“ မခိုးနိုင်ပါဘူးကွာ...”

အိမ်ရှင်မဖြစ်သူ မစပယ်က

ယောက်ျားကို ခိုင်းတယ်။

“အိမ်ဘေးက ရေစည်ပိုင်းကို ယူပြီး နွားရုံထဲ

ထည့်ထားလိုက်ပါတော့၊

နို့မဟုတ်ရင်

သူခိုး ခိုးသွားလိမ့်မယ် ”


ယောက်ျားဖြစ်သူကိုအေးရွှေက

“ ဒီရေစည်ကို ဘယ်သူမှ

မ မသွားနိုင်ပါဘူးကွ၊

ရေအပြည့်ရှိနေတဲ့ဥစ္စာ...”

" အမေ့ထံသို့ပေးစာများ-၂..."

သို့…..

ချစ်တဲ့ အမေ

သားသတိရစွာဖြင့်စာရေးလိုက်ပါတယ်။

အမေကြောင့် သားဆရာဝန်ဖြစ်ခဲ့တာပါ။

တကယ်တန်းဆိုရင် သားဟာ လူတော်မဟုတ်ပါဘူး။

တော်အောင်ကြိုးစားခဲ့သူသာဖြစ်ပါတယ်။

အမေရဲ့အားပေးမှုကြောင့်သာ သားဆရာဝန်ဖြစ်ခဲ့တယ်ဆိုတာ

အမေသိသလို သားလည်းသိနေပါတယ်။

သား အခြေခံပညာ အထက်တန်းကိုအောင်တော့

သားက စစ်ထဲဝင်ချင်တယ်။

စစ်ထဲဝင်ရခြင်းအကြောင်းကလည်း

အဖေကွယ်လွန်ပြီးတဲ့နောက်မှာ

အမေဟာ ပင်ပန်းကြီးစွာနဲ့သားတို့ညီအကို

မောင်နှမ ငါးယောက်ကို လုပ်ကျွေးခဲ့တယ်။

အဖေဆုံးတော့ သားက ငါးနှစ်သားပဲရှိသေးတယ်။

သားအောက်က ညီက နှစ်နှစ်သားလေးပဲရှိသေးတယ်။

ညီမလေးက ကိုယ်ဝန်နှစ်လနဲ့ကျန်ခဲ့တယ်။

အဖေတောင်သိမသွားဘူး၊

အမက ရှစ်နှစ်သမီးလေး၊

အကိုအကြီးဆုံးက ဆယ့်တစ်နှစ်သားသာရှိသေးတယ်။

အမေအားကိုးရလောက်အောင် တစ်ယောက်မှမရှိသေးဘူး။

အမေကလည်း အဖေကို အားကိုးပြီးရန်ကုန်မြို့ကို တက်လာခဲ့တယ်။

ရန်ကုန်ရောက်ပြီးမကြာလိုက်ပါဘူး။

အဖေက အရက်တွေသောက်ရင်းက

အသည်းရောင်လို့ယူဆရတဲ့ရောဂါနဲ့ကွယ်လွန်ပါလေရော၊

ယူဆရတယ်ဆိုတာက အဖေက ဆေးရုံကိုကြောက်တယ်။

နေမကောင်းဖြစ်ကထဲက ဆေးရုံတက်ဖို့ အမေက အတန်တန်ပြောပေမယ့်

အဖေကငြင်းခဲ့တယ်။

တစ်ပတ်ပြည့်လို့ရောဂါမသက်သာလာတော့

နောက်နေ့ဆိုရင် ဆေးရုံတက်တော့မယ်လို့ ပြောတယ်။

နောက်တစ်နေ့မိုးတောင်မလင်းလိုက်ဘူး။

နံနက် ( 3:30 ) နာရီမှာ အဖေက ကွယ်လွန်သွားပြီ။

ဒါကြောင့် အဖေ ဘာရောဂါဖြစ်တယ်ဆိုတာကို တိတိကျကျ

မသိလိုက်ရဘူး။

အဖေက အရက်ကို စွဲစွဲလမ်းလမ်းသောက်တတ်တော့

အရက်နဲ့ဆိုင်တဲ့ရောဂါတစ်ခုခုကို ခန့်မှန်းပြောလိုက်တာ။

တကယ်ဆိုရင် အဖေဘာဖြစ်ပြီးသေဆုံးသွားတယ်ဆိုတာ

