် ပိတ်ရက်ရရင် သိပ်ကောင်းမှာပဲ လို့တော့ တောင်းတမိပါတယ်။
ဒါလည်း လက်တွေ့မှာတော့ မဖြစ်နိုင်ပါဘူး။
နိုဝင်ဘာလမှာ ကျေးဇူးတော်နေ့၊ ဈေးပိတ်တယ်။
ကျနော်တို့ပိတ်တယ်။
ဈေးပိတ်တဲ့ရက်တွေမှ ပိတ်ရက်ရတာမျိုးပါ။
အလုပ်က မပင်ပန်းပါဘူး။
ဒီထက်လည်း ပင်ပန်းတဲ့အလုပ်တွေကို လုပ်ခဲ့ဖူးတော့ ဒီအလုပ်ကို
ပင်ပန်းတဲ့အလုပ်လို့ မသတ်မှတ်ပါဘူး။
ဒါပေမယ့် လုပ်ရတဲ့အလုပ်က အချိန်များလွန်းလှတယ်။
တစ်နေ့ကို အနည်းဆုံး ၁၂-နာရီ ကျော်နေတယ်။
အဲဒီအချိန်တွေမှာ တောက်လျှောက်မတ်တတ်ရပ်ရတာကတော့
မမိုက်ပါဘူးအမေရယ်။
အခြားဘယ်သူကမှ ရပ်ခိုင်းတာတော့ မဟုတ်ပါဘူး။
ကိုယ့်လောဘက ကိုယ့်ကိုယ် ရပ်ခိုင်းတာ အမေရေ့။
အမေ သင်ပေးတဲ့ပညာနဲ့ လုပ်စားတုန်းက ဒီဒုက္ခတွေ မရှိခဲ့ဖူး။
အေးအေးချမ်းချမ်း ထိုင် စားနိုင်ပါရက်နဲ့
အမေကျော်ပြီးဒွေးတော်ကို လွမ်းခဲ့မိတဲ့ဒုက္ခလား မသိဘူးနော်။
အခုတော့ ရပ်မှ စားရတဲ့ဘဝကို ရောက်နေလေရဲ့။




နိုဝင်ဘာလ အကုန်လောက်မှ ရာသီဥတုက သိသိသာသာ အေးလာတယ်။
ကောင်ကင်က အဖြူဖတ်ကလေးတွေ လွင့်ပြီးတဖြည်းဖြည်း ကျဆင်းလာတာကို
အစဦးဆိုတော့ ကြည့်ကြည့်ကောင်းကောင်းနဲ့ ကြည့်ဖြစ်တယ်။
ကြည့်ရင်းနဲ့ပျော်လာတယ်။
ဘာနဲ့တူသလဲဆိုတော့ ရွာမှာတုန်းက ခရေပင်ကြီးဆီက
ခရေပွင့်လေးတွေ ကြွေကျနေသလိုပဲ။
ဒီမှာတော့ မိုးကောင်ကင်ပေါ်က ကျဆင်းလာတာ။
ကျကာစမှာတော့ မြေပြင်ပေါ်ရောက်ရင် အရည်ပျော်သွားတယ်။
ကျလာတာများတဲ့အခါမှာတော့ အရည်မပျော်နိုင်တော့ဘူးထင်တယ်။
ဆွတ်ဆွတ်ဖြူနေတဲ့ မြေပြင်ဖြစ်လာတယ်။
တစ်ခါတစ်လေဆိုရင် ငါးလက္မအထိတောင် မြင့်တက်လာတယ်။
ရပ်ထားတဲ့ကားတိုင်းဟာ ဖွေးဖွေးဖြူနေတယ်။
ကားရပ်ထားတဲ့နေရာကို မမှတ်မိရင် ကိုယ့်ကားကို ကိုယ်မှတ်မိဖို့တောင်
မလွယ်ဘူး။
ကားတိုင်းက အတူတူလိုဖြစ်သွားတယ်။
သိပ်မကြာပါဘူး။ ကားလမ်းတွေကို လမ်းရှင်းတဲ့
ကားတွေ ရောက်လာပြီး နှင်းတွေကို ကားရှေ့ကဂေါ်ပြားနဲ့ထိုးပြီး
လမ်းရှင်းကြတာကို တွေ့ရတယ်။
ကိုယ်ကလည်း ကိုယ့်ကားကို ဂေါ်ပြားအသေးနဲ့ထိုးပြီးနှင်းတွေကို ရှင်း။
