သူများအကျိုးပျက်စီးစရာကို
ဘယ်သောအခါမှ
မလုပ်နှင့်၊
မပြောနှင့်၊
မကြံနှင့်၊
ကြမ်းတမ်းသောစကားကို မဆိုနှင့်၊
မေတ္တာနှင့် ယှဉ်သောစိတ်ကို ဖြစ်စေရမည်၊
အကောင်းကြံ အမှန်လုပ်
အဟုတ်ပြော
ယခုလက်ရှိအချိန်ထက်
ကောင်းသောအချိန်မရှိ၊
လက်ရှိအချိန်ကို
နိဗ္ဗာန်အထိ
အကျိုးရှိအောင်သုံးပါ။
(မင်းကွန်းဆရာတော်
ဘဒ္ဒ န္တ ဝိစိတ္တသာရာ ဘိဝံသ)
တစ်ခါတုန်းက ဘုရင့်ဥယျာဉ်ကို စောင့်ရှောက်ရတဲ့ ဥယျာဉ်စောင့်ကြီးတစ်ယောက်မှာ
သမီးလေးတစ်ယောက်ရှိတယ်။ သူမရဲ့နာမည်ကတော့ မာလာဝတီလို့ခေါ်တယ်။
တစ်နေ့မှာတော့ သူတို့ဥယျာဉ်ဆီကို ပုဏ္ဏား ငါးယောက်ဟာ
ခရီးတစ်ထောက်နားရင်းရောက်လာကြပါတယ်။
သူတို့တွေဟာ အနယ်နယ်အရပ်ရပ်က အလှူခံပြီးပြန်လာတာဖြစ်တယ်။
ဥယျာဉ်မှာ ခဏနားပြီး ခရီးဆက်မယ်လုပ်တော့ ခေါင်းဆောင် ပုဏ္ဏားက
“ အမောင်ဥယျာဉ်စောင့်ဟာ ရိုးသားပုံရတယ်။ အလှူခံငွေတွေကိုအပ်ထားချင်တယ်။
တစ်နှစ်ပြည့်လို့ပြန်လာရင် ငါတို့ငါးယောက်စလုံးဆုံမှပြန်ပေးပါ”
လို့ပြောပြီး ငွေတွေကို အားလုံးသဘောတူ အပ်ထားခဲ့ကြတယ်။
ပြီးတော့ အားလုံးခရီးဆက်သွားကြတယ်။
သူတို့အတန်ငယ်ဝေးတဲ့နေရာရောက်တော့ ကောက်ကျစ်စဉ်းလဲတဲ့ ပုဏ္ဏားငယ်တစ်ယောက်က
သူရဲ့ခရုသင်းမေ့ကျန်နေခဲ့တယ်ဆိုပြီးဥယျာဉ်စောင့်ဆီကို ပြန်လာတယ်။
ဥယျာဉ်စောင့်ဆီရောက်တော့ ငွေတွေကို ပြန်ယူခိုင်းလိုက်လို့လာယူကြောင်းလိမ်ပြောတယ်။
ရိုးသားတဲ့ဥယျာဉ်စောင့်ကလည်း ယုံကြည်ပြီး အပ်နှံထားတဲ့ငွေတွေကို ပြန်ပေးလိုက်ပါတယ်။
ပုဏ္ဏားငယ်လည်း ငွေတွေကို ယူပြီးထွက်ပြေးသွားတာပေါ့။
တစ်နှစ်ပြည့်လို့ ပုဏ္ဏားတွေဟာ ဥယျာဉ်စောင့်ဆီပြန်လာပြီးငွေတွေကို တောင်းကြပါတယ်။
ဥယျာဉ်စောင့်ကလည်း အဲဒီနေ့ကတည်းက ပုဏ္ဏားငယ်တစ်ယောက်
ပြန်လာယူသွားကြောင်းရှင်းပြပါတယ်။
ပုဏ္ဏားတွေကစိတ်ဆိုးပြီး လူငါးယောက်စလုံးမျက်နှာစုံညီဖြစ်မှ