ဘယ်သူမှ တိတိကျကျမသိကြပါဘူး။

အဖေဆုံးတော့အမေက အသက် ( ၃၆ ) နှစ်ပဲရှိသေးတယ်။

အရွယ်ကောင်းတုန်းလို့ပြောနိုင်ပါတယ်။

ဒါပေမယ့် အမေဟာ သားသမီးတွေရဲ့အကျိုးကိုကြည့်ပြီးနောက်အိမ်ထောင်မပြုခဲ့ပါဘူး။

အဲဒီကိစ္စအတွက် အမေကို ကျေးဇူးတင်လို့မဆုံးနိုင်ပါဘူး။

အမေသာနောက်အိမ်ထောင်ပြုခဲ့ရင်...

ကျနော်တို့ညီအကိုမောင်နှမတွေ ဖထွေးနဲ့နေရမယ့်ဒုက္ခကို

တွေးကြည့်ရုံနဲ့ စိုးကြောက်မိပါတယ်။

အမေဟာ နောက်အိမ်ထောင် မပြုခဲ့တဲ့အတွက်

အမေကို အရမ်းကျေးဇူးတင်မိပါတယ်။

ပြီးတော့

အမေကြီးလို့ခေါ်တဲ့အဖွားအိုကလည်း

သူ့ရဲ့သမီးဖြစ်တဲ့အမေမှာ လင်ယောကျာ်းမရှိတော့တာမို့

ရွာကို ပြန်လိုက်ခဲ့ဖို့ခေါ်ပြန်တယ်။

အမေက သားသမီးတွေဖြစ်တဲ့ ကျနော်တို့တတွေ ပညာမတတ်မှာစိုးတာကြောင့်

အမေက ပြန်လိုက်မသွားဘဲ ငြင်းခဲ့ပါတယ်။

အမေရဲ့ဆုံးဖြတ်ချက်မှန်ခဲ့ပါတယ်။

ဘာကြောင့်ဆိုတော့ အမေဖြစ်စေချင်သလို

ကျနော်တို့ညီအက်ိုတွေ အများစုက ပညာတတ်တွေဖြစ်လာခဲ့ပါတယ်။

ဒီကိစ္စအတွက်လည်း အမေကိုကျေးဇူးတင်မိပါတယ်။

နောက်တစ်ချက်က အဖေဆုံးသွားတော့

အမေဟာ ကိုယ်ဝန်နှစ်လနဲ့ကျန်ခဲ့တယ်။

အဲဒီကိစ္စကို အဖေလည်း သိမသွားသလို အမေလည်း ကြိုတင်မသိခဲ့ပါဘူး။

လင်ယောကျာ်းမရှိဘဲနဲ့ကလေးမွေးရတဲ့ဒုက္ခက

ဘယ်လောက်ကြီးမားတယ်ဆိုတာ အမေကိုယ်တိုင်ပဲသိပါလိမ့်မယ်။

ကိုယ်ဝန်ကိုလွယ်ရတဲ့ဒုက္ခ၊

အဖေမရှိဘဲ ကလေးတစ်ယောက်မွေးရတဲ့ဒုက္ခ၊

အဲဒီကလေးတစ်ယောက်ကိုကြီးပြင်းအောင်ပြုစုပျိုးထောက်ရမယ့်ဒုက္ခ၊

ဒုက္ခတွေမျိုးစုံအောင်ကြုံရတဲ့ကြားထဲက အဲဒီကလေးကို ဖျက်ချလိုက်တာအကောင်းဆုံးလို့

အလကားအကြံလာပေးသူတွေရဲ့စကားကို ဆန့်ကျင်ရတဲ့ဒုက္ခကလည်း အမေအတွက်

ဒုက္ခအခက်အခဲများစွာကြုံရပါတယ်။

ဒါတွေကိုလည်းအမေကြံ့ကြံ့ခံနိုင်ခဲ့တဲ့အတွက်

အမေကိုကျေးဇူးထပ်တင်မိရပြန်ပါတယ်။

အမေရဲ့ကျေးဇူးကကြီးမားလှပါတယ်အမေ၊

ဒီနေ့တော့ ဒီလောက်ပဲရေးပါရစေတော့အမေ၊

အမေကို သားအဝေးက ဦးတင်ကတော့လိုက်ပါတယ်။

ချစ်တဲ့သား

အောင်ဝင်းဟိန်း

ဆန်ဟိုဆေး ( San Jose )

