Thursday, July 21, 2011

“ ကိုယ်သာလျှင် ကိုယ့်ဘဝရဲ့ပဲ့ကိုင်ရှင်…”





“ အလင်းတစ်ချက်လက်ဖို့လိုတယ်…”

စန္ဒဂုတ်ဟာ နန်းကျဘုရင်ရဲ့သားတော်ဖြစ်တယ်။

တစ်တိုင်းတစ်ပြည်မှာ ဆင်းဆင်းရဲရဲနဲ့ မထင်မရှား

ကြီးပြင်းလာရာက အရွယ်ရောက်သော်

အဖြစ်စုံက်ိုသိပြီး ထီးနန်းပြန်လုရန်

ကြိုးစားတယ်။

မြို့တော်ကို လူသူစုပြီး ဝင်ဝင်တိုက်ရာ အကြိမ်ကြိမ် တပ်လန်ခဲ့တယ်။

ကိုယ်ယောင်ဖျောက်ပြီး

မြို့တစ်မြို့မှာ ခိုလှုံနေတုန်း

မိခင်တစ်ဦးက သားငယ်ကို ဆုံးမသံကြားလိုက်ရတယ်။

မုန့်ပျားသလက်ကို အလယ်ကစပြီး ကိုက်စားမိပြီး

အပူလောင်သွားတဲ့သားငယ်ကို မိခင်က

နင့်ဟာက စန္ဒဂုတ်မင်း စစ်တိုက်သလိုပဲလို့ ဆုံးမတယ်။

စန္ဒဂုတ်မင်းက သူ့အမှားကို သဘောပေါက်ပြီး

အစွန်အဖျားရွာများ၊မြို့များကို

တစ်စတစ်စသိမ်းယူကာ အင်အားစုဆောင်းပြီးမှ

နေပြည်တော်ကို တိုက်ရာ ထီးနန်းပြန်ရသွားပါတော့တယ်။

+++++++++++++++++++++++++++++++++++++++++++++++++++++++++


အကောင်းဆုံးဆိုတဲ့စိတ်


အကောင်းဆုံးစိတ်နဲ့ နေသွားမယ်။

အကောင်းဆုံးစ်ိတ်နဲ့ လုပ်သွားမယ်။

အကောင်းဆုံးစိတ်နဲ့ ပေးသွားမယ်။

အကောင်းဆုံးစ်ိတ်နဲ့ သေသွားချင်တယ်။

အဲဒါ ပညာရေး၊

အဲဒါ ဘာသာရေး။

( ဆရာတော် ဦးဇောတိက )

++++++++++++++++++++++++++++++++


သတိနဲ့နေ

လူသစ် စိတ်သစ် ဖြစ်ချင်ရင်

အတိတ်ကို အားမကိုးပါနဲ့။

ပစ္စုပ္ပန်မှာ အကောင်းဆုံးဖြစ်အောင်

နေပါ။

++++++++++++++++++++++++++++++++++++++++++++++++++++++++


လွတ်လပ်သူ

လူတွေရဲ့ ချီးမွမ်းမှု၊ ကဲ့ရဲ့မှု၊

ကို မတုန်လှုပ်တဲ့သူဟာ

သူ့ဘဝကို သူလွတ်လွတ်လပ်လပ်

ဖန်တီးနိုင်တယ်။

(ဆရာတော် ဦးဇောတိက )

++++++++++++++++++++++++++++++++++++++++++++++++++++++++


သတိနဲ့နေ…”


ကုသိုလ်ကောင်းမှုတွေ

အမျိုးမျိုးရှိတဲ့အထဲက

တကယ် အကျိုးအများဆုံး

အင်အားအကြီးဆုံးကုသိုလ်ဟာ

မမေ့မလျော့ သတိနဲ့နေတာ။

( ဆရာတော် ဦးဇောတိက )

++++++++++++++++++++++++++++++++++++++++++++++++++++++++


တန်ရာတန်ကြေးပေး


ဘာဘဲဖြစ်ချင်၊ ဖြစ်ချင်

ကိုယ်ဖြစ်ချင်တာနဲ့

တန်တဲ့စိတ်ထားကို

အရင်မွေးပါ။

( ဆရာတော် ဦးဇောတိက )

