Sunday, December 4, 2011

"မမူးရင်သာ ရှက်တာ..."




တစ်ခါတုန်းက

တာချီလိတ်မြို့၊တာလော့ဈေးထဲတွင်

အရက်မူးပြီးတောင်းနေသောမြန်မာအမျိုးသားတစ်ဦးကိုတွေ့ရတယ်။

ကိုယ်လက်အင်္ဂါအစုံအလင်နဲ့ဖြစ်တယ်။

တာလော့ဈေးဟာ ထိုင်းလူမျိုးနဲ့နိုင်ငံခြားသားများ

အဓိကလာဝယ်တဲ့ဈေးဖြစ်နေပါတယ်။

အဓိကရောင်းကုန်ကလည်း

တရုပ်ဖြစ်ပစ္စည်းများကိုရောင်းဝယ်ဖေါက်ကားနေတယ်။

ဆိုင်ရှင်ဖြစ်တဲ့ကိုအေးမောင်ဆိုသူက လူများချိန်တွင်

နိုင်ငံခြားသားများကြားတွင်တိုးဝှေ့ပြီး

တောင်းစားနေတဲ့ကိုမူးကိုပြောလိုက်ပါတယ်။

"အရက်မူးပြီး အခုလို တောင်းစားနေတာ မရှက်ဘူးလား"

သူတောင်းစားကိုမူးပြန်ပြောလိုက်တာက...

"မရှက်ပါဘူး။

မမူးရင်သာ ရှက်တာ"


" အမေ့ထံသို့ပေးစာများ-၂၃..."