ကယ်လီဖိုးနီးယား ( California )

အမေရိကန် ( U.S.A )

မေလ ၄ရက်နေ့၂၀၁၁(ဗုဒ္ဓဟူးနေ့)

( အမေများနေ့ကို ဂုဏ်ပြုပါတယ် )

" အမေ့ထံသို့ပေးစာများ-၁..."

သို့…..

ချစ်တဲ့ အမေ

သားသတိရစွာဖြင့်စာရေးလိုက်ပါတယ်။

အမေကြောင့် သားဆရာဝန်ဖြစ်ခဲ့တာပါ။

သား ၁၀-တန်းအောင်တော့ သားက ဆရာဝန်လိုင်းကို မယူချင်ဘူး။

သားမှာ လုံလောက်တဲ့အကြောင်းတွေရှိတယ်အမေ၊

တစ်အချက်က

အမေက မုဆိုးမအမေဖြစ်နေတယ်။

သားအတွက် ငွေကုန်ကြေးကျများမှာကို မလိုလားဘူးအမေ၊

အမေမှာ ငွေလုံလောက်အောင်မရှိရင် အမေစိတ်ရော၊ကိုယ်ပါ ပင်ပန်းနေလိမ့်မယ်။

အမေကို မပင်ပန်းစေချင်ဘူး။

ဒါကြောင့် ကျနော် ဆေးတက္ကသိုလ်ကို မတက်ချင်ဘူး။

နှစ်အချက်က

ကျနော်က စာကျက်ရတာ ပျင်းတယ်။

သချာင်္မှာသာ စိတ်ဝင်စားတာ၊

စာကျက်ရပျင်းသလို အင်္ဂလိပ်စာမှာလည်း ညံ့တယ်။

ကျနော်သာ ဆေးတက္ကသိုလ်ကို တက်ရင်

ဆရာဝန်ဖြစ်အောင် အရမ်းကို ကြိုးစားရမယ်ဆိုတာကိုသိနေတယ်။

သုံးအချက်က

ကျနော်က စစ်တက္ကသိုလ်ကိုသာ တက်ရင်

အမေကို အမြန်ဆုံး လုပ်ကျွေးခွင့်ရမှာပဲလို့

တွေးမိတယ်လေ။

အဲဒီတုန်းက အမေပြောတဲ့စကားကို ကျနော်အခုထိ မှတ်မိနေတုန်းပါပဲ။

“ စစ်သားဖြစ်ဖို့ အမှတ်များများမလိုပါဘူး။

ဆရာဝန်ဖြစ်ဖို့တော့ အမှတ်များများလိုအပ်တယ်။

ပြီးတော့ စစ်သားက သူများရဲ့အသက်ကို အန္တရာယ်ဖြစ်စေတယ်။

ဆရာဝန်က သူများရဲ့အသက်ကို ကယ်တင်ရတယ်။

စစ်သားနဲ့ဆရာဝန်တွေက လားရာမတူကြပါဘူး။

ပျက်စေသူနဲ့ဖြစ်စေသူ၊

သားဘယ်အရာကိုရွေးမလဲ။

သားတစ်ယောက်ဆရာဝန်ဖြစ်နေတာကို

အမေ မသေခင်မှာ မြင်သွားချင်တယ်။

အမေရဲ့ကျေးဇူးကို ဆပ်ချင်တယ်ဆိုရင်

သားဆရာဝန်ဖြစ်အောင်သာ ကြိုးစားပါ”

