Tuesday, January 1, 2013

"ဘာဖြစ်နေနေ စိတ်ချမ်းသာအောင် နေတာဟာ တရားတယ်..."





ကိုယ်ရသင့်တဲ့ စိတ်ချမ်းသာမှုကို ကိုယ့်ဟာကိုယ်ရအောင် လုပ်နိုင်ရက်နဲ့ရအောင်
မလုပ်ရင် ကိုယ့်ကိုယ်ကိုကိုယ် မတရားရာ ရောက်ရတော့မှာပေါ့။
သူများက ကိုယ့်အပေါ် မတရားတာ ရှိပါစေတော့။
ကိုယ်ကိုယ်ကိုကိုယ်တော့ တရားမှဖြစ်မယ်။
ဒါကြောင့် ကိုယ့်စိတ်ချမ်းသာမှုကို ကိုယ်ရအောင် စိတ်ချမ်းသာအောင်နေလိုက်တော့မယ်။
ဘဝမှာ တွေ့ရတဲ့ အဆင်မပြေမှုတွေက 
ကိုယ့်စိတ်ချမ်းသာမှုကို မလွှမ်းမိုးနိုင်အောင် ဘယ်လို နေရမယ်။ 
ဘယ်လို သဘောထားရမယ် ဆိုတာကို
 သေသေချာချာ လေ့လာမှ ဖြစ်မယ်နော်။

@@@@@@@@@@@@@@@@@@@@@@@@@@@@@@@@@@@@

အခြေအနေက ဘယ်လိုပဲဖြစ်နေနေ စိတ်ဆင်းရဲနေတာဟာ ဘာမှ အကျိုး မရှိပါဘူး။
စိတ်ဆင်းရဲနေတဲ့အတွက် အခြေအနေ ပိုတောင် ဆိုးလာနိုင်သေးတယ်။
ဘာဖြစ်နေနေ စိတ်ချမ်းသာအောင် နေတာဟာ တရားတယ်။



@@@@@@@@@@@@@@@@@@@@@@@@@@@@@@@@@@@@

စိတ်တည်ငြိမ်ချမ်းသာနေရင် ဆုံးဖြတ်ချက်မှန်မယ်။
စိတ်ဆင်းရဲနေရင် ဆုံးဖြတ်ချက် မှားမယ်။
အဲဒါကြောင့် စိတ်တည်ငြိမ်အောင် စိတ်ချမ်းသာအောင် နေမယ်။

တည်ငြိမ်နေရင် ချမ်းသာနေတယ်။
တွေ့လာတဲ့ အဆင်မပြေမှုကို အကောင်းဆုံး ကိုင်တွယ်နိုင်အောင်
ကိုယ့်စိတ်ကို ချမ်းသာအောင် ထားရမယ်။
ဒါဟာ အားလုံးအတွက် အကောင်းဆုံးပဲ။
စိတ်ဆင်းရဲနေတာဟာ ဘယ်သူ့အတွက်မှ အကျိုးမရှိဘူး။

@@@@@@@@@@@@@@@@@@@@@@@@@@@@@@@@@@@@



ဘာပဲဖြစ်ဖြစ် မေးရမယ့်မေးခွန်းက...
"ဘာလုပ်သင့်သလဲ၊ ဘာလုပ်ရင် အကောင်းဆုံးဖြစ်မလဲ"  ဆိုတဲ့မေးခွန်းပဲ။
ခံစားချက်တွေ ပြင်းထန်ပြီး စိတ်ဆိုးနေမယ်၊ ဒေါသဖြစ်နေမယ်၊ ဝမ်းနည်းနေမယ် ဆိုရင်
ကိုယ့်အတွက် အကောင်းဆုံး ဖြစ်အောင် မလုပ်နိုင်တော့ဘူး။
အဲဒါ ကိုယ့်ကိုယ်ကို ကိုယ် ပိုပြီးနစ်နာအောင် လုပ်သလိုဖြစ်တယ်။
စိတ်ကို အတတ်နိုင်ဆုံး ချမ်းသာအောင်ထားပြီး လုပ်သင့်တာကို

