Saturday, November 10, 2012

“ရှိသမျှ အကုန်ရင်းနှီးမှ အကောင်းဆုံးဘဝကိုရမယ်…”





၄၁။ စိတ်ချမ်းသာတဲ့သူဟာ ပြဿနာတစ်ခုနဲ့ ကြုံရင် ဒီပြဿနာကို ဖြေရှင်းဖို့
နည်းပေါင်း ဘယ်လောက်ရှိသလဲဆိုတာကို လေ့လာပြီး လက်ရှိအခြေအနေမှာ
ဘယ်နည်းအကောင်းဆုံးလဲဆိုတာကို မေးပြီး အကောင်းဆုံးနည်းကို ရွေးချယ်တယ်။

@@@@@@@@@@@@@@@@@@@@@@@@@@@@@@@@@@@@

၄၂။ စိတ်ချမ်းသာတဲ့သူဟာ ပြင်ပအခြေအနေက ကိုယ့်စိတ်ချမ်းသာမှုအတွက်
အဓိက အကြောင်းတရားလို့ မယုံကြည်ဘူး။

@@@@@@@@@@@@@@@@@@@@@@@@@@@@@@@@@@@@

၄၃။ စိတ်ချမ်းသာတဲ့သူဟာ ပုံသေနည်းနဲ့ ပြဿနာကို မဖြေရှင်းဘူး။
အမြဲတန်းအခြေအနေကို လေ့လာပြီး လက်ရှိအခြေအနေနဲ့ကိုက်ညီတဲ့ လုပ်နည်းကို သုံးတယ်။
အရင်တုန်းက လုပ်ခဲ့တဲ့နည်းကို ဆုပ်ကိုင်မထားဘူး။

@@@@@@@@@@@@@@@@@@@@@@@@@@@@@@@@@@@@

၄၄။ စိတ်ချမ်းသာတဲ့သူဟာ စိတ်ရှည်တယ်။
စောင့်နိုင်တယ်။
အရင်မလိုဘူး။
မမှည့်သေးခင် မခူးဘူး။

@@@@@@@@@@@@@@@@@@@@@@@@@@@@@@@@@@@@

၄၅။ စိတ်ချမ်းသာနေရင် စွမ်းရည် ပိုထွက်တယ်။
ဥာဏ်ရည် ပိုမြင့်တယ်။
လွတ်လပ်မှု ပိုရှိတယ်။

@@@@@@@@@@@@@@@@@@@@@@@@@@@@@@@@@@@@


လူတစ်ယောက်ဟာ ဘယ်လိုအလုပ်မှာ ဖြစ်ဖြစ် အကန့်အသတ်မရှိ
စိတ်ဝင်စားမှု၊ စိတ်အားထက်သန်မှု ရှိရင် အဲဒီကိစ္စ၊
အဲဒီအလုပ်မှာ အောင်မြင်မယ်။

@@@@@@@@@@@@@@@@@@@@@@@@@@@@@@@@@@@@

များသောအားဖြင့် အလုပ်ကြောင့် ရလာမယ့်ငွေကို လိုချင်တာပါ။
အလုပ်ကို တကယ် စိတ်မဝင်စားဘူး။
အလုပ်ကို စိတ်အားထက်ထက်သန်သန်နဲ့ မလုပ်ဘူး။
အကြောင်းတရားကို ကောင်းအောင်လုပ်မှ အကျိုးတရား ကောင်းမယ်။
အကြောင်းတရားက ကိုယ့်အပေါ် မူတည်တယ်။
အကျိုးတရားက အကြောင်းတရားပေါ် မူတည်တယ်။
ကိုယ့်အပေါ် မူမတည်ဘူး။
ကိုယ်လုပ်နိုင်တာက အကြောင်းတရား ကောင်းဖို့ပဲ။

@@@@@@@@@@@@@@@@@@@@@@@@@@@@@@@@@@@@

ဘဝမှာ ကိုယ်က ရင်းနှီးရမယ့် အားထုတ်မှု၊ ကြိုးပမ်းမှုကို ဈေးစစ်နေရင်
အပေါစား အညံ့စား ဘဝကိုပဲ ရမယ်။
ဘဝဆိုတာ ရှိသမျှ အကုန်ရင်းနှီးမှ အကောင်းဆုံးဘဝကို ရတယ်။

@@@@@@@@@@@@@@@@@@@@@@@@@@@@@@@@@@@@


အကောင်းဆုံးစိတ်ထားနဲ့ လုပ်မှ အကောင်းဆုံးအလုပ် ဖြစ်မယ်။
အကောင်းဆုံး စိတ်ထားနဲ့ နေမှ အကောင်းဆုံးဘဝ ဖြစ်မယ်။
အကောင်းဆုံးစိတ်ထားနဲ့ ဆက်ဆံမှ အကောင်းဆုံး ဆက်ဆံရေးကို ရမယ်။

@@@@@@@@@@@@@@@@@@@@@@@@@@@@@@@@@@@@

လောကကြီးမှာ အလိုအပ်ဆုံးအရာဟာ ဘာလဲ။
ကိုယ်တကယ် စိတ်ပါတဲ့ အလုပ်ကို လုပ်ရင်း
ပျော်ပျော်ရွှင်ရွှင် နေတဲ့သူတွေပဲ။
ကမ္ဘာကြီးမှာ ဘာလိုသလဲလို့ မေးမနေပါနဲ့။
သင်တကယ် စိတ်ဝင်စားတာကို အားသွန်ခွန်စိုက် လုပ်လိုက်ပါ။
ကမ္ဘာကြီး တကယ်လိုနေတာဟာ
ကိုယ်လုပ်ချင်တာကို အားသွန်ခွန်စိုက် လုပ်နေတဲ့သူတွေပဲ။

