Thursday, November 17, 2011

" လူသားကိုတန်ဖိုးထားတဲ့ ပုဂ္ဂိုလ်ကြီး..."



တစ်ခါတုန်းက အယ်ဒီဆင်ဆိုတဲ့သိပ္ပံပညာရှင်ကြီးဟာ
မီးလုံးကို ကြိုးစားအားထုတ်ပြီးတီထွင်ကြံဆနေပါတယ်။
မီးလုံးကိုအောင်မြင်ဖို့အတွက်
အကြိမ်ပေါင်းတစ်သောင်းနီးပါးမှားယွင်းမှုကိုကြုံတွေ့ခဲ့ရပါတယ်။
အချိန်ကာလအားဖြင့် သုံးနှစ်ကြာမြင့်ခဲ့ပါတယ်။
မီးသီးမီးလုံးကိုအောင်မြင်တော့ အယ်ဒီဆင်ဟာ
သတင်းထောက်တွေကို ခေါ်ပြီး သတင်းစာရှင်းလင်းပွဲပြုလုပ်ပါတယ်။
အနယ်နယ်အရပ်ရပ်က သတင်းထောက်တွေရောက်လာကြပါတယ်။
သတင်းထောက်တွေစုံညီချိန်ရောက်တော့ အယ်ဒီဆင်က
သူ့ရဲ့တပည့်ဖြစ်သူ ဂျွန်ကိုခေါ်ပြီး မီးသီးမီးလုံးကိုယူခိုင်းလိုက်ပါတယ်။
ဂျွန်က အပေါ်ထပ်က တီထွင်ထားတဲ့ မီးသီးမီးလုံးကို သေသေချာချာယူလာခဲ့ပါတယ်။
အောက်ရောက်တဲ့အခါမှာတော့ ခလုတ်တိုက်မိပြီးမီးသီးမီးလုံးဟာ
ကျကွဲသွားပါတယ်။
သတင်းထောက်တွေအားလုံးဟာ အံသြသွားကြပါတယ်။
အယ်ဒီဆင်ဟာ အေးဆေးတည်ငြိမ်စွာနဲ့
သတင်းထောက်တွေကိုပြောလိုက်ပါတယ်။
" လူကြီးမင်းတို့ မြင်တဲ့အတိုင်းပါပဲ။
တီထွင်ထားတဲ့မီးသီးမီးလုံးကတော့ ကျကွဲသွားပါပြီ။
ပြစရာဘာမှမရှိတော့ပါဘူး။
ပြောစရာတစ်ခုကတော့
နောက်သုံးလအကြာမှာတော့ နောက်မီးသီးမီးလုံးကို
ထပ်မံပြသနိုင်စရာအကြောင်းရှိပါတယ်။
အဲဒီတော့မှ လူကြီးမင်းတို့ဒီကိုလာဖို့ဖိတ်ခေါ်ပါတယ်"
နောက်သုံးလအကြာမှာတော့
သတင်းထောက်တွေကိုဖိတ်ကြားလိုက်တဲ့အတွက်
သတင်းထောက်တွေက ထပ်မံရောက်ရှိလာကြပါတယ်။
ဒီတစ်ကြိမ်မှာလည်း အယ်ဒီဆင်က ဂျွန်ကိုထပ်မံယူခိုင်းလိုက်ပါတယ်။
အယ်ဒီဆင်ရဲ့စမ်းသပ်မှုဟာ အောင်မြင်ကြောင်း အားလုံးကိုပြသနိုင်ခဲ့ပါတယ်။
မီးသီးမီးလုံးဟာ လင်းလက်လာတဲ့အတွက် အားလုံးကလည်း
အံသြဝမ်းသာကြပါတယ်။
အယ်ဒီဆင်က " ကျနော်တို့တွေဟာ ညကိုနေ့အောင်လုပ်နိုင်ပါပြီ။
အမှောင်ကိုခွင်းပြီးအလင်းကိုဆောင်နိုင်ပါပြီ"လို့ပြောလိုက်ပါတယ်။
ကျနော်တို့အခုတွေ့နေရတဲ့မီးလုံး၊မီးချောင်းတွေဟာ အယ်ဒီဆင်ရဲ့ကျေးဇူးကြောင့်
ဖြစ်ပေါ်လာခဲ့ပါတယ်။
အဲဒီစမ်းသပ်ပွဲပြီးဆုံးသွားတော့
သတင်းထောက်တစ်ဦးက အယ်ဒီဆင်ကိုမေးပါတယ်။
" တစ်ခုလောက်မေးပါရစေ၊
ဆရာကြီးဆီမှာ တပည့်တစ်ယောက်ထဲရှိသလား။
ဟိုတစ်ခါကလည်းဂျွန်ဆိုတဲ့တပည့်ကိုခိုင်းတယ်။
မီးသီးကျကွဲသွားတယ်။
အခုတစ်ခါလည်း အဲဒီဂျွန်ဆိုတဲ့တပည့်ကိုပဲထပ်ခိုင်းတယ်။
မီးသီးထပ်ကွဲသွားမှာမစိုးရိမ်ဘူးလား"