လို့ ပြောခဲ့တယ်လေ။

အဲဒီစကားကြောင့် သားဆရာဝန်လိုင်းကို ရွေးချယ်ဖြစ်ခဲ့ပါတယ်အမေ။

အခုတော့ သားရွေးချယ်ခဲ့တာမှန်ကြောင်း

တစ်နေ့ထက်တစ်နေ့ပိုပိုသိလာရပါတယ်။

သားက လူတော်မဟုတ်တော့ မနည်းမနည်းကို ကြိုးစားအားထုတ်ရပါတယ်။

အဲဒီအတွက် အမေ့ကို အရမ်းအရမ်းကို ကျေးဇူးတင်ရပါတယ်အမေ။

သားဆရာဝန်ဘွဲ့ရတော့ ဘွဲ့နှင်းသဘင်မှာ

အမေ့ရဲ့အပြုံးကို ဒီနေ့အထိသားမမေ့နိုင်သေးပါဘူး။

အမေ့ရဲ့အပြုံးက အရမ်းလှပနေတယ်လေ။

“ ငါတို့အမျိုးမှာ ဆရာဝန်ဖြစ်သွားသူဆိုလို့ ငါ့သားတစ်ယောက်ထဲရှိတယ်ဟေ့”

လို့အမေခဏခဏပြောတော့ သားတောင်ရှက်မိပါတယ်။

ဆရာဝန်ဖြစ်ပြီးတော့ သားသူငယ်ချင်းအတော်များများဟာ

နိုင်ငံခြားတိုင်းပြည်တွေကိုထွက်သွားကြတယ်။

နောက်ထပ်ဘွဲ့လွန်ပညာတွေ သွားသင်သူတွေရှိသလို

နိုင်ငံခြားတိုင်းပြည်မှာ အလုပ်သွားလုပ်သူတွေလည်း ရှိကြလေရဲ့။

သူငယ်ချင်းတွေကခေါ်တော့ သားလည်း နိုင်ငံခြားတိုင်းပြည်တွေကို

ထွက်ချင်စိတ်မကြာခဏဖြစ်မိတယ်လို့ဝန်ခံချင်ပါတယ်။

ဒါပေမယ့် သားမထွက်ဖြစ်ခဲ့ပါဘူး။

အကြောင်းကတော့ သားရဲ့ဆေးခန်းလုပ်ငန်းက အောင်မြင်တာရယ်၊

ပြီးတော့ သားက နိုင်ငံခြားမှာ ရွှေတိဂုံဘုရားလို ဖူးမျှော်စရာဘုရားမရှိဘူးထင်တာရယ်၊

သားကြိုက်တတ်တဲ့ မုန့်ဟင်းခါး၊ ငပိတို့စရာတွေမရှိဘူးထင်တာရယ်ကြောင့်

မသွားဖြစ်ခဲ့ပါဘူးအမေ၊

ဒါနဲ့ပဲ သားဟာ

ဆရာဝန်ဘဝနဲ့နှစ်ပေါင်းနှစ်ဆယ်ကျော်တဲ့အထိ ဖြတ်သန်းလာခဲ့ရပါတယ်။

ဘဝဆိုတာ နိမ့်တုံ၊မြင့်တုံပါပဲ။

သုံညဘဝကိုလည်းအခါခါရောက်ခဲ့ပါတယ်။

အဲဒီလိုရောက်လေတိုင်း အမေ့ရဲ့စိတ်အားမြှင့်တင်တဲ့စကားတွေကြောင့်

ပြန်ပြန်မြင့်တက်လာခဲ့တာလည်း အကြိမ်ကြိမ်၊

အခုမှ ဘဝကံဇာတာမြင့်လာတာကြောင့် သားနိုင်ငံခြားတိုင်းပြည်ကိုသွားခွင့်ကြုံခဲ့ပါတယ်။

သားသွားရမယ့်နိုင်ငံကလည်း အမေရိကန်နိုင်ငံ၊

အမေရိကန်မှာ အမြဲတမ်းနေထိုင်ခွင့်ရတယ်လို့အမေကို ပြောပြတော့

အမေက တွေဝေသွားတယ်။

“ ငါ အသက်ကြီးပြီသား၊

ငါတစ်ခုခုဖြစ်ရင် သားအနားမှာ ရှိတော့မှာ မဟုတ်ဘူးလို့