ဒါမှမြင်ကွင်းရှင်းပြီး ကားကို မောင်းလို့ရမှာလေ။
ဒီအချိန်မှာ ကားကို သတိထားမောင်းရတယ်။
စလစ်တွေ ဖြစ်တတ်လို့လေ။
မစ်ချီဂန်မှာတုန်းကလည်း နှင်းကျတာ ကြုံဖူးခဲ့ပါတယ်။
ဒီမှာက ပိုအေးနေသလိုပဲ။
ဘာကြောင့်ဆိုတော့ ဒီမှာကလေအေးတွေ ပိုတိုက်နေတယ်လို့ထင်မိတာပဲ။
တိုက်လိုက်တဲ့လေကလည်း အေးလိုက်တာ။
အပြင်ထွက်တော့ မျက်နှာကို ဖုံးလို့ မရဘူးလေ။
လေအေးက တိုက်လိုက်တဲ့အခါ ဖုံးလို့မရ မျက်နှာကို ရေခဲရေနဲ့ လာပက်လိုက်တဲ့အတိုင်းပဲ။
အေးစိမ့်သွားတာပဲ။
ရေခဲအမှတ်ကို ကျော်ပြီး အနုတ်ဒီဂရီတွေ ရောက်တဲ့နေ့ပေါင်းများစွာကိုလည်း
ဒီရောက်မှ ကြုံဖူးတော့တယ်။
မိတ်ဆွေတွေက ပြောကြတယ်။
ဆူရှီးဆိုတာ အအေးစာဖြစ်တော့ ရာသီဥတု အေးတဲ့အချိန်မှာ ရောင်းမကောင်းဘူးတဲ့။
သူတို့တွေ ညည်းကြတယ်။
ဆန်ကို ချက်ပြီးထမင်းဖြစ်လာတဲ့ဆူရှီးက ဘယ်လိုအအေးစာ ဖြစ်ရသလဲဆိုရင်
ဒီမှာက အအေးစာဆိုရင် ၄၁ံ F (ဖါရင်ဟိုက်)အောက်ကိုရောက်နေရမယ်။
အပူစာဆိုရင်လည်း ၁၃၅ံ F ပေါ်ကို ကျော်နေရမယ်လို့
ကျန်းမာရေးဌာနက သတ်မှတ်ထားတယ်။
၄၁ံ Fနဲ့ ၁၃၅ံ F ကြားမှာဆိုရင် လူကို အန္တာရာယ်ဖြစ်စေတဲ့ ပိုးမွှားတွေ
ပေါက်ပွားမှု အမြင့်ဆုံး ဖြစ်တယ်လို့ဆိုတယ်။
ဒီတော့ ဆူရှီးကိုလိတ်ပြီးရင် ၄၁ံ F အောက်ရောက်စေတဲ့အအေးခန်းအရောင်းကောင်တာ
ထဲထည့်လိုက်ရတယ်။
ဒီလိုနဲ့ ဆူရှီးဟာ အအေးစာ ဖြစ်သွားရတယ်။
အပြင်မှာ ရာသီဥတုက အရမ်းအေးနေချိန်မှာ အအေးခန်းထဲက အစားအစာကို
စားဖို့ဆိုတာ သူသူငါငါ ဝန်လေးမယ်ဆိုတာ သဘောပေါက်ပါတယ်။
သူတို့တွေ စားမှာမဟုတ်ဘူးဆိုပြီးမလုပ်လို့လည်း မရဘူး။
ဆိုင်တစ်ဆိုင်ကို ယူထားပြီးပြီ။
နောက်ဆုတ်လို့မရတော့ဘူး။
ရှေ့တိုးဖို့ပဲ ရှိတော့တယ်။
ဒီတော့ ရောင်းကောင်းအောင် ဘယ်လိုလုပ်မလဲ။
ကျဉ်းထဲကြတ်ထဲရောက်တဲ့အခါ ယုံယုံက အကြံဥာဏ်ကောင်းထွက်လာတယ်။     
 ရာသီဥတုကို ကိုယ်က ပြင်လို့မရဘူး။
ပြင်လို့ရတာကတော့ အအေးစာကို အပူစာဖြစ်အောင်
အပူအစပ်နဲနဲကဲလိုက်တယ်။
ပြီးတော့ စားသုံးသူတွေကို ဝန်ဆောင်မှုပေးတဲ့အခါ