++++++++++++++++++++++++++++++++++++++++++++++++++++++++


လောက အကျိုး


လောကကြီးကို တကယ်ကောင်းစေချင်တယ်

ဆိုရင် သတိနဲ့ နေတဲ့အလေ့အကျင့် လုပ်ပါ။

++++++++++++++++++++++++++++++++++++++++++++++++++++++++


အများအကျိုး


အများအကျိုးကို ဆောင်ရွက်ချင်တဲ့

လူဆိုရင်

သတိ၊

သမာဓိ၊

ဉာဏ်ပညာရှိဖို့လိုတယ်။

++++++++++++++++++++++++++++++++++++++++++++++++++++++++


ပေးလို့ရလား


ကိုယ့်ကိုယ်ကို အားရတာ၊

ကျေနပ်တာ၊ဆိုတာမျိုးဟာ သူများပေးလို့မရဘူး၊

ကိုယ့်ဟာ ကိုယ်ဖြစ်အောင်လုပ်ယူရတယ်။

ကိုယ့်ကိုယ်ကိုယ်ကိုယ် ရိုးရိုးသားသား၊

ကျေကျေနပ်နပ်

လက်ခံနိုင်မှ ရတယ်။

ကိုယ့်ကိုယ်ကို အားရမှ

ကျေနပ်မှပြည့်စုံနေတယ်။

ကျေနပ်နေတယ်လို့ ပြောလို့ရတယ်။

မြင့်မြတ်တဲ့စိတ်ထားနဲ့ တန်ဖိုးရှိတဲ့ အလုပ်ကို

စိတ်ရော၊ကိုယ်ပါ အားသွန်ပြီးလုပ်နေမှ

ကိုယ့်ကိုယ်ကိုယ်အားရတာ၊ ကျေနပ်တာကို

ခံစားနိုင်မယ်။

ကိုယ့်ဘဝကို တကယ်ကျေနပ်ချင်ရင်

စိတ်ထားကောင်းတဲ့သူ၊

စောင့်စည်းမှု ရှိတဲ့သူ၊

အကျိုးရှိတာတွေ လုပ်နေတဲ့သူ

ဖြစ်ဖို့လိုတယ်။

( ဆရာတော် ဦးဇောတိက )

++++++++++++++++++++++++++++++++++++++++++++++++++++++++


အနုပညာ


လူတွေကို ချစ်တတ်တာဟာ

အဆင့်မြင့်တဲ့ အနုပညာဖြစ်ပါတယ်။

လှပတဲ့ဆက်ဆံရေးဟာ

အနုပညာဖြစ်တယ်။

ဆက်ဆံရေးလှမှ ဘဝလှမယ်။

++++++++++++++++++++++++++++++++++++++++++++++++++++++++


အောင်မြင်သူများရဲ့လျှို့ဝှက်ချက်များ…”


၁။ ။သင့်ရဲ့ဆန်ကျင်ဘက်တွေဆီကနေ သွင်းအားစုတွေ

ကို ရယူပါ။ (၁၄% ^)

၂။ ။ကိုယ်သွားမယ့်လမ်းကြောင်းကို ချရေးထားပါ။

( ၃၂%)

၃။ ။အစီအစဉ်အတိုင်းလုပ်ပါ။

၎။ ။ဘယ်နည်းနဲ့မဆို အတွေ့အကြုံရအောင်ယူပါ။

၅။ ။အကောင်းဆုံးကာကွယ်မှုဟာ နားထောင်ခြင်း။

၆။ ။အောင်မြင်မှုဟာ ကြိုးစားရတာပါ၊

မွေးရာပါမဟုတ်ပါဘူး။( ၇၅%)

++++++++++++++++++++++++++++++++++++++++++++++++++++++++


လောကမှာ ကြီးပွားကြောင်းတရား လေးပါး...


