“ စောစောထသူကို ဘုရားသခင်က စောင်မ ကြည့်ရှု၏ ”
ဆိုတဲ့စကားပုံ
မှန်၊မမှန်ကို စမ်းသပ် စစ်ဆေးရန်
တာလီနဲ့ ဇနီး ယွင်းယွင်းတို့က ဆုံးဖြတ်ကြတယ်။
နောက်တစ်နေ့ နံနက် ( ၅ )နာရီတိတိမှာ
တာလီတစ်ယောက် အိပ်ရာမှထတယ်။
ဝတ်စုံအသစ်၊
ဦးထုပ်အသစ်၊
ဖိနပ်အသစ်၊
လည်စီးအသစ်နဲ့ လမ်းလျှောက်ထွက်ခဲ့တယ်။
ဂေါက်ကွင်းလမ်းတစ်လျှောက် လမ်းလျှောက်နေစဉ်
လမ်းထောင့်ချိုးတစ်ခုအရောက်တွင် တာလီကို
လူဆိုးတစ်ယောက်က ဓားပြပြီး
ကိုယ်ပေါ်က အဝတ်အစား၊ဦးထုပ်၊ ဖိနပ် နဲ့ လည်စီးတို့ကို
ချွတ်ယူတယ်။
တာလီက ခုခံနေတဲ့အတွက် လူဆိုးက
တော်တော်လေးနာအောင်လည်း ထိုးကြိတ်လိုက်ပါတယ်။
မျက်နှာမှာဒဏ်ရာအပြည့်၊
ကိုယ်ပေါ်မှာလည်း အတွင်းခံဘောင်ဘီသာပါလာတဲ့
ယောက်ျားကို ကြည့်ပြီး ယွင်းယွင်းက မေးတယ်။
“တာလီ…
ရှင် ဘယ်လို ဖြစ်လာတာလဲ”
တာလီက............
“ ငါ့ထက်
စောစောထတဲ့ ငနဲတစ်ကောင်နဲ့
တွေ့လာလို့ပါ ”
No comments:
Post a Comment