စိတ်ရောဂါအထူးကုဆေးရုံကို စစ်ဆေးရေးကော်မရှင်
ရောက်လာကြတယ်။
ပထမဆုံး တွေ့တဲ့လူနာကိုမေးတယ်။
“ ခင်ဗျာနာမည် ဘယ်လိုခေါ်သလဲ ”
“ ရွှေအေးပါ ”
“ ခင်ဗျားမှာ ဘာ ရည်မှန်းချက် ရှိသလဲ၊
ခင်ဗျား ဘာဖြစ်ချင်သလဲဗျ ဟင် ”
“ မသိဘူး ”
ကော်မရှင်အဖွဲ့ဝင်လူကြီးတွေက
နောက်တစ်ယောက်ကို မေးပြန်တယ်။
“ ခင်ဗျား နာမည် ဘယ့်နှယ့် ခေါ်သလဲ ”
“လူမင်းပါ ”
“ ခင်ဗျား ဘာဖြစ်ချင်သလဲဗျ ဟင် ”
“ မသိဘူး ”
ကော်မရှင်အဖွဲ့ဝင်လူကြီးများ စိတ်ပျက်ပျက်နဲ့
ဆေးရုံအုပ် ဆရာဝန်ကြီး အခန်းထဲကို ဝင်လာကြတယ်။
“ ဘယ်လိုလဲ ဆေးရုံအုပ်ကြီး၊
ခင်ဗျားလူနာတွေ သူတို့
ဘာဖြစ်ချင်ကြသလဲဆိုတာ တစ်ယောက်မှ မပြောနိုင်ကြပါလား ”
ဆေးရုံအုပ်ကြီး သဘောပေါက်သွားတယ်။
နောက်တစ်ပတ်အကြာတွင် ပြန်လာကြရန်
ကော်မရှင်အဖွဲ့ဝင်မျာကို မေတ္တာရပ်ခံတယ်။
နောက်တစ်ပတ်အကြာတွင်
ကော်မရှင်အဖွဲဝင်များ ရောက်လာကြတယ်။
လူနာတစ်ယောက်ကို မေးတယ်။
“ ခင်ဗျား ဘာဖြစ်ချင်တဲ့ ဆန္ဒရှိသလဲဗျ ”
“ လေသူရဲ ”
“ အလဲ့၊
တယ်ဟုတ်ပါလား၊
ဒါနဲ့ ခင်ဗျားနာမည် ဘယ်လိုခေါ်သလဲ ”
“ မသိဘူး ”
No comments:
Post a Comment