Monday, September 26, 2011

" အမေ့ထံသို့ပေးစာများ-၁၄..."



သို့
ချစ်တဲ့အမေ
သားသတိတရစာရေးလိုက်ပါတယ်။
အမေနေမကောင်းဘူးလို့ပြောသံကြားတော့ စိတ်ပူမိပါတယ်။
ကျန်းမာရေးဟာ တစ်နေ့ထက်တစ်နေ့ ပိုပိုပြီး
အရေးကြီးလာတယ်ဆိုတာကို သိလာရတယ်။
မြန်မာပြည်မှာလည်း ကျန်းမာရေးစရိတ်ကကြီးတာပါပဲ။
အခု အထူးကုဆေးရုံတွေပေါ်လာတယ်။
အရေးပေါ်ကိစ္စဆိုရင်တော့ အရင်ကလို တန်းစီစရာမလိုတဲ့အတွက်
ကောင်းတယ်လို့ပြောနိုင်ပေမယ့်
ကျန်းမာရေးကုန်ကျစရိတ်တွေက တစ်နေ့ထက်တစ်နေ့ကြီးမားလာတော့
ကျန်းမာရေးကို အမြဲတမ်းဂရုစိုက်ဖို့ပိုလိုလာတယ်။
ကျန်းမာအောင်နေဖို့ဆိုတာက ခက်တာတော့မဟုတ်ပါဘူး။
မတည့်တာမစားနဲ့ပေါ့၊
တည့်တဲ့အစားအစာကိုတောင် သင့်ရုံပဲစားပေါ့အမေ။
ဒါက ရုပ်နဲ့ဆိုင်တဲ့ကျန်းမာရေး။
စိတ်နဲ့ဆိုင်တဲ့ကျန်းမာရေးကတော့ ဒေါသမထွက်အောင်ထိန်းသိမ်းပေါ့အမေ။
ဒေါသထွက်ပြီဆိုရင်လည်း ဒေါသထွက်နေမှန်းသိပေါ့။
သိပြီးဆိုရင် ဒေါသရဲ့အရှိန်က ကျသွားတယ်။
ဒီအကြောင်းတွေကို သိတာကလွယ်ပေမယ့်
တကယ်တန်းကျင့်ကြံဖို့တော့ ထင်သလောက်မလွယ်လှဘူး။
ဒေါသအကြောင်းပြောရအုန်းမယ်။
ဆရာတစ်ဦးကပြောဖူးတယ်။
သာမန်လူတစ်ယောက်ရဲ့သွေး
၂-စီစီ(2-cc)ကို စုတ်ယူပြီး စမ်းသပ်ခံကြွက်ဖြူလေးတစ်ကောင်ရဲ့ကိုယ်ခန္ဓာထဲကို
ထိုးသွင်းလိုက်တယ်။
ကြွက်ဖြူလေးဘာမှမဖြစ်ဘူး။
နောက်တော့ အဲဒီလူကိုပဲ ဒေါသထွက်အောင်လုပ်လိုက်တယ်။
ပြီးတော့ သူ့ရဲ့သွေး ၂-စီစီကိုပဲ ဆေးထိုးပြွန်နဲ့စုတ်ပြီး၊
အဲဒီကြွက်ဖြူလေးကို ထိုးသွင်းလိုက်တဲ့အခါမှာ
အဲဒီကြွက်ဖြူလေးဟာ ၂-မိနစ်အတွင်းမှာပဲ
ဆန့်ငင်ဆန့်ငင်ဖြစ်ပြီး သေသွားတယ်။
အဲဒီစမ်းသပ်မှုကသိရတာက ဒေါသထွက်လာတဲ့အခါ
လူ့ကိုယ်ခန္ဓာထဲကနေ အဆိပ်တွေထွက်လာတယ်။
ဒေါသကြောင့် ထွက်လာတဲ့အဆိပ်ကိုတော့
အရွယ်ငယ်တဲ့သတ္တဝါကတော့ မခံနိုင်ဘူး။
လူကလတ်တလောခံနိုင်ပေမယ့် တာရှည်မှာ
ကျန်းမာရေးကိုထိခိုက်လာစေပါတယ်။
ဒါကြောင့် ဒေါသမထွက်နဲ့လို့လူတိုင်းကိုသတိပေးနေရတယ်။
