တစ်ခါတုန်းက
ဆိုကရေးတီးဆိုသူ အတွေးအခေါ်ပညာရှင်တစ်ဦးရှိပါတယ်။
ဆိုကရေးတီးဟာ စိတ်နေသဘောထားပြည့်ဝပေမယ့်
ရုပ်ကအလွန်ဆိုးတယ်လို့ဆိုပါတယ်။
သူရဲ့နှာခေါင်းတိုပြီး၊ ကြီးနေပါတယ်။
တစ်နေ့မှာတော့
ရုပ်ဆင်းအင်္ဂါကို ကြည့်ပြီးစိတ်နေသဘောထားနဲ့
အကျင့်စာရိတ္တကို မှန်အောင်
ဟောပြောနိုင်သူ အင်္ဂဝိဇ္ဇာတစ်ဦးနဲ့ဆိုကရေးတီးတို့တွေ့ကြပါတယ်။
အင်္ဂဝိဇ္ဇာက သူရဲ့ပညာစွမ်းကို ပြချင်တာနဲ့
ဆိုကရေးတီးကို ကြည့်ပြီးဟောကိန်းထုတ်ပါတယ်။
“ ခင်ဗျားလို ဥပဓိရုပ်မျိုးဟာ
တဏှာရူးရုပ်မျိုးဖြစ်တယ်။
အလိုရာဂကြီးသူဖြစ်တယ် ”
ဒီတော့ ဆိုကရေးတီးရဲ့အနားမှာ ရှိနေတဲ့ တပည့်တွေက ရီကြတယ်။
“ ခင်ဗျားပြောတာမှားတယ် ”
လို့ ဝိုင်းပြောကြတာပေါ့။
ဆိုကရေးတီးက
“ သူပြောတာမှန်ပါတယ်။
မမှားပါဘူး၊
တကယ်တော့ သူပြောသလို မဖြစ်တာကတော့
အဲဒီ တဏှာရာဂကြီးတဲ့စိတ်ကို ထိန်းသိမ်းနိုင်ခဲ့လို့
တပည့်တွေရဲ့ ဆရာတစ်ဆူ ပညာရှိကြီး ဖြစ်ခဲ့ရတာပါ ”
လို့ ပြန်ဖြေခဲ့ပါတယ်။
No comments:
Post a Comment