ပေးရမယ်ဆိုတာပြောထားရက်နဲ့အခုလိုပေးလိုက်တာဟာ မရိုးမသားလိမ်လည်တာပဲဆိုပြီး
အလျော်တောင်းတယ်။ဆင်းရဲတဲ့ဥယျာဉ်စောင့်ကမလျော်နိုင်ဘူးပေါ့။
ဒီတော့ ပုဏ္ဏားတွေက ဘုရင့်ကိုတိုင်ကြတာပေါ့။
ဘုရင်ကစစ်ဆေးပြီး ပေးလျော်စေ၊ မလျော်နိုင်က တစ်သက်လုံးကျွန်ခံစေလို့အမိန့်ချလိုက်တာပေါ့။
ဥယျာဉ်စောင့်ကကျွန်ဖြစ်သွားတော့ စိတ်ဆင်းရဲနေတာပေါ့။
ဒီတော့ ဉာဏ်ပညာရှိတဲ့သမီးလေးက အဖေကိုအားပေးစကားပြောပြီး
ဘုရင်ကြီးဆီကို ရဲရဲဝင့်ဝင့်သွားပြီး သံတော်ဦးတင်ပါတယ်။
“အရှင်မင်းကြီး… ပုဏ္ဏားတွေရဲ့ငွေတွေကို ကျွန်တော်မျိုးမ ပေးဆပ်ပါ့မယ် ဘုရား”
“အေး... ပေးဆပ်စေ”
“ဒါပေမယ့် ဖခင်ထံငွေတွေလာအပ်စဉ်တုန်းက သူတို့ငါးယောက်ဖြစ်ပါတယ် အရှင်မင်းကြီး”
“အိမ်း…မှန်ပေတယ်။”
“နောက်ပြီး အဲဒီငါးယောက်စလုံး စုံညီမှ ပြန်ပေးအပ်ရန်လည်း ကတိကဝတ်ပြုသွားပါတယ် အရှင်မင်းကြီး”
“ဒါလည်း မှန်ပေတယ်။”
“အဲဒါကြောင့် သူတို့ငါးယောက်စလုံးစုံမှ ပြန်ပေးပါ့မယ်အရှင်ဘုရား”လို့လျှောက်ထားတော့
ဘုရင်ကြီးဟာ သူမရဲ့လျှောက်ထားချက်ကို သဘောကျပြီး
“ငါးယောက်ဆုံမှ ပေးဆပ်စေ” လို့အမိန့်ချမှတ်လိုက်ပါတယ်။
လိမ်လည်သွားတဲ့ ပုဏ္ဏားငယ်ကို ရှာမတွေ့တာနဲ့ ပုဏ္ဏားတွေဟာ အမှုရှုံးသွားပါတော့တယ်။
ဒီတော့မှ ဥယျာဉ်စောင့်မိသားစုလည်း ကျွန်အဖြစ်ကလွတ်မြောက်သွားကြပြီး
ပျော်ရွှင်သွားကြသတဲ့ကွယ်။
ပုံပြင်ကတော့ ဒါပါပဲ။
မာလာဝတီဟာ ငယ်ရွယ်ပေမယ့် ကျန်လူတွေ သတိမထားမိတဲ့
“ငါးယောက်စလုံးစုံညီမှ”ဆိုတဲ့ စကားကို သတိထားမိတယ်။
ပြီးတော့ ပြဿနာကိုဖြေရှင်းနိုင်တဲ့ ဉာဏ်ပညာလည်း ရှိသူဖြစ်တယ်။
ဒီတော့ ဖခင်ရဲ့ဒုက္ခကိုကယ်တင်နိုင်ခဲ့ပါတယ်။
သတိ၊ပညာနဲ့ပြည့်စုံသူဟာ မိမိကိုယ်ကိုယ်လည်း စောင့်ရှောက်နိုင်သလို
တစ်ပါးသူကိုလည်း ကယ်တင်နိုင်ကြောင်း ထင်ရှားစေတဲ့အကြောင်းအရာဖြစ်ပါတယ်။
