တစ်ခါတုန်းက မင်းကွန်းတိပိဋက ဆရာတော်ကြီး
မြို့နယ်တစ်ခုကို တရားဟောကြွရာ
တည်းခိုအိမ်မှ ဒကာက ဆရာတော်ကြီးကို
ခရီးရောက်မဆိုက် လျှောက်ထားပါတယ်။
“ ဆရာတော်ဘုရား၊
မနေ့ညက အိမ်မက်ထဲမှာ တပည့်တော်ကို
ဝတ်ဖြူစင်ကြယ်နဲ့လူတစ်ယောက်က
ပြောတယ်ဘုရား၊
မနက်ဖြန် သင့်အိမ်ကို ရဟန္တာတစ်ပါး ကြွလာလိမ့်မယ်။
သေချာပြုစုဆည်းကပ်ပါ တဲ့။
အဲဒါ ဒီနေ့မနက် ဆရာတော်ဘုရားကြွလာတာပဲဘုရား ”
အဲဒီအခါ ဆရာတော်က ပြောင်းဖူးဖက်ဆေးလိပ်ကို
အကပ်ခံပြီး မီးညှိကာ အားရပါးရ ဖွာရှိုက်သောက်လိုက်ပါတယ်။
ပြီးတာနဲ့ ပြောလိုက်တာက
“ ဒကာ….
ရဟန္တာဆိုတာ အခုလို အပိုဗာဟီရကိစ္စတွေ မလုပ်ဘူး။
သေသေချာချာမှတ်ထား ”
လို့ အမိန့်ရှိလိုက်ပါတယ်။
ဒကာတွေက ကိုယ်ကိုးကွယ်တဲ့ ဆရာတော်ဘုရားတွေရဲ့
သီလဂုဏ်၊ သမာဓိဂုဏ်၊ ပညာဂုဏ်တွေကို ကြည်ညိုရင်းကနေ
ဆရာတော်တွေကို ဂုဏ်တင်ချင်တာနဲ့ ပိုပြောတာတွေ ရှိတတ်ကြပါတယ်။
အဲဒီအခါ ဆရာတော်တွေကလည်း ရိုးသားတဲ့ဂုဏ်အတိုင်း
တပည့်ဒကာတွေ မမှားသင့်တာ မမှားရလေအောင်
နည်းမျိုးစုံနဲ့ အမှန်အတိုင်းပြောတတ်၊
ပြတတ်တာလေးကို ကြည်ညိုပြီး
ဒီအကြောင်းကို တင်ပြလိုက်ခြင်းဖြစ်ကြောင်းပါခင်ဗျား။
No comments:
Post a Comment