Friday, November 18, 2011

" သမီးလေးရယ် စိုးရိမ်မိတယ်.."



တစ်ခါတုန်းက မြောင်းမြမှာနေတဲ့
ဦးလှမင်းဆီမှာသမီးလေးယောက်ရှိတယ်။
သမီးတွေက လိမ်မာကြတယ်။
အဖေ့စကားကိုနားထောင်ကြတယ်။
သမီးလေးယောက်စလုံးတက္ကသိုလ်ကိုပို့ပေးနိုင်တယ်။
သမီးအကြီးဆုံး ဘွဲ့ရပြီးတော့ အဖေကိုတိုင်ပင်တယ်။
သူ့ချစ်သူနဲ့လက်ထပ်ဖို့။
ဦးလှမင်းက သဘောတူလိုက်တယ်။
လက်ထပ်ပြီးတစ်နှစ်အကြာမှာ သမီးကြီးကလေးမွေးတယ်။
အမွှားပူးလေးဖြစ်တယ်။မြေး ယောကျာ်းလေးနှစ်ယောက်။
ဦးလှမင်းပျော်နေပါတယ်။
ဒုတိယသမီး ကျောင်းပြီးသွားပြန်တော့ သူ့ချစ်သူနဲ့လက်ထပ်ဖို့ခွင့်တောင်းပြန်တယ်။
ဦးလှမင်းက သဘောတူလိုက်ပါတယ်။
နောက်တစ်နှစ်ကြာတဲ့အခါမှာ သမီးလတ် သုံးမွှာပူးလေးမွေးပါတယ်။
ဦးလှမင်းသိပ်မပျော်နိုင်တော့ပါ။
တတိယသမီးကျောင်းပြီးသွားပြန်တော့
သမီးချစ်သူနဲ့ပင်ပေးစားလိုက်ပြန်ပါတယ်။
နောက်တစ်နှစ်အကြာမှာတော့ တတိယသမီးကလေးမွေးပြန်ပါတယ်။
လေးမွှာပူးဖြစ်နေပါတယ်။
ဦးလှမင်းမပျော်တော့ပါ။
အဲဒီအချိန်မှာ ဦးလှမင်းဟာ စိတ်ထဲဇဝေဇဝါဖြစ်လာပါတယ်။
ဒါကြောင့် ပထမသမီးကြီးရဲ့ယောက်ျားရဲ့ဇာတိရပ်ရွာကိုမေးကြည့်မိပါတယ်။
"ညောင်နှစ်ပင်ရွာ သား"ဖြစ်နေတာကိုတွေ့ရတယ်။
ဒုတိယသမီးရဲ့ယောက်ျားကိုမေးကြည့်ပြန်တော့...
"သုံးခွသား" ဖြစ်နေပါတယ်။
တတိယသမီးရဲ့ယောက်ျားကိုမေးကြည့်ပြန်တော့...
"လေးမျက်နှာရွာသား" ဖြစ်နေပါတယ်။

"ဒါကြောင့်များသူ့သမီးတွေမှာ အမွှားပူးတွေမွေးလေသလား"
လို့တွေးမိပါတယ်။
ဦးလှမင်းဟာ အတော်လန့်သွားပါတယ်။
မဖြစ်ဘူး၊
သမီးအငယ်ဆုံးကိုတော့ သူကိုယ်တိုင်ရွေးချယ်ပေးစားဖို့စဉ်းစားထားပါတယ်။
သမီးလေးကိုလည်းမှာထားပါတယ်။
သမီးမှာချစ်သူရှိလာတဲ့အခါ
အဖေကိုမိတ်ဆက်ပေးဖို့ပြောထားပါတယ်။
သမီးလေးက ဘွဲ့ရလာပါတယ်။
သူ့ချစ်သူကိုအိမ်ခေါ်လာပြီးမိတ်ဆက်ပေးပါတယ်။
အရင်ဆုံးမေးတဲ့မေးခွန်းက
"မင်း ဘယ်ဇာတိလဲ"
" ကျနော်ခြောက်သားပါ"
ဒါနဲ့ပဲမပေးနိုင်ကြောင်းပြောလိုက်ပါတယ်။
နောက်ခြောက်လအကြာမှာတော့ သမီးလေးက နောက်ချစ်သူတစ်ယောက်ကို
အိမ်ခေါ်လာပြန်ပါတယ်။
"မင်း ဘယ်ဇာတိလဲ"
" ကျနော် သုံးဆယ်သားပါ"
ဦးလှမင်းကစိတ်တိုတိုနဲ့ပြောလိုက်ပါတယ်။
"မပေးစားနိုင်ဘူးကွာ"
သမီးလေးက တော်တော်စိတ်ညစ်သွားပါတယ်။
နောက်ဆုံးတော့ ဦးလှမင်းကိုယ်တိုင် ရန်ကုန်သားနဲ့ပေးစားလိုက်ပါတယ်။
သမီးလေးမင်္ဂလာဆောင်ပြီးတော့မှ ဦးလှမင်းက
သတိုးသားကိုခေါ်ပြီးမေးဖြစ်ပါတယ်။
" မင်း ရန်ကုန်သားတော့ ဟုတ်ပါပြီ၊
ဘယ်မြို့နယ်သားလဲ"
သမီးလေးရဲ့ယောက်ျားပြန်ဖြေလိုက်တာက...
" ဗိုလ်တစ်ထောင်မြို့နယ်သားပါ"




လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com