သို့
ချစ်တဲ့အမေ
သတိရတယ်။
တစ်စိမ်းတွေကြားမှာ စိတ်ညစ်ရတဲ့အခါ
သံလမ်းဘေးနားက အမေအိမ်လေးကို အရမ်းသတိရမိတယ်အမေ။
အဲဒီအိမ်မှာ ကျနော်က နှစ်ပေါင်းများစွာနေခဲ့တယ်လေ။
ဒီမှာက ခုချိ်န်မှာ အလုပ်က ရှားတယ်။
ဒီတော့ ရွေးချယ်ခွင့်မရဘူး။ ရတဲ့အလုပ်ကို မိုးခိုတဲ့သဘောနဲ့လုပ်ခဲ့ရတယ်။
ဒါကြောင့် အိမ်ရှင်တွေနဲ့နီးစပ်တဲ့အလုပ်ဖြစ်တဲ့ ကားသန့်ရှင်းရေးအလုပ်ကို
လုပ်ဖို့ခေါင်းငြိမ့်လိုက်တယ်။
လုပ်နေကျမဟုတ်တော့ အရမ်းပင်ပန်းပါတယ်။
ပြီးတော့ နေပူထဲမှာလုပ်နေရတယ်။
အစတုန်းကတော့ ရေရှည်သွားဖို့ဖြစ်မှဖြစ်ပါ့မလားလို့တွေးတဲ့အထိဖြစ်ခဲ့တယ်။
အမေ့ဆေးဖိုးအတွက်ဆိုတဲ့စိတ်ကိုပြောင်းလိုက်တဲ့အခါ
လူပင်ပန်းပေမယ့် စိတ်မပင်ပန်းတော့ဘူး။
လုပ်နေကျ အလေ့အကျင့်ရလာတော့လည်း ပင်ပန်းတဲ့ဒဏ်တွေကို ခံနိုင်ရည်ရှိလာတယ်။
နောက်ပိုင်းမှာ ပင်ပန်းတယ်လို့မထင်တော့ဘူး။
အလုပ်ခွင်က သူငယ်ချင်းတွေရလာတယ်။
သူတို့ပြောတဲ့မက်စီကန်စကားကိုသင်ရင်း၊ပြောရင်းတဲ့သူငယ်ချင်းတွေတိုးလာတယ်။
အလုပ်မှာ ကြာလာတော့ ပျော်လာတယ်အမေ။
အဲဒီအချိန်ရောက်တော့မှ မန်နေဂျာနဲ့ပြဿနာတစ်ခုတက်တယ်။
အဲဒီနေ့က ကားတွေများလိုက်တာ၊
အစီးသုံးရာကျော်မယ်လို့ထင်မိတယ်။
လူအင်အားကနည်းပြီး၊အလုပ်ကများနေတယ်။
ဒီတော့ လုပ်နေကျနေရာမဟုတ်တဲ့နေရာတွေမှာ ဝင်ကူပေးရတယ်။
အဲဒီဋ္ဌာနက လုပ်နေကျအလုပ်တွေ မဟုတ်တော့ မသိတာတွေရှိနေတယ်။
မသိလို့မလုပ်လိုက်တဲ့ကိစ္စတစ်ခုကို မလုပ်ရကောင်းလားဆိုပြီးမန်နေဂျာကလာဆူတယ်။
မသိဘူးလို့ပြောတော့ အားလုံးသိအောင်လုပ်ထားရမယ်လို့အတင်းလာပြောတယ်။
မန်နေဂျာက မသင်ပေးဘူး။လုပ်လို့မှားရင်လာပြီးအပြစ်တင်တယ်။
အလုပ်ကများပြီးပင်ပန်းနေတော့ ပြေပြေလည်လည်ပြောပြစေချင်တယ်။
ဒါပေမယ့် သူက ပြေပြေလည်လည်မပြောတော့ ကျနော်ကလည်း
ပြေပြေလည်လည်ပြောချင်စိတ်မရှိတာနဲ့ ပြန်ပြီးအငေါ်တူးလိုက်တယ်။
" မသိလို့မလုပ်တာကို လာပြီးအပြစ်တင်မနေနဲ့။
ကိုယ့်ကိုထမင်းကျွေးနေတဲ့အလုပ်ကို သိလျက်နဲ့နစ်နာအောင် ဘယ်တော့မှမလုပ်ဘူး။
အခုသိပြီးနောင်ဒီလိုအမှားမျိုး ဘယ်တော့မှ မဖြစ်စေရဘူး"လို့ပြန်ပြောလိုက်တယ်။
ဒီတော့ မန်နေဂျာက ပညာပြပါတော့တယ်။
သိသိသာသာ အလုပ်ချိန်လျော့ပစ်တယ်။
ဒီမှာက အလုပ်သမားတစ်ယောက်ကို အလုပ်ကထုတ်ချင်ရင် လုပ်နေကျအလုပ်က
တိုက်ရိုက်ထုတ်ပစ်တာမဟုတ်ဘူး။
အလုပ်ချိန်လျော့ပစ်တာပဲ။
အချိန်ပိုင်းနဲ့လုပ်နေတဲ့အလုပ်ဆိုတော့ အလုပ်ချိန်လျော့လိုက်တာနဲ့
ဝင်ငွေလည်းလျော့သွားတော့တာပဲ။
နောက်ဆုံးမှာ ဓာတ်ဆီဖိုးတောင်မရတော့ဘူးဆိုရင်
ဒီအလုပ်က ဆက်လုပ်ဖို့ခက်သွားပြီလေ။
မန်နေဂျာက အဲဒီလိုပညာပြပါတယ်။
နောက်ဆုံးမှာ သီးမခံနိုင်တော့တာနဲ့
ကျနော်အလုပ်ကထွက်ပစ်လိုက်တယ်။
မထွက်လည်း မန်နေဂျာက အလုပ်ထုတ်တဲ့အထိဆက်ပြီး
ပညာပြနေတာကို သိနေတယ်လေ။
ထမင်းတစ်လုတ်အတွက် ဒူးထောက်တဲ့အလုပ်ကိုမလုပ်နိုင်ဘူးအမေ။
ဒါနဲ့ပဲ အလုပ်ကထွက်တယ်လို့ပြောရမလား၊
အလုပ်ကပြုတ်တယ်လို့ပြောရမလား။
ဘယ်လို့ပြောပြော၊ အလုပ်တစ်ခုကတော့
ထွက်ခဲ့ရတယ်အမေရေ့...။
တော်သေးတာက မိန်းမက အလုပ်ရှိနေတာပါပဲ။
ဒီကိစ္စမှာ မိန်းမက ကျနော့်ဖက်က ရပ်တည်တယ်။
အိမ်ရှင်တွေမိသားစုကတစ်ဖက်၊
ကျနော်တို့လင်မယားနှစ်ယောက်ကတစ်ဖက်စီပေါ့။
သူတို့သဘောထားက ဒူးထောက်သင့်တယ်လို့ဆိုပါတယ်။
ဗိုက်ပိန်တာထက်စာရင် ဒူးပွန်းတာက သက်သာတယ်လို့ယူဆတယ်တဲ့။
ကျနော်အလုပ်ပြုတ်သွားတဲ့အတွက် အိမ်ရှင်တွေနဲ့ဆက်ဆံရေးပါ
တင်းမာသွားတယ်။
ဘာသဘောလဲ။
ဝင်ငွေမရှိတာက အပြစ်လို့ယူဆနေလေသလား။
အမေရိကန်ရောက်မြန်မာတွေကို နားလည်လို့မရတာတွေအများကြီးထဲမှာ
ဝင်ငွေမရှိရင်ပဲ ငတ်သေတော့မယ့်အတိုင်းပြောဆိုနေတာကို
နားမလည်နိုင်ဘူးအမေ။
လူတစ်ယောက်ကို ငွေနဲ့တန်ဖိုးဖြတ်နေကြလေရဲ့။
ငွေနဲ့အားလုံးဝယ်ယူလို့ရတယ်လို့ပြောနေလေရဲ့။
အဲဒါကို ကျနော်က မယုံဘူး။
ငွေနဲ့ဝယ်လို့မရတဲ့အရာတွေ အများကြီးပါ။
ကျန်းမာရေးကို ငွေနဲ့ဝယ်လို့ရတယ်လို့ပြောနေပါလား။
ဆေးသာဝယ်လို့ရတာပါ။
အဲဒါကို တောင်သဲသဲကွဲကွဲ နားမလည်ကြဘူး။
သူတို့မှာ Medicare ဆိုတဲ့ ကျန်းမာရေးထောက်ပံ့မှုတွေရှိတယ်တဲ့။
သူတို့ဘာဘဲဖြစ်ဖြစ် အကောင်းဆုံးဆေးရုံမှာ အခမဲ့ဆေးကုသခွင့်ရတယ်တဲ့။
" အိုတာ၊နာတာ၊သေတာကိုတော့ ငွေကမတတ်နိုင်ပါဘူး။
အနာ၊ရောဂါရတာကိုငွေမကုန်ဘဲဆေးကုသခွင့်ရတာကကောင်းပါတယ်။
အဓိက က ရောဂါမဖြစ်အောင် ဥာဏ်နဲ့သတိနဲ့နေထိုင်တာက ပိုကောင်းမယ်ထင်တယ် "
လို့ပြောပြတော့ သူတို့ဘယ်လိုတွေးသလဲတော့မသိဘူး။
ကျနော့်ကို စိတ်ဆိုးတယ်။
သူတို့အိမ်မှာ လူငါးယောက်ရှိတယ်။
သုံးယောက်က အဝလွန်တွေဖြစ်ပြီးရောဂါတွေကိုယ်စီနဲ့။
ကျန်တဲ့နှစ်ယောက်ထဲကတစ်ယောက်ကလည်း ရောဂါတွေတန်းစီနေတယ်။
ကျန်းမာသူဆိုလို့ (၁၅-နှစ်)အရွယ်ရှိတဲ့အထက်တန်းကျောင်းသားတစ်ယောက်ပဲရှိတယ်။
အဲဒီအထဲက နှစ်ယောက်က အခမဲ့ဆေးကုသခွင့်ရထားတယ်။
ကျန်လူတွေက ဆေးဖိုးကုန်ကျစရိတ်တွေပေးနေကြရတယ်။
အဲဒါကိုပဲ ပြိုင်စရာမရှိပြိုင်ဆိုင်နေကြတယ်။
အဓိကလုပ်ပြီးပြောနေတာက ငွေအကြောင်းပါပဲ။
ကြာတော့နားညီးလာတယ်။