၁။ ။ရှေးရှေးဘုန်းကံရှိခဲ့ရမယ်။

၂။ ။သင့်တင့်လျေက်ပတ်တဲ့ နေရာမှာ နေရမယ်။

၃။ ။သူတော်ကောင်း၊ သူတော်မြတ်တွေကို ဆည်းကပ်ရမယ်။

၎။ ။မိမိရဲ့ ကိုယ်နဲ့စိတ်ကို ကောင်းမြတ်အောင် တည်ဆောက်တည်ရမယ်။

( အရှင်အာစာရာလင်္ကာရ )

( စစ်ကိုင်းရွှေဟသာင်္ )


ကြောက်စိတ်ဟာ စိတ်တင်းကျပ်မှုကို ဖြစ်ပေါ်စေပါတယ်။

ဘာကိုမှ မကြောက်ပါနဲ့။

ကြောက်တယ်ဆိုတာ စိုးရိမ်စိတ်ကလာတဲ့ ပျော့ညံ့တဲ့စိတ်ပါ။

++++++++++++++++++++++++++++++++++++++++++++++++++


သဘာဝကို နက်နက်ရှိုင်းရှိုင်းကြည့်ပါ။

အရာရာကို ပိုပြီးနားလည်နိုင်စွမ်းရှိလာမယ်။

(အိုင်းစတိုင်း)

+++++++++++++++++++++++++++++++++++++

တခြားလူတွေနဲ့ အတူ

ပျော်ရွှင်မှုတွေ၊

ဒုက္ခတွေကို

အတူတကွ ခံစားပါ။

ဒါဟာ လူတိုင်းအတွက် အကောင်းဆုံးလမ်းညွှန်မှုပါပဲ။

( အိုင်းစတိုင်း )


သစ္စာစကား... ”


ငါရဲ့မိခင် အသက်ရှင်ရေးအတွက်

ဒီယုန်သူငယ်လေး သေရရှာတော့မယ်။

ငါရဲ့မိခင် ရောဂါပျောက်၊မပျောက်ကိုကား

တပ်အပ်သေချာမသိရ၊

ယုန်ကတော့ သူရဲ့အဖော်တွေနဲ့ ကွဲပြီး သေရရှာတောမယ်။

ကံတရားအတိုင်း ရှိပါစေတော့လို့

သနားကြင်နာတဲ့စိတ်နဲ့ ယုန်ကလေးကို ထောင်ချောက်မှလွှတ်လိုက်တယ်။

( ညီငယ်စက္ကန )


ငါဟာ သိတတ်တဲ့အချိန်ကစပြီး သူတစ်ပါးရဲ့အသက်ကို

မသတ်စဖူးပါ။

ဤမှန်သောသစ္စာစကားကြောင့်

ငါ့မိခင်ရဲ့ရောဂါဝေဒနာဟာ ပျောက်ကင်းချမ်းမြေ့ပါစေ

လို့သစ္စာပြုလိုက်လေ၏။

ယုန်လေးလည်းအသက်ချမ်းသာရာရသွားတယ်။

မိခင်လည်း အသက်ချမ်းသာရာရသွားပါတယ်။

ဒါဟာ သစ္စာဆိုခြင်းရဲ့အစွမ်းသတ္တိဖြစ်ပါတယ်။





" စာကြည့်တိုက်…"