အပြင်မှာ အေးနေချိန်မှာ အစပ်စားလိုက်ရင် နွေးစေတယ်လို့ ပြောပြီးရောင်းတော့
ရောင်းကောင်းလာတယ်။
ဒီကလူတွေလည်း အစပ်ကြိုက်လာကြတယ်။




The Fresh Market(လတ်ဆတ်တဲ့ဈေး)ဟာ နာမည်နဲ့လိုက်အောင် လတ်ဆတ်တဲ့ကုန်ပစ္စည်းအမျိုးမျိုးကို ရောင်းတယ်။
ကျန်တဲ့ဆိုင်တွေထက် ဈေးအနည်းငယ်မြှင့်ပြီး ရောင်းတယ်။
ဒီမှာတော့ အော်ဂင်နစ်လို့ခေါ်တဲ့စားသောက်ကုန်ပစ္စည်းဟာ နာမည်ကြီးပြီး လူကြိုက်များလာတယ်။
အော်ဂင်နစ်ဆိုတာ လွယ်လွယ်ပြောရရင် အဆိပ်အတောက်နည်းတဲ့စားသောက်ကုန်ပစ္စည်းကို
ပြောရမယ်ထင်တယ်။
ပိုနားလည်အောင် ပြောရရင် အော်ဂင်နစ်သီးနှံဆိုပါတော့ အဲဒီသီးနှံကို ဓာတ်မြေသြဇာ
ကို အသုံးမပြုဘဲ သဘာဝနွားချေးကို အသုံးပြုတာမျိုး။
ဒီမှာတော့ အော်ဂင်နစ် ကြက်ဥ၊ဘဲဥတဲ့အမေရယ်။
ဟိုတုန်းက မကြားခဲ့ဖူးဘူး။
ကျနော်တော့ သိပ်နားမလည်ဘူး။
ဘာကြောင့် အဲဒီိလိုခေါ်သလဲဆိုတာ မသိသေးဘူး။
မဟုတ်ပဲနဲ့ လိမ်ညာပြီးရောင်းလို့ တော့         မရဘူး။
အမေရိကန်လူမျိုးတွေက တရားစွဲတာကို အလွန်ဝါသနာပါတဲ့လူမျိုးတွေ၊
မဟုတ်ပဲ လိမ်ညာလို့ကတော့ ရတာထက် လျော်ရဖို့ ပိုများတယ်။
နောက်ပြီးတော့ အစားအစာတိုင်းကို ကျန်းမာရေးဌာနက စစ်ဆေးပြီးမှ
ရောင်းခွင့်ရှိတော့ မဟုတ်ပဲနဲ့ကြော်ငြာလို့မရဘူး။
ပြီးတော့ All Natural Chicken (သဘာဝကြက်သား)တဲ့။
ကြော်ငြာဆိုင်ပုဒ်အကြီးကြီးနဲ့ကြော်ငြာ    ပြီးရောင်းနေတာ။
စိတ်ဝင်စားလို့ မေးကြည့်တော့ ပိုးသတ်ဆေးလုံးဝမသုံးထားတဲ့ကြက်မျိုးလို့ပြောတယ်။
ကျန်းမာရေးကို အလေးထားသူတွေကတော့ ဈေးနှုန်းကြီးပေမယ့်လည်း
ဝယ်စားနေကြတာကို တွေ့ရတယ်။
အဲဒီအော်ဂင်နစ်ရောင်းကုန်တွေရဲ့ အလယ်မှာ ကျနော်တို့ ဆူရှီးကို
ရောင်းနေရတာလေ။
ဒါကြောင့် အော်ဂင်နစ်ဆူရှီးလို့ပြောရမလို ဖြစ်နေတယ်။



ဒီနေ့အဖို့ ဒါလောက်ပါပဲ။
ချစ်တဲ့အမေရဲ့သား
အောင်ဝင်းဟိန်း
အက်ဗန်းမြို့၊(Ashburn)
ဗာဂျီးနီးယားပြည်နယ်၊(Virginia)
အမေရိကန်ပြည်ထောင်စု။(USA)
၁-၂၇-၂၀၁၄






Saturday, January 4, 2014

"အမေ့ထံသို့ ပေးစာများ-၈၉..."