လူတိုင်းကိုသတိပေးရသလို ကိုယ့်ကိုယ်ကိုယ်လည်း သတိပေးနေရတာပါပဲ။
စိတ်ဆင်းရဲတာလည်း တရားကိုယ်အားဖြင့်တော့ ဒေါသပါပဲ။
သတိ၊ဥာဏ်ရှိရင် ကျန်းမာအောင်ထိန်းသိမ်းနိုင်ပါတယ်။
အမေရိကားကိုရောက်တာခြောက်လကျော်လာခဲ့ပေမယ့်
အမေအတွက်ငွေတစ်ကြိမ်ပဲပို့ပေးနိုင်တဲ့အတွက်
စိတ်မကောင်းပါဘူးအမေ။
ကျနော်တို့ကယ်လီဖိုးနီးယားကိုရောက်တော့
ရောက်စဆိုတော့ ဘာအလုပ်မှတော့မလုပ်နိုင်သေးဘူး။
အားနေတယ်။ ဒီတော့ မိန်းမရဲ့အမက သူ့ရဲ့စတိုးဆိုင်ကိုခေါ်သွားတယ်။
မိန်းမအလုပ်မရခင်မှာ တော့ လိုရမယ်ရဆိုပြီး
ကွန်ပျူတာနဲ့စာရင်းသွင်းတဲ့အလုပ်ကို ဝိုင်းကူလုပ်ပေးတယ်။
သုံး-လေး-ရက်အတွင်းမှာပဲ မိန်းမက လုပ်တတ်သွားပြီ။
ကျနော်ကတော့ ကိုယ့်ကွန်ပျူတာနဲ့အလုပ်ရှုတ်နေလို့ မတတ်လိုက်ဘူး။
တစ်ပတ်ကျော်လာတော့ မိန်းမက ဂျပန်အစားအသောက်လုပ်ငန်းတစ်ခုဖြစ်တဲ့
ဆူရှီးဆိုင်မှာ အလုပ်ရသွားတယ်။
ကျနော်ကအလုပ်မရသေးဘူး။
အကောင်းမြင်စိတ်နဲ့တွေးရင်တော့ အလုပ်မရတာဟာလည်း
ကောင်းဖို့ဖြစ်လာတာပါပဲ။
စာဖတ်ဖြစ်တယ်။စာတွေရေးဖြစ်တယ်။
ကိုယ်ဝါသနာပါရာအလုပ်ကို စိတ်တိုင်းကျလုပ်ခွင့်ရတာကိုက
ကံကောင်းလို့ဖြစ်လာတဲ့အခွင့်အရေးပဲမဟုတ်လား။
မိန်းမကကြည်ကြည်ဖြူဖြူနဲ့ သူမရဲ့လုပ်စာကို ထိုင်စားခွင့်ပေးထားတာဟာလည်း
ကံကောင်းတာပဲမဟုတ်လား။
ယောကျာ်းကို မိန်းမကစေတနာကောင်းနဲ့လုပ်ကျွေးခွင့်ရတာကို ကုသိုလ်လို့ထင်ပေမယ့်
မိန်းမရဲ့အမျိုးတွေက ‘ယောကျာ်းဖြစ်ပြီး မိန်းမလုပ်စာကို ထိုင်စားနေတယ်’ လို့ထင်နေကြတယ်။
ပြောနေကြတယ်။ကြားတာပေါ့။ နံရံတွေမှာနားရှိတယ်လေ။
ဘာကြောင့်ဆိုတော့ တစ်ချိန်လုံးအလုပ်ရှာဖို့ချည်း ပြောနေတယ်။
တစ်ချိန်လုံးကွန်ပျူတာထဲမှာ အလုပ်လျှောက်ဖို့တိုက်တွန်းနေတယ်။
အေးအေးဆေးဆေးလုပ်နေတော့ မခံချိ၊မခံသာအောင်ပြောနေတယ်။
အိမ်ပြန်ရောက်ရင် အဲဒီအသံကိုချည်းနေ့စဉ်နေ့တိုင်းကြားနေရတော့
စိတ်ရှုတ်လာတယ်။ စိတ်ပျက်လာတယ်။