အမေရိကန်နိုင်ငံ၊ ကယ်လီဖိုးနီးယားရှိ

ကျနော်နေထိုင်တဲ့ရပ်ကွက်နဲ့မနီးမဝေးမှာ စာကြည့်တိုက်တစ်ခုရှိတယ်။

ကျနော်အမေရိကားကိုရောက်စမှာ အဲဒီစာကြည့်တိုက်ထဲကို မဝင်ရဲပါ။

အကြောင်းကတော့ ကျနော်နဲ့မနီးစပ်တဲ့အတွက်ကြောင့်ဖြစ်တယ်။

နောက်တစ်ကြောင်းက

ကျနော်မသိတဲ့စကားတွေနဲ့လာပြီးမေးတာပြောတာရှိလာမှာစိုးတာလည်းပါတယ်။

စာကြည့်တိုက်ဆိုတော့ စိတ်ဝင်စားမိတယ်။

အိမ်ကလူများကိုမေးတော့လည်း ဝင်လို့ရတယ်လို့သာပြောတယ်။ လိုက်ပို့ပေးမယ့်သူက မရှိပါ။

သူတို့ကလည်း စာကြည့်တိုက်ကို မသွားမလာဖြစ်ကြပါ။

အကြောင်းက သူတို့ရဲ့အလုပ်အကိုင်တွေက အားလပ်ရက်မရှိတဲ့အတွက်ကြောင့်ဖြစ်နိုင်ပါတယ်။

နောက်တစ်ခုက

စာဖတ်ဝါသနာမပါတာလည်းဖြစ်နိုင်ပါတယ်။

သူတို့ရဲ့အားလပ်ချိန်ကို အသုံးချပုံကတစ်မျိုးဖြစ်တယ်။

အားလပ်ရင် နောက်ဆုံးပေါ် ဗီဒီယိုခွေတွေကိုငှားမယ်။

အဲဒီခွေတွေကို မပြီးမချင်းတစ်ခွေပြီးတစ်ခွေကြည့်မယ်။

နောက်တစ်မျိုးက နောက်ဆုံးပေါ်သီချင်းတွေကို ဝယ်မယ်။ပြီးရင် အဲဒီသီချင်းတွေကို နားထောင်မယ်။

ဈေးဝယ်ထွက်မယ်။ ကြိုက်တဲ့အစားအစာတွေကို တစ်ခုခုပြီးလုပ်စားမယ်။ ဝယ်စားမယ်။

သူတို့ကြိုက်တာကို ကျနော်ကမကြိုက်ပါ။

ကျနော်ကြိုက်တာကိုလည်း သူတို့ကြိုက်မယ်မထင်ပါ။

အကြောင်းမှာ သူတို့စာဖတ်နေတာကို တစ်ခါမှ မတွေ့ဖူးသောကြောင့်ဖြစ်တယ်။

မိန်းမဖြစ်သူ ဒေါ်ရွှေယုံလေးကို အလုပ်သို့

လိုက်ပို့တိုင်း၊သွားကြိုတိုင်း စာကြည့်တိုက်ကိုဖြတ်သွားရပါတယ်။

နောက်ဆုံး စာကြည့်တိုက်ကိုသွားချင်လွန်းသောကြောင့် မိန်းမကိုအကူအညီတောင်းရပါတော့တယ်။