တွေးမိတော့ စိတ်အားငယ်မှုဖြစ်မိတယ်။

ဒါပေမယ့်

သားက တိုးတက်ကြီးပွားတဲ့အခွင့်အရေးရတာကို အမေမတားရက်ပါဘူး။

သားရေ…မသွားခင်တော့ စဉ်းစားပေါ့ကွယ်၊

သားက သွားမယ်လို့ဆုံးဖြတ်ပြီးရင် ဘယ်တော့မှ နောက်မဆုတ်လေနဲ့။

ယောကျာ်းဆိုတာ ငုတ်မိရင် သဲတိုင်၊

တက်မိရင် အဖျားရောက်အောင်တက်ပေတော့”တဲ့။

လေဆိပ်ကို အမေလိုက်ပို့တယ်။

သားအားဖြစ်ရပါတယ်အမေ။

ဒီအတွက်လည်း သားလေ အမေ့ကို ကျေးဇူးတင်မိပါတယ်။

စာလည်းရှည်သွားပြီ။

နောက်မှ စာထပ်ရေးမယ်နော်။

ဒီနေ့တော့ဒီလောက်နဲ့ရပ်နားခွင့်ပြုပါအမေ။

ချစ်တဲ့အမေ ကို ဦးတင်ကတော့လိုက်ပါတယ်။

ချစ်တဲ့သား

အောင်ဝင်းဟိန်း

ကာရိုးလိုင်းနား(မြောက်)/ ( North Carolina )

အမေရိကန်နိုင်ငံ ( U.S.A )

ဧပြီလ-၂၉ရက်-၂၀၁၁ ( သောကြာ )

( အမေများနေ့ကို ဂုဏ်ပြုပါတယ် )

“ အရူးက တစ်မူးသာ…”

စိတ်ရောဂါကု ဆေးရုံတွင် ဖြစ်တယ်။

ဆေးရုံမှ ဆင်းခွင့်ပြုမယ့် လူနာကို ရောဂါပျောက်ခြင်းရှိ၊ မရှိ

နောက်ဆုံး စစ်ဆေးတဲ့အနေဖြင့် ဆရာဝန်ကြီးကမေးတယ်။

ဆရာဝန်ကြီး ဒေါက်တာမောင်မောင်က

“ ခင်ဗျားရဲ့ နားရွက်တစ်ဘက်ကို ဖြတ်လိုက်ရင်

ခင်ဗျား မျက်စိမြင်နိုင်ပါ့မလား ”

လူနာဖြစ်တဲ့ရွှေစိန်က

“ မြင်နိုင်ပါတယ် ”

“ နှစ်ဘက်စလုံးကို ဖြတ်လိုက်ရင်ကော ”

“ အဲဒါဆို မမြင်နိုင်တော့ဘူး ”

“ ဘာဖြစ်လို့လဲ ”

လူနာဖြစ်တဲ့ရွှေစိန်ပြန်ပြောလိုက်တာက...

“ ကျနော် ဆောင်းတဲ့ဦးထုပ် လျှောကျပြီး မျက်စိကို

ဖုံးသွားမှာမို့ပေါ့ ”

“ စိတ်ရဲ့အလှ...”

စိတ်ရဲ့အလှဟာ အဆင့်မြင့်တယ်။

အမှန်တရားဟာ အဆင့်မြင့်တဲ့အလှဖြစ်တယ်။

စိတ်ထားသန့်ရှင်းလှပလေ၊

အမှန်တရားကို သိဖို့လွယ်လေပဲ။

+++++++++

အလှတရားဆိုတာ

ကိုယ့်စိတ်ကို ရွှင်လန်းမှုနဲ့ ငြိမ်းချမ်းမှုဆိုတဲ့

ခံစားမှု နှစ်မျိုးကို

တပြိုင်နက် ပေးနိုင်တဲ့ အတွေ့အကြုံပါ။

+++++++++

တရားဟာ စိတ်ကို

သန့်ရှင်းစေတယ်။

တည်ငြိမ်စေတယ်။

အေးချမ်းစေတယ်။

ရွှင်လန်းစေတယ်။

ကောင်းတာမှန်သမျှ လှတာချည်းတွေပဲ။

+++++++++

As a white candle in a holy place.