အိမ်မှာမနေချင်တော့ဘူး။
ဘယ်သွားရမှန်းလည်းမသိဘူး။
မိန်းမအလုပ်ရှိရာ နေရာမှာသွားထိုင်နေမိတယ်။
အမြဲတမ်းကျတော့လည်းမကောင်းပြန်ဘူး။
နောက်တော့ ကားထဲမှာပဲ စာဖတ်ဖြစ်တယ်။
ကားဟာ အိမ်ဖြစ်လာတယ်။အရိပ်ကောင်းတဲ့သစ်ပင်တစ်ပင်အောက်မှာ ကားကိုထိုးပြီး
စာဖတ်ရတာလည်းအရသာတစ်မျိုးပါပဲ။
တစ်နေကုန်ဆိုတော့လည်း ညောင်းလာတယ်။
နေ့လည်ဖက်ဆိုရင် ပူတယ်။
တာရှည်ဆိုတော့ မကောင်းပြန်ဘူး။
အိမ်မှာ ရတဲ့အခန်းကျဉ်းလေးထဲမှာ တစ်နေကုန် အပြင်မထွက်ပဲ
စာဖတ်တယ်။ စာရေးတယ်။ တစ်ရံတစ်ခါ အိပ်တယ်။
ဒါလည်း အပြောမလွတ်ပါဘူး။
'အခန်းထဲမှာပဲ နေလို့မရဘူး' တဲ့။
'ရူးသွားမယ်'တဲ့။
အို…စုံနေတာပါပဲအမေရာ။
စိတ်ရှုတ်စရာစကားတွေကိုပြန်မပြောချင်တော့ပါဘူး။
ဒီသင်ခန်းစာကို ကျနော်ငယ်ငယ်က မရခဲ့ဖူးဘူး။
ဒါကြောင့် ကျနော့်ကို ပညာပေးနေသလားလို့တောင်တွေးလာမိတယ်။
အဲဒါနဲ့ပဲ နောက်ဆုံးကျတော့ ကျနော်စာကြည့်တိုက်ကို ရှာတွေ့သွားတယ်။
စာကြည့်တိုက်ကိုတွေ့တော့ ဝမ်းသာလိုက်တာ။
ဒါပေမယ့် စဦးပိုင်းမှာ မဝင်ရဲခဲ့ဘူး။
ကိုယ်က အင်္ဂလိပ်စကားမှာ အားနည်းတော့ ဘယ်လိုမေးပြီး၊ ဘယ်လိုပြောရမှန်းမသိတာနဲ့ကို
ဖြတ်သွား၊ဖြတ်လာတာက အကြိမ်ကြိမ်ပါပဲအမေရာ။
သတ္တိကိုမွေးရတယ်။
အသက်ကိုပြင်းပြင်းရှု၊
အမေသွန်သင်ခဲ့တဲ့အတိုင်းပါပဲ။
“ လူတစ်ယောက်ရဲ့အဖိုးအတန်ဆုံးပိုင်ဆိုင်မှုဆိုတာ သူ့ရဲ့သတ္တိပဲသားရယ်။
သားမှာ သတ္တိသာ ရှိခဲ့မယ်ဆိုရင် အခြေအနေတွေ ဘယ်လိုမဲမှောင်နေပါလေ့စေ၊
အဲဒီအမှောင်ကို ဖြိုခွင်းနိုင်ပါတယ်”လို့အမေပြောခဲ့ဖူးတဲ့စကားကို
နှလုံးသွင်းပြီး၊ပါစပ်ကလည်း ရွတ်ပြီးဝင်ရတာပေါ့။
ကိုယ်ကြောက်သလောက်လည်း ကြောက်စရာမကောင်းဘူးဆိုတာကို
ဝင်ကြည့်တော့မှသိရတယ်။
ကိုယ်သိသလိုမေးလိုက်တာပါပဲ။
မေးတော့လည်း သူတို့က ဖေါဖေါရွေရွေနဲ့ပြန်တုန့်ပြန်ပါတယ်။
နောက်တော့လည်း အိမ်မှာ မနေချင်တိုင်းကိုသွားဖြစ်တဲ့နေရာတစ်ခုဖြစ်လာတယ်။
အမေရိကားရောက်ပြီးနောက်ပိုင်း...
