ကိုဘသောင်းနဲ့မအေးမှုံတို့ဟာ
ကျနော့်ရဲ့အိမ်နီးချင်းများဖြစ်ကြတယ်။
ကိုဘသောင်းက ကုန်တင်ကုန်ချမှာ
အလုပ်ကြမ်းသမားဖြစ်တယ်။
ညနေ အလုပ်မှပြန်လာရင်
အလုပ်ပင်ပန်းတယ်ဆိုပြီး အရက်သောက်လာလေ့ရှိတယ်။
သူရှာတာနဲ့သူသုံးတာ
လုံးလည်လိုက်နေတယ်။
အိမ်စရိတ်အတွက် မိန်းမဖြစ်သူ မအေးမှုံက
ပဲပြုတ်ရောင်းရတယ်။
နံနက်စောစော ချမ်းချမ်းစီးစီးမှာ
ရောင်းရတာမို့
အနွေးထည် ဝတ်ပြီး
ဈေးရောင်းသွားတယ်။
အဲဒီအနွေးထည်တစ်ထည်ကိုပဲ
အမြဲတမ်းဝတ်ဆင်နေတာကြောင့်
မဒါဝတ်လို့ ခင်မင်သူတွေက ခေါ်ကြတယ်။
တစ်နေ့တော့ ကိုဘသောင်းကို
အနွေးထည်အသစ်ဝယ်ဖို့
ဘာလိုပြောရမှန်းမသိ။
သိသလို ပြောချလိုက်တယ်။
“ ကိုဘသောင်း
ဒီဆွယ်တာအဟောင်း
ဝတ်ပြီး
လမ်းထွက်ရတာ
ကျမ ရှက်လှပြီတော့
”
“ အေးပါကွာ၊
မနက်ဖန်ကျရင်
ငါ အသစ်ဝယ်ပေးပါ့မယ်
”
မအေးမှုံက
ဝမ်းသာအားရ ပြန်မေးလိုက်ပါတယ်။
“ ဆွယ်တာလား ”
ကိုဘသောင်း ပြန်ပြောလိုက်တာက…
“ ဟင့်အင်း၊
ကြယ်သီး ”
No comments:
Post a Comment