ဆက်လုပ်တာကပဲ ဥာဏ်ရှိတဲ့ အလုပ်ဖြစ်တယ်။

စိတ်တည်ငြိမ် ချမ်းသာနေရင် အကောင်းဆုံးအဖြေကို ရတယ်။

အကောင်းဆုံးကို လုပ်နိုင်တယ်။

@@@@@@@@@@@@@@@@@@@@@@@@@@@@@@@@@@@@

စိတ်ချမ်းသာအောင် နေနိုင်ရင် ကိုယ့်အတွက် ကိုယ်ပေးသင့်တာကို
ပေးလိုက်ပြီ။
စိတ်ချမ်းသာနေရင် ကိုယ့်ပတ်ဝန်းကျင်မှာရှိတဲ့ လူတွေ၊ မိသားစုတွေ၊
လုပ်ဖော်ကိုင်ဖက်တွေ၊ စတဲ့သူတွေက ကိုယ့်ကို ပိုပြီး ချစ်ခင်လေးစားမှု ရှိတယ်။
စိတ်ချမ်းသာမှုဟာ ဆွဲဆောင်မှု ရှိတယ်။
ဒါကြောင့် စိတ်ချမ်းသာနေတဲ့သူတွေကို လူတွေ ပိုပြီးခင်တယ်။ ချစ်တယ်။

@@@@@@@@@@@@@@@@@@@@@@@@@@@@@@@@@@@@

ကိုယ်က စိတ်ချမ်းသာနေရင် ကိုယ်စိတ်က လူတွေကို ပိုပြီး ခင်တယ်။
ပိုပြီးကူညီချင်တယ်။ စိတ်ဆင်းရဲနေတဲ့အခါမှာ သူများကို ကူညီချင်စိတ် သိပ်နည်းတယ်။
ငါ့ဒုက္ခနဲ့ငါ အနိုင်နိုင်ပဲ၊ သွားစမ်းပါ လို့ပြောချင်တယ်။
စိတ်ချမ်းသာနေရင် ဘာအကူအညီပေးရမလဲ လို့မေးချင်တယ်။
စိတ်ဆင်းရဲနေတဲ့သူနှစ်ယောက်ဟာ တစ်ယောက်ကိုတစ်ယောက် မချစ်နိုင်ဘူး။
နင့်ကြောင့် ငါ စိတ်ဆင်းရဲရတာ ဆိုပြီး တစ်ယောက်ကို တစ်ယောက် စိတ်ဆင်းရဲအောင်ပဲ
လုပ်မိနေတတ်တယ်။

@@@@@@@@@@@@@@@@@@@@@@@@@@@@@@@@@@@@



စိတ်ငြိမ်းချမ်းနေတာဟာ စိတ်ချမ်းသာမှုအစစ်ပဲ။
စိတ်ငြိမ်းချမ်းနေတဲ့အခါမှာ စိတ်ဆင်းရဲလို့ မရဘူး။
နှစ်သစ်ကူးမှာ  တစ်ယောက်ကိုတစ်ယောက် စိတ်ချမ်းသာအောင် ပြောချင်တယ်။
ပေးချင်တယ်။ ကျွေးချင်တယ်။
ကိုယ်က စိတ်တကယ် ချမ်းသာနေမှ နောက်တစ်ယောက်ကို စိတ်ချမ်းသာစရာ ပြောနိုင်တယ်။
လုပ်ပေးနိုင်တယ်။ ကိုယ့်မှာရှိမှ ပေးနိုင်တယ်။
ဒါကြောင့် ပျော်အောင်နေပါ။

စိတ်ချမ်းသာအောင်နေပါ။

ငြိမ်းချမ်းအောင် နေပါ။

@@@@@@@@@@@@@@@@@@@@@@@@@@@@@@@@@@@@

စိတ်ဆင်းရဲစရာကို ရှာပြီး မတွေးရင် စိတ်ချမ်းသာဖို့ မခက်ပါဘူး။
ကိုယ်က စိတ်ချမ်းသာအောင် နေတာဟာ ကိုယ့်မိသားစု၊ ကိုယ့်အပေါင်းအသင်းနဲ့
လောကကြီးကို အကောင်းဆုံးလက်ဆောင် ပေးလိုက်တာပဲ။

@@@@@@@@@@@@@@@@@@@@@@@@@@@@@@@@@@@@

စိတ်ချမ်းချမ်းသာသာနဲ့ လုပ်ပေးလိုက်တဲ့ကိစ္စဟာ
အကောင်းဆုံး စိတ်ထားနဲ့ လုပ်ပေးလိုက်တာပဲ။
သူငယ်ချင်း စိတ်ချမ်းသာအောင် နေနိုင်ပါစေ။

@@@@@@@@@@@@@@@@@@@@@@@@@@@@@@@@@@@@

စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။

@@@@@@@@@@@@@@@@@@@@@@@@@@@@@@@@@@@@

ကိုယ်ကိုယ်တိုင် ဖတ်ဖို့-၁၃၆…



" နှစ်သစ်ကူး အဓိဋ္ဌာန်…"





