Saturday, March 31, 2012

" အမေ့ထံသို့ပေးစာများ-၃၇..."




သို့
ချစ်တဲ့ အမေရေ..
သား သတိတရ စာရေးလိုက်ပြန်ပါပြီ။
ကျနော်တို့တော့ ဝေးဝေးက မရှောင်နိုင်တော့ဘူး။ တည့်တည့်ကို ဝင်တိုးနေပြီ။
ဒီမှာက ကားက မရှိရင် မဖြစ်ဘူးလေ။
ဒီတော့ ကားက မဝယ်ရင် မဖြစ်ဖူး။ ဒါကြောင့် ကားကိုဝယ်ဖို့သူငယ်ချင်းကို
အကူအညီတောင်းတော့ သူက ကားကိုလိုက်ရှာပေးတယ်။
သူက ကာရိုလိုင်းနားကနေပြီး အင်ဒီယားနားကိုလာပြီး ကူညီပေးတာပါ။
ကျနော်တို့အဖို့ ရွေ့ပြောင်းသွားလာလို့ရနိုင်တဲ့ကားတစ်စီးကိုရှာရင်းနဲ့
တိုယိုတာ၊ 4RUNNER ၊အမျိုးအစား၊မီးခိုးရောင်အဖျော့ ကားတစ်စီးကို
ကျနော်တို့လင်မယားနှစ်ယောက်က ကြိုက်တယ်။
သင့်တော်တဲ့ကားတစ်စီးဆိုတာလည်း သူငယ်ချင်းက သဘောတူတယ်။
ဒါပေမယ့်ရောက်ကာစဆိုတော့
ငွေကလက်လှမ်းမမှီဘူးဖြစ်နေတယ်။
ဒါနဲ့ပဲ Credit Card (ဘဏ်ချေးငွေ) ကိစ္စကို သူက စီစဉ်ပေးတယ်။
ပြီးတော့ သူက အားပေးပါတယ်။
“အမေရိကန်နိုင်ငံသားတိုင်းမှာ Credit Card (ဘဏ်ချေးငွေ) ရှိတယ်။
Credit Card (ဘဏ်ချေးငွေ) ရှိသူတိုင်းဟာ အကြွေးရှိတယ်။
အကြွေးရှိမှ အမေရိကန်နိုင်ငံသား ပီသတယ်”တဲ့။
သူပြောမှ ကျနော်တို့လည်း အမေရိကန်နိုင်ငံသား ပီသသွားပြီအမေရေ့။
ဟုတ်တယ်အမေရဲ့။ ကျနော် စာစောင်တစ်ခုမှာ ဖတ်ဖူးတယ်။
အမေရိကန်မှာ အကြွေးကင်းသူအရေအတွက်က ၁%လောက်ပဲ ရှိတယ်တဲ့။
၉၉%ကတော့ အကြွေးတွေနဲ့ပေါ့အမေ။
အိမ်ဝယ်တယ်။ အကြွေး။ နှစ်သုံးဆယ်အကြွေးပေါ့။
ကားဝယ်တယ်။အကြွေး။ အခုဆိုရင် သုံးနှစ်ဆပ်ရမယ်။
ဘာဘဲဝယ်ဝယ်၊ အကြွေးနဲ့ဝယ်လို့ ရတယ်။
အဲ…ဘဏ်က ယုံကြည်သူဖြစ်ရမယ်ပေါ့။
တစ်နည်းပြောရရင် Credit Card (ဘဏ်ချေးငွေ) ရှိရမယ်ပေါ့။
အမေရိကန်မှာနေပြီး Credit Card (ဘဏ်ချေးငွေ) မရှိရင် တော်တော် အထင်သေးခံရတာပဲ။
ကယ်လီဖိုးနီးယားမှာနေတုန်းက Credit Card (ဘဏ်ချေးငွေ) မရှိလို့
အိမ်ငှားလို့လည်း မရ။
ဖုန်းဝယ်လို့လည်းမရ။
တော်တော် ဒုက္ခရောက်ခဲ့ရတယ်။
Credit Card (ဘဏ်ချေးငွေ) ရှိသူကို မှားယွင်းပြီး အားကိုးမိလို့
အလျှော်အစားတွေ တော်တော်များခဲ့ရတယ်။
ဒါကြောင့် Credit Card (ဘဏ်ချေးငွေ)ဟာ အမေရိကန်နိုင်ငံသားတွေရဲ့
အမှတ်အသားတစ်ခုလို ဖြစ်နေတယ်။ မရှိ်လို့မဖြစ်ဘူး။
သူငယ်ချင်းပြောတာက “Credit Card (ဘဏ်ချေးငွေ) ကို ကြောက်ဖို့မလိုဘူး။
အကြွေးကို မှန်မှန်ဆပ်ဖို့ပဲ လိုတယ်” တဲ့။
သူပြောတာလည်း ဒီမှာတော့ ဟုတ်နေသလိုလိုပဲ။
လောလောဆယ်တော့ သူငယ်ချင်းနဲ့ပေါင်းနေရတာ။ သူက ကူညီနေသူဖြစ်တယ်။
သူငယ်ချင်းစကားကို နားထောင်ဖို့လိုတယ်။
ဝေါရန် ဘတ်ဖတ်တ် (Warren Buffett) ရဲ့စကားကို နားထောင်ဖို့ မလိုသေးဘူးလို့ ထင်တာပဲ။
ကျနော်မှားရင်လည်း ပြင်ပေးပေါ့ အမေ။
ကျနော်တို့ရဲ့ အလုပ်ရှင်က ပြောတယ်။
"နောက်လမှာ သူ့ရဲ့အခြားဆိုင်တစ်ဆိုင် ဖြစ်တဲ့ စားသောက်ဆိုင်တစ်ဆိုင်ကို
ကျနော်တို့လင်မယား ပြောင်းရမယ်။
အခု ဝယ်တဲ့ကားနဲ့ ဝန်ထမ်းတွေကို အကြိုအပို့တစ်ခါတည်း လုပ်ပေးပါ
ဓာတ်ဆီကုန်ကျစရိတ်အချို့ကို သူကျခံမယ်"တဲ့။
ဟော…ကားက ဝယ်ပြီးတာနဲ့ကို အလုပ်က ဖြစ်နေပြီ။
ဘဏ်ကြွေးကို ဆပ်ပြီးတာနဲ့ ကားလည်း ပိုင်ဆိုင်ပြီ။
ဘဏ်ရဲ့ယုံကြည်မှုလည်း ရပြီဆိုတော့
တစ်ချက်ခုတ်၊ နှစ်ချက်ပြတ် တဲ့သဘောပါပဲ။
ရောက်စတုန်းက ရာသီဥတုက အရမ်းအေးပါတယ်။
အနွေးထည် မဝတ်ပဲ မနေနိုင်ပါဘူး။
အပြင်ထွက်လိုက်ရင်ကိုပဲ နေပူနေတာတောင် လေအေးတွေတိုက်တာကြောင့်
တော်တော်ကိုအေးပါတယ်။
အခုတော့ ရာသီဥတုက ပုံမှန်ဖြစ်နေပြီ။
အပူအအေးက မျှတသွားပေမယ့် မိုးကတော့ များနေတုန်းပဲ။
ကာလကတော့ နွေဦးရာသီဖြစ်နေပြီ။
ဘာမှတော့ မြဲတယ်လို့မရှိလှပါဘူး။
အရာရာကတော့ ပြောင်းလဲနေပါတယ်အမေ။
တိုးတက်တဲ့ပြောင်းလဲခြင်း ဖြစ်ဖို့သာလိုပါတယ်။
အမေ ကျန်းမာရေးကို ဂရုစိုက်ပါနော်။
ချစ်တဲ့သား
အောင်ဝင်းဟိန်း
ကလပ်ဗေးလ်မြို့(Clarksville)
အင်ဒီယားနားပြည်နယ် (Indiana)
အမေရိကန်ပြည်ထောင်စု (USA)
၃-၃၁-၂၀၁၂