So is the beauty of an aged face,

( Joseph Campbell )

အသက်ကြီးရင့်တဲ့ သူရဲ့ ( တည်ငြိမ်အေးဆေးတဲ့ ) မျက်နှာအလှ

ဟာ မြင့်မြတ်တဲ့နေရာ (ဘုရားစင်ခန်း)မှာ တွန်းထားတဲ့

အဖြူရောင် ဖရောင်တိုင်ကြီးလိုပဲ။

+++++++++

အေးဆေးတည်ငြိမ်ပြီး ကျက်သရေရှိတဲ့

ကိုယ်အမူအရာ၊

နူတ်အမူအရာရှိတဲ့

သူဟာ ချစ်သူခင်သူပိုများတယ်။

+++++++++

တိတ်ဆိတ်မှုဟာ

အသိဉာဏ် လေးနက်မှုအတွက်

အရေးကြီးတယ်။

+++++++++

တိတ်ဆိတ်နေခြင်း၊

အေးချမ်းနေခြင်း၊

ငြိမ်သက်ခြင်းဟာ

လှပခြင်းရဲ့ အနှစ်သာရ တစ်ခုဖြစ်ပါတယ်။

+++++++++

စည်းကမ်းရှိတဲ့စိတ်ဟာ

အင်မတန်ခံစားလို့ကောင်းတယ်။

အရသာရှိတယ်။

နှစ်သက်စရာ ကျေနပ်စရာကောင်းတယ်။

+++++++++

အလှအပမှာ healing effect ရှိတယ်။

အလှအပဟာ

စိတ်အတွက် ဆေးတစ်မျိုးဖြစ်တယ်။

ရောဂါ ပျောက်သွားအောင် လုပ်ပေးနိုင်တဲ့

အစွမ်းသတ္တိရှိတယ်။

ကျန်းမာရေးမကောင်းရင်

သန့်ရှင်းတဲ့နေရာ၊

လှပတဲ့နေရာမှာ နေဖို့ပိုပြီး

လိုအပ်ပါတယ်။

စိတ်ကို အနားပေးသင့်တယ်။

+++++++++

တကယ်စွမ်းအားကြီးတဲ့သူဖြစ်ချင်ရင်

စိတ်ထားတည်ငြိမ်အေးချမ်းအောင်

လေ့ကျင့်ရမယ်။

ဉာဏ်ပညာရင့်ကျက်အောင် လေ့ကျင့်ရမယ်။

စစ်မှန်တဲ့မေတ္တာစိတ်ရှိအောင် လေ့ကျင့်ရမယ်။

(ဆရာတော်ဦးဇောတိက)

“ သုံးလို့ရတဲ့နေရာ…”

အဆိုသင်တန်း တက်ရောက်ရန် ဂီတ တက္ကသိုလ်သို့

လျှောက်လွှာလာတင်တဲ့ အမျိုးသမီးငယ်က

မိမိရဲ့အသံကို စစ်ဆေးတဲ့ဆရာကိုမေးတယ်။

“ ဆရာ၊

ကျမ အမှန်ကို သိချင်ပါတယ်၊

ကျမအသံဟာဘယ်မှာမှ သုံးလို့မရဘူးလားဟင် ”

ဆရာကိုလှမြင့် ပြန်ပြောလိုက်တာက...

“ ဘယ်မှာမှ သုံးလို့မရဘူးလို့ ဆရာတို့မပြောပါဘူး၊

သုံးလို့ရတဲ့နေရာ ရှိပါတယ်။

ဥပမာ- ကားတိုက်လို့၊

ဒါမှ မဟုတ်

မီးလောင်လို့

ဘေးကလူတွေရဲ့ အကူအညီကို

အော်တောင်းတဲ့အခါမှာ

အသုံးတည့်နိုင်ပါတယ် ”

“ ခြံတံခါး လုံအောင်ပိတ်ပါ…”

ရွှေဂုံတိုင် အထူးကုဆေးခန်းရဲ့ အရေးပေါ်ဌာနတွင်

တယ်လီဖုန်း မြည်လာတယ်။

“ ဟဲလို၊ အရေးပေါ်ဌာနကပါလား

ကျမရဲ့ယောက်ျားမှားပြီး

ဓာတ်ဆီပုလင်းကို အရက်အမှတ်နဲ့ သောက်ချလိုက်မိတယ်။

အခုအိမ်ကို ပတ်ပြီး သူပြေးနေတယ်။

မရပ်နိုင်ဘူးဖြစ်နေတယ်။

အမြန်ဆုံးလာပါရှင့် ”