မြန်မာလူငယ်တိုင်း သတိ၊ပညာနဲ့ပြည့်စုံသူများဖြစ်ကြပါစေ။
သက္ကရာဇ်(၅၉၆)ခုနှစ်တွင် ပုဂံမှာ ကျစွာမင်းကြီး ဟာ
ဓမ္မရာဇာအမည်ခံပြီးမင်းပြုပါတယ်။
ပိဋကတ်စာပေကျမ်းဂန်မှာ သဘောအဓိပ္ပါယ်ကျ န စွာတတ်သိနားလည်လို့
ကျစွာ ဆိုပြီးအမည်တွင်သွားပါတယ်။
ပိဋကတ်သုံးပုံကိုလည်း ကိုးခေါက်သင်ထားသူဖြစ်ပြန်တယ်။
အရိယာသံဃာတော်တို့အား တစ်နေ့ခုနစ်ကြိမ် စာဝါပို့ချပါတယ်။
စာပေ၊ကျမ်းခံများကိုလည်းပြုစု၊စီရင်ခဲ့ပါတယ်။
ကျစွာမင်းမှာ ထူးခြားပြီးကျေနပ်စရာ၊သဘောကျစရာအချက်တစ်ခုကတော့
မင်းဖြစ်ပြီး ဗေဒင်၊ယတြာတို့ကို မယုံကြည်တာပါပဲ။
ဘာသာရေးကိုလိုက်စား၊လေ့လာတဲ့မင်းဖြစ်တာကြောင့်ဖြစ်နိုင်တယ်။
ဘာကြောင့်ဆိုတော့ ဘုရားတည်မယ်လို့စိတ်ကူးကတည်းက အုတ်စလုပ်တဲ့နေ့မှာ ပြဿဒါးရက်၊
ပန္နက်ချတဲ့နေ့၊ အုတ်မြစ်ချတဲ့နေ့ ပြဿဒါးရက်လို့အမည်တွင်ကျန်ရစ်ပါတယ်။
ကျစွာမင်းကြီးမှာ သမီးတော်တစ်ပါးရှိတယ်။
သမီးတော်ရဲ့နာမည်က သဗျင်မင်းသမီးဖြစ်တယ်။
ကျမ်းဂန်စာပေတတ်ကျွမ်းလွန်းလို့ ရဟန်းများကိုပင် စာဝါချပေးရတဲ့သူပါ။
ရဟန်းနဲ့မိန်းမ မသင့်တော်လို့ ကန့်လန့်ကာ ကာပြီးမင်းသမီးက စာဝါပို့ချပါတယ်။
ရဟန်းများကအပြင်ဖက်ကစာလိုက်ရလို့ မင်းသမီးကို မမြင်ကြရပါဘူး။
ဒီအချိန်မှာ စာလိုက်ရတဲ့ရဟန်းတစ်ပါးက မင်းသမီးအသံဟာ သာယာလှပေတယ်။
ပညာမှာလည်း သူတစ်ပါးနဲ့မတူတော့ ရုပ်ရည်မှာလည်း လှပချောမောသူဖြစ်မှာပဲ။
အသံကြားရုံနဲ့အလွန်တပ်မက်မိနေပြီ။ လူကိုယ်တိုင်ကြည့်ရအောင်ကြံမယ် စ်ိတ်ကူးပါတယ်။
အကြံထုတ်တော့ အကြံပေါ်တာပေါ့။
တစ်နေ့ မိမိတက်တဲ့စာရဲ့အဆုံးမှာ တွေးတောပြီး
“ဟိံဇာလေ ဟေဟေးယျုံး”လို့ဆက်လက်ရေးထားလိုက်ပါတယ်။
ပထမစာများပြီးရင် မိမိရေးထားတဲ့စာကို ရွတ်ဖတ်လိုက်ပါတယ်။
ရွတ်ဖတ်လိုက်သံကိုကြားရင်ပဲ မင်းသမီးက
“ငါ့ရှင်စာထဲမရှိတာကို ဘာကြောင့်ဆိုတာလဲ?”
