Sunday, November 13, 2011

" တစ်ခါပေါက် တစ်ထောင်..."


အမေရိကန်နိုင်ငံနေစဉ်က
ကျနော့်ရဲ့ဇနီးအား အလုပ်ကို ကားနဲ့အကြိုအပို့လုပ်ပေးရပါတယ်။
ကားမောင်းသွားတိုင်းတောင်ကုန်းတစ်ခုကိုဖြတ်သွားရပါတယ်။
တောင်ကုန်းရဲ့အဆင်းတွင် ကားလမ်းဘေးတွင်ဆိုင်းပိုဒ်တစ်ခုကိုတွေ့ရပါတယ်။
"သေးတစ်ခါပေါက် ဒေါ်လာတစ်ထောင်"
ဒေါ်လာတစ်ထောင်ဆိုတာ မြန်မာငွေနဲ့ဆိုရင်
ဆယ်သိန်းဝန်ကျင်ပဲ။
များလိုက်တဲ့ဒဏ်ငွေကြီးပါလား။
ဒါကိုတွေ့တော့
ကျနော် ဖါးကန့်မှာနေစဉ်တုန်းကအဖြစ်အပျက်တစ်ခုကိုသတိရမိပါတယ်။
ကျနော်တို့ ရန်ကုန်ကအမေ့ထံပြန်ချင်ရင်
ဖါးကန့်က ဟိုပင်ဘူတာအထိကားစီးရပါတယ်။
တစ်နေ့ကုန်အောင် ကားစီးရတဲ့ခရီးဖြစ်တယ်။
ဟိုပင်ဘူတာကမှ မန္တလေးအထိရထားကိုစီးရတယ်။
မန္တလေးက ရန်ကုန်ကိုတော့ ရထားစီးစီး၊ကားစီးစီး၊လေယာဉ်စီးစီးအစဉ်ပြေတယ်။
ကျနော်တို့အဖွဲ့တွင် ကချင်တိုင်းရင်းသားကိုဇော်မှိုင်းပါလာတယ်။
ကျနော်တို့က ကိုဇော်လို့သာခေါ်ပါတယ်။
ဟိုပင်ဘူတာရောက်တော့ တစ်နေကုန်ကားစီးထားရတဲ့အတွက်
ကိုဇော်က ဆီးအောင့်နေပုံရတယ်။
ဒါနဲ့ပဲ ဟိုပင်ဘူတာရဲ့ရထားတွဲကြားတွင်
ကိုဇော်က ဆီးသွားပါတယ်။
ဆီးသွားနေတုန်းမှာပင်
ဘူတာမှ လုံခြုံရေးအဖွဲ့ဝင်တစ်ယောက်က
ရုတ်တရက်သူ့ရဲ့လည်ကုတ်ကိုရုတ်တရက်လှမ်းဆွဲပြီးဖမ်းပါတယ်။
"မင်း ဟိုမှာကြည့်စမ်း"
ကိုဇော်ကလှမ်းကြည့်လိုက်ပါတယ်။
"ဆီးမပေါက်ရ။
တစ်ခါပေါက် တစ်ထောင်ကျပ်။"
ဆိုတဲ့ဆိုင်းပိုဒ်ကိုတွေ့ရပါတယ်။
ဒါနဲ့ပဲ ကိုဇော်ကိုဖမ်းခေါ်သွားပါတယ်။
ကျနော်တို့လည်းနောက်က အကူအညီပေးနိုင်အောင်လိုက်သွားပါတယ်။
ဘူတာရုံထဲတွင်နေ့ချင်းပြီးတရားရုံးက အမှုကိုစစ်ဆေးပါတယ်။
ကိုဇော်ကလည်းသေးပေါက်မိကြောင်းဝန်ခံတော့
တရားသူကြီးက
" အပြစ်ကျူးလွန်သူမောင်ဇော်မှိုင်းအား
ငွေဒဏ်တစ်ထောင်ကျပ်ကျခံစေ"
လို့အမိန့်ချလိုက်ပါတယ်။

ကိုဇော်က ငွေကိုအိတ်ထဲမှထုတ်နေစဉ်ပြန်ပြောလိုက်တာက...
" ကျနော်သေးပေါက်နေတုန်း ဖမ်းလိုက်တဲ့အချိန်မှာ
သေးလန့်သွားပြီးရပ်သွားပါတယ်။
အဲဒီအချိန်မှာသေးက တစ်ဝက်ပဲပြီးပါသေးတယ်။
ဒါကြောင့် ဒဏ်ငွေ ငါးရာကျပ်သာပေးနိုင်ပါတယ်"တဲ့။



လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com