တစ်ခါတုန်းက
ဆရာဝန် ဒေါက်တာအေးရွှေဟာ
အသက်(၇၇)နှစ်ရှိတဲ့လူနာအဖိုးအိုတစ်ဦးကိုကုသပေးနေရတယ်။
လူနာက နှလုံးရောဂါ ဖြစ်နေပါတယ်။
ဆေးခန်းပိတ်ရင် လူနာအိမ်ကို သွားပြီး စမ်းသပ် ကုသ ပေးနေရပါတယ်။
မိသားစုဆရာဝန်ဖြစ်နေပါပြီ။
တစ်နေ့မှာတော့ လူနာဟာ ကံကောင်းပြီး ထီပေါက်ပါတယ်။
သိန်းတစ်ထောင်ဆုကိုပေါက်ခြင်းဖြစ်ပါတယ်။
အိမ်သားတွေက လူနာကို အသိမပေးရဲပါ။
အသိပေးလိုက်ပါက နှလုံးဝေဒနာကြောင့် အမောဖေါက်ပြီး
လူနာတစ်ခုခုဖြစ်သွားမှာကို စိုးရိမ်ကြတယ်။
ဆရာဝန်လာတဲ့အခါ ဆရာဝန်ကိုတိုင်ပင်ကြပါတယ်။
လူနာကိုကုသပေးနေတဲ့ ဆရာဝန်ဖြစ်တာမို့
ဆရာဝန်က ထိမ်းထိမ်းသိမ်းသိမ်း အသိပေးရင်တော့
အန္တရာယ်ကင်းလောက်တယ်လို့ တိုင်ပင်ပြီး
ဆရာဝန်ကို ညင်ညင်သာသာပြောပေးဖို့ မေတ္တာရပ်ခံကြပါတယ်။
ဆရာဝန်ကလည်း တာဝန်ယူလိုက်ပြီးလူနာနဲ့တွေ့ပါတယ်။
လူနာကို
ပြီးတော့မှ…
“အဘ….နေကောင်းလား၊
အခုနေ အဘ သိန်းတစ်ထောင် ထီပေါက်ရင်
ဘာလုပ်မယ်စိတ်ကူးထားသလဲ.”
လို့မေးလိုက်ပါတယ်။
အဲဒီအခါ အဖိုးအိုက
“ အဲဒီလိုသာ တကယ်ထီပေါက်ခဲ့မယ်ဆိုရင်
ဆရာကို တစ်ဝက်ပေးလိုက်မယ်”
လို့ပြော
ဆရာဝန်က
“တကယ်လားအဘ၊
တကယ်နော်အဘ၊
တကယ်...နော်…နော်”
လို့ပြောပြီး
ဆရာဝန်ဟာဝမ်းသာလုံးဆို့ပြီး ချက်ချင်းမူးလဲကျသွားတယ်။
ချက်ချင်း ဆေးရုံကိုပို့လိုက်ပေမယ့် ဆေးရုံမရောက်ခင်မှာပင်
နှလုံးရောဂါနဲ့ သေဆုံးသွားပါတော့တယ်။
No comments:
Post a Comment