ဒီအခါမှာ ရဟန်းက “မင်းသမီး စာရှိလို့ ငါရွတ်တာပါ၊ မယုံရင်ကြည့်ပါ။”လို့ပြောလိုက်တယ်။
မင်းသမီးက “ဒီစာဟာအပိုသက်သက်ပဲ။
ဒါပေမယ့် ကျွန်ုပ် အနက်ပေးပါမယ်။
“ဟိံ- တံငါသည်တို့သည်၊ ဇာလေ- ကွန်ရွက်တို့ကို ၊ ဟေဟေးယျုံး- ဆွဲကြကုန်၏၊ ”
ဒီလိုအနက်ပေးလို့ အဆင်ပြေသွားပါတယ်။
မင်းသမီးကိုမြင်ရပြီးတဲ့အခါ ရဟန်းပျိုမှာ စွဲလန်းပြီး မစားနိုင်၊ မအိပ်နိုင်တော့ဘဲ
စာဝါလည်းမတတ်နိုင်ဖြစ်သွားပါတယ်။
ဒီသတင်းကိုခမည်းတော်မင်းကြီးကြားတဲ့အခါ ကျစွာမင်းကြီး
“ငါ့ရှင် သမီးတော်ကိုစွဲလန်းတပ်မက်လို့သေရမလောက်ဖြစ်နေရင် ငါပေးစားတော့မယ်။
ဒါပေမယ့် ပညာတတ်မြောက်တဲ့ငါ့ရှင် ဟာ သာသနာတော်မှာ နောက်အရှည်သဖြင့်
အကျိုးများမယ့်ကျမ်းတစ်စောင်ရေးခဲ့ပါအုန်း”လို့ ပန်ကြားလိုက်ပါတယ်။
အဲဒါကြောင့် ဉာသ်ကျမ်းရဲ့ အဖွင့်ဋီကာကို ရေးခဲ့ပါတယ်။
ရဟန်းလူထွက်ကို သပျင်အမတ်ရာထူးကိုပေးခဲ့တယ်။
အဲဒါကြောင့် သံပျင်အမတ်ရေးတဲ့ဋီကာကို သံပျင်ဋီကာ လို့ခေါ်တွင်ခဲ့တာ
အခုတိုင်ထင်ရှားနေဆဲဖြစ်ပါတယ်။
ကျစွာမင်းကြီး သဘောထားကြီးတဲ့အတွက် သံပျင်ဋီကာကျမ်းကြီးပေါ်ပေါက်လာခဲ့ရတာဖြစ်ပါတယ်။
ဒီလိုစိတ်ထားမျိုးဟာဘုရင်တိုင်းမှာ ရှိဖို့မလွယ်လှပါဘူး။
သမီးတော်ကို မဆိုထားနဲ့၊ နှမတော်ကိုကြိုက်ရမလားဆိုပြီး
တစ်ဖက်လူကို ကွပ်မျက်ခဲ့တဲ့ဘုရင်တွေရှိခဲ့ဖူးပါတယ်။
ဒီ့အပြင် သမီးတော်၊နှမတော်တွေကို လည်း သတ်ပစ်တာမျိုးလည်းရှိခဲ့ဖူးပါတယ်။
ကိုယ်ထင်သလို ကြဲခွင့်ရနေတဲ့အချိန်မျိုးမှာ ကျစွာမင်းကြီးဟာ
သမီးတော်ကို တစ်ဖက်သတ်ကြိုက်နေတဲ့သူကို အပြစ်မယူဘဲ ခွင့်လွှတ်န်ိုင်ပြီး သာသနာအတွက်
အကျိုးများမယ့်ကျမ်းတစ်စောင်ပေါ်ပေါက်အောင်စွမ်းဆောင်ခဲ့တာဟာ
ကျစွာမင်းကြီးရဲ့ သဘောထားကြီးမှုနဲ့ အမျှော်အမြင်ကြီးမှုကြောင့်လို့ပြောနိုင်ပါတယ်။
ဒါဟာလည်း ကျစွာမင်းကြီးဟာ လောကရေး၊ ဓမ္မရေးတွေကို
လေးလေးနက်နက် သဘောပေါက်နေလို့ဖြစ်ပါလိမ့်မယ်။