တစ်ဖက်က

တာဝန်ကျဆရာဝန်က ပြန်ပြောလိုက်တာက…

“ မစိုးရိမ်ပါနဲ့၊

ခြံတံခါးကို လုံအောင် သေသေချာချာ ပိတ်လိုက်ပါ။

ခင်ဗျား ယောက်ျားဓာတ်ဆီ ကုန်သွားတဲ့အခါမှာ

သူ့အလိုလို ရပ်သွားပါလိမ့်မယ် ”

“ မောင့်ကို သေစေညွှန်းရော့သလားကွယ်…”

ကမာရွတ်တရားရုံးတွင်

တရားသူကြီးက

သက်သေကို စစ်ဆေးနေပါတယ်။

“ ခင်ဗျားယောက်ျားဟာ

သူ့ကိုယ်သူ ဘယ်လို သတ်သေလိုက်တာလဲ ”

မရွှေကြိုင်က

“ ဒီလိုပါ၊

ကျမယောက်ျားဟာ သူ့ကိုယ်သူ သတ်သေမယ်လို့

အမြဲတန်း ကျမကို ခြိမ်းခြောက်တယ်။

ဒါနဲ့တစ်နေ့မှာ သူ့ကို ကျီစယ်ချင်တာနဲ့

ခြောက်လုံးပြူးထဲ ကျမ ကျည်ဆံ ထည့်ထားလိုက်တယ် ”

" လောဘဆိုတာ ဘာမှမရပါ..."

တစ်ခါတုန်းက
မင်းသမီးတစ်ပါးဟာ အိမ်နီးချင်းလူကြီးတစ်ဦးရဲ့ပြောင်းခင်းကို
အလည်သွားပါတယ်။
အဲဒီလူကြီးရဲ့ပြောင်းခင်းဟာ လူတိုင်းပြောစမှတ်ပြုရလောက်အောင်
အောင်မြင်တဲ့ပြောင်းခင်းဖြစ်ပါတယ်။
မင်းသမီးက ပြောင်းမျိုးစေ့အတွက်
ပြောင်းဖူးတစ်ဖူးလောက်ရွေးပြီး ခူးယူပါရစေလို့
တောင်းပါတယ်။
ပြောင်းခင်းပိုင်ရှင်က ခွင့်ပြုပါပေမယ့်
စည်းကမ်းချက်တော့ သတ်မှတ်ပေးလိုက်ပါတယ်။

ပြောင်းတွေ စိုက်ထားတဲ့ အရှည်ဆုံးအတန်းအတိုင်းလျှောက်သွားပြီး
အကောင်းဆုံး၊ အကြိုက်ဆုံးပြောင်းဖူးတစ်ဖူးကို ခူးယူပါ
လို့ ပိုင်ရှင်က ခွင့်ပြုပါတယ်။
ဒါပေမယ့်
သွားရင်း လေ့လာပြီး ကြိုက်တဲ့ပြောင်းဖူးတစ်ဖူးကိုသာ ခူးရပါမယ်။
နောက်ကြောင်းပြန်ပြီးမှ ဖြတ်သွားခဲ့တဲ့နေရာက
ပြောင်းဖူးကိုတော့မခူးနိုင်ပါ
လို့ ပိုင်ရှင်က စည်းကမ်းချက်သတ်မှတ်ပါတယ်။

မင်းသမီးဟာ
အကောင်းဆုံးပြောင်းဖူးတစ်ဖူးကို
ပြောင်းခင်းတစ်လျှောက်
တွေ့အောင်ကြည့်ရင်း
လျှောက်ရင်းလေ့လာခဲ့ပါတယ်။
ရှည်လွန်းတဲ့ပြောင်းခင်းသာ ကုန်ဆုံးသွားပါတယ်။
မင်းသမီးရဲ့လက်ထဲတွင် အကြိုက်ဆုံးပြောင်းဖူးကို မရခဲ့ပါ။
လက်ချည်းသက်သက်သာဖြစ်နေပါတယ်။
အကောင်းဆုံးရှာရင်း ဘာမှမရခဲ့ပါ။

