သိဒ္ဓတ္တမင်းသားသည်
ရဟန်းဝတ်ရန် ဆံတော်ကို ပယ်၏။
ထိုနောက်….
“ ငါသည် အကယ်စင်စစ်ဘုရားဖြစ်မည်မှန်ပါက
ဤဆံထုံးတော်သည် ကောင်းကင်၌ တည်ပါစေသတည်း။
အကယ်စင်စစ်ဘုရားမဖြစ်ငြားအံ့။
ဤဆံတုံးတော်သည် မြေ၌ကျပါစေသတည်း ”
ဟူ၌….
အဓိဋ္ဌာန်ပြီးကောင်းကင်သို့ပစ်မြှောက်လိုက်ရာ
ဆံထုံးတော်သည် မကိုဋ်နှင့်တကွ ကောင်းကင်၌ တည်လေ၏။
**************************************************************
သဘာဝသည် အရာရာတိုင်းကို ကြိုတင်၍ သိ၏။
ထိုကြောင့်မိမိသည်လည်း အရာရာတိုင်းကို ကြိုတင်၍
သိလိုပါလျှင် အဓိဋ္ဌာန်ခြင်းဖြင့် ဖြစ်စေ၊
သစ္စာပြုခြင်းဖြစ်စေ
သဘာဝကို မေးမြန်းနိုင်ပါ၏။
သဘာဝက ပြန်ပြောချင်လောက်အောင်
မိမိဘက်ကလည်း သဘာဝလို
ရိုးသားဖို့တော့လိုလေ၏။
**************************************************************
လုပ်ငန်းတစ်ခုအောင်မြင်ရေးအတွက်
ဆောင်ရွက်ရာတွင် တစ်ယောက်ကောင်းဖို့သာလို၏။
အများကောင်းဖို့မလို။
တစ်ယောက်သာ တကယ်တမ်းကောင်းရိုးမှန်ပါလျှင်
အများသည် တစ်ယောက်၏ဦးဆောင်မှုဖြင့်
အလိုလိုကောင်းပြီးသားဖြစ်ကြ၏။
**************************************************************
လောကတွင် ချစ်စရာအကောင်းဆုံးမှာ
သတ္တဝါများအားလုံးဖြစ်သည်။
(ဗုဒ္ဓ)
**************************************************************
ကျေးဇူးဆပ်ခြင်းဟူသည်မှာ
ကျေးဇူးရှင်များ၏ မိန့်မှာသွားသည့်အတိုင်း
တတ်နိုင်သလောက် လိုက်နာကျင့်သုံးခြင်းပင်ဖြစ်၏။**************************************************************
လောကသားတို့၏ အနှိုင်းမဲ့ကျေးဇူးရှင်
(ဦးရွှေအောင်) စာအုပ်မှ....
No comments:
Post a Comment