မိန်းမက အင်္ဂလိပ်စကားပြောကျွမ်းကျင်တယ်။

လည်လည်ဝယ်ဝယ်ရှိတယ်။ သူက လူတွေနဲ့ဆက်ဆံရမှာကို မကြောက်ပါ။

ကျနော်ကကြောက်တယ်။

သူမကို အားကိုးပြီး အမေရိကားကို ကြောက်ကြောက်နဲ့လာခဲ့မိခြင်းဖြစ်ပါတယ်။

သူမအလုပ်ပိတ်ရက်တစ်ရက်မှာ စာကြည့်တိုက်ကိုလိုက်ပို့ပေးပါတယ်။

စာကြည့်တိုက်ကိုရောက်တဲ့ပထမရက်မှာပင် စာကြည့်တိုက်ကဒ်ပြားလုပ်ဖြစ်ပါတယ်။

နေထိုင်ရာအရပ်က တူနေသောကြောင့်

စာကြည့်တိုက်ကဒ်ပြားကိုလွယ်လွယ်လုပ်ခွင့်ရသွားတာဖြစ်နိုင်ပါတယ်။

ငွေတစ်ပြားမှမပေးရပါ။ငွေပေးရရင်လည်း လုပ်နိုင်မယ်မထင်သေးပါ။

တစ်ခါငှားရင် စာအုပ်ဘယ်နှစ်အုပ်ငှားလို့ရသလဲလို့မိန်းမကမေးပါတယ်။

စာအုပ်အပါအဝင် DVD+VCD စုစုပေါင်းတစ်ရာ ငှားနိုင်တယ်လို့ပြောပါတယ်။

အံသြသွားပါတယ်။မယုံပါ။ ဒါပေမယ့်

စာအုပ်တွေတစ်ပွေ့တစ်ပိုက်နဲ့ငှားရမ်းနေတာကိုတွေ့တော့ အားရှိသွားပါတယ်။

စာအုပ်များရှာပါတယ်။

အိမ်နဲ့ပတ်သက်တဲ့စာအုပ်များ၊

ကွန်ပျူတာနဲ့ပတ်သက်တဲ့စာအုပ်များ၊

ဆေးပညာနဲ့ပတ်သက်တဲ့စာအုပ်များ၊

ဥယျာဉ်နဲ့ပတ်သက်တဲ့စာအုပ်များ၊

စုစုပေါင်း ၉-အုပ်ရပါတယ်။

DVD+VCDကိုလည်းလိုက်ရှာပါတယ်။ ၇-ချပ်ရလာပါတယ်။

ဘယ်မှာစာရင်းပေးရမလဲလို့မေးတော့ ဝင်ပေါက်အဝမှာလို့ပြောပါတယ်။

လူတွေလည်းမတွေ့ရပါ။ လူတွေအစား ကွန်ပျူတာတွေကိုသာတွေ့ရပါတယ်။

စာရင်းမမှတ်ဘူးဟုထင်မိပါတယ်။

နောက်တော့မှ အခြားလူတွေက ကွန်ပျူတာမှာ စာရင်းသွင်းနေကြတာကိုတွေ့တော့မှ

သဘောပေါက်သွားပါတယ်။

လင်မယားနှစ်ယောက်စလုံးအူကြောင်ကြောင်နဲ့ဘာလုပ်ရမှန်းမသိပါ။

နောက်တော့ စာကြည့်တိုက်ဝန်ထမ်းတစ်ဦးကိုခေါ်ပြီးမေးတော့မှ

သူ့ရဲ့အကူအညီနဲ့ကွန်ပျူတာမှာ စာရင်းသွင်းဖြစ်သွားပါတယ်။

ကွန်ပျူတာမသွင်းဘဲယူသွားရင် ဘယ်သူသိနိုင်မလဲလို့တွေးမိပါတယ်။

အလကားလိုချင်သူတွေကိုတော့ မတွေ့မိပါ။

လူကိုပဲ ယုံကြည်တာလား၊

စက်ကိုပဲ အားကိုးတာလား၊

ဆိုတာကို မသဲကွဲခဲ့ပါ။

ကွန်ပျူတာမသွင်းဘဲယူသွားရင် ဘာဖြစ်မလဲလို့ စုံစမ်းကြည့်တော့

အထွက်ပေါက်တွင် အချက်ပေးအသံမြည်ပါတယ်ဆိုတာကိုနောင်မှသိရပါတယ်။

အော်…ခေတ်မီလိုက်တာ လိုက်လို့မမီအောင်ပါပဲလား၊

မြန်မာပြည်မှာကတည်းက ကွန်ပျူတာပညာကို သင်ထားမိတာ ကံကောင်းလေခြင်း။

နို့မဟုတ်ရင် ဘာဆိုဘာမှ သိမှာမဟုတ်ဘူး။

