အတိတ်က
မရှိတော့ဘူး။
အနာဂတ်က
မဖြစ်သေးဘူး။
ပစ္စုပ္ပန်က
မျက်စိတစ်မှိတ် လျှပ်တစ်ပျက်ပဲ ကြာတယ်။
တကယ်ရှိတာ
ပစ္စုပ္ပန်ပဲ။
အဲဒီတိုတောင်းလှတဲ့ ပစ္စုပ္ပန်မှာပဲ စိတ်ချမ်းသာအောင် နေလို့ရတယ်။
ကောင်းတာကို ဒီတိုတောင်းတဲ့ ပစ္စုပ္ပန်မှာပဲ လုပ်လို့ရတယ်။
@@@@@@@@@@@@@@@@@@@@@@@@@@@@@@@@@@@@
အတိတ်ကို ပြန်သွားပြီးတော့ ဘဝကို အသစ်ပြန်စလို့ မရတော့ပေမယ့်
အနာဂတ်ကိုတော့ အသစ်စက်စက်ဖြစ်အောင် လုပ်လို့ရပါတယ်။
@@@@@@@@@@@@@@@@@@@@@@@@@@@@@@@@@@@@
ကိုယ့်အတိတ်က
ကိုယ့်အနာဂတ်ကို အမြဲတန်း လွှမ်းမိုးထားတာ မဖြစ်သင့်ဘူး။
ကောင်းသည်ဖြစ်စေ၊
ဆိုးသည်ဖြစ်စေ အတိတ်က အနာဂတ်ကို လွှမ်းမိုးထားရင်
ကိုယ့်ဘဝဟာ
အသက်မဝင်ဘူး။
ဘဝဆိုတာ
အသစ်ဖြစ်နေမှ စိတ်ဝင်စားစရာ ကောင်းတယ်။
ဒါကြောင့်
တတ်နိုင်သလောက် အနာဂတ်ကို အသစ်ဖြစ်အောင် နေသင့်တယ်။
@@@@@@@@@@@@@@@@@@@@@@@@@@@@@@@@@@@@
မလုပ်ဖူးသေးတဲ့ ကောင်းတဲ့အလုပ်တွေကို လုပ်ပါ။
မရောက်ဖူးသေးတဲ့ ကောင်းတဲ့နေရာတွေကို သွားပါ။
မဖတ်ဖူးသေးတဲ့ ကောင်းတဲ့စာအုပ်တွေကို ဖတ်ပါ။
မတွေးဖူးသေးတဲ့ ကောင်းတဲ့အတွေးတွေကို တွေးပါ။
မသိသေးတဲ့ စိတ်ကောင်းရှိတဲ့သူတွေနဲ့ မိတ်ဆွေဖြစ်အောင် လုပ်ပါ။
လူသစ်စိတ်သစ်ဖြစ်အောင် ဘယ်လိုလုပ်ရမလဲဆိုတာ စဉ်းစားပါ။
@@@@@@@@@@@@@@@@@@@@@@@@@@@@@@@@@@@@
နေမကောင်းတဲ့သူတချို့ကို
ဆရာဝန်တွေက ကျန်းမာရေးနဲ့သင့်တော်တဲ့ နေရာကို
သွားခိုင်းတယ်။
စိတ်မချမ်းသာတဲ့သူကိုလည်း စိတ်အပြောင်းအလဲ ဖြစ်အောင် ခရီးထွက်ခိုင်းတယ်။
အသစ်ဖြစ်တဲ့အတွေ့အကြုံက
စိတ်ကို ရွှင်လန်းစေတယ်။ ဘဝကို အသစ်ဖြစ်အောင် နေနိုင်ရင်လည်း
စိတ်ရွှင်လန်းမှာပဲ။
နေ့စဉ် အသစ်ဖြစ်တဲ့ ကိစ္စတစ်ခုခုလုပ်ရင် ငြီးငွေ့တာ မဖြစ်ဘူး။
@@@@@@@@@@@@@@@@@@@@@@@@@@@@@@@@@@@@
ဒီနေ့ဟာ နေ့သစ်ပဲ။
တတ်နိုင်သလောက် စိတ်အသစ်နဲ့ နေလိုက်ပါ။
@@@@@@@@@@@@@@@@@@@@@@@@@@@@@@@@@@@@
သင့်အနာဂတ်
ကောင်းဖို့ အကြောင်းတရားတွေ အများကြီး လိုအပ်ပါတယ်။
ဒါပေမယ့်
အဓိက အကြောင်းတရာကတော့ သင်ပဲ။
ငါဟာ
အတိတ်ရဲ့အကျိုးသက်ရောက်မှုလား။
အနာဂတ်ရဲ့
အကြောင်းတရားလား။
@@@@@@@@@@@@@@@@@@@@@@@@@@@@@@@@@@@@
ကိုယ့်စိတ်
ကိုယ့်သဘောထားကို ပြောင်းနိုင်ရင် ကိုယ့်ဘဝကို ပြောင်းလို့ရတယ်လို့
အနောက်နိုင်ငံက
စိတ်ပညာရှင် ဝီလျှံဂျိမ်း (William James) က ပြောတယ်။
မြတ်စွာဘုရားက
“စိတ္တေန နီယတိ လောကော”=
လောကကို စိတ်က ဦးဆောင်တယ် လို့
ဟောခဲ့တာ ကြာလှပြီ။
ဒါပေမယ့်
လူများစုဟာ ဒီတရားရဲ့နက်နဲမှုကို သဘောမပေါက်ကြဘူး။
ရုပ်ကို
ပြောင်းရင် ဘဝပြောင်းမယ်လို့ ယုံကြည်ပြီးတော့ ရုပ်ပိုင်းကို ဦးစားပေးကြတယ်။
ဘာဘဲလုပ်လုပ် စိတ်က အရင်စတာ အကောင်းဆုံးပဲ။