"စိတ်အချမ်းသာဆုံးအချိန်တစ်ခုကိုပြောပါ"
ဆိုရင် စာကြည့်တိုက်ကိုသွားတဲ့အချိန်လို့တောင်ပြောရမယ်ထင်ပါတယ်။
စာကြည့်တိုက်ထဲမှာ စာအုပ်တွေက မျိုးစုံလွန်းလှတယ်။
စာဖတ်ဖို့၊စာရေးဖို့နေရာတွေလည်းပြည့်စုံတယ်။
လေအေးစက်လည်းတပ်ထားတော့အစဉ်ပြေတယ်။
စာကြည့်တိုက်ဆိုတာ သဲကန္တာရထဲက အိုအေစစ်ပါလို့ပြောချင်ပါတယ်။
အဆိုးတွေတွေ့ပြီးရင်အကောင်းတွေတွေ့ရစမြဲပဲဆိုတဲ့
သင်ခန်းစာကိုလည်းရလာပါတယ်။
ကဲ…အမေရေ
အမေနဲ့နီးစပ်တဲ့လူတွေကိုပြောလိုက်စမ်းပါ။
ကျနော်ကပြောလိုက်တယ်လို့။
“ ကိုယ့်ကိုယ်ကိုယ်လည်းယုံကြည်မှုရှိမယ်။
စိန်ခေါ်မှုတွေကိုလည်း နှစ်သက်မယ်။
ဘာကိုဘဲဖြစ်ဖြစ် ရင်ဆိုင်ဖို့အဆင်သင့်ဖြစ်မယ်ဆိုရင်
အမေရိကားကိုလာဖြစ်အောင်လာဖို့တိုက်တွန်းလိုက်ချင်ပါတယ်။
အမေရိကားဆိုတာ အခက်အခဲနဲ့အခွင့်အလမ်းဒွန်တွဲနေတဲ့နေရာတစ်ခုဖြစ်တယ်
ဆိုတာကို တဖြည်းဖြည်းသိလာခဲ့လို့ပြောလိုက်တာပါ။”လို့။
အမေရေ.....
စာလည်းရှည်သွားပြီထင်ရဲ့။
အမေမျက်မှန်ကိုချွတ်လိုက်ပါအုန်း။
ကျနော်ပြောတာကို အမေရဲ့သားသမီးတွေ၊ မြေးတွေ၊မြစ်တွေကိုခေါ်ပြီး
ပြောလိုက်ပါအုန်း။
အမေကျန်းမာရေးကို ဂရုစိုက်ပါနော်။

အမေကိုချစ်တဲ့သား...
အောင်ဝင်းဟိန်း၊
ဆန်ဟိုဆေးမြို့(San Jose)
ကယ်လီဖိုးနီးယားပြည်နယ်(California)
အမေရိကန်ပြည်ထောင်စု(USA)
၉-၂၆-၂၀၁၁
လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com