Saturday, June 9, 2012

"စိတ်ကူးယဉ် ရည်မှန်းချက်ကို ကြီးကြီးထားပါ..."






တစ်ခါတုန်းက ပညာရှိကြီးတစ်ယောက်ဟာ မီးရထားနဲ့ခရီးသွားပါတယ်။
အဲဒီပညာရှိရဲ့အနားမှာ လူငယ်တစ်ယောက်ဟာ ငေးငေးမှိုင်မှိုင်နဲ့ထိုင်ပြီး
ရထားရဲ့ပြူတင်ပေါက်ကနေ အပြင်ကို ငေးနေပါတယ်။
ဒီတော့ ပညာရှိကြီးဟာ လူငယ်ကို မေးလိုက်ပါတယ်။
“ဘယ်ကို သွားမလို့လဲ” ပေါ့။
လူငယ်က ပြန်ဖြေပါတယ်။
“ မြို့တက်ပြီး အလုပ်သွားလုပ်မလို့ပါ”
“ဒီလိုဆို တောမှာ အလုပ်မရှိလို့လား” လို့ ပညာရှိက မေးလိုက်ပါတယ်။
“ ရှိတော့ ရှိပါတယ်။ ဒါပေမယ့် ကျနော်က လယ်ဧက ငါးဧကလောက်လိုချင်လို့ပါ။ 
အဲဒီစိတ်ကူးကို အကောင်အထည်ဖော်ဖို့ မြို့တက်ပြီး ငွေသွားရှာမလို့ပါ”
လို့ပြန်ပြောလိုက်ပါတယ်။
ဒီတော့ ပညာရှိကြီးကပြန်ပြောလိုက်တာက
“လူကလေးရယ်။
 စိတ်ကူးဆိုတာ ငွေပေးရတာမှတ်လို့၊
ဘာကြောင့် လယ်ဧက ငါးဧကလောက် စိတ်ကူးရသလဲ
ကူးမှကူးလည်း လယ်ဧက ငါးရာကို 
ငါတစ်နေ့ပိုင်ဆိုင်ရမယ်ဆိုတဲ့စိတ်ကူးမျိုး
ကူးပါတော့လားကွယ်”တဲ့။


+++++++++++++++++++++++++++

အဲဒီပညာရှိကြီးဟာ လူပေါင်းသန်း၂၀၀ကျော်ရဲ့ဘဝတွေကို 
ကျွန်ဘဝက လွတ်မြောက်အောင် စွမ်းဆောင်ပေးခဲ့တဲ့
မဟတ္တမ ဂန္ဒီ ဖြစ်ပါတယ်။
ဂန္ဒီပြောလိုတာက 
စိတ်ကူးယဉ် ရည်မှန်းချက်ကို ကြီးကြီးမားမား ထားဖို့ပါ။
စိတ်ကူးယဉ် ရည်မှန်းချက်ကို ကြီးကြီးထားပြီး 
မေတ္တာအခြေခံနဲ့အလုပ်ကို ကြိုးစားလုပ်ဖို့
သူ့ဘဝတစ်လျှောက်လုံး သက်သေပြသွားခဲ့ပါတယ်။ 
လူကြီးမင်းကိုလည်း လယ်ကွင်းတွေ တွေ့လေတိုင်း
ဂန္ဒီ ပြောခဲ့တဲ့စကားကို အမှတ်ရနေစေချင်ပါတယ်။

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com