@@@@@@@@@@@@@@@@@@@@@@@@@@@@@@@@@@@@

မှားမှာကိုကြောက်ပြီး ဘာမှ မလုပ်တာ အကြီးဆုံးအမှားပဲ။

@@@@@@@@@@@@@@@@@@@@@@@@@@@@@@@@@@@@

အားလုံးက ချီးမွမ်းပေမယ့် ကိုယ်လုပ်တဲ့အလုပ်ကို
ကိုယ် စိတ်တိုင်းမကျသေးရင် အဲဒါ အောင်မြင်မှု မဟုတ်သေးဘူး။

@@@@@@@@@@@@@@@@@@@@@@@@@@@@@@@@@@@@

ကိုယ်လုပ်တဲ့အလုပ်ကို သူများကျေနပ်ဖို့ထက် 
ကိုယ်ကျေနပ်ဖို့က ပို အရေးကြီးပါတယ်။
ကိုယ့်အလုပ်ကို ကိုယ် ကျေနပ်မှ လုပ်ရကျိုးနပ်တယ်။
အလုပ်ဟာ ကျေနပ်စရာဖြစ်တယ်။
ငွေရရုံနဲ့ ကျေနပ်စရာ မဟုတ်သေးဘူး။

@@@@@@@@@@@@@@@@@@@@@@@@@@@@@@@@@@@@



အနေချောင်တဲ့ဘဝက ကိုယ့်ကို ဘာပညာမှ သင်မပေးဘူး။
တကယ်ကျေနပ်စရာအကောင်းဆုံးက ကိုယ် ဘယ်လောက် ပညာရလိုက်သလဲ၊
ဘယ်လောက် စိတ်နေသဘောထား ကြီးလာသလဲ ဆိုတာပဲ။

@@@@@@@@@@@@@@@@@@@@@@@@@@@@@@@@@@@@

အနေချောင်တယ်ဆိုတာ ဘာမှမလုပ်ရပဲ သက်သက်သာသာ နေရတာကို ခေါ်တာ။
ဘာမှမလုပ်ပဲ နေရတဲ့ဘဝဟာ လေးနက်မှု မရှိဘူး။
အဓိပ္ပာယ်မရှိဘူး။
အဲဒီလိုဘဝဟာ ဘာမှ ကျေနပ်စရာ မကောင်းဘူး။
အနေချောင်တဲ့ဘဝမှာ နေတဲ့သူဟာ လူ့အသိုင်းအဝိုင်းအတွက် ဝန်ထုတ်ဝန်ပိုး ဖြစ်ပါတယ်။
ကိုယ့်တာဝန်ကို ကိုယ် မယူရင် ကိုယ့်တာဝန်ကို တခြားတစ်ယောက်က ယူရမှာပဲ။
အဲဒါ တာဝန်မဲ့တဲ့ကိစ္စ ဖြစ်တယ်။
တာဝန်မဲ့တဲ့သူဟာ ဝန်ထုတ်ဝန်ပိုး ဖြစ်တယ်။

@@@@@@@@@@@@@@@@@@@@@@@@@@@@@@@@@@@@

သက်သက်သာသာနေတဲ့သူကို သတိထားကြည့်ပါ။
သူဟာ ဘယ်ကိစ္စကိုမှ ရဲရဲရင့်ရင့် ပြတ်ပြတ်သားသား မပြောနိုင်ဘူး။
သူ့မှာ ကိုယ့်ကိုယ်ကို ကိုယ် ယုံကြည်မှု မရှိဘူး။
အရည်အချင်းရှိတဲ့သူနဲ့ ယှဉ်တဲ့အခါ အားငယ်တဲ့အမူအရာ ရှိတယ်။
သူ့တန်ဖိုးကို အလုပ်နဲ့မပြနိုင်ဘူး။

@@@@@@@@@@@@@@@@@@@@@@@@@@@@@@@@@@@@



ကိုယ်တွေးတာ ကိုယ်ပြောတာနဲ့ ကိုယ်လုပ်တာ
တစ်ထပ်တည်း ကျသွားတဲ့အခါ သိပ်စိတ်ချမ်းသာတယ်။
ကိုယ်တွေးတာနဲ့ ကိုယ်လုပ်တာ တခြားစီ ဖြစ်နေရင်
ကိုယ်လုပ်တာ အစစ်မဟုတ်ဘူး။ အတု။
အတုဟာ စိတ်ချမ်းသာမှု မပေးနိုင်ဘူး။

@@@@@@@@@@@@@@@@@@@@@@@@@@@@@@@@@@@@

မရိုးသားတာ မလုပ်လို့ စိတ်မှာ သောက မရှိတဲ့သူ၊
ကျန်းမာရေး ကောင်းနေတဲ့သူ၊
စား ဝတ် နေရေး အလုပ် အဆင်ပြေနေတဲ့သူ၊
ကိုယ်လုပ်ချင်တာကို လွတ်လွတ်လပ်လပ် လုပ်ရတဲ့သူဟာ
ပျော်နေပါတယ်။

@@@@@@@@@@@@@@@@@@@@@@@@@@@@@@@@@@@@

စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။

@@@@@@@@@@@@@@@@@@@@@@@@@@@@@@@@@@@@

ကိုယ်ကိုယ်တိုင် ဖတ်ဖို့-၁၂၅…



လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com