လက်ဖက်ရည်လည်းကောင်းတယ်...


သို့
ချစ်တဲ့အမေ
သားသတိရစွာဖြင့် စာရေးလိုက်ပါတယ်။
သောကြာနေ့၊ ရောက်ပြီးတစ်ပတ်ကြာတော့မှ ဆောက်လုပ်ရေးက မပြီးသေးပေမယ့်
လတ်ဆတ်တဲ့ဈေးကြီး (The Fresh Market)ထဲကို ဝင်ခွင့်ရတယ်။
ဖွင့်ပွဲအတွက် ပြင်ဆင်နေကြတဲ့ဝန်ထမ်းတွေအများအပြားကိုလည်းတွေ့ရတယ်။
တာဝန်ခံ စတိုးမန်နေဂျာကို တွေ့ပြီး မိတ်ဆက်ရတယ်။
ပြီးတော့ ဆူရှီးပစ္စည်းတွေထားသိုဖို့အတွက် နေရာတောင်းရတယ်။
နေရာက အရေးကြီးလှတယ်။
အအေးခဲခန်း(Frozen)မှာ တစ်နေရာ၊
အအေးခန်း(Walk-in)မှာ တစ်နေရာ၊
အဲဒီနေရာတွေမှာအစဉ်ပြေပေမယ့်
ဆန်နဲ့ကုန်ခြောက်တွေထားမယ့်နေရာ (Dry-Desk) ကျတော့ ကျဉ်းနေတယ်။
အခြားဌာနနဲ့တွဲထားတာကိုတွေ့ရတယ်။
အဲဒီကိစ္စအတွက် စကားတွေ အများကြီးပြောနေရတယ်။
နောက်ဆုံးကျမှ အစဉ်ပြေသွားတယ်။
ဒီနေ့မှာပဲ supervisor လည်းရောက်လာတယ်။ဂျပန်လူမျိုးဟုယူဆရတယ်။
ကုမ္ပဏီက ပစ္စည်းတွေကိုလာပို့ရင်းနဲ့ထားသိုရမယ့်စံနစ်ကို အသေးစိတ်ပြသသွားပါတယ်။
အရောင်းကောင်တာက ကျယ်ဝန်းတဲ့အတွက် ကျေနပ်စရာကောင်းလှပါတယ်။
သို့သော် နောက်ဖက် ဆူရှီးလိတ်ရမယ့်နေရာက ကျဉ်းနေသလိုဖြစ်နေတယ်။
မထင်မှတ်ပဲ ဆန်နဲ့ဟင်းသီးဟင်းရွက်ဆေးကြောရမယ့်ဗေဆင်(Basin) တစ်ခုက
ဆူရှီးလိတ်ရမယ့်နေရာနဲ့ဘူးပိတ်ရမယ့်နေရာကြားထဲရောက်လာတယ်။
ဆန်ကိုအဝေးမှာ သွားဆေးစရာမလိုတာက ကောင်းပါတယ်။
ဒါပေမယ့် side job လုပ်ရမယ့်နေရာကတော့ အတော်ကျဉ်းနေတာကို တွေ့ရတယ်။
အလုပ်လုပ်ရမယ့်နေရာကျဉ်းတဲ့အတွက်ကြောင့်
ဘယ်လိုလုပ်ရပါ့မလဲဆိုတာ စဉ်းစားရတဲ့အတွက် အတော်ခေါင်းစားလှတယ်။
အဖွား(အမေကြီး)ပြောတဲ့စကားကို သတိရမိတယ်။
အဖွားနဲ့အတူ မော်လမြိုင်မြို့ကနေ ရန်ကုန်ကို မီးရထားနဲ့ခရီးထွက်ခဲ့တယ်။
အဖွားကလည်း သူမရဲ့ခြံထွက်ပစ္စည်းတွေအားလုံးသယ်လာတယ်။
