သူ့တာဝန်မှာ သရုပ်ဆောင်ခြင်းမဟုတ်၊ ရယ်မောစရာပုံပြင်များပြောပြတဲ့အလုပ်ဖြစ်ပါတယ်။
သူဟာ ပရိသတ်ကို နာရီတော်တော်ကြာကြာ ဆွဲဆောင်ထားနိုင်သူတစ်ဦးဖြစ်ပါတယ်။
တစ်ခါက သူဟာ ရှေ့တန်းစစ်မျက်နှာမှ စစ်သည်တော်များကို သွားရောက်ဖျော်ဖြေရပါတယ်။
တစ်ခန်းရပ်သွားတဲ့အခါ အမေးအဖြေကဏ္ဍရှိပါတယ်။
အဲဒီအချိန်မှာ စစ်သည်တစ်ဦးကထပြီး
“ဂျိုးခင်ဗျား၊ ကျနော်တို့ကို ညှီစော်နံတဲ့ ရယ်စရာတစ်ခု၊ နှစ်ခုလောက်ပြောပြပါ ”
လို့တောင်းဆိုပါတယ်။
ဂျိုးက စိတ်အေးအေးထားပြီး ပြန်ဖြေခဲ့ပါတယ်။
“ ကျနော် အခုလို စင်မြင့်ပေါ်တက်တော့ ကျနော့်အမေကို ကတိတစ်ခုပေးထားပါတယ်။
ညစ်ညမ်းတဲ့ ပျက်လုံးတွေ ဘယ်တော့မှ မထုတ်ပါဘူးလို့ ကတိပေးထားပါတယ်။
အဲဒီကတိက ဒီနေ့အထိ ထိန်းထားပါတယ်။ အဲဒါကို ပြောင်းလဲဖို့ ရည်ရွယ်ချက်မရှိပါဘူး ”
ဂျိုးက အားလုံးကို အကြံပေးထားတာကတော့ …
“ တစ်ခုတော့ သတိရစေချင်ပါတယ်။
ခင်ဗျားတို့ပြောမယ့် ရယ်စရာတွေ၊ ပုံပြင်တွေက်ို သန့်ရှင်းအောင်လုပ်ပါ။
အဲဒီလို သန့်ရှင်းအောင် လုပ်ထားခဲ့ရင် မသင့်တဲ့အချိန်၊
မသင့်တဲ့နေရာမှာ
ခင်ဗျားတို့ခေါင်းထဲ ရုတ်တရက်ဝင်လာတဲ့ကိစ္စကြောင့်
စိတ်အကျဉ်းအကျပ် ကြုံစရာမရှိတော့ဘူးပေါ့ ။
သန့်ရှင်းအောင်ထားတဲ့ အကျင့်လုပ်မထားရင်တော့
အဲဒီကနေ ရုန်းထွက်လို့ မရတော့ပါဘူး။ ”
လို့ အကြံပေးထားပါတယ်။
ကျနော်အတွေ့အကြုံအရပြောရရင်
ကျနော်ဟာ အဓိပ္ပါယ်နှစ်ခွ ထွက်စေတဲ့ရယ်စရာတစ်ခုက်ို
မိတ်ဆွေတွေကို ပြောခဲ့ဖူးတယ်။
ညစ်ညမ်းတဲ့ ဟာသတော့မဟုတ်ပါဘူး။
ဒါပေမယ့် အခြားသူတွေက အဲဒီဇာတ်လမ်းကို ပြန်ပြောတဲ့အခါ
အဓိပ္ပါယ်တစ်မျိုးထွက်သွားပါတယ်။
နောက်ပိုင်းမှာ အခြားသူတွေပြောတဲ့ ညစ်ညမ်းတဲ့ရယ်စရာတွေဟာလည်း
ကျနော်ပြောတယ်ဆိုပြီးနာမည်ထွက်လာပါတော့တယ်။
အချို့ညစ်ညမ်းတဲ့ ရယ်စရာတွေဟာ
ပြောဖို့နေနေသာသာ ပြန်ကြားရတာနဲ့ကို အော်ကလီဆန်လှပါတယ်။
ကြာလာတော့ ဒီပတ်ဝန်ကျင်မှာ နေရတာကိုက မပျော်တော့ပါ။
စိတ်ရှုတ်လာတယ်။ စိတ်ညစ်လာတယ်။
ဒါကြောင့် ဒီပတ်ဝန်ကျင်က ခက်ခက်ခဲခဲရုန်းထွက်ခဲ့ရပါတယ်။
အလုပ်ပြောင်းလိုက်တော့မှ စိတ်သက်သာရာရသွားပါတယ်။
နောက်ပိုင်းမှာ ညစ်ညမ်းတဲ့ရယ်စရာကို မပြောဖြစ်အောင် အထူးဂရုစိုက်ခဲ့ပါတယ်။
ညစ်ညမ်းတဲ့ ရယ်စရာဟာ စိတ်ကိုပါ ညစ်ညမ်းစေပါတယ်။
ညစ်ညမ်းတဲ့ အပြော၊ အလုပ်တွေဟာ
စိတ်ကို ဖြူစင်အောင်၊ သန့်ရှင်းအောင်ထားလို့မရအောင်
အဟန့်အတား ဖြစ်စေပါတယ်။
ညစ်ညမ်းတဲ့အပြော၊
အလုပ်တွေကို ဘယ်တော့မှ မပြော၊
မလုပ်မိအောင်
သတိထားဆင်ချဉ်သင့်ပါတယ်လို့ထင်ပါတယ်။။
No comments:
Post a Comment