Monday, February 28, 2011

“ မရက မထတော့ပြီ…”




ချစ်သားရဟန်းတို့

သင်တို့ထင်တိုင်းလဲ ကောင်းလှပေ၏။

ငါ ဘုရား၏ အလိုကား

အကြင်ရဟန်းသည် ဆွမ်းစားပြီးသောအခါ

တစ်နေရာရာတွင် တင်ပျဉ်ဖွဲ့ခွေနေပြီးနောက်


ငါသည် တရားကို အားထုတ်အံ့၊

အာသဝေါ မကုန်လျှင် ဤနေရာမှ မထပြီ


ဟူ၍ ဝိပဿနာ ဘာဝနာကို အားထုတ်ကာ

နေကြခြင်းသည် ဤပင်လုံးကျွတ်ပွင့်လျက်ရှိသော

အင်ကြင်းတောကြီးကို ပို၍ လှပတင့်တယ်မွေ့လျော်ဖွယ်

ကျက်သရေမင်္ဂလာ အဖြာဖြာနှင့် ပြည့်စုံစေမည်

ဟူ၍ မြတ်စွာဘုရား ဟောကြားခဲ့ပါသည်။



Sunday, February 27, 2011

“ စိတ်ချမ်းသာမှုနဲ့ငွေကြေးဥစ္စာ…”



တစ်ခါတုန်းက သူဌေးကြီးတစ်ယောက်ဟာ
သူပိုင်ပစ္စည်းဥစ္စာတွေ အတွက် တွေးပူပြီး
ညညဆို အိပ်မရဖြစ်နေတယ်။

သူအိမ်နဲ့ မလှမ်းမကမ်းမှာ
ဆင်းရဲသား နွားကျောင်းသားတစ်ယောက်ရဲ့ အိမ်တစ်အိမ်ရှိတယ်။
ဆင်းရဲသား နွားကျောင်းသားဟာ ဘာအပူမှ မရှိတော့
ညညဆိုရင် ပုလွေကို သာယာနာပျော်ဖွယ်ရာ မှုတ်ပြီးမှ အိပ်လေ့ရှိတယ်။

အိပ်မရဘဲ ပူပင်သောကရောက်နေတဲ့ သူဌေးကြီးဟာ
ဆင်းရဲသားရဲ့ပုလွေသံကို နားထောင်လိုက်ရရင်
ခေတ္တခဏတော့ စိတ်ချမ်းသာသလို ဖြစ်သွားပါတယ်။
ဒါကြောင့်တစ်နေ့မှာ ကျေးဇူးတင်တဲ့အနေနဲ့ ဆင်းရဲသားကိုခေါ်ပြီး
ငွေတစ်ထောင် ဆုချလိုက်ပါတယ်။

အဲဒီနေ့ကစပြီး ဆင်းရဲသားအိမ်ဆီက ပုလွေသံကို မကြားရတော့ပါ။
သူဌေးကြီးလည်း တွေးမရအောင်ဖြစ်နေပါတယ်။
ရက်အတန်ကြာတော့ ဆင်းရဲသားဟာ ငွေတစ်ထောင်ထုတ်ကိုယူလာပြီး
သူဌေးကြီးကိုလာပြန်ပေးပါတယ်။

သူဌေးကြီးက
ဘာကြောင့်လာပြန်ပေးတာလဲ
လို့မေးတော့
ဆင်းရဲသားက
ဒီငွေတစ်ထောင်ရောက်လာကတည်းက သူ့ရဲ့ပျော်ရွှင်မှုအားလုံးဟာ
သူ့ဆီက ထွက်ပြေးသွားကြတယ်၊
ငွေတစ်ထောင်ကို သူများခိုးမှာ ကြောက်တာနဲ့ ညဆိုရင် အိပ်မရ၊
စားမရဖြစ်နေတာ ငွေတစ်ထောင်ရကတည်းကပါပဲ၊
ဒီသောကကြောင့် ပုလွေမမှုတ်နိုင်တာပါ၊
လို့ ပြန်ဖြေပါတယ်။
အဲဒီငွေတစ်ထောင်ကိုပြန်ပေးပြီးတဲ့နောက်မှာတော့
ဆင်းရဲသားဟာ ပုံမှန်ပုလွေပြန်မှုတ်နိုင်ပါတော့တယ်။

Saturday, February 26, 2011

“အာမခံ…”


လျှပ်စစ်ပစ္စည်းများ အရောင်းဆိုင်တွင်ဖြစ်တယ်။

ဝယ်သူက ရောင်းသူကို မေးတယ်။


ဒီရေခဲသေတ္တာနဲ့ ပတ်သက်ပြီး ရက်ပေါင်း-၉၀

အာမခံပေးတယ်လို့ဆိုထားတယ်၊

ဘယ်လို နားလည်ရမှာလဲ


အဓိပ္ပာယ်က ဒီရေခဲသေတ္တာပျက်သွားရင်

ပြင်မယ့်လူဟာ ရက်ပေါင်း-၉၀ အတွင်း

ရောက်လာမှာ ဖြစ်ပါတယ် ခင်ဗျား

Friday, February 25, 2011

“ ကျေးဇူးတင်ပါတယ်…”


အသက် (၉)နှစ်သာရှိသေးတဲ့ မြင့်မိုရ်က

ပေးတဲ့လက်ဆောင်အတွက်

အန်တီ့ကို ကျေးဇူးတင်ပါတယ်


ဒါလေးနဲ့များ ကျေးဇူးတင်စရာမလိုပါဘူး

ငါ့တူရယ်


ဟုတ်တော့ ဟုတ်ပါတယ်၊

ဒါပေမယ့် မေမေက ပြောခိုင်းလို့ပါ

Thursday, February 24, 2011

“ စိတ်ချပါ…”


အပ်ထားတဲ့ဖိနပ်ကို

ဧည့်သည်ကို ပေးရင်း ဖိနပ်ချုပ်ဆရာကိုဘဲဥ

က ပြောတယ်။


ဖိနပ်က အသစ်ဆိုတော့ ပထမနှစ်ပတ်မှာ

ကျပ်သလိုလို ဖြစ်ပြီး ဖိနပ်ပေါက်နိုင်တယ်။

သည်းတော့ခံရမယ်


ကျနော် နားလည်ပါတယ်၊

ပထမနှစ်ပတ်မှာ

ကျနော် ဖိနပ်ဟောင်းကိုပဲ စီးမှာပါ

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com