ရထားတွဲမှာလည်းလူတွေက ကြိတ်ကြိတ်တိုးနေတယ်။
အဖွားပစ္စည်းတွေကို ရထားရဲ့ပြူတင်းပေါက်ကနေ တင်ရတဲ့အထိ ဖြစ်လာတယ်။
ကျနော်တို့က လူငယ်တွေဖြစ်တော့ အဖွားနဲ့ပစ္စည်းတွေကို ကြည့်ပြီး စိတ်ရှုတ်ရတယ်။
ကျနော်တို့ ဘာလုပ်၊ဘာကိုင်ရမသိအောင် ဖြစ်နေတာကို အဖွားကကြည့်ပြီးပြောလိုက်တာက
“ဟဲ့….ဘာမှစိတ်ရှုတ်မနေနဲ့၊
ရထားထွက်သွားရင် သူ့ဟာသူ အားလုံးနေရာကျသွားလိမ့်မယ်။
ငါ ခရီးသွားတာများလှပြီ။
နေရာမကျတဲ့အကြိမ်တစ်ခါမှ မရှိခဲ့ဘူး”တဲ့။
အဖွားပြောတဲ့အတိုင်း အစစအရာရာ အစဉ်ပြေစွာနဲ့
ရန်ကုန်မြို့ကို ရောက်ခဲ့ပါတယ်။
အခုလည်းဒီအတိုင်းဖြစ်မယ်ထင်ပါတယ်။
ဆိုင်သစ်ကို တစ်ခါမှ မလုပ်ခဲ့ဖူးပါ။
အတွေ့အကြုံလည်း မရှိပါ။
မိတ်ဆွေတွေကို မေးကြည့်တော့ ပထမနေ့မှာ လူတွေဘယ်လောက်များကြောင်း၊
ထင်မှတ်မထားတဲ့အတွက် တော်တော်ကို ပင်ပန်းကြောင်း၊
ရသင့်ရထိုက်တာကို မလုပ်နိုင်တဲ့အတွက် မရလိုက်ကြောင်း၊
လူတွေကြိုတင်ခေါ်ထားဖို့လိုကြောင်း၊စတဲ့စကားလုံးတွေကြောင့်
အလိုလိုနေရင်းနဲ့ဆိုင်သစ်ဖွင့်ပွဲရောက်လာမှာကို ကြောက်တဲ့စိတ်တောင် ဖြစ်မိပါတယ်။
ဆိုင်သစ်ဖြစ်တာကြောင့် နေရာမကျမှာ စိုးရိမ်တယ်။
လာတဲ့ဧည့်သည်တွေကို မနိုင်မနင်းဖြစ်မှာ စိုးရိမ်တယ်။
ဟိုတွေးဒီတွေးနဲ့စိုးရိမ်မှုဒီဂရီတိုးသထက်တိုးလာတယ်။
စိတ်အေးအေးထားပြီးတွေးတော့ ဒီလိုမျိုးဖြစ်သင့်ပါသလား။
ဘယ်သူမဆို တစ်နေ့ကို ၂၄-နာရီထက်ပိုမလုပ်နိုင်ပါ။
လုပ်နိုင်တာထက်လည်း ပိုမလုပ်သင့်ပါ။
စိတ်အေးအေးထား၊ လုပ်သင့်တာကို လုပ်၊
“ပြီးတော့လည်း ပြီးသွားတာပါပဲ”
ဆိုတဲ့စကားကို ယုံယုံရဲ့အဖေက မကြာခဏပြောတတ်တယ်။
အဲဒီစကားကို ယုံယုံခဏခဏပြောပြတတ်တယ်။
ဒီစကားဟာ မှန်တာကို မကြာခဏတွေ့ကြုံရပါတယ်။
အခုလည်း အဲဒီစကားကို တွေးမိပြီး စိတ်အလိုလို အေးသွားပါတယ်။

အမေရိကန်မှာ စားရတဲ့ငပိဖျော်ရည်...


