တစ်ခါတုန်းကပေါ့ ကိုမြင့်မိုရ်ဆိုတဲ့ လူတစ်ယောက်ဟာ
တောင်ပေါ်လမ်းတစ်လျှောက် တက်လာတယ်။
လက်မှာလည်း ပုဆိန်တစ်လက်ကိုင်ထားတယ်။
သူနဲ့အတူ တောင်ပေါ်အထိ လမ်းလျှောက်တက်ရင်း စကားပြောလာကြတယ်။
ကျနော်ကမေးလိုက်ပါတယ်။
“ဘာကိုဖြတ်ဖို့ ပုဆိန်ယူလာတာလဲ..”
အဲဒီအခါ ကိုမြင့်မိုရ်က
“ကျနော်ရဲ့လှည်းမှာ ထည့်ဖို့လိုနေတဲ့ သစ်တစ်ပိုင်းလောက်ခုတ်ဖို့
တောင်ပေါ်ကိုတက်လာတာပါ။
ကျနော်လိုချင်တဲ့ သစ်ကလည်း အမာကြောဆုံးသစ်ဖြစ်ဖို့လိုတယ်။
အမာကြောဆုံးသစ်တွေကလည်း တောင်ပေါ်ရဲ့အမြင့်ဆုံးနေရာတွေမှာပဲ ရတတ်တယ်လေ။”
ကျနော်ကသိချင်တာနဲ့
ကိုမြင့်မိုရ်ကို မေးခွန်းတစ်ခုထပ်မေးလိုက်ပါတယ်။
“ဘာဖြစ်လို့တောင်ပေါ်ရဲ့ အမြင့်ဆုံးနေရာတွေမှာ
အမာကြောဆုံးသစ်တွေရတတ်တာလဲ..”
အဲဒီအခါ ကိုမြင့်မိုရ် က သေသေချာချာ ရှင်းပြပါတယ်။
“တောင်ပေါ်ရဲ့အမြင့်ဆုံးနေရာရောက်လေလေ၊
လေပြင်းမုန်တိုင် တိုက်လေလေဖြစ်တယ်လေ။
အဲဒီတော့ အမြင့်ဆုံးနေရာတွေမှာ ပေါက်တဲ့သစ်တွေက
လေပြင်းဒဏ်ကို အခံရဆုံးသစ်ပင်တွေဖြစ်နေတယ်။
ဒီတော့ အဲဒီသစ်ပင်တွေဟာ သဘာဝလေပြင်းမုန်တိုင်းကြောင့်
အကြံ့ခိုင်ဆုံးသစ်ပင်တွေ၊ အမာကြောဆုံးသစ်ပင်တွေ ဖြစ်လာတယ်လေ။
ဒါကြောင့် အမာကြောဆုံးသစ်ကိုလိုချင်တော့ တောင်ပေါ်ရဲ့အမြင့်ဆုံးကို တက်လာရတာပေါ့ ”
လို့ ပြန်ဖြေပါတယ်။
No comments:
Post a Comment