သူငယ်ချင်းရေ
သတိရလို့ အီးမေးလ် ပို့လိုက်ပါတယ်။
မကြာခင် သင်္ကြန်ကျတော့မယ်။                                                
သင်္ကြန်ပြီးရင် နှစ်သစ်ကူးမယ်။
ကိုယ့်ယဉ်ကျေးမှုနဲ့ ကိုယ် တစ်နိုင်ငံနဲ့တစ်နိုင်ငံ နှစ်သစ်ကူးချိန် မတူကြဘူး။
အနောက်နိုင်ငံမှာ January  တစ်ရက်နေ့ နှစ်သစ်ကူးတယ်။
နှစ်သစ်ကူးမှာ- New Year’s Resolution လို့ခေါ်တဲ့ နှစ်သစ်ကူးအဓိဋ္ဌာန် လုပ်လေ့ရှိတယ်။
သူငယ်ချင်း ဘာအဓိဋ္ဌာန် လုပ်မလဲ။
ငါတော့ နေ့တိုင်း စိတ်ချမ်းသာအောင် နေမယ်လို့ အဓိဋ္ဌာန်လိုက်ပြီး နှစ်သစ်ကူးထိ
မစောင့်တော့ဘူး။ ဘာဖြစ်လို့ စောင့်ရမှာလဲ။

@@@@@@@@@@@@@@@@@@@@@@@@@@@@@@@@@@@@

ငယ်ငယ်က ဘွဲ့ရပြီးရင် စိတ်ချမ်းသာမယ်။
ဘွဲ့ရပြီးတော့ အလုပ်ကောင်းကောင်း ရရင် စိတ်ချမ်းသာမယ်။
အလုပ် ရပြီးတော့ ကိုယ်ချစ်တဲ့သူနဲ့ အိမ်ထောင်ပြုရရင် စိတ်ချမ်းသာမယ်။
အိမ်ထောင်ကျပြီးတော့ သားသမီးနှစ်ယောက်ရရင် စိတ်ချမ်းသာမယ်။
ပြီးတော့ သားသမီးတွေ အရွယ်ရောက်ရင် စိတ်ချမ်းသာမယ်။
သားသမီးတွေ အရွယ်ရောက်တော့ အလုပ်တွေ အဆင်ပြေမှ စိတ်ချမ်းသာမယ်။
ဝင်ငွေတိုးလာမှ စိတ်ချမ်းသာမယ်။
ကိုယ်ပိုင် အ်ိမ်အသစ်ကလေး ဆောက်ပြီးမှ စိတ်ချမ်းသာမယ်။
ကလေးတွေ ဘွဲ့ရပြီးရင် စိတ်ချမ်းသာမယ်။အဲဒီလို အဲဒီလို အကြောင်းပြချက်တွေနဲ့ နေလာလိုက်တာ
ဒီအသက်ဒီအရွယ် ရောက်လာခဲ့ပြီ။

@@@@@@@@@@@@@@@@@@@@@@@@@@@@@@@@@@@@



စိတ်ချမ်းသာဖို့ လိုအပ်ချက်တွေကို အကြောင်းပြနေရင် နှစ်ပေါင်းတစ်ရာ
ကြာတောင်မှ လိုအပ်ချက်တွေ ပြည့်စုံမှ မဟုတ်ဘူး။
ဒါကြောင့် စိတ်ချမ်းသာမှုကို ပထမဦးစားပေး ရွေးချယ်လိုက်ပြီ။
ဘာအကြောင်းပြချက်မှ မလိုဘူး။
ဘာဖြစ်ရင် စိတ်ချမ်းသာမယ်။
ဘာရရင် စိတ်ချမ်းသာမယ်လို့ မတွေးတော့ဘူး။
ကျန်တာတွေက ရနိုင်တာရမယ်လို့ ယုံကြည်ပါတယ်။
စိတ်ချမ်းသာမှုကတော့ အခုရမှ ဖြစ်မယ်။
အခုစိတ်ချမ်းသာနေရင် နောက်ကိုယ်ဖြစ်ချင်တာတွေ ဖြစ်လာတော့လည်း
ပိုပြီး စိတ်ချမ်းသာတာပေါ့။