ဖွင့်ပွဲကိုတာဝန်ယူထားတဲ့ ဂျပန်တာဝန်ခံက လူနှစ်ယောက်နဲ့လုပ်တာထက်
နောက်တစ်ယောက်အကူရခဲ့ရင် ပိုကောင်းနိုင်တယ်လို့ပြောတယ်။
အတွေ့အကြုံရှိသူရဲ့စကားဆိုတော့ လိုက်နာဖို့လိုအပ်မှန်းသိပါတယ်။
ဒါကြောင့်လည်း အနီးဆုံးဖြစ်တဲ့စနေ၊တနင်္ဂနွေနေ့ကို အလုပ်အတွက်မပြင်ဆင်ဖြစ်ပဲ
လူရှာဖြစ်ခဲ့တယ်။
အဓိက ရှာဖြစ်တဲ့နေရာက မြန်မာထမင်းဆိုင်၊
ကျနော်တို့နေတဲ့နေရာနဲ့မနီး၊မဝေးနေရာမှာ မြန်မာထမင်းဆိုင်နှစ်ဆိုင်ရှိတယ်။
မြန်မာထမင်းဆိုင်ဆိုတော့ မြန်မာတွေ အများစုလာကြမယ့်နေရာ၊
ဒီအလုပ်ကလည်း မြန်မာတွေ အများစုလုပ်တဲ့အလုပ်ဆိုတော့
မြန်မာတွေအများစုလာတဲ့နေရာမှာ ရှာတာမှန်မယ်ထင်တယ်။
ရှာတဲ့နေရာမှန်ပေမယ့် အချိန်ရတာနည်းလွန်းတဲ့အတွက်
လူမရခဲ့ဘူး။
လူမရခဲ့ပေမယ့် မြန်မာထမင်းဟင်းကို ကောင်းကောင်းစားရတဲ့အတွက်
ကျေနပ်စရာပါ။
မြန်မာထမင်းဟင်းကောင်းကောင်းမစားရတာတောင် တော်တော်ကြာခဲ့ပြီ။
ကြာတော့ လွမ်းမိတယ်။
အခုစားတော့လည်း စားလို့ကောင်းလိုက်တာ၊
မြိန်လိုက်တာလို့ပြောရင် ပိုမှန်မယ်ထင်တယ်။
မြိန်တော့ ဈေးနှုန်းများပေမယ့် များတယ်လို့မထင်မိဘူး။
ငပိ၊တို့စရာတစ်ပွဲကို မြန်မာငွေ ငါးထောင်ကျော်ပေးရတယ်။
ယုံယုံကစားချင်လွန်းလို့ ဝယ်စားဖြစ်တယ်။
ကျနော်က မြန်မာပြည်မှာတုန်းက ငပိဖျော်ရည်ကို မစားဖြစ်ဘူး။
ကျနော်အလုပ်က လူတွေနဲ့စကားပြောရတဲ့အလုပ်ဖြစ်တော့ ငပိဖျော်ရည်က အနံ့စွဲတာကြောင့်
မစားဖြစ်ခဲ့ဘူး။
မစားတာကြာတော့လည်း မစားချင်တော့ဘူး။
ဒါနဲ့ပဲ နှစ်ပေါင်းများစွာ မစားပဲနေလာခဲ့တယ်။
ဒီရောက်တော့ လူတွေနဲ့ဆက်ဆံတဲ့အလုပ်မဟုတ်တော့ဘူး။
လက်နဲ့လုပ်ရတဲ့အလုပ်ကိုလုပ်တော့ စားလည်း အရေးမကြီးဘူးလေ။
နောက်တစ်ခုက ယုံယုံက အားရပါးရစားနေတာတွေ့တော့ စားချင်စိတ်ဖြစ်လာတယ်။
ဒါနဲ့ပဲ ငပိကို စားဖြစ်တယ်။ စားလို့ကောင်းလိုက်တာအမေရယ်။
တို့စရာကလည်း တို့လို့ကောင်းလိုက်တာ။
မြန်မာပြည်မှာတုန်းက ဒီလိုစားလို့ကောင်းတာမျိုးမရှိခဲ့ဘူးလို့တောင် ထင်မိတယ်။
ဒီမြန်မာထမင်းဆိုင်က မြန်မာတွေရဲ့အကြောင်းကို တော်တော်သိပုံရတယ်။
မြန်မာပြည်ထုတ် မဂ္ဂဇင်းစာအုပ်တွေလည်း ဝယ်ထားပေးတယ်။
မြန်မာပြည်ထုတ် မဂ္ဂဇင်းကို ဖတ်ပြီး မြန်မာအစားအစာကို စားရတဲ့အရသာဟာ
ပြောရင် တော်တော်ကို အရသာရှိတာပါပဲလား။
ပြောမယုံ၊ ကြုံဖူးမှသိ ဆိုတာမျိုး။

ငါးမြင်းဟင်း...

