တစ်နေ့မှာတော့ ဘဝကိုကျေနပ်ရောင့်ရဲတတ်တဲ့ တံငါသည်တစ်ယောက်ဟာ
ပင်လယ်ကမ်းစပ်နားက သစ်ပင်အောက်မှာ ဆေးတံကို ခဲပြီး မှိန်းနေချိန်မှာ
ချမ်းသာတဲ့ကမ္ဘာလှည့်ခရီးသည်တစ်ယောက်ကရောက်လာပြီးစကားပြောကြတယ်။
“ ခင်ဗျား ဘာလုပ်သလဲ ”
“ တံငါအလုပ်ကို လုပ်တယ်။”
ဘာဖြစ်လို့ ပင်လယ်ထဲမထွက်ဘဲ သစ်ပင်အောက်မှာ အိပ်နေရတာလဲ ”
“ ဒီနေ့အဖို့ ကျနော်အလုပ်က ပြီးသွားပြီလေ၊
နံနက်စောစော တစ်ခေါက်ထွက်ပြီးသွားပြီး၊
ငါးတွေလည်းအများကြီးရခဲ့ပါတယ် ”
ကမ္ဘာလှည့်ခရီးသည်က
“ အချိန်က အများကြီးရှိသေးတာပဲ။
နောက်တစ်ခေါက်ထပ်ထွက်သင့်တာပေါ့ ”
“ ဘာလုပ်ဖို့လဲ၊ ”
“ ငါးတွေကို အများကြီးထပ်ဖမ်းဖို့ပေါ့ ”
“ ငါးတွေ အများကြီး ရတော့ကော…”
“ ငါးတွေ အများကြီးရရင် ငါးဖမ်းပိုက်အကောင်းစားတွေဝယ်နိုင်တာပေါ့ ”
“ ပြီးတော့ကော…”
“ ကိုယ်ပိုင် ငါးဖမ်းစက်လှေတွေ ဝယ်နိုင်တာပေါ့ ”
“ ပြီးတော့ကော…”
“ ကိုယ်ပိုင် ကုမ္ပဏီကြီးတစ်ခု တည်ထောင်နိုင်တာပေါ့ ”
“ပြီးတော့ကော…”
“ ချမ်းသာလာတဲ့အခါ ဇိမ်ခံသဘောင်္ ဝယ်နိုင်ပြီး
အေးအေးဆေးဆေး ဇိမ်ခံနိုင်တာပေါ့ ”
“ အခုကော ကျနော် ဘာလုပ်နေတယ် ထင်လို့လဲ ”
လို့ ပြောပြီး၊မျက်စိမှိတ်ကာ
ဆေးတံကဆေးကို အားရပါးရ ရှုသွင်းလိုက်ပါတယ်။
No comments:
Post a Comment