@@@@@@@@@@@@@@@@@@@@@@@@@@@@@@@@@@@@

စိတ်ချမ်းသာမှုအတွက် အကြောင်းပြချက်တွေ များနေရင် အဲဒီအကြောင်းပြချက်
တွေက ကိုယ့်ကို လွှမ်းမိုးနေမယ်။
ပြင်ပအကြောင်းတရားတွေနဲ့ လူတွေက ကိုယ့်အလိုအတိုင်း မဖြစ်နိုင်ဘူး။
ကိုယ့်စိတ်ချမ်းသာမှုက သူတို့အပေါ်မူတည်နေရင် မရေရာတော့ဘူး။ မသေချာတော့ဘူး။
ကိုယ့်ဘဝကို သူတို့ လွှမ်းမိုးနိုင်အောင် ကိုယ်က ခွင့်ပြုထားသလို ဖြစ်နေမယ်။
ငါတော့ ငါ့ဘဝကို ပြင်ပကိစ္စတွေနဲ့ လူတွေက လွှမ်းမိုးတာ
နည်းနိုင်သမျှ နည်းအောင် နေမယ်။
ဒါမှ စိတ်ချမ်းသာအောင် နေလို့ရမယ်။

@@@@@@@@@@@@@@@@@@@@@@@@@@@@@@@@@@@@



ဘာပဲဖြစ်ဖြစ် စိတ်ချမ်းသာအောင်နေမယ်လို့မှ ပြတ်ပြတ်သားသား
မဆုံးဖြတ်ရင် ပြင်ပအကြောင်းတရားတွေက ကိုယ့်စိတ်ချမ်းသာမှုကို
လွှမ်းမိုးခွင့် ချယ်လှယ်ခွင့် ပြုထားသလို ဖြစ်နေမယ်။ 
ခွင့်ပြုမှာလား။

@@@@@@@@@@@@@@@@@@@@@@@@@@@@@@@@@@@@

စိတ်မချမ်းသာတာ ဘာကြောင့်လဲ။
ကိုယ့်စိတ်ချမ်းသာမှုဟာ ကိုယ့်လက်ထဲမှာ မရှိလို့ပဲ။
ကိုယ့်ဘဝမှာ အင်မတန် အရေးကြီးတဲ့ တန်ဖိုးကြီးတဲ့ စိတ်ချမ်းသာမှုကို
သူများလက်ထဲ ဘာဖြစ်လို့ ထည့်ရမလဲ။
ဒါလောက် အရေးကြီးတဲ့ကိစ္စကို ကိုယ်တိုင်လုပ်တာ ကောင်းပါတယ်။
သူများနဲ့မလွှဲသင့်ဘူး။
ငါ့စိတ်ချမ်းသာမှုကို ငါကိုယ်တိုင် လုပ်မယ်။
တခြား အရေးမကြီးတဲ့ကိစ္စတွေကို သူများနဲ့ လွှဲသင့်ရင် လွှဲမယ်။
ဒါကြောင့် သူငယ်ချင်းကို အကြံပေးပါတယ်။
New Year’s Resolution ကို မလုပ်ရသေးရင်
“ဘာပဲဖြစ်ဖြစ် စိတ်ချမ်းသာအောင် နေ့တိုင်း နာရီတိုင်း နေမယ်” လို့ အဓိဋ္ဌာန်လိုက်ပါ။

@@@@@@@@@@@@@@@@@@@@@@@@@@@@@@@@@@@@



ဘာပဲဖြစ်နေနေ စိတ်ချမ်းသာအောင် နေလို့ရတယ်ဆိုတာ နားလည်ပါ။
ဒါဟာ အစမှာတော့ မဖြစ်နိုင်ဘူးလို့ ထင်စရာပဲ။
ယုံယုံကြည်ကြည်နဲ့လုပ်ပါ။
စိတ်ချမ်းသာမှု စိတ်ဆင်းရဲမှု တော်တော်များများဟာ ကိုယ်က ကြုံတွေ့ရတဲ့ အခြေအနေကို
အဓိပ္ပာယ်ကောက်ပုံပေါ်မှာ မူတည်နေပါတယ်။
ကိုယ် ရသင့်တဲ့အခွင့်အရေးကို မရတဲ့အခါ မတရားဘူး။ မမျှတဘူးလို့ တွေးတတ်တယ်။
ရသင့်တဲ့အခွင့်အရေးကို မရတာထက် ရသင့်တဲ့ စိတ်ချမ်းသာမှုကို မရတာက
ပိုပြီးနစ်နာပါတယ်။
ကိုယ့်ကိုယ်ကို ကိုယ် စိတ်ချမ်းသာမှုပေးနိုင်ရက်နဲ့ မပေးတာက
ပိုပြီး ရက်စက်ရာ မကျဘူးလား။

@@@@@@@@@@@@@@@@@@@@@@@@@@@@@@@@@@@@

စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။

@@@@@@@@@@@@@@@@@@@@@@@@@@@@@@@@@@@@

ကိုယ်ကိုယ်တိုင် ဖတ်ဖို့-၁၃၅…



လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com