လူရှာလို့မရပေမယ့် ဖွင့်ပွဲနေ့ဟာ ရောက်လာခဲ့တယ်။
ယုံယုံက စိတ်ပူတတ်သူမို့ နံနက်၃း၀၀ကထဲကနိုးနေပြီ။ သွားဖို့ပြင်ဆင်နေပြီ။
သူမက လှုပ်ရှားနေပြီမို့ ကျနော်အိပ်နေလို့ မရတော့ပါ။
သူမနဲ့အတူ အလုပ်ကိုသွားဖို့ပြင်ဆင်ရတော့တယ်။
စောလှချည်လားလို့ စောဒကမတက်ချင်တော့ပါ။
အလုပ်ရှိတုန်း လုပ်ရတာပဲလေ။
အလုပ်မရှိတော့မှ လုပ်ချင်လှချည်ရဲ့လို့ ပြောနေလို့လည်း
အကျိုးမထူးတာကို ကြုံခဲ့ဖူးပြီ။
ကျန်းမာရေးကောင်းနေလို့ လုပ်နိုင်တာ။
မကျန်းမာတဲ့အခါ လုပ်ချင်စိတ် ဘယ်လောက်ပြင်းပြင်း
ဘာကိုမှ လုပ်နိုင်တော့မှာ မဟုတ်ဘူးဆိုတဲ့အတွေးစိတ်နဲ့
အိပ်ယာက ကုန်းရုန်းထခဲ့ရတယ်။
လူတကာတွေ အိပ်ကောင်းနေချိန်မှာ ကိုယ်က အိပ်ယာကထဖို့်ဆိုတာ
ထင်သလောက် မလွယ်ကူလှပါ။
ရာသီဥတုကအေးစိမ့်နေတော့ ပိုဆိုးတာပေါ့။
ရေနွေးနဲ့ရေချိုး၊
ဘုရားရှိခိုးပြီး အလုပ်ကိုထွက်ခဲ့တယ်။
အလုပ်က မဝေးလှပါ။
တစ်မိုင်ခွဲလောက်သာ ရှိတယ်။ ကြားမှာ မီးပွိုင့်မရှိပါ။
မီးပွိုင့်ရောက်ခါနီးမှာ လတ်ဆတ်တဲ့ဈေးကိုရောက်ပြီ။
ဂျော်ဂျီယာပြည်နယ်၊အေသင်မြို့တုန်းကလည်း အလုပ်နဲ့အိမ်က နီးလှတယ်။
ခရီးက တစ်မိုင်ပင် မပြည့်ပါ။
အဲဒီတုန်းက ကြားမှာ မီးပွိုင့်နှစ်ခုကို ဖြတ်ပြီးမှ အလုပ်လုပ်တဲ့ဈေးကို ရောက်တယ်။
ကြာတဲ့ကာလက အတူတူလောက်နီးပါးရှိမယ်ထင်တယ်။
အလုပ်နဲ့အိမ်နဲ့နီးတဲ့အတွက် ကောင်းတဲ့အချက်က
အချိန်ကုန်သက်သာတယ်။
ဓာတ်ဆီကုန် သက်သာတယ်။
စောစောထွက်ခဲ့တဲ့အတွက် ပြင်ဆင်ချိန်ရတယ်။
ဒီနေ့ဆိုင်ဖွင့်ပွဲရှိတယ်ဆိုတာကို ဘယ်လိုက ဘယ်လို သိကြတယ်မသိပါဘူး။
လာလိုက်ကြတဲ့လူတွေ။
များလိုက်တာ။
တွေ့တာကို ဝယ်နေတော့တာပဲ။
