Thursday, November 10, 2011

“ တိကျပြတ်သားတဲ့ ရည်မှန်းချက်…”


ကိုယ့်ကိုယ်ပိုင်ဉာဏ်နဲ့ရွေးချယ်လိုက်တဲ့ ဦးတည်ချက်တစ်ခု

ရှိလာပြီဆိုရင် အဲဒိလူဟာ စွမ်းရည်သတ္တိတွေ၊ အင်အားတွေ

အများကြီးတက်လာပြီ၊

အဲဒီလူဟာ တစ်နေ့တာ၊

တစ်နေ့တာဘဝကို နေသွားရတာ

အင်မတန်အဓိပ္ပာယ်ရှိတဲ့နည်းနဲ့နေသွားတယ်။

++++++++++++++++++

ဘဝဦးတည်ချက်ကို တကယ်သိချင်ရင်

အရင်ဆုံး ကိုယ့်စိတ်ကို ကိုယ်ကောင်းကောင်းသိအောင်လုပ်ပါ။

ကိုယ့်စိတ်ကို ကိုယ်တကယ်သိလာရင် ကိုယ်ဘာကို တကယ်

ချစ်တယ်ဆိုတာသိလာမယ်။

ကိုယ်တကယ်ချစ်တာကို လုပ်ရမှ

စိတ်ပါလက်ပါလုပ်မယ်။

တစ်သက်လုံးလုပ်မယ်။

ရှိသမျှကိုယ်စွမ်း၊ဉာဏ်စွမ်းတွေကို

အကုန်ထုတ်မယ်။

ဒါမှ အကောင်းဆုံးဖြစ်အောင်လုပ်နိုင်မယ်။

အကောင်းဆုံးဖြစ်အောင်

လုပ်မှ အဆင့်မြင့်တဲ့ပျော်ရွှင်မှုကိုရမယ်။

++++++++++++++++++

ဦးတည်ချက်လေးနက်တဲ့သူ၊

ခံယူချက်မြင့်မြတ်တဲ့သူ၊

ကိုယ့်စိတ်ကိုကိုယ်ကောင်းကောင်းသိတဲ့သူဟာ

အခက်အခဲနဲ့တွေ့တဲ့အခါ ခံနိုင်ရည်အများကြီးရှိတယ်။

++++++++++++++++++



ပြဿနာတွေ၊အခက်အခဲတွေ၊

ဒုက္ခတွေဆိုတာဟာ ပညာရဖို့၊

အသိဉာဏ်ကြီးဖို့ရာ

အတွေ့အကြုံတွေပါပဲ။

++++++++++++++++++

ပြဿနာကို ဉာဏ်ပါပါနဲ့ ဖြေရှင်းဖို့ကို ဦးစားပေးပြီး

အဖြေကို ရှာရတာက စိတ်သက်သာမှုကိုရတယ်။

ဉာဏ်ပညာလည်း ပိုကြီးလာတယ်။

++++++++++++++++++

ဘာအခက်အခဲကိုမှ ရင်မဆိုင်ရဲတဲ့သူဟာ

ဘယ်လိုနည်းနဲ့မှ

စိတ်ဓာတ်ရင့်ကျက်တဲ့သူ၊

အသိဉာဏ်ရင့်ကျက်တဲ့သူ၊

ပညာတတ်တဲ့သူ၊

အစွမ်းအစရှိတဲ့သူ မဖြစ်နိုင်ဘူး။

++++++++++++++++++



အခက်အခဲဆိုတာဘဝရဲ့ သဘာဝပါပဲ။

တွေ့ကြုံလာရတဲ့ အခက်အခဲကို သတိနဲ့ဉာဏ်နဲ့

သဘောထားကြီးကြီးနဲ့ဖြေရှင်းနိုင်တဲ့အရည်အချင်းရှိဖို့ပဲ

လိုပါတယ်။

+++++++++++++++++++++

ကိုယ်တွေ့ကြုံခံစားရတဲ့ဒုက္ခထဲက လေးနက်တဲ့အသိဉာဏ်ကို

ရအောင်လုပ်နိုင်တဲ့သူ၊

ဒုက္ခကြုံရလို့စိတ်ထားပိုပြီးလေးနက်သွားတဲ့သူဟာ

အောင်မြင်မှုရတဲ့သူလို့ ဆိုနိုင်တယ်။

+++++++++++++++++++++

အနိုင်၊အရှုံးဆိုတာကို လုံးဝထည့်မစဉ်းစားတာ

အကောင်းဆုံးပါပဲ။

++++++++++++++++++

ငါ စိတ်ဆင်းရဲသွားရတဲ့အကြောင်းရင်းဟာ

ငါ့အတွင်းမှာရှိနေတယ်။

အဲဒါကို အရင်ဆုံးမြင်အောင်ကြည့်ရမယ်။

အဲဒီလို ကြည့်တာဟာ ကိုယ့်အတွက်

အကျိုးအများဆုံးပါပဲ။

++++++++++++++++++

လူဆိုတာ အကုန်လုံးမှားတဲ့လူလည်း မရှိဘူး။

အကုန်လုံးမှန်တဲ့လူလည်း မရှိဘူး။

++++++++++++++++++

သင့်ခေါင်းပေါ်ကို ငှက်တွေ ဖြတ်ပြီး မပျံအောင်

သင်ထားလို့ မရဘူး။

ဒါပေမယ့် သင့်ခေါင်းပေါ်က ဆံပင်ထဲမှာ အသိုက်လာ

မလုပ်အောင်တော့ တားမယ်ဆိုရင် ရပါတယ်။

++++++++++++++++++

( ဆရာတော် ဦးဇောတိက )


" သေးငယ်တဲ့အမှား..."


တစ်ခါတုန်းက

ထောင်ကျတစ်ယောက်ဖြစ်တဲ့စိုးသန်းဟာ

သူနဲ့အတူတူထောင်ကျတစ်ယောက်ဖြစ်တဲ့သိန်းအောင်ကို

သက်ပြင်းချပြီးပြောတယ်။

“ အမှားကလေးတစ်ခုကိုသာ

ငါမလုပ်မိခဲ့ရင် ငါ အခု သန်းကြွယ်သူဌေးဖြစ်နေပြီ။”

သိန်းအောင်က

“ဘယ်လိုအမှားလဲ”

စိုးသန်းပြန်ပြောလိုက်တာက

“ငါရဲ့ရာတန်တွေဟာ

အစိုးရထုတ်ငွေစက္ကူထက် ၂-မီလီမီတာ ပိုရှည်သွားတဲ့အမှားပေါ့”


လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com