Friday, March 30, 2012

"ဘိန်းစွဲသွားမှာ ကြောက်စရာမလိုပါ..."


တစ်ခါတုန်းက

ကျနော်ဟာ ဖါးကန့်မြို့မှာ ဆေးခန်းဖွင့်ခဲ့ဖူးပါတယ်။

ဖါးကန့်မြို့ဟာ ဘိန်းဖြူ၊ ဘိန်းမည်းအလွန်ပေါတဲ့မြို့နယ်ဖြစ်ပါတယ်။

လူများစုဟာ ဘိန်းအဖြူ၊အမည်းကို တစ်ခုမဟုတ်တစ်ခုကို

တစ်ချိန်မဟုတ်တစ်ချိန်မှာတော့ သုံးဖူးတတ်ကြပါတယ်။

တစ်နေ့မှာတော့ ဆေးခန်းကို ဆေးလာကုတဲ့ မိတ်ဆွေ ကချင်ကြီးက

"ဒီရောက်လာတဲ့ဗမာတွေက ဘိန်းတစ်ခါ နှစ်ခါလောက်

ရှုလိုက်တာနဲ့ စွဲမှာ ကြောက်တယ်၊ ကြောက်တယ်နဲ့

ပြောကြတယ်။ အံသြတယ်။

ငါကတော့ ဘ်ိန်းရှုလာတာ နှစ်လေးဆယ်တောင်ရှိပြီ။

တစ်ခါမှ မစွဲပါဘူး"လို့ပြောပါတယ်။

ဒီတော့ ကျနော်က မိတ်ဆွေ ကချင်ကြီးကို မေးလိုက်ပါတယ်။

"ကချင်ကြီး...ဘိန်းဖြတ်ဖူးလို့လား"

မိတ်ဆွေ ကချင်ကြီး ပြန်ပြောလိုက်တာက

"ဟင်အင်း…တစ်ခါမှ မဖြတ်ဖူးဖူး"


လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com