ပြီးတော့ စာမတတ်သူလိုဘာမှလည်း လုပ်တတ်မှာမဟုတ်ပါလေ။

အမေရိကန်မှာက စာမသင်သေးတဲ့ကလေးတောင်မှ ကွန်ပျူတာကို ကိုင်တွယ်တတ်နေတာက

စာကြည့်တိုက်အတွင်းရှိ ကလေးစာကြည့်တိုက်ထဲမှာ တွေ့နေရပါတယ်။

ကားကိုတော့ အိမ်ရှေ့၊အိမ်ဘေးမှာထားတာကြောင့်

တစ်အိမ်မှာ ကားသုံးလေးစီးရှိတာကို သတိထားမိပါတယ်။

ကွန်ပျူတာကိုတော့ မတွေ့ရတဲ့အတွက်

တစ်အိမ်မှာ ကွန်ပျူတာ ဘယ်နှစ်လုံးရှိတယ်ဆိုတာကို မခန့်မှန်းနိုင်ပါ။

စာကြည့်တိုက်မှာတော့ ကွန်ပျူတာအလုံးပေါင်းမြောက်များစွာရှိနေတာကို တွေ့ရပါတယ်။

စာကြည့်တိုက်ကဒ်ပြားလုပ်တာလည်းကွန်ပျူတာ၊

စာအုပ်ငှားတာလည်းကွန်ပျူတာ၊

စာအုပ်ရှာတာလည်းကွန်ပျူတာ၊

စာအုပ်ပြန်အပ်တော့လည်း ကွန်ပျူတာ၊

စာအုပ်များရက်တိုးချင်ရင် ကွန်ပျူတာနဲ့အိမ်မှာပင် ရက်တိုးလို့ရနေပါတယ်။

စာအုပ်ဖြစ်ဖြစ်၊ VCD+DVD ဖြစ်ဖြစ် သုံးပတ်အချိန်ပေးပါတယ်။

မဂ္ဂဇင်းနဲ့သီချင်းခွေများကိုတော့ တစ်ပတ်သာ အချိန်ပေးပါတယ်။

ရက်ချိန်းနီးလာပါက အီးမေးလ်နဲ့ ရက်နီးလာပြီးဖြစ်ကြောင်း၊

လူကြီးမင်းအနေနဲ့ဒဏ်ငွေမကျသင့်လိုပါက အချိန်မီအပ်သင့်ကြောင်း

အပ်ရမယ့် စာအုပ်၊VCD+DVDအမျိုးအမည်နဲ့တကွအကြောင်းကြားလာပါတယ်။

ဒဏ်ကြေးအနေနဲ့က တစ်မျိုးအတွက် တစ်ရက်ကို ရက်လွန်ကြေး ဆင့်ငါးဆယ် ပေးပါရမယ်။

အများဆုံးဒဏ်ကြေးကတော့ တစ်မျိုးအတွက်ဒေါ်လာ-20 ပေးဆောင်ရန်သတ်မှတ်ထားပါတယ်။

စာအုပ်ပျောက်ဆုံးပါက စာအုပ်တန်ဖိုးအပြင် ဒဏ်ကြေး ဒေါ်လာ-20ကိုပေးဆောင်ရန်သတ်မှတ်ထားပါတယ်။

စည်းကမ်းတကျနဲ့ဖတ်ပါက ဘာကြေးမှ ပေးဆောင်ရန်လိုမယ်မထင်ပါ။

မြန်မာပြည်မှာတော့ စာကြည့်တိုက်ကမရှိ၊

စာကြည့်တိုက်ရှိပြန်တော့ စာအုပ်ကမရှိ။

အဲဒါကြောင့် စာဖတ်ချင်ရင် အကြိုက်ဆုံးစာအုပ်များကို ဝယ်ရပါတယ်။

တာချီလိတ်မှာ စာအုပ်ဈေးကလည်း ကြီးမြင့်လှပါတယ်။

စာအုပ်အငှားဆိုင်ကို အားကိုးရပြန်တော့ ငှားခက ဈေးကြီးလွန်းလှပါတယ်။

မြေဆီမြေလွှာမကောင်းတဲ့အရပ်ဒေသမှာ မျိုးကောင်းတဲ့အပင်တောင် မရှင်သန်နိုင်ပါ။

မြန်မာပြည်တွင် စာဖတ်ဝါသနာဟာ ရှင်သန်ကြီးထွားဖို့အတော်ပင်အခက်အခဲရှိလှပါတယ်။

အမေရိကားမှာတော့ စာဖတ်ဝါသနာ မပါ၊ပါအောင်ပြုစုပျိုးထောင်နေတာကို တွေ့နေရပါတယ်။

မတူတဲ့အချက်တွေထဲက တစ်ချက်ဖြစ်နိုင်ပါတယ်။


လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com