အယ်ဒီဆင်ကပြန်ဖြေပါတယ်။
" ကျနော့်မှာ တပည့်တွေအများကြီးရှိပါတယ်။
ဂျွန်ကိုထပ်ခိုင်းရတာက ဂျွန်က တစ်ခါမှားပြီးပြီလေ။
နောက်ထပ်အလားတူအမှားမျိုးသူလုပ်တော့မှာမဟုတ်ဘူး။
နောက်အကြောင်းတစ်ခုက
ဂျွန်ကိုမခိုင်းပဲအခြားတစ်ယောက်ကိုခိုင်းရင်
ဂျွန်အသဲကွဲပြီးသေသွားနိုင်တယ်။
ဂျွန်လိုလူသားတစ်ယောက်ကို မီးသီးမီးလုံးနဲ့မလဲနိုင်ပါဘူး။
ဒါကြောင့် ဂျွန်ကိုပဲ ထပ်ခိုင်းရတာပါ"တဲ့။



" ပုံဆွဲဆရာမ..."



တစ်ခါတုန်းက တာချီလိတ်မြို့ရဲ့မူလတန်းကျောင်းတွင်

ဆရာမဖြစ်ခါစ မခင်ပပဟာ

ပထမတန်း စာသင်ခန်းကိုပထမဆုံးအကြိမ်ဝင်လာတယ်။

“ကလေးတို့ရေ၊

ဒီကနေ့ရုပ်ပုံတွေအကူအညီနဲ့တို့တစ်တွေ စာသင်ကြမယ်နော်၊

ကိုင်း ဟောဒီပုံဟာ ဘာပုံလဲကွယ်”လို့ပြောကာ

ကျောက်သင်ပုန်းပေါ်မှာ ပန်းသီးတစ်လုံးကိုဆွဲပြလိုက်ပါတယ်။

ကလေးတွေပြိုင်တူအော်လိုက်တာက

“ ဖင်တုံးကြီး”

ဆရာမခင်ပပဟာ စိတ်ဆိုးသွားပါတယ်။

ဒါနဲ့ ကျောင်းအုပ်ဆရာကြီးသွားတိုင်ပါတယ်။

မကြာခင် ဆရာမခင်ပပနဲ့ကျောင်းအုပ်ဆရာကြီးတို့ဟာ အတန်းထဲဝင်လာပါတယ်။

ဆရာကြီးကပြောတယ်။

“ ကိုင်း တပည့်တို့၊

မင်းတို့တစ်တွေ အင်မတန်ဆိုးကြပါလား၊

ဟေ့ တင်ဝင်း ...

မင်းရဲ့အင်္ကျီကော်လာကလည်း ညစ်ပတ်လှချည်းလား၊

ဟေ့ လှမြင့်...

မင်းကကော ဘာဖြစ်လို့ကြယ်သီးမတပ်ပဲ ရင်ဘတ်ကိုဖွင့်ထားရတာလဲ၊

အဲ…သင်ပုန်းပေါ်မှာ ဖင်တုံးကြီး ကို ဘယ်သူဆွဲထားသလဲ၊

ပြောစမ်း ”


လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com