အလကားရနေသလိုမျိုး ဝယ်နေတာ။
တစ်နှစ်မှာ တစ်ခါသာ လုပ်လေ့ရှိတဲ့တောဘုရားပွဲနဲ့တူတယ်။
ကြက်ပျံမကျ စည်းကားဆိုတာမျိုး။
ဆူရှီးလည်း လိတ်မလောက်ပါပဲ။
လိတ်လိုက်၊ ကောင်တာထဲချလိုက်၊
ဆွဲသွားလိုက်၊ ပြန်လိတ်လိုက်၊
ဒီလိုရောင်းကောင်းတာမျိုး တစ်ခါမှ မကြုံဖူးပါဘူး။
နေ့လည်စာ မစားဖြစ်လိုက်ဘူး။
ညစာကို ည ၁၀း၀၀ ကျော်မှ စားဖြစ်တယ်။
မဆာဘူးလားဆိုတော့ ဆာတာပေါ့။
ဆာတိုင်း လိတ်နေတဲ့ဆူရှီး ပါစပ်ထဲကောက်ထည့်။
လောဘရဲ့သဘောက အံ့သြစရာကောင်းတယ်။
အလွန်အကဲ ပင်ပန်းပေမယ့် ပျော်နေတယ်။
အိမ်ရောက်သွားရင် အဝစားလိုက်မယ်၊ပြီးတော့ အိပ်ပစ်လိုက်မယ်လို့ အားခဲထားပေမယ့်
မစားနိုင်ဘူး။ အိပ်ရေးပျက်တော့ အစားလည်း ပျက်သွားတဲ့သဘော။
နောက်တစ်ခုက ဆိုဒ်ဂျော့(Side Job)လို့ခေါ်တဲ့ဘေးထွက်အလုပ်၊
တစ်နည်းအားဖြင့်
ပြင်ဆင်ရတဲ့အလုပ်တွေက အများကြီးလုပ်ဖို့လိုလာတယ်။
ဟင်းကောင်းတစ်ခွက်ဖြစ်ဖို့
ကြက်သွန်နွှာရ၊ ငရုတ်သီးထောင်းရတဲ့အလုပ်မျိုးနဲ့တူတယ်။
ဒီလိုလူစည်ကားတာဟာ တစ်ပတ်၊ဆယ်ရက်လောက်ကြာမယ်လို့
ကုမ္ပဏီကလူကြီး တွေကပြောတယ်။
အဲဒီရက်ပိုင်းတွေမှာတော့ တစ်ညကို သုံးလေးနာရီလောက်ပဲ  အိပ်ရတယ်။
လောဘက သံပတ်တင်းတော့လည်း အမောဆို့လောက်အောင်
ပြင်းပြင်းပြေးခဲ့ရတဲ့အချိန်ကာလတစ်ခုလို့ပြောရမယ်ထင်ပါရဲ့။

ပုဇွန်ကွက်ကြော်...

တော်သေးပြီအမေ။
အမေ့ကို ချစ်တဲ့သား
အောင်ဝင်းဟိန်း
အက်ရ်ှဗန်းမြို့၊(Ashburn)
ဗာဂျီးနီးယားပြည်နယ်၊(Virginia)
အမေရိကန်ပြည်ထောင်စု။(USA)
၁-၄-၂၀၁၄

သီးစုံဟင်းလို့ခေါ်တဲ့ပဲကုလားဟင်း
လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com