မခံချင်လို့ပြောပြန်ရင်လည်း စကားများစရာဖြစ်အုန်းမယ်။
ဒါကြောင့်ဘာမှမပြောရအောင် စာကြည့်တိုက်ကိုသွားပြီးစာဖတ်နေလိုက်တယ်။ အိမ်မှာနေတဲ့အချိန်နည်းသထက်နည်းလာတယ်။
ကားကိုအိမ်လိုသဘောထားလိုက်တယ်။
စာကြည့်တိုက်ပိတ်ချိန်ဆိုရင် ကားမှာပဲစာဖတ်နေလိုက်တယ်။
မိန်းမအလုပ်ကပြန်မှ တစ်ခါတည်းပြန်တယ်။
မိန်းမကလည်းနံက်၆-နာရီကစထွက်တယ်။
ညဖက်၇-နာရီကျော်မှပြန်ဖြစ်တယ်။
ကျနော်တို့စရောက်တုန်းက ည-၉-နာရီမှ နေဝင်တယ်။
အခုဆိုရင် ညနေ၅-နာရီတောင်မထိုးသေးဘူး နေကဝင်နေပြီး။
ရာသီဥတုကလည်း တစ်နေ့ထက်တစ်နေ့ အေးသထက်အေးလာတယ်။
ရာသီတွေပြောင်းနေပြီ။
ဒီမှာရှိတဲ့သစ်ရွက်တွေက အစိမ်းကနေအဝါရောင်ပြောင်းလာတယ်။
ပြီးတော့ အဝါရောင်ကနေအခုဆိုရင်အနီရောင်ပြောင်းနေပြီ။
လမ်းဘေးသစ်ပင်တွေအားလုံးဟာ တပြိုင်နက်ထည်းပြောင်းနေတော့
ကြည့်လို့တောင်ကောင်းနေသေးတယ်။
သာယာလှပတဲ့နေရာတစ်ခုကိုရောက်နေတာမှန်ပါတယ်။
ဘာဘဲပြောပြော
ကိုယ့်တိုင်းပြည်၊ကိုယ့်နိုင်ငံကိုတော့ လွမ်းမိတာတော့အမှန်ပါပဲ။
ပြီးတော့ အမေနဲ့ရွာကိုလည်းလွမ်းမိတယ်။
ကဲ…စာဖတ်ပြီး ညောင်းမှာကိုစိုးမိပါတယ်။
ဒါပဲနော်။
ချစ်တဲ့သား
 အောင်ဝင်းဟိန်း
ဆန်ဟိုဆေးမြို့(San Jose)
ကယ်လီဖိုးနီးယားပြည်နယ်(California)
အမေရိကန်ပြည်ထောင်စု(USA)
၁၂-၄-၂၀၁၁






လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com