စိတ်က
အဆင်သင့်မဖြစ်ရင် ထိန်းပေးမယ့်စိတ်က မနိုင်လို့ ပျက်သွားနိုင်တယ်။
@@@@@@@@@@@@@@@@@@@@@@@@@@@@@@@@@@@@
စိတ်ချမ်းသာမှုက ကိုယ့်ဘဝကို ပြောင်းလဲသွားစေနိုင်တယ်။
စိတ်ချမ်းသာနေတာနဲ့
စိတ်ဆင်းရဲနေတာ ဒီနှစ်ခုထဲက ဘယ်ဟာက ကိုယ့်ကို
လိုရာ
ခရီး ရောက်အောင် ပို့နိုင်သလဲ။
စိတ်ဆင်းရဲနေတဲ့သူဟာ
စိတ်ဆင်းရဲနေလို့ အားကုန်နေပြီ။
ခရီးတွင်အောင်
မသွားနိုင်ဘူး။
စိတ်ချမ်းသာနေတဲ့သူမှာ အားပြည့်နေတယ်။
ခရီးတွင်အောင် သွားနိုင်တယ်။
ဒါကြောင့် လိုရာခရီးကို အရင်ရောက်မယ်။
ခရီးတွင်ချင်ရင် စိတ်ချမ်းချမ်းသာသာ သွားပါ။
@@@@@@@@@@@@@@@@@@@@@@@@@@@@@@@@@@@@
ကိုယ့်စိတ်ကိုကိုယ်
ဆင်းရဲအောင် လုပ်ချင်ရင် ရသလား။ ရပါတယ်။
ဒီလိုဆိုရင်
စိတ်ချမ်းသာအောင် လုပ်ချင်ရင်လည်း ရတာပေါ့။
ဘယ်ဟာကို
ရွေးမလဲ။
အခု
စိတ်ချမ်းသာအောင် လုပ်နိုင်သလား။ လုပ်နိုင်ပါတယ်။
ဘယ်လိုလုပ်မလဲ။
စိတ်ချမ်းသာစရာကို အာရုံပြုနေမယ်။ ဟုတ်တယ်။
နောက်ကော
ဘာလုပ်လို့ရသလဲ။ ဘာမှမတွေးပဲ သိနေမယ်။ ဟုတ်တယ်။
ဒါက
ကိုယ့်စိတ်ကို ကိုယ်သိနေတာကို သေသေချာချာ လေ့ကျင့်ထားမှ ရတယ်။
@@@@@@@@@@@@@@@@@@@@@@@@@@@@@@@@@@@@
ကိစ္စတစ်ခု
အဆင်ပြေလာရင် စိတ်ချမ်းသာမယ်လို့ တွေးပြီး မျှော်လင့်နေသလား။
အဲဒီလို
မျှော်လင့်တာ များပါတယ်။
ကိုယ်ဖြစ်ချင်တာ
ဖြစ်လာလည်း စိတ်ချမ်းသာအောင် နေမယ်။
မဖြစ်လာလည်း
စိတ်ချမ်းသာအောင် နေမယ်လို့ တွေးဖူးသလား။ တစ်ခါတစ်လေ တွေးတယ်။
တကယ်လို့
မဖြစ်လည်း စိတ်ချမ်းသာအောင် နေနိုင်ရင် မကောင်းဘူးလား။
လိုရင်းက
စိတ်ချမ်းသာအောင် နေဖို့ မဟုတ်ဘူးလား။ ဟုတ်ပါတယ်။
@@@@@@@@@@@@@@@@@@@@@@@@@@@@@@@@@@@@
သောကနဲ့လုပ်မှ
အောင်မြင်မယ်။ တိုးတက်မယ်လို့ ယူဆကြတယ်။ အဲဒါမှန်သလား။
မှန်သင့်သလောက်
မှန်ပါတယ်။
ဒါပေမယ့်
သောကနဲ့လုပ်ရင် သောကသိပ်ကြီးလာတဲ့အခါ ဆုံးဖြတ်ချက်တွေ မှားသွားတယ်။
သောက ဆိုတာ ကြောက်စိတ်တစ်မျိုးပါပဲ။
ကြောက်လွန်းရင်
ဆုံးဖြတ်ချက် မှားမယ်။
ကျောင်းသားတစ်ယောက်ဟာ
စာမေးပွဲခန်းထဲမှာ ကြောက်လွန်းနေရင် ဖြေနိုင်မှာ မဟုတ်ဘူး။
စိတ်တည်ငြိမ်နေရင်
အကောင်းဆုံး ဖြေနိုင်မယ်။
@@@@@@@@@@@@@@@@@@@@@@@@@@@@@@@@@@@@
အဲဒီလိုပဲ
ဘယ်ကိစ္စမှာပဲ ဖြစ်ဖြစ် စိတ်တည်ငြိမ်တဲ့သူက ပိုကောင်းအောင်
လုပ်နိုင်တယ်။
သောက
သိပ်ကြီးတတ်တဲ့သူကို တာဝန်ကြီးကြီး မပေးသင့်ဘူး။
စိတ်တည်ငြိမ်တဲ့သူကို တာဝန်ကြီးကြီး ပေးသင့်တယ်။
@@@@@@@@@@@@@@@@@@@@@@@@@@@@@@@@@@@@
စိတ်ချမ်းသာမှုဟာ ဘဝနေနည်းပါ
(ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။
@@@@@@@@@@@@@@@@@@@@@@@@@@@@@@@@@@@@
ကိုယ်ကိုယ်တိုင် ဖတ်ဖို့-၁၁၇…
