Tuesday, March 1, 2011

သူများယောင်တိုင်း မလိုက်တဲ့အခါ...



တစ်ခါတုန်းက ငှက်ပျောပင်များကြားမှာ စီးဆောတစ်ခုရှိနေပါတယ်။
မျောက်သုံးကောင်က
စီးဆောတစ်ဖက်မှာ စုထိုင်လိုက်တဲ့အခါမှာ စီးဆောရဲ့အခြားတစ်ဖက်က
အထက်ကို မြောက်တက်သွားပါတယ်။
မြောက်တက်သွားတဲ့စီးဆောရဲ့တစ်ဖက်ထိပ်နဲ့ကပ်လျက်နေရာမှာ
ငှက်ပျောသီးတစ်ခိုင်ရှိနေပါတယ်။
မျောက်သုံးကောင်က ငှက်ပျောသီးကို စားချင်တော့
အခြားတစ်ဖက်ကို သုံးကောင်စလုံး စုပြုံပြီး ပြေးသွားတော့
စီးဆောရဲ့သဘောသဘာဝအတိုင်း လေးတဲ့ဘက်က နိမ့်ဆင်းသွားပါတော့တယ်။
မျောက်သုံးကောင်စလုံးနဲ့ငှက်ပျောသီးနဲ့ဝေးသွားပါတော့တယ်။
အခြားတစ်ဖက်က နီးသွားပြန်တာမို့ မျောက်သုံးကောင်စလုံးက ငှက်ပျောသီးစားချင်ဇောနဲ့ ပြေးသွားပြန်ပါတယ်။
ငှက်ပျောသီးနဲ့ဝေးသွားပြန်ပါတယ်။
ဒီလိုနဲ့ အချိန်တွေလည်းကုန်၊
မျောက်တွေလည်း မောလာပါတော့တယ်။
ငှက်ပျောသီးကိုလည်း မစားရပါ။
မောမောနဲ့ဘာလုပ်ရမှန်းမသိချိန်မှာ
မျောက်သုံးကောင်အနက် တစ်ကောင်က စဉ်းစားပါတယ်။
စားချင်ဇောနဲ့လိုက်လေ ဝေးလေဖြစ်နေတယ်။
ပြီးတော့ ဘာမှလည်း မစားရပါလား၊
မလိုက်ဘဲနေကြည့်ရင် ကောင်းမလားမသိဘူးလို့ တွေးမိတယ်။
ဒါနဲ့ မျောက်သုံးကောင်အနက်
ကျန်နှစ်ကောင်က ငှက်ပျောသီးရှိရာကို ပြေးသွားတဲ့အခါမှာ
ကျန်တဲ့မျောက်တစ်ကောင်က မပြေးတော့ဘဲ စီးဆောရဲ့တစ်ဖက်ထိပ်မှာ ထိုင်နေလိုက်တယ်။
ကျန်မျောက်နှစ်ကောင်ရဲ့အလေးချိန်ကြောင့် စီးဆောက တစ်ဖက်ကို နိမ့်ဆင်းသွားချိန်မှာ
ကျန်တစ်ဖက်မှာကျန်ခဲ့တဲ့မျောက်တစ်ကောင်က စီးဆောရဲ့တစ်ဖက်ထိပ်မှာ ကျန်ခဲ့ပြီး
ငှက်ပျောသီးကိုလက်လှမ်းမီသွားပြီး
ငှက်ပျောသီးကို စားလိုက်ရပါတော့တယ်။


ဒီလိုပါပဲ အသိဥာဏ်ရှိသူဟာ သူများထက်တော့ သာစမြဲပါပဲ။
သူများယောင်တိုင်းလိုက်ပြီးမယောင်နေသူအဖို့တော့
အသိဥာဏ်ရှိသလောက် အကျိုးခံစားရတတ်ပါတယ်။

ကဲ...လူကြီးမင်ုး့ရော
ဒီမျောက်သုံးကောင်ပုံပြင်ဆီက
ဘာသင်ခန်းစာရလိုက်ပါသလဲ။


လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com