ပိုကောင်းတာကို လိုချင်တဲ့လောဘကို
မတားဆီးနိုင်တဲ့အတွက်
ဘာမှမရခဲ့ခြင်းဖြစ်ပါတယ်။

“ အမွေရထားတယ်ဆိုရင် ပြီးရော…”

မနန်းဖောင်းက

“ ကျမရဲ့အမေဆီက

တိုက်အိမ်တစ်လုံးကို အမွေ

ရထားတယ်ဆိုတာ သိလို့

ရှင် ကျမကို လက်ထပ်ဖို့

စဉ်းစားတာ မဟုတ်လား ”

ကိုသိန်းရွှေပြန်ပြောလိုက်တာက...

“ အဓိပ္ပာယ်မရှိတာ မပြောစမ်းပါနဲ့၊

မင်း ဘယ်သူ့ဆီကပဲ အမွေရရ

ကိုယ်က လက်ထပ်ဖို့ ဆုံးဖြတ်ထားပြီးသား ”

" ငါ လက်မခံပါ..."

တစ်ခါတုန်းက ပုဏ္ဏားတစ်ယောက်သည်

မြတ်စွာဘုရားအား

မကြားဝံ့မနာသာအောင်လာရောက်ဆဲရေးနေ၏။

တစ်နေကုန် ဆဲရေးတိုင်ထွာနေလေတော့သည်။

အကြောင်းမှာ သူ့ညီအကိုများကို ဘုရားက တန်ခိုးနဲ့

သိမ်းသွင်းသွားတယ်လို့ ယူဆသောကြောင့်

ဖြစ်တယ်။

မြတ်စွာဘုရားဟာ သူဆဲဆိုသမျှ ဘာတစ်ခွန်းမှ

မတုန့်ပြန်ဘဲ

ငြိမ်သက်စွာ နေတော်မူတဲ့အခါ

ပုဏ္ဏားကဆဲဆိုပြီးမောသွားပါတယ်။

မတုန့်ပြန်တဲ့အတွက် အလွန်အမင်းလည်း

အံ့သြသွားပါတယ်။

“ ဘာကြောင့် မတုန့်ပြန်သလဲ ”

လို့ မေးပါတယ်။

မြတ်စွာဘုရားက

“ ပုဏ္ဏား သင့်အိမ်သို့ ဧည့်သည်များလာသောအခါ

လာတဲ့ဧည့်သည်က လက်ဆောင်

ယူလာပြီး သင့်ကို ပေးတယ်ဆိုပါစို့။

အသင်ပုဏ္ဏားက အဲဒီလက်ဆောင်ပစ္စည်းကို

လက်မခံဘူးဆိုရင်

အဲဒီလက်ဆောင်ပစ္စည်းက

ဘယ်သူ့ပစ္စည်းဖြစ်သွားပါသလဲ ”

“ ဧည့်သည်ရဲ့ပစ္စည်းသာဖြစ်ပါတယ် ”

အဲဒီဥပမာအတိုင်းပင်၊

သင်သည် ငါ့အား ဒေါသနဲ့ ဆဲရေး၏။

ငါသည် သင်၏ဆဲရေးခြင်းကို လက်မခံ။

အဲဒါကြောင့် သင်ဆဲရေးသမျှ

အကုသိုလ်ကံများဟာ သင့်ပစ္စည်းသာဖြစ်ပါတယ် ”

ဒေါသနဲ့ဆဲရေတိုင်းထွာတာကို

ပြန်လှန်တုန့်ပြန်ခြင်းဟာ

ဒေါသကို ဒေါသနဲ့တုန့်ပြန်ခြင်းသာဖြစ်တယ်။

ဒေါသကို လက်ခံလိုက်ခြင်းဖြစ်တယ်။

ဘယ်တော့မှ အဆုံးမသတ်နိုင်တော့ပါ။

အဓိကကတော့ အကုသိုလ်များကို

လက်မခံဖို့သာဖြစ်ပါတယ်။

လက်မခံသရွေ့ ကိုယ်ပစ္စည်းမဖြစ်ပါ။