Tuesday, November 15, 2011

" သူရဲကောင်းစိတ်ဓာတ်ဆိုတာ..."


တစ်ခါတုန်းက
စစ်တပ်တစ်ခုမှာ စစ်သားသစ်တွေကိုသင်ပေးနေတဲ့တပ်ကြပ်ကြီးတစ်ယောက်ရှိတယ်။
အသင်အပြကောင်းလို့လည်းကျော်ကြားတယ်။
စစ်သားတွေကလည်းချစ်တယ်။
သူ့ရဲ့သင်ရိုးညွှန်းတမ်းမှာ ဘယ်သူမှမသိတဲ့သင်ခန်းစာတစ်ရပ်ကိုထည့်သွင်းထားတယ်။
အဲဒါကတော့ သင်တန်းပြီးဆုံးတဲ့ရက်မှာ သင်တန်းအမှာစကားတွေပြောပြီးပြန်သွားကြတဲ့အခါ
စစ်သားသစ်တွေကြားထဲကို နောက်က လက်ပစ်ဗုံးတစ်လုံးပစ်သွင်းလိုက်တာပါပဲ။
လက်ပစ်ဗုံးရဲ့မီးခိုးတွေအူနေတဲ့အချိန်မှာ စစ်သားသစ်တွေဟာ ကစင့်ကလျားထွက်ပြေးကြတယ်။
အချို့က တောင်ကုန်းပေါ်တက်ပြေးတယ်။
အချို့က သစ်ပင်ကို အကာအကွယ်ယူတယ်။
အချို့ကမြေကြီးမှာဝပ်ချတယ်။
အချို့က ခြေဦးတည့်ရာပြေးတယ်။
ခဏလောက်ငြိမ်သက်သွားတယ်။
လက်ပစ်ဗုံးဆီက မီးခိုးတွေအူတာပြီးသွားတယ်။
လက်ပစ်ဗုံးမပေါက်ဘူး။
ဒီတော့မှ ဆရာကြီးဖြစ်တဲ့တပ်ကြပ်ကြီးက တပည့်တွေကိုပြန်ခေါ်လိုက်တယ်။
" မင်းတို့တွေ စစ်ပညာလည်းသင်ပြီးသွားပြီ။
သင်တန်းလည်းပြီးသွားပြီ။
မကြာခင်မှာပဲ ရှေ့တန်းကိုသွားရတော့မယ်။
တိုက်ပွဲတွေဖြစ်တဲ့အခါ သေဘေးကနီးနီးလေး။
အဲဒီအချိန်မှာ မင်းတို့အနေနဲ့ သေခြင်းကို ဘယ်လိုရင်ဆိုင်သလဲဆိုတာ
မင်းတို့ရဲ့အပြုအမူနဲ့တုန့်ပြန်မှုပေါ်မူတည်ပြီးသိနိုင်တယ်။
အဲဒါကို သိချင်လို့ ဒီလက်ပစ်ဗုံးသင်ခန်းစာပေးလိုက်တာပဲ"လို့ပြောပါတယ်။
ဒီသင်ခန်းစာကို သင်တန်းဆင်းတဲ့အခါမှာ အကြိမ်ကြိမ်စမ်းသပ်ခဲ့တယ်။
တုန့်ပြန်မှုအမျိုးမျိုးကိုတွေ့ရတယ်။
အကြိမ်တိုင်းလိုလိုမှာတော့ လက်ပစ်ဗုံးနဲ့ဝေးရာက်ို
ဦးတည်ချက်အမျိုးမျိုးနဲ့ပြေးတာကိုသာတွေ့ရတယ်။
သင်တန်းဆင်းတစ်ကြိမ်မှာတော့
ထုံးစံအတိုင်းသင်းတန်းသားတွေရဲ့နောက်ကနေပြီးဆရာကြီးက
လက်ပစ်ဗုံးကိုပစ်ထည့်လိုက်တယ်။
သင်းတန်းသားတွေဟာ လားရားအမျိုးမျိုးနဲ့ပြေးကြတယ်။
သင်တန်းသားအသစ်တစ်ယောက်ကတော့ မပြေးပဲ
လက်ပစ်ဗုံးအပေါ်ကို မှောက်ချလိုက်တယ်။
လက်ပစ်ဗုံးဟာ သူ့ဗိုက်အောက်မှာ မီးခိုးတွေအူနေပြီ။
ကျန်တဲ့သင်တန်းသားတွေက ငြိမ်သက်ပြီသူ့ကိုကြည့်နေကြတယ်။
လက်ပစ်ဗုံးကမပေါက်ဘူး။
ဒီတော့မှ သူငယ်ချင်းတွေက သူ့ဆီကိုလာပြီထူမကြတယ်။
ဆရာကြီးက သင်တန်းသားအားလုံးကိုပြန်ခေါ်တယ်။
ပြီးတော့ စစ်သားသစ်လေးကိုအားလုံးရှေ့မှာမေးတယ်။
" လက်ပစ်ဗုံးမပေါက်ဘူးဆိုတာ မင်းကြိုတင်ပြီးသိသလား"
" မသိပါဘူး။"
" လက်ပစ်ဗုံးပေါက်ရင် မင်းသေသွားမယ်ဆိုတာကိုရော သိသလား"
" သိပါတယ်"
" မင်းသေသွားမယ်ဆိုတာကိုသိရက်သားနဲ့
ဘာကြောင့် လက်ပစ်ဗုံးပေါ်မှောက်ရက်လှဲချသလဲ"
" ကျနော့်သူငယ်ချင်းတွေရဲ့အသက်ကို ကယ်တင်ချင်လို့ပါ"
ဆရာကြီးဟာ စစ်သားသစ်တွေအာလုံးကိုကြည့်ပြီးပြောလိုက်တာက...

" အဲဒါဟာ သူရဲကောင်းစိတ်ဓာတ်ပဲ"



လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com